ہندوستانی کوسٹ گارڈ نے 27 جولائی2023 کو کرناٹک کے کاروار ساحل کے قریب بحیرہ عرب میں نیشنل انسٹی ٹیوٹ آف اوشیانوگرافی (این آئی او)کے آر وی سندھو سادھنا تحقیقی جہاز پر سوار آٹھ سائنسدانوں سمیت 36 عملے کو کامیابی سے بچایا۔ تحقیقی جہاز انجن میں خرابی کا شکار ہوگیا تھا اور زمین سے تقریباً 20 سمندری میل دور تھا جب ڈسٹریس سگنل موصول ہوا۔

صورتحال نازک تھی، کیونکہ این آئی او کا جدید ترین تحقیقی جہاز قیمتی سائنسی سامان اور تحقیقی ڈیٹا لے کر جا رہا تھا۔ مزید برآں، بحری جہاز کی ماحولیاتی طور پر حساس کاروار ساحلی پٹی کے قریب ہونے سے گراؤنڈنگ کا خطرہ لاحق ہو گیا تھا، جس کے نتیجے میں تیل کے بڑے اخراج اور قدیم سمندری ماحول میں تباہ کن آلودگی پھیل سکتی تھی۔

ڈسٹریس کال موصول ہونے پر ہندوستانی کوسٹ گارڈ فوری طور پر حرکت میں آیا اور ایک اعلیٰ ترجیحی ریسکیو آپریشن شروع کیا اور اپنے انتہائی جدید جہاز کو ایک ماہر ٹیم کے ساتھ علاقے میں روانہ کیا۔ آفت کی ممکنہ شدت کو محسوس کرتے ہوئے ہندوستانی کوسٹ گارڈ جہاز کی حفاظت کے لیے متحرک ہو گیا، تاکہ نازک ماحولیاتی نظام کی حفاظت کی جا سکے اور جہاز کو زمین پر چلنے سے بچایا جا سکے۔

مشکل موسمی حالات اور بحری جہاز کی ساحلی پٹی سے کافی فاصلے اور جہاز کے سائز کے باوجود ہندوستانی کوسٹ گارڈ کی ٹیم نے کشتی کو بحفاظت گوا تک پہنچانے کے لیے اسے رسی سے کھینچ لیا، اس طرح بغیر کسی رکاوٹ کے بچاؤ آپریشن کو انجام کو پہنچا۔ این آئی او جہاز پر سوار عملے کے ارکان محفوظ اور صحت مند ہیں۔

************

ش ح۔ م م۔ن ع

(U: 7657)

(Release ID: 1943518) Visitor Counter : 105