য়ুমলৈ-কৈরৈ মন্ত্রালয়
হরিয়ানাগী গুরুগ্রামদা ‘এন.এফ.তি, এ.আই অমসুং মেতভর্সগী মতম অসিদা ক্রাইম অমসুং সেকুরিতিগী জি-২০ মীফম’ হৌদোকপা থৌরমদা য়ুনিয়ন হোম মিনিস্তর অমসুং কোওপরেসন মিনিস্তর শ্রী অমিত সাহনা ৱা ঙাংখিবগী মপুংফাবা ৱারোল
Posted On:
13 JUL 2023 2:50PM by PIB Imphal
শক্নাইরবা দেলিগেদশিং, ইকায়খুম্নবা গেস্তশিং অমসুং শরুক য়ারিবশিং খুরুমজরি।
ঐনা ময়াম পুম্নমক ভারত্তা তরাম্না ওকচরি। ‘হেরিতেচ’ অমসুং ‘তেক্নোলোজি’ খুৎশন্না চৎমিন্নরিবা লৈবাক অমদা অদোম তরাম্না ওকচরি।
‘এন.এফ.তি, এ.আই অমসুং মেতভর্সগী মতম অসিদা ক্রাইম অমসুং সেকুরিতিগী’ জি-২০ মরুওইবা মীফম অসিদা ঐ শরুক য়াবগীদমক অদোম থাগৎচরি।
ই-পাউ ফাওনবা হেনগৎলক্লিবা মালেম অমদা সাইবরগী খুদোংথিবশিং ঙাকথোক্নবা জাতি অমসুং মালেমগী থাক অনিমক্তা মতেং পীনবা অথুবগী ওইনা দরকার ওইরে হায়না মীফম অসিদা তকশিনবা ঐনা পাম্মী। হৌজিক ভারতনা জি-২০গী প্রসিদেন্ত ওইরিবা অসি অদোম খঙলে। ভারতনা জি-২-গী প্রসিদেন্ত ওইবগী থিমদি ‘ভসুধাইব কুতুম্বকম” নত্ত্রগা “মালেম অমা-ইমুং অমা-তুংলমচৎ অমা” হায়বনি। মসিদা ঐখোয়গী নাৎকী লৈজরিবশিং মমি তারি। ঙসিদিগী দিজিতেলগী মালেম অসিদা থিম অসি হেন্না চুনরে।
মমাঙঙৈগী লম, রাজনিতি অমসুং শেন্মিৎলোনগী ঙমখৈশিং তেক্নোলোজিনা লোইন লৌথোক্লে অমসুং ঙসিদি মালেমগী অচৌবা দিজিতেল খুঙ্গং অমদা ঐখোয় লৈরে। মীওই কয়া, খুন্নাইশিং অমসুং লৈবাক কয়া নকশিন্নহনবদা তেক্নোলোজিনা অফবা চাউখৎপা অমা পুরক্লবসু, খুন্নাইগী মায়োক্তা লৈবা মীওই খর অমসুং মালেমগী শক্তিশিংনা মীয়াম অমসুং সরকারশিংদা শেন-থুম অমসুং খুন্নাইগী অমাং-অতা থোকহন্নবা তেক্নোলোজি শীজিন্নরি। মরম অদুনা দিজিতেলগী মালেম অসি অশোই-অঙাম থোকহন্দনবা অপুনবা থবক পায়খৎনবা মালেমগী ওইনা থবক তৌমিন্নবা হায়বসি য়াম্না মরুওইবা অমনি।
‘সাইবর সেকুরিতি অসি মখা তানা দিজিতেল ৱার্ল্দ খক্তগী ওইদ্রে হায়বা প্রধান মন্ত্রী শ্রী নরেন্দ্র মোদীনা থাজৈ। মসি লৈবাক্কী অমসুং মালেমগী ঙাক-শেনগী হিরম অমা ওইরে। তেক্নোলোজিনা মীওইবা খুন্নাইগীদমক পাংথোকপা ঙম্বা থবকশিংদা প্রধান মন্ত্রী শ্রী নরেন্দ্র মোদীনা মরুওইনা লৌখি অমসুং তেক্নোলোজি শীজিন্নবদা ‘মীনুংশি খঙবা’ অমসুং ‘অৱা-অনা খঙনবা’ লৈনবা মহাক্না ‘ইন্তরনেত ওফ থিংস’গা “ইমোসন ওফ থিংস”গা পুনশিল্লে। প্রধান মন্ত্রী শ্রী নরেন্দ্র মোদীগী লমজিং মখাদা, অনৌবা তেক্নোলোজিশিং খুন্নাইগী খ্বাইদগী নেম্বা থাক্তা শীজিন্নবদা ভারতনা মাংজিল থারি অমসুং অনৌবা তেক্নোলোজি অসি খুন্নাইগী কাংলুপ খুদিংমক্তা মমল হোংনবা অমসুং মরাংকাইনা ফংহন্নবা ঐখোয়না পান্দম থম্লি।
ঙসি ভারতমচা মিল্লিয়ন ৮৪০ ওনলাইন্দা লৈরি অমসুং ২০২৫ ফাওবদা ভারতমচা মিল্লিয়ন ৪০০ দিজিতেলগী তাইবংদা চঙগনি। হৌখিবা চহি ৮দা ভারত্তা ইন্তরনেত শম্বা চাদা ২৫০ য়ৌরে অমসুং দেতা জি.বি অমগী মমল চাদা ৯৬ হন্থরে। প্রধান মন্ত্রী জন ধন য়োজনাগী মখাদা অনৌবা বেঙ্ক একাউন্ত মিল্লিয়ন ৫০০ হেন্না হাংদোক্লে অমসুং রুপে দেবিদ কার্দ মিল্লিয়ন ৩৩০ হেন্না য়েন্থোকখ্রে। ২০২২দা ত্রান্সসেক্সন মিল্লিয়ন ৯০ পাংথোক্তুনা মালেমগী দিজিতেল ওইনা শেন পীথোক-পীশিন তৌবদা ভারতনা মাংজিল থারে অমসুং হৌজিক ফাওবদা ভারত্তা লুপা ত্রিল্লিয়ন ৩৫গী য়ু.পি.আই ত্রান্সসেক্সনশিং পাংথোকখ্রে। মালেমগী দিজিতেল পেমেন্তশিংগী চাদা ৪৬ ভারত্তা পাংথোক্লি অমসুং ২০১৭-১৮দগী ত্রান্সসেক্সনগী চাং শরুক ৫০ হেনগৎলে। দি.বি.তিগী খুৎথাংদা মিনিস্ত্রি ৫২গী স্কিম ৩০০ হেন্না কোনশিন্দুনা বেনিফিসরিশিংগী বেঙ্ক একাউন্তশিংদা লুপা মিল্লিয়ন ৩০০ গী শেনফম অমা হাপচিনখ্রে। দিজিলোক্করদা চে-চাং বিল্লিয়ন ৬ রোম থমজিল্লে। লৈবাক অসিদা ভারতনেতকী মখাদা কিমি ৬০০০,০০০গী ও.এফ.সি তিংলে। রেজিস্তার মিল্লিয়ন ৫৩ তৌদুনা উমং এপ্প হৌদোক্লে। থবকশিং দিজিতেল ওইনা পাংথোকপা অসিনা চহি ১০গী মনুংদা ভারত ‘দিজিতেল নেসন’ অমা ওইরে।
থবকশিং দিজিতেল ওইনা পাংথোকপা অসিনা চহি ১০গী মনুংদা ভারত ‘দিজিতেল নেসন’ অমা ওইরে।
সাইবরগী শিংনবশিং হেনগৎলক্লে। ইন্তরপোলগী ২০২২গী রিপোর্ত অমগী মতুংইন্না মালেম শীনবা থুংনা রেন্সমৱায়ার, ফিসিং, ওনলাইনস্কাম, ওনলাইন্দা অঙাংশিং ওৎপা অমসুং হেক্কিং অসি অচৌবা খুদোংথিবা ওইরে অমসুং তুংদা হায়রিবা সাইবর ক্রাইমশিং অসি শরুক কয়া হেনগৎলকপা য়াবগী ওইথোকপা লৈরে। মসিগা ইরোইননা, মসিগী মীফম অসি অখন্নবা অমনি অমসুং মসি জি-২০গী অহানবা সাইবর সেকুরিতিগী মীফম অমা ওইরগনি। হৌজিক ফাওবদা জি-২০না দিজিতেলগী অওনবা পুরক্নবা অমসুং শেন-থুমগী মীৎয়েং অমদগী দেতা শীজিন্নবগী মতাংদা মীৎয়েং থম্লি, অদুবু হৌজিক ক্রাইম অমসুং সেকুরিতিগী ৱাফমশিং খঙজিনবা অমসুং পাম্বৈ অমা থিবা হায়বসি য়াম্না মরুওইবা অমনি। এন.এফ.তি, এ.আই, মেতাভর্স অমসুং অতোপ্পা অনৌবা তেক্নোলোজিশিং মতম চানা থেংন্নবা অমসুং অনৌবা শিংনবশিং পুন্না থেংনমিন্নবা হায়বসি ঐখোয়গী থৌদাংনি।
য়ুনিয়ন হোম মিনিস্তরনা হায়খি জি-২০ মীফমদা সাইবর সেকুরিতিগী লমদা খর হেন্না মীৎয়েং চঙবা অসিনা ‘ইনফোর্মেসন ইনফ্রাস্ত্রকচর’ অমসুং ‘দিজিতেল পব্লিক প্লেতফোর্মশিং’ অশোই-অঙাম থোকহন্দবদা অচৌবা থৌদাং লৌগনি। জি-২০দা সাইবস স্পেস সেকুরিতি অমসুং সাইবর ক্রাইমগী মতাংদা খন্নবা অসিনা ইন্তিলিজেন্স অমসুং ই-পাউজ পীথোক-পীশিনগী নেতৱার্ক শেমগৎপদা মতেং পাংগনি অমসুং মসিনা হিরম অসিদা মালেমগী ওইনা পুন্না থবক তৌমীন্নবা হেনগৎহনগনি। মীফম অসিগী পান্দমদি ‘দিজিতেল পব্লিক গুদস’ অমসুং ‘দিজিতেল পব্লিক ইনফ্রাস্ত্রকচর’ অশোই-অঙাম থোকহন্দনবা লোয়ননা তেক্নোলোজিগী কান্নবা লৌনবা মালেমগী ওইনা অফবা অমসুং মতিক চাবা ফ্রেমৱার্ক অমা শেমগৎপনি।
নুমিৎ নিনীগী মীফম অসিদা সেসন ৬ লৈগনি হায়না ঐনা থাজৈ অমসুং মখাগী হিরমশিং অসিদা ইন্তরনেসনেল কোওপরেসন ফ্রেমাৱার্ক অমগী মতাংদা খন্নগনি,
• ইন্তরনেত গভর্নান্স,
• দিজিতেল পব্লিক ইনফ্রাস্ত্রকচর ঙাক-শেনবা,
• দিজিতেলগী মপু ওইবগী মতাংদা আইন অমসুং চৎন-কাংলোনগী ৱাফমশিং,
• দাইত্ব লৈনবা এ.আই শীজিন্নবা অমসুং দার্গ নেতকীদমক ইন্তরনেসনেল কোওপরেসন ফ্রেমৱার্ক শেম্বা।
মালেমগী লৈবাকশিংনা মীফম অসি থম্মোয় শেংনবা শৌগৎপদা ঐ হরাওবা ফোঙদোক্লি। জি-২০ লৈবাকশিংগী মথক্তা, চেবাউ পীদুনা শরুক য়াবা লৈবাক ৯ অমসুং মালেমগী অচৌবা লুপ অনি হায়বসি ইন্তরপোল অমসুং য়ু.এন.ও.দি.সি অমসুং মালেমগী তোঙান-তোঙানবা ৱাঙাংলোয়শিং মীফম অসিদা শরুক য়ারি।
মরুপশিং,
দিজিতেলগী ষুগ অসিদা সাইবর সেকুরিতি অসি মালেমগী ঙাক-শেনগী তঙাইফদবা অমা ওইরে। হেন্না ফবা মওং অমদা তেরোরিজম, তেরর ফাইনান্সিং, রেদিকেলাইজেসন, নার্কো, নার্কো-তেরর লিঙ্কশিং অমসুং লান্না পাউ শন্দোকপা য়াওনা অনৌবা, মমাঙঙৈগী অমসুং মমাঙঙৈগী নত্তবা শিংনবশিং থেংন্নবা লৈবাকশিং অমসুং মালেমগী লুপশিং মপাঙ্গল কনখৎহনবা তঙাইফদে। ঐখোয়গী ঙাক-শেনগী লমদা অহোংবা অমা পুরক্লিবা ‘দাইনামাইত্তগী মেতাভর্স ফাওবা অমসুং হৱালাদগী ক্রিপ্তো করেন্সি ওন্থোকপা অসি মালেমগী লৈবাকশিংগী খুদোংথিনিঙাই ওইবা মচাক অমা ওইরে অমসুং ঐখোয় অমতা ওইনা, মসিগী মায়োক্তা মান্নবা লাল্লোং অমা শেমগদবনি।
হিংশা পাংথোক্নবা, নহারোলশিং চিংশিন্নবা অমসুং শেন খোমগৎনবা তেরোরিস্তশিংনা অনৌবা পাম্বৈশিং শীজিন্নরি অমসুং তেরোরিস্তশিংনা শেন থাদোক-থাজিন তৌনবা ভর্চুএল এসেতশিং শীজিন্নরি। মখোয়গী মশক লোৎনবা অমসুং রেদিকেলগী মচাকশিং শন্দোক্নবা তেরোরিস্তশিংনা দার্গ-নেত শীজিন্নরি। দার্গ-নেত্তা পাংথোক্লিবা থবকশিং ঐখোয়না খঙগদবনি অমসুং মদু থিংনবা পাম্বৈশিং থিগদবনি। তোঙান-তোঙানবা ভর্চুএল এসেতশিং শীজিন্নবা থিংনবা অকনবা অমসুং মতিক চাবা থৌরাং অমা শেমগৎনবা ঐখোয়না পুন্না হোৎনমিন্নগদবনি।
মতম অমদা সাইন্স ফিক্সন ওইনা লৈরম্বা মেতাভর্স হৌজিক অশেংবা মালেম অসিদা লাক্লে অমসুং মসিনা তেরোরিস্ত লুপশিংগীদমক অনৌবা খুদোংচাবশিং পীরে অমসুং অরানবা পাউ শন্দোকপা, মী লৌবা অমসুং ত্রেনিং পীবদা শীজিন্নরে। অশোনবা কাংলুপশিং খঙদোকপা অমসুং অশোনবা মীওইশিংদা পান্দম থমদুনা তেরোরিস্তশিংনা থবক পাংথোকপদা মসিনা হেন্না লাইহল্লে। ইন্তরনেত শীজিন্নরিবা মীওই অমগী অশেংবা শক্তম চুম্না মতৌ তম্বদা মেতাভর্সনা খুদোংচাবা কয়া পীরি অমসুং মসি “দিপ ফেকস” হায়না খঙনৈ অমসুং লনাই মীওইশিংগী বাইওমেত্রিক দেতাশিং শীজিন্নদুনা ফত্তবা তৌবা মীওইশিংনা লনাই মীওই অদুগী মরমদা অকুপ্পা মরোলশিং লৌথোকখি।
রেন্সমৱায়ার, লনাই মীওই অমগী মরুওইবা দেতা য়োনবা, ওনলাইন্দা ওৎপা-নৈবা অমসুং অঙাংশিং ওৎপা অমসুং শাশিন্নবা পাউশিং শন্দোকপগী থবকশিং সাইবর ক্রিমিনেলশিংনা পাংথোক্লি। মরুওইবা ই-পাউ অমসুং শেন-থুমগী সিস্তেমশিংদা অকায়বা থোকহনবগী থবকশু হেনগৎলক্লি। অসিগুম্বা থবকশিং অসি লৈবাক্কী ওইনা খুদোংথিবা অমনি অমসুং মখোয়গী থবকশিং অসিনা লৈবাক্কী ঙাক-শেন, আইন অমসুং শেন্মিৎলোন্দা অচৌবা চৈথেং পীরে। অসিগুম্বা ফত্তবা থবকশিং অমসুং পাংথোক্লিবা মীওইশিং অসি থিংগে হায়রবদি, লমগী ঙমখৈশিংগী অথিংবা লৈতনা ঐখোয় থবক তৌগদবনি অমসুং কোক থাগদবনি। দিজিতেলগী লাল অসি ঐখোয়গী ফিজিকেল রিছোর্স নত্তে, অদুবু ঐখোয়না ওলাইন্দা থবক পাংথোকপা অমসুং ওনলাইন নেতৱার্ক মিনিত খর খক ওইরবসু থিংবা অসিনা য়াম্না চাউনা চৈথেং পীগনি।
মরুপশিং,
ঙসিদি মালেমগী লৈবাক পুম্নমক লৈবাক ঙাকপদা অমসুং মীয়ামগী য়াইফনবা দিজিতেলগী পাম্বৈশিং শীজিন্নরি, মরম অদুনা দিজিতেল প্লেতফোর্মশিং মীয়াম্না থাজবা থমগদবনি। দিজিতেলগী স্পেসদা খুদোংথিনিঙাই ওইরকপা অসিনা লৈবাক অমগী আইনগী ওইবা অমসুং মনিংতম্বদা ৱাহং কয়া হংলক্লে। ঐখোয়গী ইন্তরনেতকী পান্দম অসি ঐখোয়গী লৈবাকশিং হিংবদা নত্ত্রগা দিজিতেল ফাইয়ারৱালশিংগুম্বা অমদা য়াম্না চাউনা শিংনবা কাহেনবা মনিংতম্বা অমা ওইরোইদৌবনি।
ঙসি মালেমদা খুদম অমা ওইরবা ‘ওপন এসেস দিজিতেল পব্লিক ইনফ্রাস্ত্রকচর’ নমুনাশিং ভারতনা লিংখৎলে। দিজিতেল ওইনা শক তাক্নবা ভারতনা আধার নমুনা হৌদোক্লে, য়াংনা মতম চানা শেন-পীথোক পীশিন তৌনবা য়ু.পি.আই নমুনা হৌদোক্লে, হকশেলগী লমদা ওপন নেতৱার্ক ফোর দিজিতেল কম্মর্স(ও এন দি সি) অমসুং ওপন হেল্থ সর্বিসেস নেতৱার্ক হৌদোক্লে। মালেমগী লৈবাকশিংগী মীয়াম দিজিতেলগী শক্তি পীনবা ঙসিগী মালেম অসিনা দিজিতেল পব্লিক ইনফ্রাস্ত্রকচরনা ই-পাউ অমসুং শেন-থুমগী থবকশিং পাংথোক্নবা নমুনা অমা শেমগৎপা দরকার ওইরে।
মরুপশিং,
মালেমগী লৈবাক কয়া সাইবর ক্রাইমশিংগী চৈথেং ফংলে অমসুং মসি মালেমগী শেন্মিৎলোন্দা অচৌবা শিংনবা ওইরক্লে। ৱার্ল্দ বেঙ্কগী মতুংইন্না, ২০১৯-২০২৩ দা সাইবর এত্তেকশিংনা মালেমগী ওইনা দোল্লার ত্রিল্লিয়ন ৫.২ মাঙহনখি। কিহনবা অমসুং আইন্না য়াদবা থবকশিংদা ক্রিপ্তো করেন্সি শীজিন্নবা হেনগৎলক্লে। য়ুনিফোর্ম সাইবর স্ত্রাতেজি শেম্নবা, সাইবর ক্রাইমশিং মতম চানা পাউ পীবা, আইন ঙাক্নবা লৈরিবা এজেন্সিশিং মপাঙ্গল কনখৎহন্নবা, থিজিন্নবা খুৎলায়শিং শেমগৎপা অমসুং ফোরেন্সিক লেবশিংগী নেসনেল নেতৱার্ক অমা লিংখৎপা অমসুং মীয়ামদা সাইবরগী মরমদা খঙহন্নবা ভারত সরকারনা প্রধান মন্ত্রী মোদীগী লমজিং মখাদা থবক কয়া পায়খৎলে।
লৈবাক অসিগী পুলিস স্তেসনশিংদা ক্রাইম এন্দ ক্রিমিনেল ত্রেক্কিং নেতৱার্ক এন্দ সিস্তেম(সি সি তি এন এস) পায়খৎলে। সাইবর ক্রাইম থেংননবা সরকারনা ইন্দিয়ান সাইবর-ক্রাইম কোওর্দিনেসন সেন্তর(I-4C) লিংখৎলে। সাইবর সেকুরিতিগী লমদা মালেমদা খ্বাইদগী চাউবা ত্রেনিং প্রোগাম পীনবা ভারত সরকারনা 'CyTrain' পোর্তেল কৌবা অচৌবা ওনলাইন প্লেতফোর্ম অমা হাংদোক্লে।
দিজিতেল ক্রাইমশিং থেংননবা লৈবাকশিংগী আইনশিংদা মান্নবা খর থমগদবনি। সাইবর ক্রাইমশিংগী ঙমখৈ লৈতে, লৈবাকশিংগী তোঙান-তোঙানবা আইনশিংগী মখাদা থেংননবা থবক অমা ঐখোয়না পায়খৎকদবনি। হিরম অসিদা মালেমগী ওইনা মতেং পীনবা অসিনা সাইবর ক্রাইমশিং থেংনবদা য়াম্না চাউনা মতেং পাংগনি।
হিরম অসিদা চপ চাবা থবক ওইনা পায়খৎনবা থৌরাং অমা শেম্বা ঙম্লগনি। দিজিতেলগী ক্রাইমশিং থেংননবা লৈবাক পুম্নমক চপ মান্নবা আইনশিং শেম্নবা থবক পায়খৎকদবনি, অপুনবা অমসুং লেংদবা থৌরাং অমদা সাইবর সেকুরিতি থৌশিলশিং শেম্বা অসিনা ই-পাউ পীথোক-পীশিনদা থাজবা হেনগৎহনগনি অমসুং এজেন্সি প্রোতোগোলশিং অমসুং রিছোর্স ৱাৎপা হন্থহনবা ঙমগনি। লৈবাক অমগী মরুওইবা ইনফ্রাস্ত্রকচরশিং ঙাক-শেন্নবা ইন্দস্ত্রি অমসুং অখঙ-অহৈশিংদগী মতেং লৌদুনা মেম্বর লৈবাকশিংগী মরক্তা মতম চপ চানা সাইবরগী শিংনরকপগী ইন্তিলিজেন্স শরুক য়ামিন্নবা তঙাইফদবা অমা ওইরে।
সাইবরগী থৌদোকশিংগী মতাংদা পাউ পীনবা অমসুং থবক ওইনা পায়খৎনবা লৈবাকশিংগী সাইবর এজেন্সিশিংগী মরক্তা খর হেন্না মতেং পাংনগদবনি। ঙমখৈ লান্না চৎথরকপা সাইবর ক্রাইমশিং অপুনবা ওইনা থেংনবা দরকার ওই। ই-পাউ অমসুং কম্মুনিকেসন তেক্নোলোজিশিং ফত্তবা থবক তৌবদা শীজিন্নিবা থিংনবা য়ু.এন কনভেন্সনগী মতুংইন্না, খুদম-চাংদমশিং থমজিনবা অমসুং থিজিনবা অমসুং মতেং পীনবা দরকার ওই। অনৌবা তেক্নোলোজিশিংনা মরম ওইদুনা থেংনরিবা শিংনবশিং থেংননবা কম্পুতর ইমর্জেন্সি রেসপোন্স তিম(সি ই আর তি এস) মপাঙ্গল কনখৎহনগদবনি।
‘মাঙজৌন্না খঙনবা, মাঙজৌন্না ঙাকথোক্নবা, ঙাক-শেন্নবা অমসুং শেমজিন্নবা’ মপুংফাবা থবক অমগীদমক 24x7 সাইবর সেকুরিতিগী থবক অমা থমগদবনি। লৈবাক্কী ঙমখৈশিং শীনবা থুংনা সাইবরগী অকিবা লৈবা মরম্না, সাইবর ক্রাইমশিং লাকশিন্নবা লৈবাকশিং, লুপশিং অমসুং মরী লৈনবশিং মপুংফানা থবক তৌমিন্নগদবনি। দিজিতেল করেন্সিদা সাইবর ক্রাইম হেনগৎলকপা মরমনা, অসিগুম্বা শেন-থুমগী অরানবশিং লাকশিন্নবা অখন্নবা চেন্নেল অমদা লৈবাকশিং থবক তৌমিন্নবা দরকার ওই। এন.এফ.তি প্লেতফোর্মশিংদা থার্দ-পার্ত ভেরিফিকেসন পাংথোকপনা থাজবা হেনগৎহনগনি অমসুং ফত্তবা থবকশিং লাকশিনবা ঙমগনি।
ঐনা লোইশিল্লকপদা হায়জরি, লৈবাক অমা নত্ত্রগা লুপ অমনা নাইতোম ওইনা সাইবরগী অকিবশিং মায়োক্নবা ঙম্লোই, মহৌশাগী চৎনরিবা লমগী ঙমখৈগী মথক্তা হেনগৎনা খনবা ঐখোয় দরকার ওই অমসুং মসি অপুনবা ওইনা থেংনবা দরকার ওই। মসিগী থবক অসি সরকার খক্তনা পাংথোকপা ঙম্লোই। ‘সাইবরদা মাইপাক্লবা মালেম’ অমা শেমগৎনবা ঐখোয়না পান্দম থম্লি অমসুং ‘সাইবরদা মাইথিরবা মালেম’ অমা শেমগৎপা নত্তে। মীয়াম পুম্নমক্কী ‘অশোই-অঙাম লৈতবা অমসুং নুংঙাইবা দিজিতেলগী তুংলমচৎ’ অমা লৈহন্নবা হায়রিবা তেক্নোলোজিশিং অসি ঐখোয়না মপুংফানা শীজিন্নগদবনি। শিংনবশিং অমতা ওইনা থেংন্নবা ঐনা মেম্বর লৈবাকশিংগী মফমদা হায়জরি।
অদোম থাগৎচরি!
*****
(Release ID: 1939448)
Visitor Counter : 126