শেল-থুম মন্ত্রালয়
কেন্দ্রগী শেলথুম মন্ত্রী শ্রীমতী নির্মলা সিতরমন্না পব্লিক সেক্তর বেঙ্কশিংগী পর্ফোর্মেন্স য়েংশিনবগী মীফম পাঙথোকখ্রে
ক্রেদিৎ দিপ্লোইমেন্ত, প্রোফিতেবিলিতী, এসেত ক্বালিতী, কেপিতেল এদেক্বেসীনচিংবা অচৌবা শেলথুমগী পেরামিতীশিংনা পি.এস.বি.শিংগী পর্ফোর্মেন্ত মশক থোক্না ফগৎলক্লি হায়বা উৎলি
পি.এস.বি.শিংগী মপাঙ্গল কল্লবা শেলথুমগী হকশেলনা মরম ওইরগা মেক্রোইকনমিক সোকশিং মায়োক্নবা ঙমগনি হায়না বেঙ্করশিংনা থাজৈ
কেন্দ্রগী শেলথুম মন্ত্রীনা জুলাই-ওগস্ত ২০২৩দা লৈবাক্কী তোঙান তোঙানবা মফমশিংদা লৈরিবা রিজনেল রুরেল বেঙ্ক (আর.আর.বি.)শিংগী মথৌ তৌবগী মওং মতৌশিং য়েংশিনবগী মীফম পাঙথোক্কদৌরি
Posted On:
06 JUL 2023 6:40PM by PIB Imphal
কেন্দ্রগী শেলথুম অমদি কোর্পোরেৎ এফ্যার্স মন্ত্রী শ্রীমতী নির্মলা সিতরমন্না ঙসি, শেনবা চহি ২০২২-২৩গী ওইনা তোঙান তোঙানবা শেলথুমগী হকশেলগী পেরামিতরশিংদা পব্লিক সেক্তর বেঙ্ক (পি.এস.বি.)শিংগী পর্ফোর্মেন্স য়েংশিন্নবগী মীফম অমা পাঙথোকখ্রে।
![https://static.pib.gov.in/WriteReadData/userfiles/image/image001AX4U.jpg](https://static.pib.gov.in/WriteReadData/userfiles/image/image001AX4U.jpg)
মীফম অদুদা শেলথুমগী কেন্দ্রগী রাজ্য মন্ত্রী দোক্তর ভগবৎ কিসনরাও করদ; ফাইনেন্সিএল সেক্রেতরী অমদি সেক্রেতরী এক্সপেন্দিচর দোক্তর তি.ভি. সোমনাথন; সেক্রেতরী, দিপার্তমেন্ত ওফ ফাইনেন্সিএল সর্ভিসেস (দি.এফ.এস.) দোক্তর বিবেক জোসী; সেক্রেতরী, দি.আই.পি.এ.এম., শ্রী তুহিন কান্ত পান্দে; সেক্রেতরী দিপার্তমেন্ত ওফ পব্লিক এন্তরপ্রাইজেজ শ্রী অলি রাজা রিজবি; সেক্রেতরী, কোর্পোরেৎ এফ্যার্স মন্ত্রালয় শ্রী মনোজ গোহিল; সেক্রেতরী, দিপার্তমেন্ত ওফ রিভিন্যু শ্রী সঞ্জয় মলহোত্রা; সেক্রেতরী, হাউজিং অমদি অর্বান এফ্যার্স মন্ত্রালয়, শ্রী মনোজ জোসী; চীফ ইকনমিক এদভাইজর, শেলথুম মন্ত্রালয়, দোক্তর ভি. অমন্থ নাগেস্বরন; চেয়রমেন, স্তেত বেঙ্ক ওফ ইন্দিয়া, শ্রী দিনেস খারা; অমদি পব্লিক সেক্তর বেঙ্কশিং #PSBs শিংগী এম.দি. অমসুং সি.ই.ও.গা লোয়ননা দি.এফ.এস.কী মকোক থোংবা ওফিসিএলশিংসু শরুক য়াখি।
য়েংশিন মীফম অদুদা পোজিতিব মেক্রো ত্রেন্দশিং, ফীভম ফগৎলবা বিজিনেস সেন্তিমেন্তশিং, ‘ত্বিন বেলেন্স সীতকী খুদোংচাবা; অমদি পি.এস.বি.শিংগী পর্ফোর্মেন্সকী মতাঙদা পি.এস.বি.শিংগী মকোকশিংগা খন্ন-নৈনখি।
ক্রেদিৎ দিপ্লোইমেন্ত, প্রোফিতেবিলিতী, এসেত ক্বালিতী, কেপিতেল এদেক্বেসীনচিংবা অচৌবা শেলথুমগী পেরামিতর পুম্নমক্না পি.এস.বি.শিংগী ফীভম মশক থোক্না ফগৎলে হায়বা উৎলি। মখোয়শিং অসি মতিক চানা কেপিতেলাইজ তৌরে, রেজিলিএন্ত ওইরে অমদি ফীভম ফবা শেলথুমগী হকশেল লৈরে।
মার্চ ২০২৩দা গ্রোস এন.পি.এ. ৪.৯৭% অমদি নেৎ এন.পি.এ. ১.২৪% ওইদুনা পি.এস.বি.শিংগী এসেত ক্বালিতী মশক থোক্না ফগৎপা উরে। শেনবা চহি ২০২২-২৩ মনুংদা পি.এস.বি.শিংনা রেকোর্দ ওইনা অপুনবা নেৎ প্রোফিৎ লুপা করোর লাখ ১.০৫রোম তান্দুনা শেনবা চহি ২০১৩-১৪দা তানখিবা নেৎ প্রোফিত্তগী শরুক অহুমগী ময়াদা হেনগৎলে। ১৫.৫৩% সি.আর.এ.আর.গী হায় কেপিতেল এদেক্বেসী (মালেমগী অচৌবা শেন্মিৎলোনশিংগা চাংদম্নবা য়াবা), হেল্দী প্রোভিজন কভরেজনা ঙাক্লৌ পীবা তরু তরুবা বেলেন্স সীত (৯০.৬৮%), অমদি ফীভম ফগৎলবা রেজিলিএন্সনা মপাঙ্গল কলহন্দুনা, পি.এস.বি.শিং অসি চাউখৎলক্লিবা শেন্মিৎলোন সিগী প্রদক্তিব সেক্তরশিংনা মথৌ তারিবা ক্রেদিৎপু ঙাক্লৌ পীবা ঙমগদবা ফীভমদা নীংথিনা লৈরে।
মপুং ওইনা লৈরিবা ফীভম নৈনবদা, বেঙ্করশিংনা লৈরিবা মপাঙ্গল কনবা শেলথুমগী ফীভমসিনা মেক্রোইকনমিক সোক অমা হেক্তা মায়োক্নবা ঙম্বগী ফীভমদা লৈ হায়বা ৱাফমশিং থম্নখি।
শ্রীমতী সিতরমন্না রিস্ক মেনেজমেন্ত, অমদি বিজিনেস বেজশিং দাইভরসিফিকেসন তৌবদা মীৎয়েঙ থমদুনা বেঙ্কশিংনা রিগুলেতরী ফ্রেৱর্ক ইন্ননবা ৱাফম থমখি। হন্দক্কী মালেমগী ওইবা বেঙ্কিং সেক্তরদা ওইরকখিবা ফীভম্না পীরকপা শাফু লৈজরগসু বিজিনেস আউতলুক্তি খুমাঙ চাওশিন্না ফগৎলক্লি।
![https://static.pib.gov.in/WriteReadData/userfiles/image/image002ETJR.jpg](https://static.pib.gov.in/WriteReadData/userfiles/image/image002ETJR.jpg)
মপুং ওইবা প্রাইওরিতী সেক্তর লেন্দিং (পি.এস.এল.) অসি পীখিবা পান্দমদগী হেন্দোক্লবসু লৌউ-শিংউ – মরুওইনা অপীকপা অমদি মার্জিনেল লৌমীশিং, অমদি মাইক্রো এন্তরপ্রাইজেজশিং য়াওনা সব-কেতেগরীশিংদা লৈরিবা পি.এস.এল. তার্গেৎশিংসু ফংবা ঙম্নবা হোৎনগদবনি হায়না কেন্দ্রগী শেলথুম মন্ত্রীনা ফোঙদোকখি।
আর.আর.বি.শিংগী তেক্নলোজিকেল অপগ্রেদেসনগী স্তেতস্তা অখন্নবা মীৎয়েঙ থমদুনা রিজনেল রুরেল বেঙ্ক (আর.আর.বি.)শিং অমদি মখোয়গী স্পোন্সর বেঙ্কশিংগী মথৌ তৌবগী মওং মতৌ য়েংশিন্নবা লৈবাক্কী তোঙান তোঙানবা লমদমশিংদা জুলাই-ওগস্ত ২০২৩ মনুংদা কেন্দ্রগী শেলথুম মন্ত্রীনা মীফম পাঙথোক্কনি হায়খি। আর.আর.বি.শিং রিভিউ তৌবগী থবক জুলাই ২১, ২০২৩দগী ত্রিপুরাদগী হৌগনি, মদুদা কেন্দ্রগী শেলথুম মন্ত্রীনা অৱাং নোংপোক লমদমদা লৈরিবা আর.আর.বি.শিংগী মথৌ তৌবগী মওং য়েংশিনগনি। আর.আর.বি. অমদি মখোয়গী স্পোন্সর বেঙ্কশিংগী ফংসনিং রিভিউ তৌবগী মীফম কেন্দ্রগী শেলথুম মন্ত্রীনা লম-লমগী মতুং ইন্না অৱাং, নোংচুপ, খশ, নোংপোক অমদি লৈবাক্কী ময়ায় থংবা শরুক্কী ওইনা মথং মথং পাঙথোক্কনি।
এম.ও.ঐচ.য়ু.এ. সেক্রতরীনা প্রেজেন্তেসন অমা উত্তুনা পি.এম.স্বানিধী স্কীমগী লৈরিবা খোঙজেলশিং খঙহনখি। দিজিতেল পেমেন্ত তুলশিং শীজিন্নবগী চাং হেনগৎহন্নবা থৌরাংশিং পায়খৎলি অমদি বেনিফিসরী লাখ ৩৩ রোম দিজিতেল্লী এক্তিব ওইরে হায়না মহাক্না হায়খি। পি.এম.স্বানিথী বেনিফিসরীশিংবু দিজিতেল পেমেন্ত সিস্তেমদা ওনবোর্দিং শোয়দনা তৌহন্নবগীদমক অখন্নবা কেম্পেন অমা পাঙথোক্নবা কেন্দ্রগী শেলথুম মন্ত্রীনা বেঙ্কশিংদা হায়খি।
পি.এম.স্বানিথীগী মখাদা শেল পুথোকপগী ফীভম ফগৎলক্লিবা অসিগী মতাঙদা, অর্বান লোকেল বোদী (য়ু.এল.বি.)শিংগী মতেঙগা লোয়ননা পি.এম.স্বানিধীগী কভরেজ পাকথোক চাউথোকহন্নবগীদমক কেন্দ্রগী রাজ্য মন্ত্রী (শেলথুম) দোক্তর ভগবৎ কিসনরাউ করদনা লৌখৎফম থোকপা থবক থৌরমশিং লৌখৎনবা ফিরেপ লৌখি। পি.এম.স্বানিথীগী অখন্নবা ক্রেদিৎ আউতরীচ দ্রাইবকীদমক সেপ্তেম্বর ১, ২০২৩গী মমাঙদা দোক্তর করদনা লৈবাকসিগী তোঙান তোঙানবা মফমশিংদা চৎকনি।
পি.এস.বি.শিংদা কেন্দ্রগী শেলথুম মন্ত্রীনা মখা তানা পীখিবা পাউতোকশিংদি -
১. প্রাইওরিতী সেক্তর লেন্দিং (পি.এস.এল.)গী কাঙলোনশিং ইন্নবগীদমক খুঙ্গং, লৌউ-শিংউ অমদি সেক্তোরেল ক্রেদিৎ হেনগৎহন্নবা অমদি মখা তানা পি.এস.এল. পান্দমশিং সব-কেতগরী পুম্নমক্তা ফংহন্নবা থবক পায়খৎকদবনি।
২. পি.এম.স্বানিধীগী মখাদা স্ত্রীত ভেন্তরশিংদা পীগদবা ক্রেদিৎকী তার্গেৎ য়ৌহনগদবনি অমদি পি.এম.স্বানিথীগী মখাদা লৈরিবা দিস্বর্সেলগী খোঙজেল কায়হন্দনা থমগদবনি।
৩. রিগুলেতরগী লৈরিবা চৎনরিবা পথাপকী মতুং ইন্না এন.পি.এ.শিং মশক খঙদোকপগী অচুম্বা অমদি অরোন অথুপ লৈতবা ফীভম লৈহল্লু অমদি স্ত্রেস্দ এসেতশিং মওং চুম্না খঙদোক্নবা অমদি রিপোর্তিং তৌরক্নবগীদমক বেঙ্কশিংনা মসিবু মতম অমা নাইনা মনুংগী ওইবা মওংদা য়েংশিনগদবনি।
৪. রিজনেল রুরেল বেঙ্ক (আর.আর.বি.)শিংগী স্পোন্সর বেঙ্কশিংনা অকক্নবা মতমগী মনুংদা আর.আর.বি.শিংগী তেক্নোলোজিকেল অপগ্রেদেসন তৌহনগদবনি অমদি মখোয়বু মতিং লৈনা অমদি মতিক চানা থবক তৌবা ঙমহন্নবা লেপ্পা লৈতনা য়েংশিনগদবনি, মসিনা খুঙ্গংগী লমদা লৈরিবা মীওইশিংদা চাউনা কান্নবা পীগনি।
৫. পাক চাউরবা রিস্ক মেনেজমেন্ত প্রাক্তিসকা লোয়ননা মরী লৈনবা বিজিনেস মোদেল রিস্ককী ৱাখৈ পুরক্কদবনি অমদি মতিং লৈবা অমসুং অফবা মওংগী এসেত লাইএবিলিতী মেনেজমেন্ত লৈহনগদবনি।
৬. দিপোজিৎকী ফীভম ফগৎহন্নবা খোঙথাঙশিং পায়খৎলু অমদি ইজ ওফ সর্ভিসেস অমদি কস্তমর প্রোতেক্সনগী মতাঙদা মীৎয়েঙ চঙদুনা থবক পায়খৎকদবনি।
****
(Release ID: 1937916)
Visitor Counter : 79