মনিপুর য়াওনা অৱাং-নোংপোক্কী রাজ্য অমতদা দোনর মিনিস্ত্রিগী স্কিমশিং পায়খৎনবা শেন থাদনবা চীং অমসুং তম হায়না খায়দোকপা লৈতে। দোনর মিনিস্ত্রি অমসুং নোর্থ ইস্তর্ন কাউন্সিলগী তোঙান-তোঙানবা স্কিমগী মখাদা প্রোজেকশিং পায়খৎনবা মনিপুরদা পুন্না লুপা করোর ৩৬৩.১৪ থাদোকখ্রে, মসিগী মনুংদা ২০২-২১দা লুপা করোর ১১৪.৯৯ ; ২০২১-২২দা লুপা করোর ১৪৫.২৪; ২০২২-২৩দা লুপা করোর ৬৫.১৮ অমসুং ২০২৩-২৪ (জুন ২০২৩ ফাওবদা) লুপা করোর ৩৭.৭৩ থাদোকখ্রে।

জুন ৩০,২০২৩ ফাওবদা, নোর্থ ইস্ত স্পিসিএল ইনফ্রাস্ত্রকচর দিবলপমেন্ত স্কিমগী মখাদা লুপা করোর ৪.৫৫গী য়ুতিলাইজেসন সর্তিফিগেদ পীদ্রি; নন-লাপসেবল সেন্ত্রেল পুল ওফ রিছোর্স-স্তেৎ স্কিমগী মখাদা লুপা করোর ৫৪.৫৯গী য়ুতিলাইজেসন সর্তিফিগেদ পীদ্রি; হিল এরিয়া দিবলপমেন্ত প্রোগ্রামগী মখাদা লুপা করোর ৯.৪৬গী য়ুতিলাইজেসন সর্তিফিগেদ পীদ্রি: মসিগী মথক্তা এন.ই.সিগী স্কিমশিংগী মখাদা লুপা করোর ৮.৩৬গী য়ুতিলাইজেসন সর্তিফিগেদ পীদ্রি অমসুং নোর্থ ইস্ত রোদ সেক্তর দিবলপমেন্ত স্কিমগী মখাদা লুপা করোর ২৬.১৫গী য়ুতিলাইজেসন সর্তিফিগেদ(মার্চ ৩১,২০২৩ ফাওবগী) পীদ্রি।

রাজ্য সরকারশিং/ইমপ্লিমেন্তিং এজেন্সিশিংগা লোয়ননা প্রোজেকশিংগী খুমাং চাউশিনবা, ফন্দ শীজিন্নবগী চাংগী মতাংদা চাংনাইনা য়েংশিল্লি অমসুং থবক শুরিবা এজেন্সিশিংদা মতম চানা ফন্দ পীনবা পব্লিক ফাইনান্সিএল মেনেজমেন্ত সিস্তেম থবক ওইনা পায়খৎলি।

ৱাফম অসি ঙসি রাজ্য সভাদা অইবা ওইনা পীবা পাউখুম অমদা দোনরগী য়ুনিয়ন মিনিস্তর শ্রী জি কিসন রেদ্দিনা ফোঙদোকখিবনি।

****