কেন্দ্রগী য়ুমলৈ-কৈরৈ অমসুং কোওপরেশন মন্ত্রী, শ্রী অমিত শাহনা ঙসি রামেশ্বরমদা ‘দা. এ.পি.জে. কলাম: মেমোরীজ নেভর দাই’ হায়বা লাইরিক অসি মাইখুম হাংদোকখ্রে। কেন্দ্রগী য়ুমলৈ-কৈরৈ মন্ত্রীনা দা. এ.পি.জে. অবদুল কলাম হাউস, মিসন ওফ লাইফ গেলরী ম্যুজিয়ম অমসুং দা. এ.পি.জে. অবদুল কলাম নেস্নেল মেমোরিয়েলদা চৎখি। মহাক্না ৱিবেকানন্দা মেমোরিয়েলদশু চৎখি।  শ্রী অমিত শাহনা মালেমগী ওইনা মমিং লৈরবা রামেশ্বরম তেম্পলদশু থৌনিজখি। মহাক্কী ত্বীত্তা, মহাক্না হায়খি মদুদি রামেশ্বরম তেম্পল অসি অরিবা অমসুং ফজরবা সনাতন কলচরগী খুদম্নি। ভগবান শ্রী রাম্না শ্রী রামেশ্বরমদা ভগবান শিব নিংখি, মসি জ্যোতিরলিঙ্গ ১২গী মনুংদা অমনি। ‘আদি থিরুৱিঝা’গী য়াম্না শেংলবা নুমিত্তা মফম অসিদা দরশ্ন ফংজবা অসি য়াম্না লাইবক ফবনি অমসুং য়াম্না নুংঙাইবা অমনি। ঐহাক্না ইরৈচাশিংগী অমসুং লৈবাক অসিগী য়াইফনবগীদমক্তা ভোলেনাথতা থৌনিজখি। কেন্দ্রগী রাজ্য মন্ত্রী, দা. এল. মুরুগন য়াওনা দিগ্নিতরীশিংনা ‘ দা. এ.পি.জে. অবদুল কলাম: মেমোরীজ নেভর দাই’ হায়রিবা লাইরিক অসিগী মাইখুম হাংদোকপগী থৌরমদা শরুক য়াখি।

মহাক্না ৱা ঙাংবা মতমদা, শ্রী অমিত শাহনা হায়খি মদুদি ‘দা. এ.পি.জে. অবদুল কলাম: মেমোরীজ নেভর দাই’ হায়রিবা লাইরিক অসি ফোংখিবা অসিনা লৈবাক অসিদা শিন-থুংনা লৈরিবা রীদরশিংনা দা. কলামবু খঙবদা অমসুং মতুং ইন্নবগী খুদোংচাবা অমা শোইদনা ফংলগনি। মহাক্না হায়খি মদুদি মসিগী লাইরিক অসিনা লাইরিক অসিনা ভারতকী রোকেত্রী, সাইন্স, তেক্নোলোজী অমসুং ইনোভেশনগী পুৱারী, ভারতকী পোলিতিক্স অমসুং এদমিনিস্ত্রেতিব সীস্তেম্বু নিংথিজনা মশক তাকপা অমসুং দা. কলামগী অনিংবা-অপাম্বা অমসুং মহাক্কী মঙলানশিং অদুগা মরি লৈনবা থৌদোক কয়া অমগী মতাংদা তাকপা কয়া অমগী মতাংদা পল্লি। মসিগী লাইরিক অসিদা দা. এ.পি.জে. অবদুল কলামগা মরি লৈনবা থৌদোকশিংগী মতাংদা মপুং-ফানা অমসুং শেংনা তাক্লি।

কেন্দ্রগী য়ুমলৈ-কৈরৈ অমসুং কোওপরেশন মন্ত্রীনা হায়খি মদুদি মসিগী লাইরিক অসিনা ভারতকী পোলিতিক্সকী খ্বাইদগী অৱাংবা থাক অদু য়ৌনবা রামেশ্বরমদা লাইরবা ইমুংদা পোকপা ইচম-চমজবা নুপামচা অমনা মায়োক্নবা অৱাবশিং অদুবু মুন্না খঙনবা হোৎনবদা য়াম্না মতেং ওইগনি। মহাক্না মখা তাখি মদুদি মসিগী লাইরিক অসিনা রীদর্শিংদা দা. কলামনা লিতরেচর অমসুং আর্তপু নুংশিজবা, থিরুকাল অমসুং ভার্তিয়ারগী শৈরেংশিংগী মতাংদা মহাক্কী পাউতাকশিং অমসুং মহাক্কী পুন্সিগী মতাংদা ঐখোয়না খঙদবা ৱাফম কয়া অমা য়াওরি। শ্রী শাহনা হায়খি মদুদি দা. এ.পি.জে. অবদুল কলাম অসি য়াম্না অফবা তীম প্লেয়র অমনি। মহাক্না মহাক্কী পুন্সিদা মেনেজমেন্তকী প্রিন্সিপলশিং অদু ইমপ্লিমেন্ত তৌখি।

শ্রী অমিত শাহনা হায়খি মদুদি লাইরিক অসিনা ব্রহ্মোস প্রাইভেত লিমিতেদকী ফাউন্দর অমসুং সি.ই.ও., দা. সিবথানু পিল্লাইগী এক্সপরিয়েন্স অদুবু শন্দোক্না তাকই। মসিগী মতুং ইন্না, এস.এল.ভি.৩.-ই.০১ মাইপাকখিদবা মতমদা, তীম অদুনা নিংবা কাইরম্মি, অদুবু তীম লীদর অমা ওইবনা, দা. কলামনা মীপুম খুদিংমক্না  থাগৎখি অমসুং এস.এল.ভি.৩-ই.০২গীদমক্তা শেম-শানবা মখোয়বু পুক্নিং থৌগৎখি। এল.এল.ভি.৩.-ই.০২ মাইপাক্না লোঞ্চ তৌখিবা অদুনা ভারতপু মথংগী থাক্তা পুখৎখি। শ্রী শাহনা হায়খি মদুদি অসিগা চপ মান্ননা অগ্নি মিসাইলগী অহানবা লোঞ্চ তৌবা মতম অদুসু প্রোব্লেমশিং খরনা মরম ওইরগা অনিরক-অহুমলক পোসপোন তৌখি, অদুম ওইনমক তীম অদুনা নিংবা কাইরম্মি। অদুবু দা. এ.পি.জে. অবদুল কলামনা মখোয়বু পুক্নিং থৌগৎলম্মি অমসুং মিসাইল লোঞ্চ তৌফম অদুদা থা অমগা মখাই লৈরম্মি অমসুং নুমিৎখুদিংগী নুংথিল অমসুং নুমিদাং খাইদনা থবক তৌখি। মাইপাক্না লোঞ্চ তৌরবা মতুংদা, অগ্নি মিসাইলনা মালেম পুম্বদা ভারতকী মিইসাইল পৱরগী খুদম অমা ওইখি। মহাক্না হায়খি মদুদি দা. এ.পি.জে. অবদুল কলামগী লুচিং মখাদা, লৈবাক অসিদা মিসাইল মঙাগী মতাংদা য়াম্না চাউবা থবক তৌখি। মিসাইল মঙা অদুগী মমিং পৃথিবি, অগ্নি, আকাশ, নাগ অমসুং ত্রিসুল অদুনা দা. এ.পি.জে. অবদুল কলামনা মহৌশাগা অমসুং স্পিরিচুৱেলিতীগা কয়া য়াম্না নক্নবা মরি লৈবগে হায়বদু উৎলি। মহাক্না হায়খি মদুদি সাইন্তিস্ত অমনা মহাক্কী থৱায়না শাইন্সকা লোইন-লোইননা স্পিরিচুৱেলিতী কনেক্ত তৌবা মতমদতা মালেম অসিগী য়াইফনবগীদমক্তা থবক তৌবা ঙমগনি।

অফাওবা মরৈবাক নিংবা মী, সাইন্তিস্ত অমসুং মীয়ামগী প্রেসিদেন্ত, দা. এ.পি.জে. অবদুল কলামদা ইকাইখুম্নবা উৎলদুনা, কেন্দ্রগী য়ুমলৈ-কৈরৈ অমসুং কোওপরেশন মন্ত্রীনা হায়খি মদুদি চহি ১৯৯৫তা, অবদুল কলামনা লৈবাক অসিগী মমিং লৈরবা সাইন্তিস্ত অমা ওইরকখি অমসুং ১৯৯৭দা মহাক অসি ভারত রতনাগী মনা পীখি। দা. এ.পি.জে. অবদুল কলামগী চমজবা অদুবু খুদম ওইনা পল্লদুনা, মহাক্না হায়খি মদুদি মহাক্না ভারত রতনা লৌনবা রাস্ত্রপতি ভৱনদা য়ৌবা মতমদা, মহাক্না য়াম্না পাখৎখি মরমদি মহাক্না সুত অমসুং তাইদা য়াম্না হৈনরমদে।

শ্রী আমিত শাহনা হায়খি মদুদি চহি অমখক্তদা রোকেত অমসুং স্পেসকী লমদা ভারত্তা মাইপাকপা কয়া অমা পুরকখিবা য়াম্না ফাওরবা সাইন্তিস্ত, দা. এ.পি.জে. অবদুল কলামনা ১৯৯৮দা লৈবাক অসিগী তুংলমচৎকীদমক্তা মহাক্কী ভিজন অদু মীয়ামদা খুদোল তমখি। মহাক্না হায়খি মদুদি ইন্দিয়া ২০২০: এ ভিজন ফোর দ ন্যু মিলেনিয়ম হায়রিবা লাইরিক অসিদা, দা. এ.পি.জে. অবদুল কলামনা ভারতকী তুংলমচৎ অমসুং চাউখৎ-থৌরাংগীদমক্তা রোদ মেপ অমা উৎখি। শ্রী শাহনা হায়খি মদুদি মহাক্কী লাইরিক অসিদা, দা. কলামনা লৈবাক অসিগী নহাশিংগী মফমদা মরু ওইবা ৱাফম অহুম থমখি, অহানবা – ভারতনা লৈবাক অমা ওইনা মহাক্কী মতিক অদু মশক খঙলদুনআ অমসুং মসিবু মাংলোমদা পুখত্তুনা চাউখৎকদবনি। অনিশুবদা, ঐখোয়না তেক্নোলোজীদা য়ুমফম ওইবা ইকোনোমী অমা দেবেলপ তৌগদবনি। অহুমশুবদা, বেলেন্স গ্রোথ মোদেল এদোপ্ত তৌদুনা অমসুং খুঙ্গং অমসুং সহর, লৌউ-শিংউ অমসুং ইন্দস্ত্রী অনিগী মরক্তা বেলেন্স অমা পুরকপনা চাউখৎ-থৌরাংবু মাংলোমদা পুখৎলক্কনি। মআক্না হায়খি মদুদি ঙসি, প্রধান মন্ত্রী, শ্রী নরেন্দ্র মোদীগী লুচিং মখাদা ভারতনা মসিগী ৱাফম অহুম অসি মঙফাওনহন্দুনা চাউখৎপা লৈবাক অমা ওইবগী মাইকৈদা চংশিনখ্রে।

কেন্দ্রগী য়ুমলৈ-কৈরৈ  অমসুং কোওপরেশন মন্ত্রীনা আয়খি মদুদি দা. এ.পি.জে. অবদুল কলামনা স্পেস তেক্নোলোজীগী লমদা উরেপ-উয়ুং তম্বীরমখি অমসুং ঙসিদি, প্রধান মন্ত্রী, শ্রী নরেন্দ্র মোদীগী লুচিং মখাদা, মাইলস্তোনশিং খুদম ওইনা স্পেসক্রাফ মিসন ৫৫, লোঞ্চ ভেহিকল মিসন ৫০, স্তুদেন্ত সেতলাইত ১১, এতমোস্ফিয়র রি-এন্ত্রী মিসন ১ অমসুং সেতলাইত ১০৪ পুন্না লোঞ্চ তৌবা হায়রিবশিং অসি ফংবা ঙমখি। মহাক্না হায়খি মদুদি দা. অবদুল কলামগী মঙলানশিং অদুবু মঙফাওননবগীদমক্তা, শ্রী মোদীনা স্পেস সেক্তরগী লমদা স্তার্তঅপশিং অমসুং নহাশিংগীদমক্তা অনৌবা থোংশিং হাংদোকখ্রে, ভারতনা স্পেস সেক্তরদা মালেম পুম্ববু লুচিংবা মতম অদু কুইররোই। শ্রী শাহনা মহাক্কী থাজবা ফোংদোকখি মদুদি, প্রধান মন্ত্রী, শ্রী নরেন্দ্র মোদীনা লৌখৎখিবা অণৌবা থৌরাংশিং অদুনা মরম ওইরগা স্পেস সাইন্সকীমদক্তা দা. এ.পি.জে. অবদুল কলামগী মঙলান অদু শোইদনা মঙফাওনরগনি অমসুং ভারতনা স্পেসকী লমদা মালেম পুম্ববু লুচিংলগনি।

শ্রী অমিত শাহনা হায়খি মদুদি দা. এ.পি.জে.অবদুল কলামনা প্রেসিদেন্ত অমা ওইনা, ভারতকী চমজরবা প্রজাশিংবু দেমোক্রেসীগী সেন্তরদা পুরকখি অমসুং ঙসিদি, লৈবাক অসিগী প্রধান মন্ত্রী, শ্রী নরেন্দ্র মোদীনা লাইরবশিং অমসুং ময়ামদগী শোত্থরবা মীশিংবু দেমোক্রেসীগী সেন্তরদা পুরকপদা মাইপাকখ্রে। মসিনা উৎলি মদুদি মশাগী হৌরকফম কাওদবা লাইরবা মীশক অমনা দেমোক্রেসীগী খ্বাইদগী অৱাংবা থাক অদু য়ৌবা মতমদা, দেমোক্রেসী অদু লাইরবশিংগীদমক্তা কত্থোকই অমসুং মখোয়গী চাউখৎ-থৌরাং অমসুং য়াইফনবগীদমক্তা থবক তৌই।

কেন্দ্রগী য়ুমলৈ-কৈরৈ অমসুং কোওপরেশন মন্ত্রীনা হায়খি মদুদি ঙসি ফাওবা, দা. এ.পি.জে. অবদুল কলামগী মিং হেক পনবা মতমদা, লৈবাক শিনবা থুংনা লৈরিবা অঙাংশিং অমসুং মহৈরোইশিংগী মাইথোংদা মোমোন-মীনোক উবা ফংই। মহাক্না হায়কি মদুদি মসিগী মোমোন-মীনোক অসি দা. এ.পি.জে. অবদুল কলামনা উৎখিবা লৈবাক অসিগী মশেক-মঙাল লৈরবা তুংলমচৎকীদমক্তা মঙলানশিং, আশাশিং, মখোয়না থৱায় য়াওজবা অমসুং মখোয়গী পুক্নিংগী ইথিল অদুগী মোমোন-মীনোকশিংনি অমসুং লৈবাক অসিগী তুংলমচৎ অদু মসিগী মোমোন-মীনোক অসিদা মমি তাই। শ্রী শাহনা হায়খি মদুদি লৈবাক অসিদা লৈরিবা নহাশিং অমসুং মহৈরোইশিংনা দা. এ.পি.জে. অবদুল কলামগী ‘মঙলান অসি তুম্বা মতমদা উবশিং অদু নত্তে, মঙলানশিং হায়বসি ঐখোয়বু তুমহন্দবা অদুবুনি’ হায়রিবা ৱাহৈশিং অসি কৈদৌনুংদা কাওরোইদবনি। মিসাইল মেন দা. এ.পি.জে. অবদুল কলামনা মহাক্কী পুন্সি চুপ্পা তাকপী-তম্বীবদা লেনখি অমসুং মহাক্কী হেক অরোইবা মিৎকুপ অদু ফাওবা মেঘালয়াগী মহৈরোইশিংদা তাকপী-তম্বীখি। মসিনা মহাক্কী অচেৎপা ফিরেপ অদুগী খুদম্নি।

শ্রী অমিত শাহনা হায়খি মদুদি, দা. এ.পি.জে. অবদুল কলামগী ঙামীশিংগী কমিতীদগীনা ইন্তর্নেস্নেল স্পেস ক্লব ফাওবগী খোংচৎ অসি য়াম্না পুক্নিং থৌগৎনিংঙাইনি। স্কুলদগী হল্লক্লবা মতুংদা, দা. কলামনা মহাক্কী ইমুং-মনুংশিংগী লাইরিক-লাইশুগীদমক্তা বস স্তেন্দশিংদা পাউ-চেশিং য়োল্লম্মি। মহাক্না হায়খি মদুদি পাউ-চে য়োল্লম্বা লাইরবা অঙাং অমনা পাউ-চেশিংগী হেদলাইনশিং ওইরকপগী লাইবক ফবা অদুনা দা. এ.পি.জে. অবদুল কলামনা থেংনরকখিবা অৱাবশিং অদুগী মাইপাকপনি।  শ্রী শাহনা হায়খি মদুদি খা ভারতকী খ্বাইদগী অথাপ্পা মফম অমসুং য়াম্না লাইরবা  ইমুং অমদগী লৈবাক অসিগী ফর্স্ত সিতিজন ওইবগী খুদোংচাবা অদু ফংখি। দা. এ.পি.জে. অবদুল কলামনা মহাক্কী পুন্সিদা নেস্নেল অমসুং ইন্তর্নেস্নেলগী থাক্তা ইআকিখুম্নবীদুনা মনা কয়া অমসু ফংখি। দা. এ.পি.জে. অবদুল কলামবু মতম চুপ্পদা দি.আর.দি.ও. অমসুং আই.এস.আর.ও., হায়রিবা ইনস্তিত্যশনশিং অসিদা অনৌবা মাইওন অমা পীবীবগীদমক্তা মখোয়গী পুৱারিদা সনাগী ময়েক্না হক্তুনা লৈহৌরগনি।

কেন্দ্রগী য়ুমলৈ-কৈরৈ অমসুং কোওপরেশন মন্ত্রীনা হায়খি মদুদি দা. এ.পি.জে. অবদুল কলামনা মহাক্কী গ্রেজুৱেশনগী ফাইনেল য়িয়রদা নেম্না পাইবা ফাইতর প্লেন অমা শানবা প্রোজেক্ত অমগী মতাংদা থবক তৌখি। প্রোজেক্ত অসি শেম্বা মতমদা, ফাইতর পাইলোত অমা ওইবগী ৱাখল্‌লোন অসি মহাক্কী ৱাখলদা ফাওরক্কী অমসুং মহাক্না পাইলোত অমা ওইনবা হোৎনখি অদুবু মাইপাকখিদে। তৌইগুম্বশুং, মহাক্না মহাক্কী মঙলান অসি কৈদৌনুংদা থাদোকখিদে অমসুং ২০০২দা প্রেসিদেন্ত ওইরবা মতুংদা, মহাক্না ২০০৬তা ফাইতর জেত সুখোই অদুবু পাইদুনা মহাক্কী মঙলান অদু মঙফাওনখি। শ্রী শাহনা হায়খি মদুদি দা. এ.পি.জে. অবদুল কলামনা ভারতপু গাইদেদ মিসাইলগী লমদা মীপাল তাংদনা মরোমদোম লেপচবা ঙমহনখি অমসুং অগ্নি অমসুং পৃথিবি মিসাইলশিংগী মাইপাক্না লোঞ্চ তৌখি। ১৯৯৮তা, মহাক্কী লুচিং মখাদা পোখ্রানদা ন্যুক্লিয়র তেস্ত মাইপাক্না পাংথোকখি।

শ্রী অমিত শাহনা হায়খি মদুদি দা. কলামনা থৌজাল হৈবা হায়বা অসিনা খ্বাইদগী চাউবা ধর্মনি হায়বগী খুদম উৎখি। প্রেসিদেন্ত অমা ওইনা, দা. কলামনা দা. কলামনা চহি কয়া অমা পব্লিক লাইফতা মীয়ামগীদমক্তা য়াম্না থোইদোক-হেন্দোক্না মমল লৈরবা খুদম কয়া অমা থম্লমখি। শ্রী শাহনা হায়খি মদুদি মতম অমদি দা. কলামগী ইমুংগী মীওই ৫২না নুমিৎ ৯গীদমক্তা রাস্ত্রপতি ভৱনদা লৈখি। রাস্ত্রপতি ভৱনদা লৈবা মীশিং অসি রাজ্যগী মীথুংলেনশিংনি অদুবু দা. অবদুল কলামনা রাস্ত্রপতি ভৱনদা নুমিৎ ৯নি মখোয়না লৈরম্বা অদুগীদমক্তা লুপা লাখ ৯.৫২গী বিল অমা দিপোজিত তৌখি। দা. কলামগী অসিগুম্বা থৌওং অসিনা পব্লিক লাইফতা পুকচেল শেংনা থবক তৌবগী ময়েক লারবা খুদম অমনি। মহাক্না হায়খি মদুদি দা. এ.পি.জে. অবদুল কলামনা হিস এক্সেলেন্সীগা মশাগা কৈদৌনুংদা মরি লৈনহনখিদে। মসিগী মরম্ননি ভারতকী মীয়াম্না মীয়ামগী প্রেসিদেন্ত ওইনা য়াম্না অৱাংবা থাক্তা ইকাইখুম্নবগা লোইননা হৌজিক ফাওবা মহাকপু নিংশিংনরি। মহাক্না হায়খি মদুদি দা. এ.পি.জে. অবদুল কলামনা মহাক্কী থমোইদা আর্মীগী ওফিসরশিং অমসুং থৌনা লৈরবা লান্মীশিংবু য়াম্না ইকাইখুম্নৈ।

কেন্দ্রগী য়ুমলৈ-কৈরৈ অমসুং কোওপরেশন মন্ত্রীনা হায়খি মদুদি দা. এ.পি.জে. অবদুল কলামনা ঐহাক্না ইমুং অমত্তা লৈতবনা মরম ওইরগা ঐগী ৱারি অসি লোইশিল্লগনি হায়না মহাক্কী লাইরিক ৱিংস ওফ ফায়রদা হায়খি। অদুবু মসি অচুম্বা নত্তে, ভারতমচা করোর ১৪০না দা. এ.পি.জে. অবদুল কলাম্বু মতম চুপ্পদা চাউথোক্কদবা মহাক্কী ইমুং-মনুংশিংনি। শ্রী শাহনা হায়খি মদুদি ভারতকী পুৱারিদা, দা. এ.পি.জে. অবদুল কলামবু ভারতকী অঙাং মচা খুদিংমক্না ভিজনরি, সাইন্তিস্ত অমসুং য়াম্না চম্না হিংজবা মীশক অমা ওইনা অমসুং অফাওবা মরৈবাক য়াম্না নিংবা মীওই অমা ওইনা নিংশিংহৌরগনি।

*****