খুৎ-শা হৈবা মীওইশিং অফবা কৈথেলশিংগা শম্নহন্দুনা অমসুং শেন্থোক লৈহন্দুনা, মখোয়গী নাৎ অমসুং খুন্নাইগী খুদোংচাবা কয়া পীদুনা অৱাং-নোংপোক লমদমগী অরিবা ক্রাফশিং চাউখৎনবা অমসুং য়োকখৎনবা নোর্থ ইস্তর্ন হেন্দিক্রাফস এন্দ হেন্দলুম দিবলপমেন্ত কোওপরেসন(এন ই ঐচ ঐচ দি সি)না মসিগী পান্দমশিং থম্লি।

এন.ই.ঐচ.ঐচ.দি.সিনা মসিগী ই-কম্মর্স পোর্তেল, https://purbashree.com হৌদোক্লে অমসুং মোবাইল আউতলেত “পুর্বাশ্রী ওন হুইলস” থবক তৌরে। ওনলাইন মার্কেত্তিং প্লেতফোর্মশিং হায়বদি অমাজোন, ইন্দিয়া মার্ত, ত্রেদ ইন্দিয়া, ফ্লিপকার্ত, গোকোপ, জি.ই.এমদা এন.ই.ঐচ.ঐচ.দি.সি লাইভ ওইনা লৈরে অমসুং হন্দক ইকুই কুইদনা ই.তি.এস.ৱাইনা খুৎহৈবশিং ভারত অমসুং মপানগী কৈথেলশিংগা শম্নহল্লে। দিজাইন তৌনবা, তেক্নোলোজি হেনগৎহন্নবা অমসুং য়োনফমগী মতেং পীন্নবা এন.ই.ঐচ.ঐচ.দি.সিনা ইন্দিয়ান ইন্সতিতুৎ ওফ মেনেজমেন্ত, শিল্লোং; নেসনেল ইন্সতিতুৎ ওফ ফেসন তেক্নোলোজি, শিল্লোং; নেসনেল ইন্সতিতুৎ ওফ দিজাইন, জোরহাত য়াওনা লুপা কয়াগা এম.ও.য়ু ৩০ হেন্না খুৎয়েক পীনখ্রে

“স্কিম ওফ ফন্দ ফোর রিজেনেরেসন ওফ ত্রেদিসনেল ইন্দস্ত্রিস(সফুরতি)”গী মখাদা প্রোজেকশিং থবক ওইনা পায়খৎনবা ভারত সরকারগী মাইক্রো, স্মোল অমসুং মেদিয়ম ইন্তরপ্রাইজেস মিনিস্ত্রিনা এন.ই.ঐচ.ঐচ.দি.সি নোদেল এজেন্সি ওইনা হাপ্লে। স্কিল দিবলপমেন্ত অমসুং ওন্ত্রেপ্রেনিউয়রশিপ মিনিস্ত্রিগী স্কিল ইন্দিয়া প্রোগ্রামগী মখাদা নেসনেল স্কিল দিবলপমেন্ত কাউন্সিলগা লোয়ননা এন.ই.ঐচ.ঐচ.দি.সি অসি ত্রেনিং পার্তনর(তি পি) অমা ওইনা রেজিস্তার তৌরে। ত্রেনিং প্রোগ্রামশিং, দিজাইন দিবলপমেন্ত ৱার্কশোপশিং অমসুং রিছার্স অমসুং দিবলপমেন্তগী থবকশিংগীদমক দিবলপমেন্ত কম্মিসন্নর, হেন্দলুমস অমসুং হেন্দিক্রাফনা এন.ই.ঐচ.ঐচ.দি.সি ইমপ্লিমেন্তিং এজেন্সি অমা ওইনা হাপ্লে।

ত্রাইবেল এফেয়ার্স মিনিস্ত্রিগী স্কিম ‘মার্কেত্তিং এন্দ লোজিসতিক্স দিবলপমেন্ত ফোর প্রোমোতিং ত্রাইবেল প্রদক্সস ফোর্ম নোর্থ ইস্তর্ন রিজন’ থবক ওইনা পাংথোক্নবা ত্রাইবেল কোওপরেতিপ মার্কেত্তিং দিবলপমেন্ত ফেদেরেসন ওফ ইন্দিয়া(ত্রাইফেদ)না এন.ই.ঐচ.ঐচ.দি.সিগা চৎমিন্নরে। ব্রান্দ নেম ‘নেচরস ৱিফ’গী মখাদা এন.ই.ঐচ.ঐচ.দি.সিনা ইন-হাওস দিজাইন অমসুং হেন্দলুম অমসুং হেন্দিক্রাফ প্রদক্সন সেন্তর অমা লিংখৎলে। মসিগী ফাইবর, লং অমসুং ফি চাংয়েং তৌনবা তেক্সতাইল তেস্তিং লেব অমা গুৱাহাতিগী গারচুকতা লিংখৎলে।

 

 

খুৎনা লোনবা তেক্সতাইল ফজহন্নবা কলেন্দরিং য়ুনিত অমসু লিংখৎলে। এন.ই.সিগী স্কিমশিংগী মখাদা, এন.ই.ঐচ.ঐচ.দি.সিনা অৱাং-নোংপোক লমদমদা হেন্দিক্রাফ অমসুং হেন্দলুম সেক্তরগী অৱাৎপশিং মেনখৎনবা প্রোজেক খর পায়খৎলে। হায়রিবা প্রোজেকশিং অদুগী মনুংদা গুৱাহাতিদা লুপা করোর ৭.৬গী অস্থালক্সমী হাত অমসুং এক্সপেরিয়েন্স সেন্তর লিংখৎপা; অসামগী মুসালপুরদা লৈবা ইন্তিগ্রেতেদ তেক্সতাইল পার্কতা লুপা করোর ১৪.৯২ চঙনা ইরি সিল্ক স্পাইন্নিং প্লান্ত অমা লিংখৎপা অমসুং লুপা করোর ১৪.৯২গী প্রোজেক অমগা লোয়ননা অৱাং-নোংপোক্কী রাজ্য ৭(সিক্কিম য়াওদনা)গী ফিশাবীশিংগীদমক য়োনফম ফগৎহন্নবা দিজিতাইজ তৌবা, অচুম্বা পোৎথোকশিং মশক খঙদোকপা অমসুং খোঙ্গুল লিনবা থবক পায়খৎকনি।

হৌখিবা চহি অহুমদা এন.ই.ঐচ.ঐচ.দি.সিগী তর্নওভর লুপা লাখ ১০৫.৮৭(২০২০-২১); লুপা লাখ ৩৬৯.২২(২০২১-২২) অমসুং চাউরাক্না লুপা লাখ ৫৬৫.২২(২২২-২৩) ওইখি।

হৌখিবা চহি অহুমদা এন.ই.ঐচ.ঐচ.দি.সিনা পাংথোকখিবা ত্রেনিংশিং, একজিবিসনশিং অমসুং মেলাশিং, ৱার্কশোপশিংদা কান্নবা ফংখিবা রাজ্যশিংগী ফিশাবা মীওইশিং অমসুং খুৎহৈবশিংগী মশিং মখাদা পীরি।

 

 

দিজি বুনাই ৱার্কশোপ; প্রধান মন্ত্রী কাউসাল বিকাস য়োজনা ৩.০; এস.সি-এস.তি হব স্কিম; সামারথ অমসুং পি.এম.কে.ভি.ৱাই ৪.০গী মখাদা এন.ই.ঐচ.ঐচ.দি.সিনা অৱাং-নোংপোক লমদমগী ফিশাবী অমসুং খুৎহৈবা ২৮৯০ ত্রেনিং পীখ্রে।

অৱাং-নোংপোক লমদমগী রাজ্যশিং মালেম থাক্কী থৌরমশিংদা শরুক য়ানবা খুৎহৈবশিং মশক খঙদোকপগী থবক এন.ই.ঐচ.ঐচ.দি.সি পায়খৎলি অমসুং ফেব্রুৱারি ২০২৩দা হরিয়ানাগী ফরিদবাদতা পাংথোকপদা ৩৬শুবা সুরজ কুন্দ ইন্তরনেসনেল ক্রাফস মেলাদা খুৎহৈবা ১২০; মার্চ-এপ্রিল ২০২৩দা মধাভপুরদা পাংথোকপদা এক ভারত শ্রেস্থা ভারত, ঘেদ ফেস্তিবেলদা খুৎহৈবা ৭১ শরুক য়াখি; মার্চ ২০২৩দা অরুনাচল প্রদেস, মনিপুর অমসুং মেঘালয়দা পাংথোকপা ৱুমেন কনক্লেপতা নুপী খুৎহৈবী ৪১০ শরুক য়াখি অমসুং জনুৱারি ২০২৩দা নিউ দিল্লিদা পাংথোকপা ভারত পর্বদা খুৎহৈবা ১৬ শরুক য়াখি। 

 “মার্কেত্তিং এন্দ লোজিসতিক্স দিবলপমেন্ত ফোর প্রোমোতিং ত্রাইবেল প্রদক্স ফোর্ম নোর্থ ইস্তর্ন রিজন’না অৱাং-নোংপোক লমদম শীনবা থুংনা লৈরিবা ত্রাইবেল খুৎহৈবা ৬০০০ হেনবগী হিংনবগী পাম্বৈ ফগৎহন্নবা পান্দম থম্লি। মখা তানা য়োনফম ফগৎহন্নবা দিজিতাইজেসন, ওথেন্তিকেসন অমসুং খোঙ্গুল লিবগী থবকশিংনা ফিশাবী ১০,০০০ কোনশিন্নবা পান্দম থম্লি।

ৱাফম অসি ঙসি রাজ্য সভাদা অইবা ওইনা পীখিবা পাউখুম অমদা দিবলপমেন্ত ওফ নোর্ট ইস্তর্ন রিজন মিনিস্ত্রিগী য়ুনিয়ন মিনিস্তর শ্রী জি. কিসন রেদ্দিনা ফোঙদোকখিবনি।

 

*****

(Release ID: 1943611) Visitor Counter : 112