প্রধান মন্ত্রী, শ্রী নরেন্দ্র মোদীনা ঙসি গোৱাদা পাংথোকপা G20 ইনর্জী মন্ত্রীশিংগী মীফমদা ভিদিও মেসেজকী খুত্থাংদা ৱা ঙাঙখ্রে।

প্রধান মন্ত্রীনা মীফমদা শরুক য়ারিবা শক্নাইরবা মীওইশিংবু ভারত্তা তরাম্না ওক্লদুনা তুংগী মতম, সস্তেনেবল ওইবগী মতৌ, শাহৌ লৌবা অমসুং চাউখৎ থৌরাংগী ৱারী শানবা কয়া অসি ইনর্জীগী মতাংদা খন্নদনা কৈদৌনুংদা মপুং ফারোই, মসিগী মরমদি ইনর্জীনা চাউখৎ থৌরাংগী থাক খুদিংদা, মীওই অমদগী হৌরগা লৈবাক্কী থাক ফাওবদা শাফু পীবননি।

ইনর্জী ত্রাঞ্জিসনগী মতাংদা লৈবাক খুদিংগী তোঙানবা ফিভম অমসুং পাম্বৈ লৈজরবসু, লৈবাক খুদিংগী পান্দমদি লোয়না মান্নৈ হায়না মহাক্না অচেৎপা থম্মি হায়না প্রধান মন্ত্রীনা ফোংদোকখি। ভারতনা গ্রীন গ্রোথ অমসুং ইনর্জী ত্রাঞ্জিসনগী মতাংদা হোৎনরিবা অসিদা মিৎয়েং চঙলদুনা, ভারত অসি মীশিং খ্বাইদগী য়াম্বা অমসুং মালেমগী ওইনা শেন্মিৎলোন্দা খ্বাইদগী খোঙজেল য়াঙনা শাহৌ লৌরিবা লৈবাক অমনি অদুগা মশাগী ক্লাইমেত কম্মিৎমেন্তশিংগী মাইকৈদা খোঙফম চেৎনা চঙশিল্লি হায়না মহাক্না হায়খি। ভারতনা মশাগী নন-ফোসিল ইন্সতোল্দ ইলেক্ত্রিক কেপাসিতীগী পান্দম চহি মাপনগী মমাংদা ফংখ্রে অমসুং মশাগী অৱাংবা পান্দম অমা অমুক থমখ্রে হায়না প্রধান মন্ত্রীনা পাউদমখি। লৈবাক অসিনা ইং 2030 ফাওবদা মশাগী নন-ফোসিল ইন্সতোল্দ কেপাসিতীগী চাদা 50 ফংবগী থৌরাং য়াৎলি হায়না মহাক্না পনখি। ৱর্কিং গ্রুপ দেলিগেতশিংনা পভাগরা সোলর পার্ক অমসুং মোধেরা সোলর ভিলেজতা চত্তুনা ভারতনা ক্লীন ইনর্জীগী হীরমদা খোঙফম চেৎলিবা অসিগী থাক অমসুং স্কেল উবগী খুদোংচাবা ফংলিবা অসিদা নুংঙাইবা ফোংদোক্লদুনা প্রধান মন্ত্রীনা হায়খি, “ভারত অসি মালেমগী সোলর অমসুং নুংশিৎকী পাৱরগী লুচিংবশিংগী মনুংদা অমসু ওইরি”।

লৈবাক অসিনা মমাংগী চহি 9দা ফংখিবা মায় পাকপশিংদা মিৎয়েং চঙলদুনা, প্রধান মন্ত্রীনা ভারতনা ইমুং মিলিয়ন 190 হেনবদা LPG ফংহনখিবগা লোয়ননা খুঙ্গং খুদিংদা মৈ য়ৌহনবগী পুৱারী ওইরবা মশক নাইবা মায় পাকপা অমসু ফংবা ঙমখি হায়না পাউদমখি। লৈবাক্কী অপুনবা মীশিংগী চাদা 90বু চহি খরসিদা কোনবা ঙম্বগী মতিক লৈরিবা পাইপ কুকিং গ্যাস মীয়ামদা ফংহন্নবা হোৎনরিবা অসিগী মতাংদসু মহাক্না পনখি। “ঐখোয়না হোৎনরিবা অসিদি মীপুম খুদিংগী ইনক্লুসিব, রেজিলিএন্ত, ইকুইতেবল অমসুং সস্তেনেবল ইনর্জী ফংহন্নবনি”, মহাক্না মখা তাখি।

ইং 2015দা ভারতনা LED লাইত শিজিন্নবগী অপীকপা স্কিম অমা হৌদোকখি, মসিনা চহি খুদিংগী ইনর্জীগী বিলিয়ন য়ুনিৎ 45 হেন্না কনবা ঙমদুনা মালেমগী ওইনা LED য়েন্থোকপগী খ্বাইদগী চাউবা প্রোগ্রাম অমা তুংদা ওইরকখি হায়না প্রধান মন্ত্রীনা পাউদমখি। লৌউ-শিংউদা শিজিন্নবা পম্পশিংবু সোলরদা ওন্থোকপগী মালেমগী খ্বাইদগী চাউবা খোঙথাং হৌদোকখিবা অমসুং ইং 2030 ফাওবদা ভারতকী দোমেস্তিক ইলেক্ত্রিক গারী য়োনবগী চাংনা চহিদা মিলিয়ন 10 য়োনবগী প্রোজেক্সন থম্লিবা অসিগী মতাংদসু মহাক্না পনখি। হন্দক্কী চহিদগী হৌনা চাদা 20গী ইথানোল ব্লেন্দেদ পেত্রোল য়োনবা হৌবা অমসুং ইং 2025 ফাওবগী মনুংদা মসিবু লৈবাক শিনবা থুংবদা ফংহনবগী পান্দম থম্লিবা অসিদা মহাক্না মীয়ামগী পুক্নিং চীংশিনখি। দিকার্বোনাইজিং ইন্দিয়াগী ওইনদি, লৈবাক অসিনা অলতর্নেতিব অমা ওইনা গ্রীন হাইদ্রোজেনগী মতাংদা মিসন মোদতা হোৎনরি অমসুং ভারতপু গ্রীন হাইদ্রোজেন অমসুং মসিদগী পুথোকপা য়াবা পোত্থোক কয়া পুথোকপা, শিজিন্নবা অমসুং মীরমদা থাদোকপগী হীরমদা ভারতপু গ্লোবেল হব অমা ওইহনবগী পান্দম থম্লি হায়না প্রধান মন্ত্রীনা হায়খি।

সস্তেনেবল ওইবা, অহোঙবা, ইনক্লুসিব ওইবা অমসুং ক্লীনা ইনর্জী ত্রাঞ্জিসন খুমাং চাউশিলহন্নবা মালেম্না G20দা থাজবা থম্লি হায়না প্রধান মন্ত্রীনা পল্লদুনা, গ্লোবেল সাউথপু খোঙথাং অসিদা শরুক য়াহনবা অমসুং চাউখৎলক্লিবা লৈবাকশিংগীদমক্তা লো-কোস্ত ফাইনান্সকী খুদোংচাবা শোইদনা ফংহনবগী মরু ওইবগী মতাংদা প্রধান মন্ত্রীনা অহেনবা মিৎয়েং চঙখি। তেক্নোলোজী গেপ লৈহন্দবা, ইনর্জী সেক্যুরিতী খুমাং চাউশিলহনবা অমসুং সপ্লাই চেন দাইবর্সিফাই তৌবগী পাম্বৈ কয়া থীফম থোকই হায়না মহাক্না হায়খি। প্রধান মন্ত্রীনা ‘ফুএল ফোর দি ফ্যুচর’গী মতাংদা তেংবাংনরিবা অসিবু মপাঙ্গল হেন্না কনখৎহনবগী ৱাহৌদোক পুথোকপগা লোয়ননা ‘হাই লেভেল প্রিন্সিপল ওন হাইদ্রোজেন’ অসিদি অচুম্বা মাইকৈদা থাংজিনবা খোঙথাং অমনি হায়না ফোংদোকখি। ত্রান্সনেস্নেল গ্রিদ ইন্তর্কন্নেক্সন্না ইনর্জী সেক্যুরিতী হেন্না লৈহনবা ঙমগনি হায়না মহাক্না মখা তানা পল্লদুনা ভারতনা মসিগুম্বা পুম্নমক্কী কান্নবা ফংমিন্নগদবা থৌওং অসি মশাগী য়ুম্লোন্নবশিংগী মরক্তা খুমাং চাউশিলহন্নবা হোৎনরি হায়খি। “ইন্তর-কন্নেক্তেদ গ্রীন গ্রিদকী পান্দম ফংবনা অচৌবা অহোংবা অমা পুরকপা ঙমগনি। মসিনা ঐখোয় খুদিংদা ঐখোয়গী ক্লাইমেত গোল ফংহনবা, গ্রীন ইনভেস্তমেন্ত লৈহনবা অমসুং গ্রীন জোব মিলিয়ন কয়া লৈহনবদা তেংবাংগনি”, প্রধান মন্ত্রীনা হায়খি। মহাক্না মীফম অসিদা শরুক য়ারিবা লৈবাক খুদিংনা গ্রীন গ্রিদ ইনিসিএতিব অমা ওইরিবা ইন্তর্নেস্নেল সোলর এল্লাইএন্সকী ‘ৱান সন, ৱান ৱর্ল্দ, ৱান গ্রিদ’ অসিদা য়াওনবা পাউজেল অমসু থমখি।

অকোয়বগী ফিভম্বু ঙাক শেনবা হায়বসি মহৌশানা তাবনি অমসুং চৎনবীগী মখা পোনবনি, অদুবু ঐখোয় খুদিংবু ক্লাইমেত চেম্পিয়ন অমা ওইহনগদৌরিবা ইহৌ অমা ওইরিবা মিসন LIFE – লাইফস্তাইল ফোর ইনভাইরনমেন্ত অসিবু মপাঙ্গল হাপ্লিবা অসিদি ভারতকী নাৎকী ওইবা লৌশিংনি হায়না প্রধান মন্ত্রীনা ফোংদোকখি। প্রধান মন্ত্রীনা মহাক্কী ৱারোল লোইশিল্লদুনা, ঐখোয়গী ৱাখল্লোন অমসুং থবকশিংনা ঐখোয়গী ‘ৱান আর্থ’ ঙাক-শেন্দুনা থম্বদা মতম পুম্বদা তেংবাংগদবনি, ঐখোয়গী ‘ৱান ফেমিলী’গী অপাম্বা ঙাক-শেনগদবনি, অমসুং ঐখোয়না মতৌ করম্না ত্রাঞ্জিসন তৌবগে হায়বগী মখা পোন্দনা গ্রীন ওইবা ‘ৱান ফ্যুচর’গী মাইকৈদা খোঙদাগদবনি হায়বসিদা মীয়ামগী পুক্নিং চীংশিনখি।

***