14 جولائی 2023 کو پیرس میں منعقد ہونے والی باسٹل ڈے پریڈ میں شرکت کے لیے ہندوستانی بحریہ کا ایک مشترکہ سہ فریقی دستہ کے حصہ کے طور پر فرانس پہنچ گیا ہے۔ بحری دستے کے چار افسران اور 64 سیلرز پریڈ میں حصہ لیں گے اور کمانڈر وراٹ بگھیل بحری دستے کی قیادت کریں گے۔ بحریہ کے افسر بگھیل گولہ باری اور میزائل وارفیئر میں ماہر ہیں اور انہوں نے ورون مشق کے دوران فرانسیسی جہاز بی سی آر وار پر سفر کیا تھا۔ سی ڈی آر وراٹ بگھیل کی مدد جونیئر نیول آفیسرز لیفٹیننٹ کمانڈر دیشا امرت (جنہوں نے آر ڈی پریڈ 2023 میں ہندوستانی بحریہ کے دستے کی قیادت کی)، لیفٹیننٹ کمانڈر رجت ترپاٹھی اور لیفٹیننٹ کمانڈر جِتن للیتا دھرمراج کریں گے۔

اس تقریب کا جشن منانے کے لئےہندوستانی بحریہ کی سرگرمیوں کی قیادت آئی این ایس چنئی کر رہا ہے، جو کہ پہلی لائن کا مقامی طور پر بنایا گیا ڈسٹرائر ہے، جسے 12 سے 16 جولائی 2023 تک فرانس میں تعینات کیا جائے گا۔ جہاز کا عملہ فرانس کے شہر بریسٹ میں باسٹیل ڈے پریڈ میں ہندوستان کی نمائندگی کرے گا۔

ہندوستانی بحریہ دنیا کی سب سے بڑی بحریہ میں سے ایک ہے جس کے پاس جنگی جہازوں، آبدوزوں اور ہوائی جہازوں کے طاقتور بیڑے ہیں۔ سنسکرت میں اس کا نعرہ 'شن نو ورونہ' (جس کا مطلب ہے سمندروں کا خدا ہمیں برکت دے) رگ وید سے لیا گیا ہے اور یہ 1500 قبل مسیح کا ہے۔ ہندوستانی بحریہ ایک 'جنگی طور پر تیار، قابل اعتماد، مربوط اور مستقبل کے خطرات سے نمٹنے کے قابل' ہے، جس کا انتظام انتہائی ہنر مند اور پیشہ ور افرادی قوت کے ذریعے کیا جاتا ہے۔

ہندوستان کی جنگی جہاز بنانے کی صلاحیت نے ہندوستانی بحریہ کی ترقی اور تیز رفتار جدید کاری میں بہت زیادہ تعاون کیا ہے۔ ملک کے شپ یارڈز آج ہر قسم کے بحری جہاز بنا رہے ہیں اور یہ بڑے فخر کی بات ہے کہ ہندوستان منتخب اور ممتاز ممالک کے ایک بہت ہی چھوٹے گروپ میں شامل ہے، جس نے اپنے طیارہ بردار بحری جہاز، ڈسٹرائر، چھوٹی کشتیاں اور ایٹمی توانائی سے چلنے والی آبدوزیں بنائی ہیں۔ آئی این ایس چنئی دیسی ٹیکنالوجی کی جدید ترین مثال ہے۔

دونوں بحری افواج کے درمیان دوطرفہ مشق (ورونا) ایک پیچیدہ مشق کی سیریز میں پختہ ہو گئی ہے جو بحری طاقت کے تمام شعبوں پر مشتمل ہے۔ یہ ہندوستان فرانس کے اسٹریٹجک دو طرفہ تعلقات کی توسیع کی عکاسی کرتا ہے۔ یہ مشق سال 1993 میں شروع کی گئی تھی اور سال 2001 میں اسے ورون کا نام دیا گیا تھا۔ ورون مشق کا 21 واں ایڈیشن 23 جنوری کو بحیرہ عرب میں منعقد ہوا۔

*****

ش ح۔   ش ت۔ج

Uno-6846