ਆਮ ਆਦਮੀ ਬੀਮਾ ਯੋਜਨਾ ਨੂੰ 01-06-2017 ਤੋਂ ਪ੍ਰਧਾਨ ਮੰਤਰੀ ਜੀਵਨ ਜਯੋਤੀ ਬੀਮਾ ਯੋਜਨਾ (ਪੀਐੱਮਜੇਜੇਬੀਵਾਈ) ਅਤੇ ਪ੍ਰਧਾਨ ਮੰਤਰੀ ਸੁਰੱਖਿਆ ਬੀਮਾ ਯੋਜਨਾ (ਪੀਐੱਮਐੱਸਬੀਵਾਈ) ਨਾਲ ਮਿਲਾ ਦਿੱਤਾ ਗਿਆ ਸੀ। ਹਾਲਾਂਕਿ, 2022-23 ਲਈ ਬੀਮਾ ਯੋਜਨਾ ਲਈ ਬੀਈ ਵਿੱਚ 10 ਲੱਖ ਰੁਪਏ ਦਾ ਟੋਕਨ ਅਲਾਟ ਕੀਤਾ ਗਿਆ ਸੀ ਅਤੇ ਪਿਛਲੇ ਬਜਟ ਵਿੱਚ ਫੰਡ ਦੀ ਕੋਈ ਵੰਡ ਨਹੀਂ ਕੀਤੀ ਗਈ ਹੈ।

23.09.2018 ਨੂੰ ਆਯੁਸ਼ਮਾਨ ਭਾਰਤ-ਪ੍ਰਧਾਨ ਮੰਤਰੀ ਜਨ ਅਰੋਗਿਆ ਯੋਜਨਾ (ਏਬੀ-ਪੀਐੱਮਜੇਏਵਾਈ) ਦੀ ਸ਼ੁਰੂਆਤ ਦੇ ਨਾਲ, ਰਾਸ਼ਟਰੀ ਸਵਾਸਥ ਬੀਮਾ ਯੋਜਨਾ (ਆਰਐੱਸਬੀਵਾਈ) ਅਧੀਨ 22 ਲੱਖ ਲਾਭਪਾਤਰੀ ਪਰਿਵਾਰ, ਜੋ ਗਰੀਬੀ ਰੇਖਾ ਤੋਂ ਹੇਠਾਂ (ਬੀਪੀਐੱਲ) ਅਤੇ 11 ਹੋਰ ਵਰਗ, ਜੋ ਕਿ ਆਰਐੱਸਬੀਵਾਈ ਅਧੀਨ ਦਰਜ ਸਨ, ਹੁਣ ਏਬੀ-ਪੀਐੱਮਜੇਏਵਾਈ ਦੇ ਅਧੀਨ ਆਉਂਦੇ ਹਨ। ਵਿੱਤੀ ਵਰ੍ਹੇ 2023-24 (30.06.2023) ਤੱਕ ਬੰਧੂਆ ਮਜ਼ਦੂਰਾਂ ਦੇ ਮੁੜ ਵਸੇਬੇ ਲਈ ਕੇਂਦਰੀ ਸੈਕਟਰ ਸਕੀਮ ਦੇ ਸਬੰਧ ਵਿੱਚ ਵਰਤੇ ਗਏ ਬਜਟ ਅਨੁਮਾਨ ਅਤੇ ਫੰਡ ਲੜੀਵਾਰ 10 ਕਰੋੜ ਅਤੇ 10.60 ਲੱਖ ਰੁਪਏ ਹਨ। ਪਲਾਂਟੇਸ਼ਨ ਵਰਕਰਾਂ (ਸਿਰਫ ਅਸਾਮ ਲਈ) ਦੇ ਸਬੰਧ ਵਿੱਚ ਵਰਤੇ ਗਏ ਬਜਟ ਅਨੁਮਾਨ ਅਤੇ ਫੰਡ ਲੜੀਵਾਰ 60 ਕਰੋੜ ਅਤੇ 15 ਕਰੋੜ ਰੁਪਏ ਹਨ।

ਅਸੰਗਠਿਤ ਕਾਮਿਆਂ ਲਈ ਪੈਨਸ਼ਨ ਸਕੀਮ ਅਰਥਾਤ ਪੀਐੱਮ-ਐੱਸਵਾਈਐੱਮ ਯੋਜਨਾ ਦੇ ਨਾਮਾਂਕਣ ਲਈ ਸਰਕਾਰ ਦੁਆਰਾ ਕੀਤੀ ਗਈ ਕਾਰਵਾਈ ਦਾ ਵੇਰਵਾ ਹੇਠ ਲਿਖੇ ਅਨੁਸਾਰ ਹੈ:

1. ਸਕੱਤਰ ਅਤੇ ਸੰਯੁਕਤ ਸਕੱਤਰ ਅਤੇ ਡੀਜੀਐੱਲਡਬਲਿਊ ਪੱਧਰ 'ਤੇ ਰਾਜਾਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਨਾਲ ਸਮੇਂ-ਸਮੇਂ 'ਤੇ ਸਮੀਖਿਆ ਮੀਟਿੰਗ ਕਰਨੀ 

2. ਪੀਐੱਮ-ਐੱਸਵਾਈਐੱਮ ਸਕੀਮ ਲਈ ਨਾਮਾਂਕਣ ਮੁਹਿੰਮ ਨੂੰ ਉਤਸ਼ਾਹਿਤ ਕਰਨ ਲਈ ਸਟੇਟ ਕਾਮਨ ਸਰਵਿਸਿਜ਼ ਸੈਂਟਰ ਦੇ ਮੁਖੀਆਂ ਨਾਲ ਨਿਯਮਤ ਮੀਟਿੰਗ ਕਰਨੀ 

3. ਨਵੀਆਂ ਵਿਸ਼ੇਸ਼ਤਾਵਾਂ ਦੀ ਸ਼ੁਰੂਆਤ: ਸਵੈ-ਇੱਛਤ ਨਿਕਾਸ, ਅਣਇੱਛਤ ਨਿਕਾਸ, ਰੀਵਾਈਵਲ ਮੋਡਿਊਲ, ਦਾਅਵੇ ਦੀ ਸਥਿਤੀ ਅਤੇ ਖਾਤਾ ਸਟੇਟਮੈਂਟ

4. ਨਿਸ਼ਕਿਰਿਆ ਖਾਤਿਆਂ ਨੂੰ 1 ਸਾਲ ਤੋਂ 3 ਸਾਲ ਤੱਕ ਵਧਾਉਣਾ

5. ਪੀਐੱਮ-ਐੱਸਵਾਈਐੱਮ ਅਤੇ ਈ-ਸ਼੍ਰਮ ਦਾ ਦੋ-ਪੱਖੀ ਏਕੀਕਰਨ

6. ਜਾਗਰੂਕਤਾ ਪੈਦਾ ਕਰਨ ਲਈ ਐੱਸਐੱਮਐੱਸ ਮੁਹਿੰਮ: ਈ-ਸ਼੍ਰਮ ਦੇ ਲਾਭਪਾਤਰੀਆਂ ਵਿੱਚ ਜਾਗਰੂਕਤਾ ਪੈਦਾ ਕਰਨ ਲਈ 18-40 ਸਾਲ ਦੀ ਉਮਰ ਦੇ ਈ-ਸ਼੍ਰਮ ਅਧੀਨ ਰਜਿਸਟਰਡ ਯੋਗ ਗਾਹਕਾਂ ਨੂੰ 7 ਕਰੋੜ ਐੱਸਐੱਮਐੱਸ ਭੇਜੇ ਗਏ

7. ਵਿਆਪਕ ਸੋਸ਼ਲ ਮੀਡੀਆ ਮੁਹਿੰਮ ਦੀ ਸ਼ੁਰੂਆਤ

8. 7 ਮਾਰਚ ਤੋਂ 13 ਮਾਰਚ 2022 ਤੱਕ ਪੈਨਸ਼ਨ ਹਫ਼ਤਾ ਮਨਾਉਣਾ

9. ਪੀਐੱਮ-ਐੱਸਵਾਈਐੱਮ ਸਕੀਮ ਅਧੀਨ ਨਾਮਾਂਕਣ ਬਾਰੇ ਰਾਜਾਂ ਦੇ ਮੁੱਖ ਸਕੱਤਰਾਂ ਨੂੰ ਪੱਤਰ

10. ਮਾਲਕ ਨੂੰ ਪੀਐੱਮ-ਐੱਸਵਾਈਐੱਮ ਪੈਨਸ਼ਨ ਸਕੀਮ ਦੇ ਤਹਿਤ ਆਪਣੇ ਸਟਾਫ ਦੇ ਪ੍ਰੀਮੀਅਮ ਦਾ ਭੁਗਤਾਨ ਕਰਨ ਅਤੇ ਨਾਮਾਂਕਣ ਵਧਾਉਣ ਲਈ ਉਤਸ਼ਾਹਿਤ ਕਰਨ ਲਈ ਮਾਣਯੋਗ ਐੱਲਈਐੱਮ ਦੁਆਰਾ ਡੋਨੇਟ-ਏ-ਪੈਨਸ਼ਨ ਮੋਡਿਊਲ ਦੀ ਸ਼ੁਰੂਆਤ।

11. ਪੈਨਸ਼ਨ ਸਕੀਮ ਦੀ ਪਹੁੰਚ ਨੂੰ ਵਧਾਉਣ ਲਈ ਡੀਐੱਫਐੱਸ, ਪੀਐੱਫਆਰਡੀਏ, ਐੱਨਆਈਪੀਐੱਫਪੀ ਨਾਲ ਮੀਟਿੰਗ

ਇਹ ਜਾਣਕਾਰੀ ਕੇਂਦਰੀ ਕਿਰਤ ਅਤੇ ਰੋਜ਼ਗਾਰ ਰਾਜ ਮੰਤਰੀ ਸ਼੍ਰੀ ਰਾਮੇਸ਼ਵਰ ਤੇਲੀ ਨੇ ਲੋਕ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ।

*********

ਐੱਮਜੇਪੀਐੱਸ/ਐੱਨਐੱਸਕੇ