লৈঙাক অসিনা অৱাং নোংপোক লমদম (এন.ই.আর.) য়াওনা থবক পীবগী খুদোংচাবা হেনগৎহন্নবগীদমক থৌরাং কয়া পায়খৎলি‍। মসিদা ওন্ত্রপ্রিন্যুরগী খুদোংচাবশিং হেনগৎহন্নবগীদমক ক্রেদিৎ ফেসিলিতেসন, স্কিলিং অমদি রিক্রুইতমেন্তকী লমদা পায়খৎবা ‘উদ্যম’, ‘ই-শ্রম’ পোর্তেল, নেস্নেল করিয়র সর্ভিস (এন.সি.এস.), অমদি আত্মনিরভর স্কিল্দ ইমপ্লোয়ী-এমপ্লোয়র মেপিং (অসীম)গী পোর্তেলশিং অমগা অমগা শম্নহনবা য়াওরি‍। সিদ্যুল্দ কাস্ত (এস.সি.) অমদি সিদ্যুল্দ ত্রাইব (এস.তি.)শিংগী ওইবা এন.সি.এস. সেন্তর ২৫ লিংখৎখ্রে, মসিগী মনুংদা হকচাঙগী ফীভম শোইনাইরবশিংগী সেন্তর ০২ লৈবগী মথক্তা ০৬তি এন.ই.আর.দা লৈ‍। এন.সি.এস.না মাইক্রোসোফ্তকা খুৎশম্নদুনা দিজিতেল স্কিল্সকী খুত্থাঙদা এমপ্লোইএবিলিতী লৈহন্নবগীদমক অপুনবা দিজিতেল স্কিলগী থৌরাং ‘দিজিসক্সম’ হৌদোকখ্রে‍। লেবর অমদি এমপ্লোইমেন্ত মন্ত্রালয় (এম.এল. এন্দ ই.)নসু থবক হেন্না পীননবা অমদি শেন্মিৎলোন্দা ইনোৎ হাপ্নবা ‘আত্মনিরভর ভারত রোজগার য়োজনা (এ.বি.আর.ৱাই.) হৌদোকখ্রে‍।

স্কিল দিভেলপমেন্ত অমদি ওন্ত্রপ্রিন্যুরসিপ মন্ত্রালয় (এম.এস.দি.ই.)না তোঙান তোঙানবা সোর্ত তর্ম স্কিলিং প্রোগ্রামশিং পায়খৎলি‍। প্রধান মন্ত্রী কৌসল বিকাস য়োজনা এন.ই.আর.না শেনবা চহি ২০২১-২২ অমদি ২০২২-২৩গী মনুংদা মীওই ৭৪,৭০২বু স্কিল লৈহনখ্রে‍। লাইরিক লৈতবা, লাইরিক খরা খরা হৈবা অমদি কাবক কাবক তম্লুরবা মীওইশিংদা পান্দম থম্লিবা জন শিক্সন স্কীম্না ২০২১-২২ অমদি ২০২২-২৩ মনুংদা মীওই ৪৫,৮৬১বু স্কিল লৈহনখ্রে‍। এপ্রেন্তাইসসিপ ত্রেনিং য়োকখৎলিবা নেস্নেল এপ্রেন্তাইসসিপ প্রমোসন স্কীম্না ২০২১-২২ অমদি ২০২২-২৩ মনুংদা অৱাং নোংপোক মদমদা এপ্রেন্তাইস ২৫,২২৮বু ত্রেন তৌখ্রে‍। ইন্দস্ত্রীশিংদা স্কিল লৈরবা শিন্মীশিং ফংহন্নবা অমদি নহাশিংবু মশান মশাবু থবক পীজবা ঙমহন্নবগীদমক এম.এস.দি.ই.না ইন্দস্ত্রিএল ত্রেনিং ইন্সতিত্যুৎশিংগী খুত্থাঙদা ক্রাফ্তস্মেন ত্রেনিং স্কীম (সি.তি.এস.)কী মখাদা লোং তর্ম স্কিলিং পীরি‍। ইং ২০২১-২২ অমদি ২০২২-২৩ মনুংদা সি.তি.এস.কী মখাদা কেন্দিদেৎ ১৫,৪০৫না মিং চল্লকখি অমদি মখোয়দা স্কিল ফংহনখি‍।

মাইক্রো/স্মোল বিজিনেস এন্তরপ্রাইইজেজ অমদি লনাই মীওইশিংবু মখোয়গী স্তার্তঅপ হৌদোকচনবা নৎত্রগা হান্না লৈরবা বিজিনেস থৌওংশিং পাকথোক চাউথোকহন্নবগীদমক লুপা লাখ ১০ ফাওবগী কোলেতরেল য়াওদবা লোনশিং পীরিবা প্রধান মন্ত্রী মুদ্রা য়োজনা (পি.এম.এম.ৱাই.) লৈঙাক্না হৌদোকখি‍। ২৪.০২.২০২৩ ফাওবদা, এন.ই.আর.দা লুপা করোর ৬৯,৪৪৬ (চাউরাক্না) ফাওবগী লোনগী শেনফম থাদোকখ্রে‍।

রুরেল দিভেলপমেন্ত মন্ত্রালয়না অৱাং নোংপোক লমদম য়াওনা লৈবাকসিদা থবক পীননবা অমদি পুন্সি হিংনবগী লম্বীদা চৈঙাক পীনবগীদমক স্কীমশিং পায়খৎলি‍। এন.ই.আর.দা মহাত্মা গান্ধী নেস্নেল রুরেল এমপ্লোইমেন্ত গরেন্তী স্কীমগী মখাদা মীওই লাখ ৭১ হেনবদা ২০২১-২২গী মনুংদা থবক পীখি অমদি ২০২২-২৩দনা মীওই লাখ ৬৩ হেনবদা পীখি‍। দীন দয়াল অন্ত্যোপয়া – নেস্নেল রুরেল লাইবলিহুদ মিসনগী মখাদা এন.ই.আর.দা মোবিলাইজ তৌখিবা অপুনবা য়ুমথোঙ মশিং ২০২১-২২ মনুংদা ৩,৫০,৯৯২নি অদুগা ২০২২-২৩দা ৪,৪৫,৭১৮নি‍। দীন দয়াল উপধ্যায় গ্রামীন কৌসল্য য়োজনাগী মখাদা, এন.ই.আর.দা ২০২১-২২দা অপুনবা কেন্দিদেৎ ৪৩,৫৬৯ অমদি ২০২২-২৩দা কেন্দিদেৎ ৫৩,৫০৫ হাপখি‍। নেস্নেল সোসিএল এসিস্তেন্স প্রোগ্রামগী মখাদা, এন.ই.আর.দা অপুনবা বেনিফিসরী মশিং ২০২১-২২দা লাখ ১২গী মথক্তা অমদি ২০২২-২৩দা লাখ ১১গী মথক্তা ওইখি‍। প্রাইম মিনিস্তর্স এমপ্লোইমেন্ত জেনেরেসন প্রোগ্রামগী মখাদা এন.ই.আর.দা ২০২১-২২দা থবক ৭০,৫৮৪ পীখি‍। রুরেল সেল্ফ এমপ্লোইমেন্ত ত্রেনিং ইন্সতিত্যুৎ স্কীমগী মখাদা এন.ই.আর.দা শেনবা চহি ২০২২-২৩দা ফেব্রুৱারী ফাওবদা কেন্দিদেৎ ১২,৮৯৩ হাপখি‍।

হাউজিং অমদি অর্বান এফ্যার্স মন্ত্রালয়না তুং কোইগদবা মওংদা লায়রবা হন্থহন্নবা অমদি ময়োল্লমদা লৈবা লায়রবা ইমুংশিংনা থেংনরিবা খুদোংচাদবশিং কোকহন্নবগীদমক দীনদয়াল অন্ত্যাদয়া য়োজনা – নেস্নেল অর্বান লাইবলিহুদ মিসন পায়খৎলি‍। স্কীম অসিগী মখাদা এন.ই.আর.দা ফেব্রুৱারী ২০২৩ ফাওবদা স্কিল্দ কেন্দিদেৎ ২৩৫১৯ হাপখি অমদি লনাই/গ্রুপ মাইক্রো এন্তরপ্রাইজেজ লিংখৎনবগীদমক বেনিফিসরী ৮৬৫৩ লোমদা তেঙবাং পীখ্রে‍।

দিভেলপমেন্ত ওফ নোর্থ ইস্তর্ন রিজন (এম.দো.নর)না পায়খৎলিবা প্রাইম মিনিস্তর্স’ দিভেলপমেন্ত ইনিসিএতিব ফোর নোর্থ ইস্ত রিজন (পি.এম.-দিভাইন) স্কীমনা নহা অমদি নুপীশিংগী মরক্তা পুন্সি হিংনবগী লম্বী য়াৎপা ঙমহল্লি‍। লুপা করোর ৬৭ চঙনা নোর্থ-ইস্ত সেন্তর ফোর তেক্নোলোজী এপ্লিকেসন এন্দ রিছর্চ (নেক্তার) লাইবলিহুদ ইমপ্রুভমেন্ত প্রোজেক্ত (মল্তি-স্তেত) – য়ুতিলাইজেসন ওফ বনানা স্যুদো স্তেম ফোর ভেল্যু এদেদ প্রদক্তস অমদি লুপা করোর ৪৪.৯৯ চঙনা প্রোতিং সাইন্তিফিক ওর্গানিক এগ্রিকল্চর ইন নোর্থ ইস্ত ইন্দিয়া (মল্তি-স্তেত) হায়রিবা প্রোজেক্ত অনিসিগী অয়াবা পীখ্রে‍। এম.দ.নরগী মখাদা লৈরিবা নোর্থ ইস্ত হেন্দিক্রাফ্ত এন্দ হেন্দলুম্স কোর্পোরেসন লিমিতেদনা এন.ই.আর.দা লৈরিবা আর্তিজান অমদি ফিশাবীশিংদা মখোয়বু স্কিলিং তৌদুনা অমদি মখোয়গী ত্রেদিস্নেল স্কিলশিং মখা তানা শীজিন্নদুনা শেন্দোং লৈবা থবক পায়হন্নবগীদমক মার্কেৎ লিঙ্কেজ শেমদুনা তেঙবাং পীরি‍।

ৱাফম অসি ঙসি রাজ্য সভাদা দিভেলপমেন্ত ওফ নোর্থ ইস্তর্ন রিজন মন্ত্রালয়গী কেন্দ্র মন্ত্রী শ্রী জি. কিসন রেদ্দীনা অইবা পাউখুম ওইনা পীদুনা ফোঙদোকখিবনি‍।

****

(Release ID: 1941358)