సైన్స్ & టెక్నాలజీ; పర్సనల్, పబ్లిక్ గ్రీవెన్స్, పెన్షన్స్, అటామిక్ ఎనర్జీ అండ్ స్పేస్,కేంద్ర సహాయ మంత్రి (స్వతంత్ర బాధ్యత) జాతీయంగా ప్రసిద్ధి చెందిన వైద్య నిపుణుడు మరియు డయాబెటాలజిస్ట్ అయిన డాక్టర్ జితేంద్ర సింగ్ మాట్లాడుతూ టైప్ 2 డయాబెటిస్ మెల్లిటస్ మరియు అనేక ఇతర జీవనశైలి రుగ్మతలను ముందుగానే గుర్తించడం కీలకమని అలాగే రొమ్ము క్యాన్సర్‌తో సహా అనేక క్యాన్సర్‌లను నయం అవుతాయని ఈరోజు ఇక్కడ అన్నారు. .

ముందస్తుగా రోగనిర్ధారణ చేయడం మరియు దేశంలో అందుబాటులో ఉన్న అధునాతమైన వైద్య చికిత్సలను సులభంగా పొందడం ద్వారా ప్రారంభ దశలోనే రొమ్ము క్యాన్సర్‌ను భారతదేశం జయించగలదని మంత్రి అన్నారు.

'భారతీయ మహిళలకు రొమ్ము క్యాన్సర్‌ సంరక్షణ ను విస్తరిస్తోంది' అనే పేరుతో ఇక్కడ జరిగిన "ది వీక్ కనెక్ట్" కార్యక్రమంలో డాక్టర్ జితేంద్ర సింగ్ మాట్లాడుతూ, "ది వీక్" హెల్త్ సప్లిమెంట్‌ను కలిగి ఉందని, ఇది 15 సంవత్సరాలకు పైగా ముద్రణలో ఉందని మలయాళ మనోరమ గ్రూప్ సంప్రదాయం మరియు వారసత్వానికి అనుగుణంగా ఉంది ఆయన ప్రశంసించారు. .

డాక్టర్ జితేంద్ర సింగ్ మాట్లాడుతూ, ఆరోగ్యం, యువత మరియు మహిళలపై ప్రధాని నరేంద్ర మోదీ దృష్టి సారించడం అనేది ప్రపంచవ్యాప్తంగా మరియు భారతదేశంలో కూడా మహిళల్లో అత్యంత సాధారణ ప్రాణాంతకతలలో ఒకటైన రొమ్ము క్యాన్సర్‌ను పరిష్కరించడానికి ఉత్తమమైన విధానం. రొమ్ము క్యాన్సర్ పరిశోధనలో అపారమైన పురోగతి ఉందని, ఇది దాని పరమాణు మరియు కణితి వైవిధ్యతను బాగా అర్థం చేసుకోవడానికి దోహదపడిందని ఆయన అన్నారు.  ఉదాహరణకు, రొమ్ము క్యాన్సర్‌కు  కారణమయ్యే ప్రాథమిక జన్యువులను వివరించడంలో సీక్వెన్సింగ్ ప్రయత్నాలు సహాయపడ్డాయి అని ఆయన అన్నారు.

భారతదేశపు క్యాన్సర్ పరిశోధన ప్రయత్నాలలో సైన్స్ అండ్ టెక్నాలజీ మంత్రిత్వ శాఖ ఆధ్వర్యంలోని సీ ఎస్ ఐ ఆర్ ల్యాబ్‌లు ముందంజలో ఉన్నాయని డాక్టర్ జితేంద్ర సింగ్ తెలియజేశారు. అంతేకాకుండా, లక్నోలోని సెంట్రల్ డ్రగ్ రీసెర్చ్ ఇన్‌స్టిట్యూట్  తక్కువ ఖర్చుతో కూడిన సింథటిక్ మార్గం ద్వారా హై వాల్యూ జెనరిక్ ఔషధాలను అభివృద్ధి చేయడంలో ముందుంది,ఇతర కార్యకలాపాలతో పాటు వైద్యపరంగా ధృవీకరించబడిన క్యాన్సర్ ఔషధ లక్ష్యాలకు కొత్త కెమికల్ ఎంటిటీలను రూపొందించడం  సంశ్లేషణ చేయడం, శక్తివంతమైన ముందస్తు మూల్యాంకనం క్యాన్సర్ సంస్థలు కృషిని ఆయన ప్రశంసించారు.

గణాంకాలను ఉటంకిస్తూ, డాక్టర్ జితేంద్ర సింగ్ , 2020లో భారతదేశంలో, 37.2 శాతం మహిళలు రొమ్ము క్యాన్సర్‌తో మరణించారు,ప్రపంచ సగటు 30 శాతంతో పోలిస్తే ఆసియా రేటు 34 శాతం . భారతదేశంలో రొమ్ము క్యాన్సర్‌తో అధిక మరణాల రేట్లు ఆలస్యంగా రోగనిర్ధారణకు సంబంధించినవి కావచ్చు, ఇది ప్రాథమికంగా సరైన అవగాహన లేకపోవడం మరియు ప్రమాదంలో ఉన్న జనాభా కోసం స్క్రీనింగ్ లేకపోవడం వల్ల సంభవిస్తుందని ఆయన తెలిపారు.

అయితే రొమ్ము క్యాన్సర్‌ను చాలా వరకు నివారించవచ్చు మరియు చాలా వరకూ నయం చేయగలగడం వల్ల పరిస్థితి ఆశాజనకంగా ఉందని మంత్రి నొక్కి చెప్పారు. రొమ్ము క్యాన్సర్‌ ఎంత త్వరగా గుర్తించబడితే, సమర్థవంతమైన చికిత్స మరియు మనుగడ అవకాశాలు అంత మెరుగ్గా ఉంటాయి. రొమ్ము క్యాన్సర్ నిర్ధారణ మరియు చికిత్సలో పరిశోధన అనేక ఉత్తేజకరమైన పరిణామాలను అందించిందని, ఇది తక్కువ సంక్లిష్టతలను మరియు తక్కువ దుష్ప్రభావాలను నిర్ధారిస్తుంది. రాబోయే సంవత్సరాల్లో రొమ్ము క్యాన్సర్ రోగుల జీవితాలను మెరుగుపరుస్తుంది.

అంతకుముందు, రోగులకు శస్త్రచికిత్సతో పాటు కీమోథెరపీ మరియు రేడియేషన్‌తో మాత్రమే చికిత్స ఇప్పుడు అనేక చికిత్స ఎంపికలు అందుబాటులో ఉన్నాయి అని డాక్టర్ జితేంద్ర సింగ్ చెప్పారు. హార్మోన్ పాజిటివ్ మెటాస్టాటిక్ బ్రెస్ట్ క్యాన్సర్‌కు చికిత్స చేయడానికి ఉపయోగించే సీ డీ కే 4/6 ఇన్హిబిటర్స్ వంటి కొత్త చికిత్సలు వచ్చాయి. సిప్లా వంటి భారతీయ కంపెనీలు భారతదేశంలో పాల్బోసిక్లిబ్ సీ డీ కే 4/6 ఇన్హిబిటర్) యొక్క జెనరిక్ వెర్షన్‌ను పరిచయం చేస్తున్నాయి, దీని ధర నెలవారీ ₹5000 కంటే తక్కువ, మరియు ఎక్కువ మంది రోగులకు  అందుబాటు లోకి వచ్చింది. ఈ విధంగా, మరిన్ని భారతీయ జనరిక్‌లను ప్రవేశపెట్టడం వల్ల చాలా మంది రోగులపై ప్రభావం చూపుతుందని మంత్రి చెప్పారు.

దేశవ్యాప్తంగావెల్‌నెస్ సెంటర్‌ల వంటి ప్రత్యేక బ్రెస్ట్ క్యాన్సర్ క్లినిక్‌ల ఆలోచనకు మద్దతునిస్తూ, డాక్టర్ జితేంద్ర సింగ్ ఆయుష్మాన్ భారత్ ఇప్పటివరకు ప్రపంచంలోనే అత్యుత్తమ ఆరోగ్య బీమా పథకం అని, దానిని రూపొందించిన ఘనత ప్రధాని నరేంద్ర మోదీకి చెందుతుందని అన్నారు.

ముందుగా ఉన్న వ్యాధికి కూడా బీమా రక్షణను పొందే అవకాశాన్ని అందించే ప్రపంచంలోని ఏకైక ఆరోగ్య బీమా పథకం ఇదేనని ఆయన నొక్కి చెప్పారు. ఉదాహరణకు ఈ రోజు ఒక వ్యక్తికి క్యాన్సర్ లేదా రొమ్ము క్యాన్సర్ ఉన్నట్లు గుర్తించినట్లయితే చికిత్స కోసం ఆర్థిక సహాయాన్ని పొందేందుకు స్వయంగా బీమా చేయించుకోవచ్చు.

***