வடகிழக்கு பிராந்தியம் உட்பட நாட்டில் வேலை வாய்ப்புகளை மேம்படுத்த அரசு பல்வேறு முயற்சிகளை எடுத்துள்ளது. தொழில் முனைவோர் வாய்ப்புகளை மேம்படுத்துவதற்காக கடன் வசதி, திறன் மற்றும் ஆட்சேர்ப்பு ஆகியவற்றிற்காக 'உதயம்', 'இ-ஷ்ராம்' போர்ட்டல்கள், தேசிய தொழில் சேவை (என்.சி.எஸ்) மற்றும் தற்சார்பு  திறன்மிக்க ஊழியர்-முதலாளி இணைப்பு (ஏ.எஸ்.இ.இ.எம்) ஆகியவற்றின் போர்ட்டல்களை இணைப்பது இதில் அடங்கும். ஆதிதிராவிடர் மற்றும் பழங்குடியினருக்கான 25 என்.சி.எஸ் மையங்கள் நிறுவப்பட்டுள்ளன, அவற்றில்  மாற்றுத் திறனாளிகளுக்கான 02 மையங்களுடன் 6  மையங்கள்  என்.இ.ஆரில் உள்ளன. என்.சி.எஸ் மைக்ரோசாப்ட் உடன் கூட்டு சேர்ந்து டிஜிட்டல் திறன்கள் மூலம் வேலைவாய்ப்புக்கான கூட்டு டிஜிட்டல் திறன் முன்முயற்சியான 'டிஜிசாக்ஷம்' ஐ அறிமுகப்படுத்தியுள்ளது. வேலைவாய்ப்பை உருவாக்கவும், பொருளாதாரத்தை மேம்படுத்தவும் தொழிலாளர் மற்றும் வேலைவாய்ப்பு அமைச்சகம் (எம்.எல் & இ) '  தற்சார்பு இந்தியா வேலைவாய்ப்பு திட்டம்  (ஏ.ஆர்.பி.ஒய்) என்ற திட்டத்தை அறிமுகப்படுத்தியுள்ளது.

திறன் மேம்பாடு மற்றும் தொழில்முனைவோர் அமைச்சகம் (எம்.எஸ்.டி.இ) பல்வேறு குறுகிய கால திறன் திட்டங்களை செயல்படுத்தி வருகிறது. பிரதமரின் திறன் மேம்பாட்டு திட்டம்  2021-22 மற்றும் 2022-23 ஆம் ஆண்டுகளில் 74,702 திறன்களைக் கொண்டுள்ளது. கல்வியறிவு இல்லாதவர்கள், புதிய கல்வியறிவு பெற்றவர்கள் மற்றும் அடிப்படை கல்வி நிலை உள்ளவர்களை இலக்காகக் கொண்ட ஜன் சிக்ஷன் சன்ஸ்தான் திட்டம் 2021-22 மற்றும் 2022-23 ஆம் ஆண்டுகளில் 45,861 பேரைக் கொண்டுள்ளது. தொழில் பழகுநர் பயிற்சியை ஊக்குவிக்கும் தேசிய தொழில் பழகுநர் ஊக்குவிப்புத் திட்டம், 2021-22 மற்றும் 2022-23 ஆம் ஆண்டுகளில் 25,228 தொழில் பழகுநர்களுக்கு என்.இ.ஆரில் பயிற்சி அளித்துள்ளது. 2021-22 மற்றும் 2022-23 ஆம்  ஆண்டுகளில் சி.டி.எஸ் திட்டத்தின் கீழ் சுமார் 15,405 விண்ணப்பதாரர்கள் சி.டி.எஸ் இன் கீழ் பதிவு செய்யப்பட்டு திறன்கள் பயிற்றுவிக்கப்பட்டுள்ளன.

மத்திய அரசால் தொடங்கப்பட்ட பிரதமரின்  முத்ரா திட்டம் (பி.எம்.எம்.ஒய்) சிறு / குறு வணிக நிறுவனங்கள் மற்றும் தனிநபர்கள் தங்கள் வணிக நடவடிக்கைகளை நிறுவ அல்லது விரிவுபடுத்த ரூ .10 லட்சம் வரை பிணையற்ற கடன்களை வழங்குகிறது. 24.02.2023 நிலவரப்படி, என்.இ.ஆரில் வழங்கப்பட்ட தொகை ரூ.69,446 கோடி (தோராயமாக) ஆகும்.

ஊரக வளர்ச்சி அமைச்சகம் வேலைவாய்ப்பை உருவாக்குவதற்கும் வாழ்வாதாரங்களை ஆதரிப்பதற்கும் என்.இ.ஆர் உட்பட திட்டங்களை செயல்படுத்துகிறது.மகாத்மா காந்தி தேசிய ஊரக வேலை உறுதியளிப்புத் திட்டத்தின் கீழ் 2021-22 ஆம் ஆண்டில் 71 லட்சத்துக்கும்  அதிகமான நபர்களுக்கும், 2022-23 ஆம் ஆண்டில் 63 லட்சத்துக்கும் அதிகமான நபர்களுக்கும் வேலைவாய்ப்பு வழங்கப்பட்டுள்ளது. தீன் தயாள் அந்தியோதயா யோஜனா - தேசிய ஊரக வாழ்வாதார இயக்கத்தின் கீழ், திரட்டப்பட்ட மொத்த குடும்பங்கள் 2021-22 ஆம் ஆண்டில் 3,50,992 ஆகவும், 2021-22 ஆம் ஆண்டில் 4,45,718 ஆகவும் இருந்தன. தீன் தயாள் உபாத்யாயா கிராமீன் கவுசல்யா யோஜனா திட்டத்தின் கீழ், 2021-22 ஆம் ஆண்டில் 43,569 பேரும், 2022-23 ஆம் ஆண்டில் 53,505 பேரும் என்.இ.ஆரில் பணியமர்த்தப்பட்டுள்ளனர். தேசிய சமூக உதவித் திட்டத்தின் கீழ், மொத்த பயனாளிகள் 2021-22 ஆம் ஆண்டில் 12 லட்சத்திற்கும் அதிகமாகவும், 2022-23 ஆம் ஆண்டில் 11 லட்சத்திற்கும்  அதிகமாகவும் உள்ளனர். 2021-22 ஆம் ஆண்டில்பிரதமரின்வேலைவாய்ப்பு உருவாக்கும் திட்டத்தின் கீழ், 70,584 பேருக்கு வேலைவாய்ப்பு வழங்கப்பட்டுள்ளது. ஊரக சுயவேலைவாய்ப்பு பயிற்சி நிறுவனங்களின் திட்டத்தின் கீழ், 2022-23 நிதியாண்டில் பிப்ரவரி 2023 வரை 12,893 விண்ணப்பதாரர்கள் என்.இ.ஆரில் பணியமர்த்தப்பட்டுள்ளனர்.

வீட்டுவசதி மற்றும் நகர்ப்புற விவகாரங்கள் அமைச்சகம் தீன்தயாள் அந்தியோதயா யோஜனா - தேசிய நகர்ப்புற வாழ்வாதார இயக்கம் ஆகியவற்றை செயல்படுத்தி வருகிறது, இது நகர்ப்புற ஏழை குடும்பங்களின் வறுமை மற்றும் பாதிப்புகளை நிலையான அடிப்படையில் குறைக்கிறது. இத்திட்டத்தின் கீழ், 2023 பிப்ரவரி நிலவரப்படி, 23519 திறமையான நபர்கள் பணியமர்த்தப்பட்டு, சுமார் 8653 பயனாளிகளுக்கு தனிநபர் / குழு குறுந்தொழில்கள் தொடங்க உதவி வழங்கப்பட்டுள்ளது.

வடகிழக்கு பிராந்திய மேம்பாட்டு அமைச்சகத்தால் செயல்படுத்தப்பட்ட வடகிழக்கு பிராந்தியத்திற்கான பிரதமரின் மேம்பாட்டு முன்முயற்சி (பி.எம்-டி.வி.என்.இ)திட்டம் இளைஞர்கள் மற்றும் பெண்களின் வாழ்வாதார நடவடிக்கைகளுக்கு வழிவகுத்துள்ளது. ரூ.67 கோடி மதிப்பீட்டில்  மதிப்பு கூட்டப்பட்ட பொருட்களுக்கு வாழை தண்டு பயன்படுத்துதல் மற்றும் ரூ.44.99 கோடி செலவில் வடகிழக்கு இந்தியாவில் (பல மாநிலங்கள்) அறிவியல் இயற்கை விவசாயத்தை ஊக்குவித்தல் ஆகிய இரண்டு திட்டங்களுக்கு ஒப்புதல் அளிக்கப்பட்டுள்ளது.வடகிழக்கு கைவினைப்பொருட்கள் மற்றும் கைத்தறிக் கழகம் , கைவினைஞர்கள் மற்றும் நெசவாளர்களுக்கு திறன் மேம்பாடு மற்றும் சந்தை இணைப்புகளை உருவாக்குவதன் மூலம் அவர்களின் பாரம்பரிய திறன்களைத் தொடரவும், அவர்களுக்கு இலாபகரமான வேலைவாய்ப்பை வழங்கவும் உதவுகிறது.

இத்தகவலை மத்திய வடகிழக்கு பிராந்திய மேம்பாட்டுத் துறை அமைச்சர் கிஷன் ரெட்டிமாநிலங்களவையில் எழுத்துப்பூர்வமாக அளித்த பதிலில் தெரிவித்துள்ளார்.

*******

ANU/PKV/RJ

(Release ID: 1941071)