ইন্দিয়ন কাউন্সিল ওফ এগ্রিকলচরেল রিসর্স (আই.সি.এ.আর.)না ঙসি নেস্নেল এগ্রিকলচর সাইন্স কমপ্লেক্স, পুসা, নই দিল্লীদা মসিগী ৯৫শুবা ফাউন্দেসন দে পাংথোকখ্রে।

এগ্রিকলচর অমসুং ফারমর্স ৱেলফেয়রগী কেন্দ্র মন্ত্রী অমসুং আই.সি.এ.আর. সোসাইতীগী প্রসিদেন্ত শ্রী নরেন্দ্র সিংহ তোমরনা থৌরম অসিগী অথোইবা মীথুংলেন ওইখি। ফিসরিজ, এনিমেল হজবেন্দরী – দেরিয়িংগী কেন্দ্র মন্ত্রী শ্রী পর্শোত্তম রুপালা অমসুং এগ্রিকলচর অমসুং ফারমর্স ৱেলফেয়রগী কেন্দ্রগী রাজ্য মন্ত্রীশ্রী কৈলাশ চৌধরীসু থৌরমদুদা শরুক য়াখি।

শ্রী তোমরনা আই.সি.এ.আর.গী পুৱারী ওইরবা খোংচৎ অমসুং হৌখিবা চহি ৯৪দা মসিগী ওবরওল এচিবমেন্তশিং থাগৎখি। মহাক্না ফোংদোকখি মদুদি ভারত ফুদ গ্রেনশিংগী ওইনা লেম পাবা লৈবাক অমনি অমসুং লৈবাক অসিগী মীওই করোর ৮০দা চিঞ্জাক ফংহল্লি। প্রধান মন্ত্রীনা পুক্নিং থৌগৎপগা লোয়ননা লৌমীশিংগী কাননবগীদমক তোঙান তোঙানবা অনৌবা মিসন প্রোগ্রামশিংগী খুত্থাংদা এগ্রিকলচরদা অনৌবা তেক্নোলোজী প্রমোত তৌরি। ভারতকী এগ্রিকলচরেল প্রদক্তশিং মালেমদা পাম্নবা ওইরি অমসুং মিল্লেতসকী অন্তরজাতিগী চহিদা মিল্লেতসপু পাম্নখি হায়না মহাক্না মখা তাখি। মসি লৌমীশিং অমসুং সাইন্তিস্তশিংনা থৱায় হকচাং য়াওনা হোৎনবগী মহৈনা ওইহনবনি। মন্ত্রীনা হায়খি মদুদি এগ্রিকলচরেল অমসুং হোর্তিকলচরেল প্রদক্তশিং এক্সপোর্ত তৌবদা ফংখিবা শেনফম য়ু.এস. দোলর বিলিয়ন ৫০ লানখ্রে। মহাক্না খংহনখি মদুদজি সরকারনা ওর্গানিক ফার্মিং অমসুং নেচরের ফার্মিংদা মীৎয়েং চংলি অমদি ইকো-ফ্রেন্দলী এগ্রিকলচর প্রমোত তৌনবা লুপা করোর ১৫০০গী বজেত প্রোবিজনগা লোয়ননা তোঙানবা মিসন অমা লৌখৎলে। মখা তারকপদা মহাক্না কমোদিতী কয়া অমদা লৈবাক অসিবু আত্মনির্ভর ওইহনবতা নত্তনা চিঞ্জাক্কী পোৎলমশিংগী এক্সপোর্তর ওইহনবদা জাতিদা মখোয়গী অথোইবা থৌদাংগীদমক সাইন্তিস্তশিং অমসুং লৌমীশিংবু থাগৎপা ফোংদোকখি।

শ্রী রুপালানা আই.সি.এ.আর.বু দেরী অমসুং ফিসরীজ সেক্তরদা অওনবা পুরকপদা মশক য়াইবা এচিবমেন্ত কয়াগীদমক থাগৎপা ফোংদোকখি। মহাক্না মখা তানা হায়খি মদুদি এগ্রিকলচরদগী কার্বোন ক্রিদিৎশিং ফংনবা মতম অদু লাক্লে মদু অহেনবা ইনকমগীদমক এক্সপ্লোর তৌবা য়াই। মহাক্না আই.সি.এ.আর. রিসর্স ইন্সতিত্যুত ১১৩না দিবেলপ তৌবা ইনোবেতিব তেক্নোলোজীশিং উৎপা একজিবিসন অমসু হৌদোকখি।

শ্রী চৌধরীনা থৌরম অসিদা মহাক্কী ৱাখল্লোন থমখি অমসুং আই.সি.এ.আর.বু থাগৎপা ফোংদোকখি। মহাক্না মখা তানা ফোংদোকখি মদুদি চহি ৫গী মতুংদা আই.সি.এ.আর. চহি ১০০ মপুং ফারগনি অমদি চহি চামা ফারকপদা এগ্রিকলচরদা এচিব তৌগদবা এচিবমেন্তশিংগীদমক মাইলস্তোন সেত তৌনবা লালোং য়াৎনবা মসি চপ চাবা মতমনি।

দা. হিমানশু পাথক, সেক্রেতরী (দি.এ.আর.ই.) অমসুং দাইরেক্তর জেনরেল (আই.সি.এ.আর.)না হায়খি মদুদি মমাংদা ওইখিদ্রিবা মওংদা এগ্রিকলচর সেক্তরদা গ্রোথ রেকোর্দ তৌখ্রে। মহাক্না হায়খি মদুদি ভারত ফুদ গ্রেনশিং পুথোকপদা মরোমদোম লেম পানা কোনজবতা নত্তনা এগ্রিকলচর অমসুং এগ্রিকলচর প্রদক্তশিং পাক চাউনা এক্সপোর্ত তৌরি। মহাক্কী প্রজেন্তেসনদা মহাক্না ফুদ গ্রেন মখল ৩৪৬কী দিবলপমেন্ত, হোর্তিকলচর ক্রোপ মখল ৯৯গী দিবলপমেন্ত, ইফিসিয়েন্ত ক্রোপিং সিস্তেম জোনশিংগী মেপ্পিং, ক্রোপ ২৪গীদমক ফর্তিগেসন সেদ্যুল, অনৌবা ইক্বিপমেন্ত অমসুং মেছিনরী ২৮, কোরোনা ভাইরস অমসুং লম্পি দিজিজ ভেক্সিনশিং, অনৌবা দাইগ্নোস্তিক্স, অনৌবা ফিস ব্রীদশিংগী ব্রীদিং প্রোতোকোল, ফার্ম ত্রায়েলশিংদা ৪৭০৮৮ কন্দক্ত তৌবা অমসুং অনৌবা তেক্নোলোজীশিংদা ফ্রন্ত লাইন দেমোন্সত্রেসন লাখ ২.৯৯ অসিনচিংবা আই.সি.এ.আর.গী এচিবমেন্তশিংগী মতাংদা হায়লাইত তৌখি। মহাক্না মসিমসু ফোংদোকখি মদুদি তোঙান তোঙানবা ইন্দস্ত্রীশিংদগী এগ্রিকলচর সাইন্তিস্তশিংনা পেতেন্ত ৫৮ অমসুং তেক্নোলোজী লাইসেন্সিং এগ্রীমেন্ত ৭১১ খুৎয়েক পীখ্রে। কমরসিয়েলাইজেসনগীদমক এগ্রিকলচর ইনোবেসনশিং প্রমোত তৌনবা সাইদ ইভেন্ত ওইনা সাইন্তিস্ত-ইন্দস্ত্রী ইন্তরফেস মীফমসু ওর্গনাইজ তৌরি।

থৌরম হৌরকপদা শ্রী সঞ্জয় গার্গ, এদিস্নেল সেক্রেতরী (দি.এ.আর.ই.) অমসুং সেক্রেতরী আই.সি.এ.আর.না তরাম্না ওকপগী ৱারোল পীখি।

থৌরম অসিদা আই.সি.এ.আর. গবর্নিং বোদীগী মেম্বরশিং, আই.সি.এ.আর. হেদ ক্বাতর্সকী সেনিয়র ওফিসিয়েলশিং, আই.সি.এ.আর. ইন্সতিত্যুতশিংগী দাইরেক্তরশিং, স্তেত এগ্রিকলচরেল য়ুনিবর্সিতীশিংগী সাইন্তিস্ত অমসুং ভাইস-চান্সেলরশিং, লৌমীশিং, এগ্রি-প্রিন্যুরশিংনা শরুক য়াখি।

ফাউন্দেসন দেবু তেক্নোলোজী দে ওইনা পাংথোকপা মসিনা অহানবনি, মরম অদুনা লৌমীশিং, মহৈরোইশিং অমসুং এগ্রি-ইন্দস্ত্রীগী কাননবগীদমক আই.সি.এ.আর. তেক্নোলোজীশিং উৎনবা একজিবিসন অমা ওর্গনাইজ তৌখি। আই.সি.এ.আর.গী ইনোবেসনশিংগী মতাংদা মীয়ামদা খংহন্নবা একজিবিসন অসি মীয়ামগীদমক ২০২৩গী জুলাই ১৬দগী ১৮ ফাওবা হাংদোক্লি।

*****