নেস্নেল ফিস ফার্মর্স দে অসি তুং কোইগদবা অমদি মাঙদা চঙশিনগদবা ফিসরিজ সেক্তর অমা লৈহন্নবগী মায়কৈদা ঙামী, এক্বাকলচর ইন্দস্ত্রী প্রোফেস্নেলশিং অমদি অতৈ স্তেকহোল্দরশিংনা লৌরিবা মমল নাইদ্রবা থৌদাংবু শকখঙবা অমদি থাগৎপা ওইনা চহি খুদিংগী জুলাই ১০দা পাঙথোকপনি‍। নেস্নেল ফিস ফার্মর্স দে ২০২৩ অসি ঙামীশিংনা লৌরিবা চাউরবা থৌদাং অমদি তুং কোইগদবা এক্বাকলচরগী মায়কৈদা মখোয়না লেপ্লিবা খোঙফমবু লৈবাক পুম্বনা শকখঙনবা তাঞ্জা অমনি‍। ফিসরিজ সেক্তরগী দাইত্য লৈবা থৌওংশিং লৌশিন্দুনা অমদি মখোয়গী মতিং লোকশিন্দুনা, ঐখোয়না নুংঙাই য়াইফবা তুংলমচৎ অমা লৈহনবা ঙমগনি, ফুদ সিক্যুরিতীগী ফীভম ফগৎহনবা ঙমগনি, অমদি লৈবাকসিগী মপুং ওইবা চাওখৎ লম্বীদা থৌদাং য়াবা ঙমগনি‍।

এন.এফ.দি. অসি, ইনলেন্দ এক্বাকলচরগী য়াওল অমা পুরকখিবা, ইং ১৯৫৭গী নুমিৎ অসিদা হায়পোফাইসেসন তেক্নিক শীজিন্নদুনা ভারতকী মেজর কার্পশিংদা মচা কাপ্পা অমদি মরুম কোকহনবগী থৌওংবু লমজিং লমতাকখিবা ভারতকী ফিসরিজ সেক্তরগী প্রোফেসর দোক্তর হিরালাল চৌধুরী অমদি মহাক্কী কলীগ দোক্তর কে.ঐচ. অলিকুনহিবু ইকায়খুম্নবা অমদি মখোয়গী থৌদাংবু নীংশিংবা ওইনা পাঙথোকপনি‍। পাঙথোক্লিবা অসিগী পান্দমদি ঙা য়োকপশিং, এক্বাপ্রিন্যুরশিং (এক্বা ফার্মিং সেক্তরগা মরী লৈনবা বিজিনেসমেনশিং), অমদি ঙামীশিংনা লৈবাকসিগী ফিসরিজ সেক্তর চাওখৎহনবদা অমদি ঐখোয়গী ফিসরিজ রিসোর্সশিং তুং কোইগদবা মওংদা মেনেজ তৌনবগী লম্বী পুন্না খন্নমিন্ননবা ইকোসিস্তেম অমা শেমগৎপদা লৌরিবা থৌদাংশিংবু শকখঙবিবনি‍। নেস্নেল ফিস ফার্মর্স দে অসিনা দিমান্ত হেনগৎলক্লিবা ফিস প্রোতীন পীবদা, থবক পীবগী খুদোংচাবা শেমগৎপদা, অমদি লৈবাকসিগী ফুদ সিক্যুরিতীগী ফীভম ফগৎহনবদা লৌরিবা মরুওইবা শক্লোনশিংবু শকখঙবিনবা মরুওইবা ফম্পাক অমনি‍। মসিনা মতমগা চুনবা এক্বাকলচর তেক্নিকশিং শীজি্নবদা, ঙা পুথোকপগী চাং হেনগৎহনবদা, অমদি এক্বাতিক রিসোর্সশিং ঙাক্তুনা থম্বদা মখোয়না পুক্নিং লুপ্লিবা অমদি অনৌবা ৱাখল্লোনশিং পুথোক্লিবা অসিবুসু উৎলি‍। চহি কয়াসিদা, ফিসরিজ সেক্তরনা মশক থোক্না খুমাঙ চাওশিনবা, সাইন্তিফিক রীছর্চ অমদি তেক্নোলোজিকেল ইন্তরভেন্সন্না থৌদুনা চৎপা মতৌ উবা ফংলি‍।

থৌরম অসিদা, সেমিনার, ৱর্কসোপ, একজিবিসন, অমদি ইন্তরেক্তিব সেসন্নচিংবা মখল মখাগী থবক থৌরমশিং লৈবাক শিনবা থুংনা ৱাখল লৌশিং শন্দোক্নবগীদমক, এক্সপিরিএন্স তাথোক তাশিন তৌনবগীদমক, অমদি স্তেকহোল্দরশিংগী মরক্তা তেংবাংনবগী ফীভম লৈহন্নবগীদমক পাঙথোক্কনি‍। ফিসরিজ সেক্তরদগী এক্সপর্তশিং অমদি প্রোফেস্নেলশিংনা এক্বাকলচরগী লমদা লৈরিবা খ্বায়দগী নৌবা দিভেলপমেন্ত, রিছর্চ ফাইন্দিং, অমদি নৌনা থোরক্লিবা ত্রেন্দশিংগী মরমদা মচা খায়বা ৱাফমশিং থমগনি‍।

ভারত লৈঙাক্না মতম পুম্বদা ফিসরিজ সেক্তরবু মপুং ফাবা মওংদা অওনবা পুরক্নবা অমদি লৈবাকসিদা ব্লু রিভোলুসনগী খুত্থাঙদা শেন্মিৎলোন ফগৎহন্নবা অমদি নুংঙাই য়াইফবা ফীভম পুরক্নবা মাঙজিল থানা লেপ্লি‍। সেক্তর অসিনা প্রদক্সন অমদি প্রদক্তিবিতী হেনগৎহন্নবা, ক্বালিতী ফগৎহন্নবা, লৈবাক মনুংদা ঙা চাবগী চাং অমদি এক্সপোর্ত ত্রেদ হেনগৎহন্নবা, অমাঙ অতা হন্থহন্নবা পান্দম থমদুনা মসিনা থবক ফংদ্রিবা নহাশিংগী থবক পীনবগী খুদোংচাবশিং শেমগৎলক্কনি‍। ২০১৫দগী হৌরগা, ভারত লৈঙাক্না লুপা করোর ৩৮,৫৭২গী চাংদা শেল থাদনবা লাউথোকখ্রে‍। ইং ২০১৬দা, লুপা করোর ৩,০০০গী শেনফম থাদদুনা, ব্লু রিভোলুসনগী মখাদা হৌদোকখিবা ইন্তিগ্রেতেদ দিভেলপমেন্ত এন্দ মেনেজমেন্ত ওফ ফিসরিজ থৌরাং অসিনা ফিসরিজ সেক্তর খুমাঙ চাওশিলহনবদা মরুওইবা শক্লোন লৌরি‍। কেন্দ্রগী বজেৎ ২০১৮দা, শেলথুম মন্ত্রীনা, ঙা পুথোকপগী চাং হেনগৎহন্নবগীদমক মরিন অমদি কংফাল মনুংগী ফিসরিজ অনিমক্তা, ফিসরিজ অমদি এক্বাকলচর পুম্বদা ইনফ্রাস্ত্রকচর শেমগৎপদা মথৌ হাপ্নবগীদমক, ফিসরিজ সেক্তরগী ওইনা লুপা করোর ৭৫২২.৪৮গী কোর্পস অমগা লোয়ননা ফিসরিজ এন্দ এক্বাকলচর ইনফ্রাস্ত্রকচর দিভেলপমেন্ত ফন্দ (এফ.আই.দি.এফ.) অমা শেমগৎপগী ৱাফম লাউথোকখি‍। এফ.আই.এফ.দি.গী মখাদা পায়খৎপা প্রোজেক্তশিং ইন্তরেস্ত সবভেন্সন য়াওরগা এস্তিমেতেদ নৎত্রগা একচুএল প্রোজেক্ত কোস্তকী ৮০% ফাওবগী লোন লৌবা য়াই‍। ইং ২০২০দা, প্রধান মন্ত্রীনা চহি মঙাগী ওইনা পুন্না লুপা করোর ২০,০৫০গী শেনফম থাদদুনা ভারতকী ফিসরিজ সেক্তরদা তুং কোইগদবা অমদি দাইত্য লৈবা দিভেলপমেন্তকী খুত্থাঙদা ব্লু রিভোলুসন পুরক্নবা স্কীম অমা ওইনা, প্রধান মন্ত্রী মতস্য সম্পদ য়োজনা (পি.এম.এম.এস.ৱাই) হৌদোকখি‍। শেলথুম মন্ত্রীনা কেন্দ্র বজেৎ ২০২৩-২৪দা লুপা কর,র ৬,০০০ থাদদুনা পি.এম.এপ.এস.ৱাই.গী মখাদা সব-স্কীম অমা লাউথোকখি‍। পি.এম.এম.এস.ৱাই.গী মরুওইবা পান্দমদি ২০২৪-২৫ ফাওবদা ঙা পুথোকপগী চাং ২২ এম.এম.তি. ফাওবা য়ৌহনবনি‍।

ইচঙ থৌবা প্রোগ্রাম অসিনা সেক্তর অসিদা নহা লাখ ৫৫রোমদে থবক পীননবগী পান্দমসু থম্লি‍। পি.এম.এম.এস.ৱাই. অসি তুং কোইগদবা গ্রোথ অমদি দিভেলপমেন্ততা মীৎয়েঙ থমদুনা ফিসরিজস সেক্তরদা অহোংবা পুরক্নবা অমদি মীওই মিলিয়ন কয়াগী পুন্সি মহিং ফগৎহন্নবা পায়খৎলিবনি‍। প্রোগ্রাম অসিনা ফিসরিজ অমদি এক্বাকলচরদা খ্বায়দগী নৌবা ইনোভেসনশিং শীজিন্নবদা মরুওইবা মীৎয়েঙ থম্বগা লোয়ননা লনাই সেক্তরশিং শরুক য়াহনগদবা, ওন্ত্রপ্রিন্যুরসিপ খুমাঙ চাওশিলহনগদবা, বিজিনেস মোদেলশিং শেমগৎলক্কদবা, ইজ ওফ দুইং বিজিনেস য়োকখৎকদবা, ইনোভেসন, অমদি স্তার্তঅপ, ইনক্যুবেতরনচিংবা থৌরাংশিং য়োখৎকদবা ফীভম অমা লৈহল্লি‍।

দিপার্তমেন্ত ওফ ফিসরিজ, এনিমেল হজবেন্দ্রী, এন্দ দেরীইং, ভারত লৈঙাক্না নেস্নেল ফিস ফার্মর্স দে অসিবু, ভারতকী ফিসরিজ সেক্তরনা ফংবা ঙম্লবা মশক থোকপা পান্দমশিংবু নীংশিংদুনা পাঙথোকপনি‍। চহি অসিনা ভারতকী ফিসরিজ ইন্দস্ত্রীগী খোঙজেল অমদি খুমাঙ চাওশিনবগী চহি মাপন মপুং ফারকপা তারি‍। হায়রিবা মরুওইবা পন্দোল অসিদা, দিপার্তমেন্ত অসিনা, জুলাই ১০-১১দা তামিল নাদুগী ফজরবা ময়োল্লম মহাবলিপুরমদা ‘সম্মর মীত ২০২৩’ অমদি ‘স্তার্ত-অপ মীত ২০২৩’ পাঙথোক্কদৌরি‍। ‘সম্মর মীত ২০২৩’ অমদি ‘স্তার্ত-অপ কনক্লেব’ অসিনা ভারতকী ফিসরিজ সেক্তরগী শিংথানিংঙাই ওইরবা মায় পাকপশিংবু পুথোক্নবা অমদি ইন্দস্ত্রী অসিদা ইনোভেসন অমদি ওন্ত্রপ্রিন্যুরিসপ পুরক্নবা ফম্পাক অমা ওইগনি‍। থৌরম অসিনা ঙা য়োকপা মীওইশিং, থিজিন হুমজিল্লিবশিং, ইন্দস্ত্রী এক্সপর্তশিং, ওন্ত্রপ্রিন্যুরশিং, অমদি খউজিল থৌরাং য়াৎলিবশিংবু মখোয়গী ৱাখল লৌশিং, এক্সপিরিএন্স তাথোক তাশিন তৌননবা অমদি ফিসরিজপু তুং কোইগদবা মওংদা চাওখৎপা ফীভম পুরক্নবগী তুংগী লম্বী থিমিন্ননবা পুনশিনমিন্নগনি‍। ‘স্তার্ত-অপ কনক্লেব’ অসিনা মচিন তুমখৎলক্লিবা ওন্ত্রপ্রিন্যুরশিং অমদি স্তার্ত-অপশিংবু ফিসরিজ অমদি এক্বাকলচরগী লমদা মখোয়গী ইনোভেতিব ওইবা ৱাখল্লোন, পোত্থোক, অমদি তেক্নোলোজীশিং উত্থোক্নবগী তোপ তোপ্পা ফম্পাক অমা পীগনি‍। কনক্লেব অসিনা ফিসরিজ ইন্দস্ত্রীবু খুমাঙ চাওশিলহন্বদা অমদি মতমগা চুনহনবদা থৌদাং য়াবা ঙমগদবা অনৌবা ভেঞ্চরশিংবু পুক্নিং থৌগত্তুনা ঙাক্লৌ পীননবা পান্দম থম্লি‍।

লৈবাক শিনবা থুংবদগী ঙা য়োকপা মীওই, এক্বাপ্রিন্যুর, ঙামী, প্রোফেস্নেল, ওফিসিএল, অমদি সাইন্তিস্ত চাউরাক্না ১০,৫০০ রোম্না থৌরমসিদা শরুক য়ারবা য়াই‍। থৌরম অসিদা, ঙা য়োকপা, এক্বাকলচর, অমদি মরী লৈনবে তেক্নোলোজীশিং কোনশিনবা স্তোল ৫০রোম উৎকনি‍। প্রোগ্রাম অসিদা ফিসরিজ স্তার্ত-অপশিং/ ফিস এফ.পি.ও.শিং/ ফিস কোওপরেতিবশিংগী একজিবিসন হৌদোক্কনি, মদুগী তুংদা, দি.ও.এফ.কী মায় পাকপশিং উৎপা, সেন্ত্রেল্লী স্পোন্সর্দ স্কীম বেনিফিসরী ওরিএন্তেদ, নন-বেনিফিসরী ওরিএন্তেদ অমদি সেন্ত্রেল সেক্তর স্কীম অনিমক্তা ভারত লৈঙাক্কী দি.ও.এফ.না ঙাক্লৌ পীবা ফিসিরিজ প্রোজেক্তশিং ভর্চুএল ওইনা হৌদোকপনচিংবা থৌরমশিং য়াওরি‍। ফিসরিজ স্তার্ত-অপ এৱার্দ সিরেমোনীদা ইনোগুরেল সাইতশিংদা ঙামী নুপা অমদি নুপীশিংগা ভর্চুএল ওইনা ৱারী ৱাতায় শানবগী থৌরমশিংসু পাঙথোক্কনি‍।

ফিসরিজ, এনিমেল হজবেন্দ্রী, অমদি দেরীইংগী কেন্দ্র মন্ত্রী অমদুং রাজ্য মন্ত্রীনা মরুওইবা ৱারোল পীদুনা সেক্তর অসিগী লৈরিবা খোঙজেলশিং খঙহনগনি অমদি ফিসরিজ সেক্তরদা লৈরিবা খ্বায়দগী নৌবা ত্রেন্দশিং, খ্বায়দগী ফবা থৌওংশিং অমদি নৌনা থোরক্লিবা খুদোংচাবশিংগী মতাঙদা মমল নাইদ্রবা ৱাফম কয়া থমগনি‍। লৈবাক শিনবা থুংবদগী স্তেত লৈঙাকশিংগী ফিসরিজকী মন্ত্রীশিং অমদি মকোক থোংবা ওফিসরশিংনা থৌরমসিদা শরুক য়াগনি অমদি মখোয়না থেংনরকপশিং পাউদমদুনা ফিসরিজ সেক্তরদা তুংদা থেংনগদবা শিংনবশিং খন্নগনি অমদি চঙশিনগদবা লম্বী য়াত্থোক্কনি‍।

ভারত লৈঙাক্নী দিপার্তমেন্ত ওফ ফিসরিজ, এনিমেল হজবেন্ত্রী, অমদি দেরীইংনা, মখোয়গী কত্থোকপা অমদি শুবা নোম্বা কনবা মতৌনা ভারতকী ফিসরিজ সেক্তর মায় পাকহনবদা মরুওইবা শক্লোন লৌরিবা লৈবাক পুম্বগী ঙা য়োকপশিং অমদি ঙামীশিংগী চোকথবা নাইদ্রবা হোৎনজমলবু শকখঙলি‍। সেলেব্রেসন অসিনা মখোয়গী মশক থোকপা থৌদাংশিংবু শকখঙনবা অমদি মখোয়গী মফমদা ঐখোয়না তৌবিমল খঙবা উৎননবা খুদোংচাবা অমা পীরি‍। থৌরম পুম্বা অসি লৈবাক শিনবা থুংনা লৈরিবা তোঙান তোঙানবা স্তেকহোল্দরশিংদা য়ৌহন্নবগীদমক লাইব স্ত্রীম তৌগনি‍।

লিঙ্ক: https://youtube.com/@NFDBINDIA

*****