পঞ্চায়তী রাজগী মন্ত্রালয়
পঞ্চায়তী রাজকী কেন্দ্রগী রাজ্য মন্ত্রী শ্রী কাপিল মোরেস্বর পাতিলনা ভিদিও কন্ফরেন্সিংগী খুত্থাঙদা ওদিতওনলাইনগী এ.তি.আর. মোদ্যুল হৌদোকখ্রে
ওদিতওনলাইনগী এ.তি.আর. মোদ্যুল অসিনা মতুং তারকপা গ্রান্তশিং থাদোক্নবগীদমক ১৫শুবা ফাইনান্স কম্মিসনগী ক্রাইতেরিয়াশংই শুননবা পঞ্চায়ত একাউন্ত পুম্নমকপু মপুং ফানা ওদিত তৌবদা মরুওইবা শক্লোন লৌরি
Posted On:
12 JUL 2023 6:59PM by PIB Imphal
ওদিতওনলাইনগী এক্সন তেকন রিপোর্ত (এ.তি.আর.) মোদ্যুল ঙসি ভিদিও কন্ফরেন্সিংগী খুত্থাঙদা, পঞ্চায়তী রাজকী কেন্দ্রগী রাজ্য মন্ত্রী শ্রী কাপিল মোরেস্বর পাতিলনা থৌরম মপু ওইদুনা এম.ও.পি.আর.গী সেক্রতরী শ্রী সুনিল কুমার, এম.ও.পি.আর.গী এদিস্নেল সেক্রেতরী দোক্তর চন্দ্র সেখর কুমার, এম.ও.পি.আর.গী জোইন্ত সেক্রেতরী শ্রী অলোক প্রেম নগর, এম.ও.পি.আর.গী জোইন্ত সেক্রেতরী শ্রী বিকাস অনন্দ অমদি ওফিস ওফ দি কম্পত্রোলর এন্দ ওদিতর জেনেরেল ওফ ইন্দিয়াগী মকোক থোংবা ওফিসরশিং শরুক য়াবা ভর্চুএল থৌরম অমদা পঞ্চায়তী রাজ মন্ত্রালয়না হৌদোকখ্রে। স্তেতশিংগী পঞ্চায়তী রাজ দিপার্তমেন্তশিং অমদি দিরেক্তোরেৎ ওফ লোকেল ফন্দ ওদিতকী মীহুৎশিং থৌরমদুদা ভর্চুএল ওইনা শরুক য়াখি। ওদিতওনলাইনগী এ.তি.আর. মোদ্যুল ভর্চুএল ওইনা লোঞ্চ তৌবগী থৌরমদুদা তোঙান তোঙানবা স্তেত/য়ু.তি.শিংগী পঞ্চায়ত ফংস্নরীশিংসু শরুক য়াখি।
![https://static.pib.gov.in/WriteReadData/userfiles/image/image0025O5T.jpg](https://static.pib.gov.in/WriteReadData/userfiles/image/image0025O5T.jpg)
পঞ্চায়ত ওদিতশিংদা হেন্না ত্রান্সপেরেন্ত অমদি একাউন্তেবিলিতী লৈহন্নবগীদমক, পঞ্চায়তী রাজ মন্ত্রালয়না এপ্রিল ১৫, ২০২০দা ওদিতওনলাইন এপ্লিকেসন হৌদোক্তুনা, পঞ্চায়ত একাউন্তশিংগী ওনলাইন ওদিত য়াহনখি অমদি ফাইনেন্সিএল মেনেজমেন্ত অমদি ত্রান্সপেরেন্সী হেনগৎহল্লি।
![https://static.pib.gov.in/WriteReadData/userfiles/image/image0036ETQ.jpg](https://static.pib.gov.in/WriteReadData/userfiles/image/image0036ETQ.jpg)
হৌখিবা ওদিত মতম ২০২০-২১ অমদি ২০২১-২২দা ওদিত রিপোর্ত ২০০,০০০ হেন্না জেনেরেত তৌদুনা স্তেতশিংনা মশক থোকপা খোঙজেল ফংবা ঙম্লে। মসি স্তেতশিং অমদি পঞ্জায়তশিংগী শিংথানিংঙাই ওইবা থৌওংনি। ঙসি ফাওবদা, পঞ্চায়ত ২৫৬,৭৯৫ রেজিস্তর তৌখ্রে; ওবজার্বেসন ২,১০৩,০৫৮ দোকুমেন্ত তৌরে অমদি ওদিত মতম ২০২১-২২গী ওইনা পি.আর.আই. ওদিত রিপোর্ত ২১১,২৭৮ (চাউরাক্না ৮০%) জেনেরেত তৌরে।
১৫শুবা ফাইনান্স কম্মিসনগী চৎন-পথাপকী মতুং ইন্না, শেনবা চহি ২০২৩-২৪দগী হৌরগা, স্তেতশিংনা ২০২১-২২গী ওইনা রুরেল লোকেল বোদী ১০০% য়াওরিবা পঞ্চায়ত থাক পুম্নমক্কী ওদিত রেকোর্দ লৈহনবা মথৌ তাই। ওদিতকী খুত্থাঙদা একাউন্তেবিলিতী লৈহন্নবগীদমক, মন্ত্রালয়না ঙসি হৌদোক্লিবা এক্সন তেকন রিপোর্ত (এ.তি.আর.) মোদ্যুল হৌদোক্তুনা ওনলাইন ওদিত রিপোর্ত ফগৎহন্নবা হোৎনরি। মোদ্যুল অসিনা ওদিতকী ফাইন্দিংগী রেসপোন্সতা থবক লৌখৎপগী ক্লারিতী লৈহন্দুনা ওদিত প্রোসেসদা হেন্না মওং মরিল নাইবা ফীভম পুরক্নবা পান্দম থম্লি।
পঞ্চায়তী রাজকী কেন্দ্রগী রাজ্য মন্ত্রী শ্রী কাপিল মোরেস্বর পাতিলনা মন্ত্রালয়না হৌদোক্লিবা এ.তি.আর. মোদ্যুল অসিনা গ্রাসরুত থাক্তা দিজিতেল গভর্নেন্স য়োকখৎপদা মশক থোকপা পন্দোল অমদি ওইরে হায়খি। স্তেত/ য়ু.তি.শিংদা মখা তাবা গ্রান্তশিং ফংনবগীদমক তরামঙাশুবা ফাইনান্স কম্মিসনগী ক্রাইতেরিয়াশিং শুহন্নবা পঞ্চায়ত একাউন্ত পুম্নমক ওদিত তৌবদা মরুওইবা মীৎয়েঙ চঙনবা ৱাফম মহাক্না থমখি। দেদলাইনশিং নীংথিনা য়ৌবা ঙম্নবগীদমক দিস্ত্রিক্ত লেবেল ফাইনেন্সিএল এদভাইজর (দি.এল.এফ.এ.) অমদি ওদিত দিপার্তমেন্তশিং মপাঙ্গল কনখৎহনবা মরুওই। মতৌ কমদৌনা ওদিতওনলাইনগী এ.তি.আর. মোদ্যুলনা পঞ্চায়তশিংবু হেন্না একাউন্তেবল ওইহন্দুনা, মতিং লৈহন্দুনা, মপাঙ্গল হাপ্তুনা অমদি শেঞ্জা থুমজা লৈহন্দনা, লৈবাক শিনবা থুংনা গ্রান মঞ্চায়তকী ফন্দশিং অয়েৎ অপন লৈতনবা মেনেজ তৌবা অমদি শীজিন্নবা ঙমহনগনি হায়বগী মতাঙদা শ্রী কাপিল মোরেস্বর পাতিলনা ৱাফম কয়া থমখি।
![https://static.pib.gov.in/WriteReadData/userfiles/image/image0046GS3.jpg](https://static.pib.gov.in/WriteReadData/userfiles/image/image0046GS3.jpg)
পঞ্চায়তী রাজ মন্ত্রালয়গী সেক্রেতরী শ্রী সুনিল কুমারনা, ওদিতওনলাইনগী এক্সন তেকন রিপোর্ত (এ.তি.আর.) মোদ্যুল অসিনা ওনলাইন ওদিত প্রোসেস মওং মরিল নাইহন্দুনা অমদি ওদিত ওবজার্বেসনগী মতাঙদা পঞ্চায়তশিংনা থবক লৌখৎপদা ময়েক শেংহন্দুনা গ্রাসরুত থাক্তা ত্রান্সপেরেন্সী অমদি একাউন্তেবিলিতী হেনগৎহনগনি হায়না পানরি হায়খি। শ্রী সুনিল কুমারনা স্তেত/ য়ু.তি.শিংবু ওদিতওনলাইনগী খুত্থাঙদা পঞ্চায়তী রাজ ইন্সতিত্যুসনশিংগী ফাইনেন্সিএল ওদিতকী লমদা পায়খৎলিবা অফবা থবকশিংগীদমক শিংথাখি অমদি এ.তি.আর. মোদ্যুল অসিনা তরাতরুকশুবা ফাইনান্স কম্মিসনগী মফমদা পঞ্চায়তী রাজ ইন্সতিত্যুসনশিং (পি.আর.আই.) / রুরেল লোকেল বোদীশিং (আর.এল.বি.)গীদমক ফন্দ হেন্না থাদনবা দিমান্দ হেন্না মপাঙ্গল কনখৎহনগনি হায়খি। ওদিত ওবজার্বেসনগী মতাঙদা থবক পায়খৎপদা হেন্না ময়েক শেংহন্নবা অমদি গ্রাম পঞ্চায়তকী থাক্তা ফন্দ মওং চুম্না শীজিন্নবদা হেন্না ত্রান্সপেরেন্সী লৈহন্নবা ওনলাইন ওদিত প্রোসেসপু মখাতানা স্ত্রীমলাইন তৌনবগী ৱাফমসু মহাক্না মরুওইনা থমখি।
![https://static.pib.gov.in/WriteReadData/userfiles/image/image005A4BY.jpg](https://static.pib.gov.in/WriteReadData/userfiles/image/image005A4BY.jpg)
থৌরমদুদা, পঞ্চায়তী রাজ মন্ত্রালয়গী জোইন্ত সেক্রেতরী, শ্রী অলোক প্রেম নগরনা ওদিতওনলাইনগী এ.তি.আর. মোদ্যুলগী মতাঙদা মসিদা য়াওরিবা খোঙথাঙশিংগী মপুং ওইবা মশক তাক্তুনা চাউরাকপা প্রজেন্তেসন অমা উৎখি। এন.আই.সি.-এম.ও.পি.আর.না এ.তি.আর. মোদ্যুলগী দিমোন্সত্রেসন অমসু উৎখি। এম.ও.পি.আর.গী দিপুতী সেক্রেতরী শ্রী বিজয় কুমারনা থাগৎ ৱারোল পীরদুনা, লৈবাক শিনবা থুংবদগী শরুক য়াররিবা মীওইশিং অমদি ওদিতওনলাইনগী এ.তি.আর. মোদ্যুল শেমগৎপদা শরুক য়াখিবা ওফিসর পুম্নমক্কী মফমদা থাগৎ ৱাহৈ ফোঙদোকখি।
তুংদা, ওদিতওনলাইনগী এ.তি.আর. মোদ্যুলনা মতুং তারকপা ফন্দশিং থাদোক্নবগীদমক ১৫শুবা ফাইনান্স কম্মিসনগী ক্রাইতেরিয়াশিং য়ৌহন্নবা পঞ্চায়ত একাউন্ত পুম্নমক মপুং ফানা ওদিত তৌবদা মরুওইবা শ্লোন লৌগনি। মসি ফংবা ঙম্নবগীদমক, স্তেত/ য়ু.তি.শিংনা ওদিত থৌওংশিং মতম চানা লোইশিন্নবগীদমক দিস্ত্রিক্ত লেবেল ফাইনেন্সিএল এদভাইজর (দি.এল.এফ.এ.) অমদি ওদিত দিপার্তমেন্তশিংগী মপাঙ্গল কনখৎহনবদা অখন্নবা মীৎয়েঙ চঙবা মথৌ তাই।
*******
(Release ID: 1939160)
Visitor Counter : 110