صدر جمہوریہ ہند اور انڈین ریڈ کراس سوسائٹی کی صدر محترمہ دروپدی مرمو نے آج یہاں راشٹرپتی بھون کلچرل سنٹر میں انڈین ریڈ کراس سوسائٹی (آئی آر سی ایس) کی سالانہ جنرل میٹنگ کے رسمی اجلاس کی صدارت کی۔ 9 ریاستوں اور مرکز کے زیر انتظام علاقوں کے گورنروں اور لیفٹیننٹ گورنروں نے جسمانی طور پر اے جی ایم میں شرکت کی جبکہ کچھ دیگر نے ورچول طور پر شمولیت اختیار کی۔ آئی آر سی ایس کے اعزازی چیئرمین ڈاکٹر منسکھ مانڈویہ بھی اس موقع پر موجود تھے۔

یہ اے جی ایم جسمانی طور پر کووڈ-19 کی وبا کے سبب چھ سال بعد منعقد ہوئی۔ اجلاس میں ملک بھر سے 300 سے زائد مندوبین نے شرکت کی۔

حاضرین سے خطاب کرتے ہوئے ڈاکٹر مانڈویہ نے کہا کہ ریڈ کراس ضرورت مندوں اور کمزوروں کی خدمت کے لیے وجود میں آیا ہے۔ انہوں نے مزید کہا کہ ’’انڈین ریڈ کراس کو ہندوستانی حدود سے باہر امدادی پروگراموں میں شامل ہوکر اگلے درجے تک پہنچنا ہے۔‘‘

مرکزی وزیر صحت نے بتایا کہ زیادہ کارکردگی اور شفافیت لانے کے لیے ریاستی آئی آر سی ایس برانچوں کو پی پی ٹی کی شکل میں ایک ماہانہ رپورٹ اپنے معزز گورنروں کو دینے کی ضرورت ہوگی، تاکہ ریڈ کراس کے کام کو پھیلایا جائے اور تنظیم سے منسلک زیادہ سے زیادہ لوگ اس سے فائدہ اٹھا سکیں۔ انہوں نے یہ بھی کہا کہ ریڈ کراس کو شفاف طریقے سے کام کرنا چاہیے تاکہ وہ کارپوریٹ دنیا سے سی ایس آر کے تحت فنڈنگ حاصل کرنے کے لئے پہلا انتخاب بن جائے۔

تقریب کے دوران عزت مآب صدر جمہوریہ نے تلنگانہ کے ڈاکٹر ایل این امباتی نٹراج اور آندھرا پردیش سے ڈاکٹر گوپاراجو سمارم کو ریڈ کراس گولڈ میڈل عطا کیا۔ آئی آر سی ایس، اڑیسہ اسٹیٹ برانچ کو زیادہ سے زیادہ فنڈز اکٹھا کرنے کے لیے اور آئی آر سی ایس جموں و کشمیر کو یو ٹی برانچوں میں سال 2021-22 کے لیے اپنی آبادی کے حوالے سے زیادہ سے زیادہ فنڈ جمع کرنے پر نوازا گیا۔ ریاست گجرات کی شاخ اور دادرو نگر حویلی اور دمن و دیو، یو ٹی شاخ نے سب سے زیادہ رضاکارانہ خون جمع کرنے کے لیے خون عطیہ شیلڈز حاصل کیں۔ گجرات اسٹیٹ برانچ نے سال کے دوران 2 لاکھ 77 ہزار یونٹ خون جمع کرنے پر گولڈ میڈل جیتا۔

******

ش ح۔ م م۔ م ر

U-NO.7117

17.07.2023