غیر منظم شعبے کے مزدوروں کو بڑھاپے کا تحفظ فراہم کرنے کے لیے بھارت سرکار نے 2019 میں پردھان منتری شرم یوگی مان دھن یوجنا (پی ایم-ایس وائی ایم) کے نام سے ایک پنشن اسکیم شروع کی تھی جس کا مقصد غیر منظم کارکنوں کو 60سال کی عمر کو پہنچنے کے بعد 3000روپے کی ماہانہ پنشن فراہم کرنا تھا۔ بے زمین زرعی مزدوروں سمیت مزدور اس اسکیم کے لیے یا تو maandhan.in پورٹل کے ذریعہ خود رجسٹریشن کے ذریعہ یا کسی بھی کامن سروس سینٹر (سی ایس سی) پر جا کر مفت اندراج کرسکتے ہیں۔ 5 لاکھ سے زیادہ کام سروس سینٹر موجود ہیں۔ یہ ایک رضاکارانہ اور معاون پنشن اسکیم ہے۔ 18-40 سال کی عمر کے وہ مزدور جن کی ماہانہ آمدنی 15000 روپے یا اس سے کم ہے اور وہ ای پی ایف او / ای ایس آئی سی / این پی ایس (حکومت کی مالی اعانت) کے ممبر نہیں ہیں وہ اس اسکیم میں شامل ہوسکتے ہیں۔ اس اسکیم کے تحت، ماہانہ حصہ کا 50 فیصد حصہ 55/- روپے سے 200/- روپے کے درمیان ہوتا ہے، جو داخلے کی عمر پر منحصر ہوتا ہے اور مرکزی حکومت کے ذریعہ مساوی شراکت کی ادائیگی کی جاتی ہے۔ لائف انشورنس کارپوریشن آف انڈیا اس اسکیم کا فنڈ منیجر ہے۔

پیریڈک لیبر فورس سروے 2020-21 کی رپورٹ کے مطابق کل 46.5 فیصد افراد زرعی سرگرمیوں میں مصروف ہیں۔

 

 

 

 

 

چونکہ مرکزی حکومت اور ریاستی حکومتیں کم از کم اجرت ایکٹ 1948 کے تحت اپنے متعلقہ دائرہ اختیار میں زراعت سمیت درج فہرست ملازمتوں میں کام کرنے والے ملازمین کی کم از کم اجرت کا تعین ، جائزہ اور نظر ثانی کرنے کے لیے مناسب حکومت ہیں ، لہذا کم از کم اجرت کی شرحیں ایک حکومت سے دوسری حکومت میں مختلف ہوتی ہیں۔

مرکزی وزیر مملکت برائے محنت و روزگار جناب رامیشور تیلی نے آج لوک سبھا میں ایک تحریری جواب میں یہ جانکاری فراہم کی۔

***

(ش ح – ع ا – ع ر)

U. No. 7790

(Release ID: 1944452) Visitor Counter : 112