ঙসি সাইন্স অমসুং তেক্নোলোজিগী রাজ্য মন্ত্রী(মনিংতম্বা), পি.এম.ও, এতোমিক ইনর্জি দিপার্তমেন্ত, স্পেস দিপার্তমেন্তগী রাজ্য মন্ত্রী অমসুং পর্সোনেল, পব্লিক গ্রিভান্সেস অমসুং পেন্সন্সকী রাজ্য মন্ত্রী দোক্তর জিতেন্দ্র সিংহনা হায়খি চন্দ্রয়ান-৩না ভারতনা মালেমগী ওইনা সাইন্স, তেক্নোলোজি, ইন্নোবেসন অমসুং স্তার্দঅপশিংদা মতেং পাংনবা হেনগৎহল্লগনি।

মিনিস্তরনা হায়খি মীওইবনা সুন্দ্রংদা চৎনবগী মতাংদা মতেং পীন্নবা য়ু.এ.এগী নাসা অমসুং ভারতকী ইসরোগী মরক্তা মরুওইবা ঙাক্লৌ অমা শেমগৎলি অমসুং ঙসিদি নাসানা ভারতকী এস্ত্রোনোতশিং মশক খঙলে। হন্দক প্রধান মন্ত্রী শ্রী নরেন্দ্র মোদীগী য়ু.এস খোঙচঙ মনুংদা ভারতসু আর্তেমিস খুৎয়েক পীনরে অমসুং মসিনা মীওইবা খুন্নাইগী য়াইফনবা সুন্দ্রংগী শরুক থিদোক্নবা মান্নবা পান্দম অমা থম্লি।

পুন্সি কয়া অওনবা পুরক্নবা ক্রিতিকেল অমসু ইমর্জিং তেক্নোলোজি: ক্বান্তম তেক্নোলোজিশিং অমসুং আর্তিফিসিএল ইন্তিলিজেন্সগী ৱাফমশিং ঙসি অপুনবা ওইনা ভারত অমসুং য়ুনাইতেদ স্তেৎসনা লাউথোকখি। থৌরম অদুদা ভারত্তা লৈবা য়ু.একী এম্বেসেদর ইরিক গারসেত্তিনা য়ু.এস.এগী মহুৎশীন্দুনা শরুক য়াখি অমসুং তুংদা মিনিস্তর দোক্তর জিতেন্দ্রনা ৱা ঙাংখি। থৌরম অদু ইন্দো-য়ু.এস সাইন্স এন্দ তেক্নোলোজি ফোরম(আই য়ু এস এস তি এফ) অমসুং য়ু.এস.আই.এস.তি.ই.এফকী সেক্রেতরিয়েদনা শীনবনি।

মিনিস্তরনা হায়খি লৈবাক অনিগী অচেৎপা মরুপ-মপাং ওইবগী মরীগী অনৌবা ষুগ অমা হাংদোক্নবা মহাক্না হোৎনবদগী, হন্দক প্রধান মন্ত্রী নরেন্দ্র মোদীগী য়ু.এস খোঙচৎ মতুংদগী থবক অসি পায়খৎলকপনি। লুচিংবশিংগী ৱারেপশিং থবক ওইনা পাংথোক্নবা ভারত অমসুং য়ু.এসকী নাকল অনিমক্না মখোয় মশামক য়াম্না য়াংনা হোৎনবদা মহাক হরাওবা ফাওই।

দোক্তর জিতেন্দ্রনা হায়খি ভারত-য়ু,এস পুন্না থবক তৌমিন্নবা অসিনা এ.আই(আর্তিফিসিএল ইন্তিলিজেন্স)গী ষুগ অসিদা এ.আই(অমেরিকা-ইন্দিয়া)গী মরীদা অনৌবা থৌনা অমা হাপ্লে অমসুং তুংগীদমক তেক্নোলোজিগী লমদা মতেং পীননবা অনৌবা মাইকৈ অমদা খোঙ থাংজিল্লে।

দোক্তর জিতেন্দ্র সিংহনা হায়খি এ.আই অমসুং ক্বান্তম তেক্নোলোজিশিং অপুনবা ওইনা শেমগৎনবা অমসুং ললোন-ইতিক পায়খৎনবা য়ু.এস-ইন্দিয়া সাইন্স এন্দ তেক্নোলোজি ইন্দোমেন্ত ফন্দগী মখাদা দোল্লর মিল্লিয়ন ২গী গ্রান্ত প্রোগ্রাম অমা হৌদোকপদা রাস্ত্রপতি বাইদেন অমসুং প্রধান মন্ত্রী নরেন্দ্র মোদীনা অপেনবা ফোঙদোকখি। মসিনা ভারত্তা হায় পর্ফোমেন্স কম্পুতিং(ঐচ পি সি)গী খুদোংচাবশিং ফংহন্নবা সরকার-লানাই মতেং পীনবা পুক্নিং থৌগৎকনি।

দোক্তর জিতেন্দ্র সিংহনা হায়খি ক্বান্তম তেক্নোলোজি(ক্বিউ তি)গী অনৌবা ফিবম অমা শেমগৎনবা অমসুং সাইন্তিফিক অমসুং ইন্দস্ত্রিগী রিছার্স অমসুং দিবলপমেন্তগী থবক মপাঙ্গল কনখৎহন্নবা হন্দক ভারতনা নেসনেল ক্বান্তম মিসন( এন ক্বিউ এম) অয়াবা পীরে। মালেম্না হৌজিক মায়োক্নরিবা খুদোংচাদবশিং কোকহন্নবা এ.আইগী তৌবা ঙম্বা শক্তি লৈরি অমসুং মসিনা শেন-থুম চাউখৎহন্নবা খুদোংচাবা কয়া মরাংকাইনা লৈরি।

দোক্তর জিতেন্দ্রনা হায়খি এ.আই অমসুং ক্বান্তম তেক্নোলোজিদা শেন থাদবা অসিনা ঐখোয়গী মীয়ামগী নোংমগী পুন্সিদা অওনবা পুরক্কনি অমসুং অনা-লায়য়েং, লৌউ-শিংউ, অইং-অশাগী খল কাইরকপগী লমদা খুন্নাইদা য়াম্না চাউনা কানবা পীগনি। ইন্দোমেন্ত ফন্দগী খুদোংচাবশিং মহাক্না তরাম্না ওকই।

ললোন-ইতিক্কী খুদোংচাবা লৈবা অমসুং খুন্নাইগা মরী লৈনবা অপুনবা ইন্দো-য়ু.এস তেক্নোলোজি ইন্নোবেসন অমসুং ওন্ত্রেপ্রেনিউয়রগী ৱাফমশিং পীখৎলক্নবা কৌরি অমসুং মসি ওগস্ত ৩১,২০২৩ ফাওবগী মনুংদা পীশিল্লকপা য়াগনি। মসিনা স্তেনেবল দিবলপমেন্ত গোল( এস দি জি)গী পান্দমশিং ফংনবা লৈবাক অসিগী অমসুং য়ু.এসগী ওইনা খুদোংচাবা কয়া পীগনি।

*****