ٹیکسٹائل ، کامرس وصنعت ، صارفین اُمور، غذ اور عوامی تقسیم نظام کےمرکزی وزیر  جناب پیوش گوئل نے امراوتی میں باوقار پردھان منتری میگاانٹریگریٹیڈ  ٹیکسٹائل ریجن اور اپیریل  (پی ایم متر) پارک  کااعزاز حاصل کرنے کیلئے ریاست کو مہاراشٹر کو مبارکباد دی۔ آج امراوتی میں پی ایم متر ٹیکسٹائل پارک کی لانچنگ تقریب سے خطاب کرتے ہوئے وزیر موصوف  نے زور دیکر یہ بات کہی کہ پی ایم متر پارک کے جڑنے سے مہاراشٹر کی تیزرفتار ترقی کو مزید مضبوطی حاصل ہوگی۔

جناب پیوش گوئل نے کہا کہ فرم سے لیکر فیکٹری، فیکٹری سے فیشن اور فیشن فارن تک مکمل ٹیکسٹائل ویلو چین میں مہاراشٹر کے اہم تعاون کو دیکھتے ہوئے یہ ٹیکسٹائل پارک کیلئے ایک فطری متبادل ہے۔

جناب گوئل نے مزید بتایا کہ سڑک، ریل ، بندرگاہ  اور ہوائی اڈے کے نیٹ ورک سمیت امراوتی کا اچھی طرح سے جڑا بنیادی ڈھانچہ مہاراشٹر میں کپڑا صنعت کو کافی بڑھاوا دیگا۔

تقریب میں مہاراشٹر کے وزیراعلیٰ جناب ایکناتھ شندے ، مہاراشٹر کے نائب وزیراعلیٰ جناب دیویندر فڑنویس اور ریلوے  وٹیکسٹائل کی مرکزی وزیر مملکت محترمہ درشنا جردوش نے شرکت کی۔ اس موقع پر حکومت مہاراشٹر کے ٹیکسٹائل کے وزیر جناب چندرکانت پاٹل، وزیر صنعت، حکومت مہاراشٹر جناب اودے سامنت ، ٹیکسٹائل کی وزارت حکومت ہند میں سکریٹری محترمہ رچنا شاہ اور حکومت مہاراشٹر میں صنعتوں کے پرنسپل سکریٹری  ڈاکٹر ہرشدیپ کامبلے  دیگر اہم لوگوں کے ساتھ موجود تھے۔

محترمہ درشنا جردوش نے ٹیکسٹائل ہب کی شکل میں ہندوستان کی تاریخی حیثیت کو تسلیم کرتے ہوئے اس بات پر زور دیا کہ امراوتی، مہاراشٹر سمیت مختلف ریاستوں میں پی ایم متر پارک کا قیام ہندوستان کو عالمی ٹیکسٹائل مینوفیکچرنگ مرکز بنانے کی سمت میں ایک اہم قدم ہے۔ انہوں نے یہ بھی کہا کہ مربوط پارک مہاراشٹر میں زیادہ سرمایہ کاری کو متوجہ کریگا، روزگار کے مواقع پیدا کریگا  اور ٹیکسٹائل سیکٹر میں اختراعات، تحقیق اور تربیت کو بڑھاوا دیگا۔

پروگرام کے دوران پی ایم متر پارک کے قیام کیلئے مہاراشٹر صنعتی ترقیاتی کارپوریشن (ایم آئی ڈی سی)، حکومت مہاراشٹر  اور ٹیکسٹائل کی وزارت حکومت ہند کے درمیان ایک مفاہمتی عرضداشت (ایم او یو) پر دستخط ہوئے۔

امراوتی میں پی ایم متر ٹیکسٹائل پارک سے تقریباً 10000 کروڑ روپئے کی سرمایہ کاری کو متوجہ کرنے کی توقع ہے  اور اس سے براہ راست اور بالواسطہ طور پر تقریباً 300000 لاکھ افراد کو روزگار ملے گا۔

ایڈیشنل امراوتی انڈسٹریل ایریا (ایم آئی ڈی سی)، سے متصل نندگاؤں پیٹھ میں 1020 ایکڑ آراضی  پر پھیلا ہوا یہ پارک ممبئی  ناگپور سمردھی ہائی وے سے محض 30 کلو میٹر دور اور قریب ترین بندرگاہ وردھا ڈرائی پور ٹ سے 147 کلو میٹر دور واقع ہے۔ براؤن فیلڈ پارک کی شکل میں اس میں پہلے سے ہی سڑک ، پانی اور بجلی جیسا ضروری بنیادی ڈھانچہ موجود ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ ج ق۔ ن ع

 (U: 7085)