مرکزی وزارت تعلیم نے جاپان سائنس اور ٹکنالوجی (جے ایس ٹی) ایجنسی کے تعاون سے آج 63 طلباء اور اساتذہ کی ایک ٹیم کو مختلف اہم مقامات - صنعتی تنظیموں، عجائب گھروں، یونیورسٹیوں، تحقیقی اداروں وغیرہ کے تعلیمی دورے کے لیے جاپان روانہ کیا۔یہ ٹیمیں مختلف موضوعات پر معلومات اکٹھی کریں گی جس سے ان کے کیریئر میں مزید رہنمائی ملے گی۔ یہ نوجوان سیکھنے والے کیندریہ ودیالیوں اور نوودیا ودیالیوں کے 11-12ویں جماعت کے طالب علم ہیں، جو مختلف مضامین کے شعبوں میں اعلیٰ تعلیم کے خواہشمند ہیں۔ طلباء 9 جولائی سے 15 جولائی 2023 تک جاپان کے اس ہفتے بھر طویل سفر کے لیے بہت پرجوش اور حوصلہ افزا ہیں۔

اس پروگرام میں محترمہ ارچنا شرما اوستھی، جوائنٹ سکریٹری، محکمہ اسکولی تعلیم اور خواندگی، وزارت تعلیم، مسٹر کیموچی یوکیو، منیجر، جے ایس ٹی جاپان، جوائنٹ ڈائریکٹر، این سی ای آر ٹی-سی آئی ای ٹی اور وزارت تعلیم، ڈاکٹر اے کے۔ پی بیہرا اور کیندریہ ودیالیہ سنگٹھن اور نوودیا ودیالیہ سمیتی کے عہدیدار بھی اس موقع پر موجود تھے۔

نوجوان سیکھنے والوں میں فکری روشن خیالی اور سائنسی کھوج کے لیے جاپان سائنس اور ٹیکنالوجی ایجنسی (جے ایس ٹی) محکمہ اسکولی تعلیم اور خواندگی، وزارت تعلیم، مرکزی حکومت کے ساتھ مل کر ساکورا سائنس ہائی اسکول پروگرام کو ساکورا سائنس پروگرام۔ (ایس ایس پی) 2014 کے تحت نافذ کر رہی ہے۔ اس پروگرام کے تحت طلباء کو جاپان کے مختصر مدتی دوروں کے لیے مدعو کیا جاتا ہے۔ اس سے انہیں جاپان کی جدید ترین سائنس اور ٹیکنالوجی کے ساتھ ساتھ اس کی ثقافت کا تجربہ کرنے کا موقع ملتا ہے۔

ہندوستان نے پہلی بار اپریل 2016 میں اس پروگرام میں حصہ لیا تھا۔ اس پروگرام کے تحت اب تک 411 طلباء 69 سپروائزرز کے ساتھ جاپان کا دورہ کر چکے ہیں۔ آخری کھیپ نومبر 2019 میں جاپان گئی تھی۔ جاپان سائنس اور ٹیکنالوجی ایجنسی (جے ایس ٹی) نے کورونا وائرس وبائی امراض کے دوران یونیورسٹی کے آن لائن دوروں کا اہتمام کیا تھا۔

ش ح۔   ش ت۔ج

Uno-6870