হ্যুমেন রিসোর্স চাউখৎ-থৌরাংগী মন্ত্রালয়
জঞ্জিবর-তাঞ্জানয়াদা আই.আই.তি. মদ্রাসকী কেম্পস লিংখৎনবা এম.ও.য়ু. খুৎয়েক পীনখ্রে; ভারতকী ৱাংমদা লিংখৎকদবা অহানবা আই.আই.তি. কেম্পসনি
আই.আই.তি. মদ্রাস-জঞ্জিবর কেম্পসনা হাইয়র এজুকেসনবু মালেমগী থাক্তা পুখৎনবা পুৱারী ওইবা খোঙহৌ অমনি – শ্রী ধরমেন্দ্র প্রধান
এন.ই.পি.না নোলেদ্জপু নাকল অনিগী ওইবা মরীগী মরুওইবা শরুক অমা ওইহন্নবা অমদি মালেমগী য়াইফনবা চঙশিন্নবগী লম্বী য়াৎলি – শ্রী ধরমেন্দ্র প্রধান
Posted On:
06 JUL 2023 12:54PM by PIB Imphal
জঞ্জিবর- তাঞ্জানিয়াদা আই.আই.তি. মদ্রাসকী কেম্পস লিংখৎনবগী মেমোরেন্দম ওফ অন্দরস্তেন্দিং ঙসি ভারতকী এক্সতর্নেল এফ্যার্স মন্ত্রী দোক্তর এস. জয়শঙ্কর অমদি জঞ্জিবরগী প্রেসিদেন্ত দোক্তর হুসেন অলি ম্বিনয়ি য়াওবা থৌরম অমদা ভারত ঐঙাক্কী এজুকেসন মন্ত্রালয় (এম.ও.ই.), আই.আই.তি. মদ্রাস অমদি মিনিস্ত্রী ওফ এজুকেসন এন্দ ভোকেস্নেল ত্রেনিং (এম.ও.ই.ভি.তি.) জঞ্জিবর-তাঞ্জানিয়াগী মরক্তা খুৎয়েক পীনখ্রে। মসিনা ভারতকী ৱাংমদা লিংখৎপা অহানবা আই.আই.তি. কেম্পসনি। মসিনা ভারত অমসুং তাঞ্জানিয়াগী মরক্তা লৈনরিবা মতম কুইরবা মরুপ মপাং ওইবগী মরীগী মমি তাই অমদি অফ্রিকা অমদি মালেমগী খা থংবা শরুক্তা লৈরিবা মীশিংগী মরক্তা মরী শেমগৎনবগীদমক ভারতনা থম্লিবা মীৎয়েঙবু নীংশিংহল্লি।
এজুকেসন এন্দ স্কিল দিভেলপমেন্ত অমদি ওন্ত্রপ্রিন্যুরসিপকী কেন্দ্র মন্ত্রী শ্রী ধরমেন্দ্র প্রধান্না, আই.আই.তি. মদ্রাস-জঞ্জিবর লিংখৎনবগী এম.ও.য়ু. খুৎয়েক পীনখিবা অসিনা হাইয়র এজুকেসনবু মালেমগী থাক্তা পুখৎপগী পুৱারী ওইরবা খোঙহৌ অমা ওইরি হায়খি। থৌরাং অসি প্রধান মন্ত্রী শ্রী নরেন্দ্র মোদীনা খাগা খাগগী মরক্তা তেংবাংনবগী মরী মপাঙ্গল কনখৎহন্নবা লোয়ননা অফ্রিকাগা মীশিংগী মরক্তা মরী শেমগৎনবগী লেপ্লিবা ফিরেপকী মমি তারি হায়না মহাক্না মখা তানা ফোঙদোকখি। নেস্নেল এজুকেসন পোলিসী ২০২০না ৱাখল লৌশিংবু নাকল অনিগী ওইবা মরীগী মরুওইবা মচাক ওইহন্নবা লোয়ননা মালেমগী য়াইফনবগী লমদা মাঙদা চঙশিন্নবগী পাম্বৈ ওইহন্নবা লম্বী য়াৎলি, হায়না মহাক্না মখা তাখি।
শ্রী বিনায়া স্রিকান্ত প্রধান, হায় কম্মিস্নর ওফ ইন্দিয়া, তাঞ্জানিয়া, প্রোফেসর রঘুনাথন রেঙ্গস্বামী, দীন (গ্লোবেল এঙ্গেজমেন্ত), আই.আই.তি. মদ্রাস অমদি মিস্তর খলিদ মসৌদ ৱাজির, এক্তিং প্রিন্সিপাল সেক্রেতরী, এম.ও.ই.ভি.তি. জঞ্জিবরনা মথঙশিৎনা এম.ও.য়ু. অদু এম.ও.ই., ভারত লৈঙাক, আই.আই.তি. মদ্রাস অমদি এম.ও.ই.ভি.তি. জঞ্জিবর – তাঞ্জানিয়াগী মহুৎ শিন্দুনা খুৎয়েক পীনখি।
নেস্নেল এজুকেসন পোলিসী (এন.ই.পি.) ২০২০না ইন্তরনেস্নেলাইজেসন্দা মীৎয়েঙ থম্লি অমদি “ভারতকী হায় পর্ফোর্মিং য়ুনিভর্সিতীশিংবু অতোপ্পা লৈবাকশিংদা কেম্পসশিং লিংখৎনবা পুক্নিং থৌগৎকনি” হায়বগী রিকম্মেন্দ তৌরি।
তাঞ্জানিয়া অমদি ভারতকী মরক্তা লৈনরিবা স্ত্রেতেজিক ওইবা মরীবু শকখঙলদুনা, আই.আই.তি. মদ্রাসকী কেম্পস অসি জঞ্জিবর-তাঞ্জানিয়াদা লিংখৎনবগী মচা খায়বা ৱাফমশিংগী মতাঙদা, ওক্তোবর ২০২৩দা লোঞ্চ তৌনবগী প্রোগ্রামগা লোয়ননা পার্তীশিংগী ফ্রেৱর্ক পীরিবা দোকুমেন্ত অসি খুৎয়েক পীনদুনা মহৈ মশিংগী লমদা খোঙবু ওইবগী মরী অসি ফোর্মেল ওইহল্লে।
তোপ তোপ্পা খোঙবু ওইবগী মরী অসিনা আই.আই.তি.এম.গী মকোক থোংবা মহৈ মশিংগী এক্সপর্তিজপু অফ্রিকাগী মরুওইবা লমথুংফমদা পুরক্কনি অমদি লমদম অদুগী মথৌ তারিবশিংবু ফংহনগনি। একাদমিক প্রোগ্রাম, করিকুলা, মহৈরোয় খনবগী থৌওং অমদি পেদাগোজিগী ওইবা মচা খায়বা ৱাফমশিং আই.আই.তি. মদ্রাসনা তৌগনি, অদুগা লিংখৎপগী অমদি চলাইবগী শেঞ্জংনা জঞ্জিবর-তাঞ্জানিয়া লৈঙাক্না পুগনি। কেম্পস অসিদা মিং চল্লক্লিবা মহৈরোয়শিংদা আই.আই.তি মদ্রাস দিগ্রী পীগনি। স্তেত-ওফ-তি-আর্ত ইন্তরদিসিপ্লিনরী দিগ্রী অসিনা খেন্নবা মখলগী মীওইশিংগী পুক্নিং চিংশিনগনি অমদি তাঞ্জানিয়া অমদি অতৈ লৈবাকশিংদগী মহৈরোয়শিংসু মসিদা য়াওগনি হায়না পানরি। হায়রিবা প্রোগ্রামশিং অসিদা ভারতকী মহৈরোয়শিংনসু এপ্লাই তৌবা য়াগনি।
আই.আই.তি. কেম্পস লিংখৎপনা মালেমগী থাক্তা লৈরিবা ভারতকী মিংচৎ অমদি মাগী দিপ্লোমেতিক ওইবা মরীসু ফগৎহনগনি অমদি আই.আই.তি. মদ্রাসকী মালেমগী খোঙ্গুলসু পাকথোক চাউথোকহনগনি। মসিনা আই.আই.তি. মদ্রাসকী এজুকেসন অমদি থিজিন হুমজিনবগী থৌওংগী মতিংসু মালেমগী ওইবা কেম্পসতগী খেন্নবা ফুরূপকী মহৈরোয় অমদি ফেকল্তীশিং য়াওবনা মরম ওইরগা মখা তানা হেনগৎহল্লবসু য়াই। মসিনা মালেম পুম্বগী লৈরিবা মকোক থোংবা একাদমিক ইন্সতিত্যুসনশিংগগী মরক্তা থিজিন হুমজিনবগী লমদা খুৎশম্ননা চৎমিন্নবগী মরীসু হেন্না চেৎশিলহনগনি।
জঞ্জিবর-তাঞ্জানিয়াগী আই.আই.তি. কেম্পস অসি, থোরক্লিবা মালেমগী মথৌ তাবশিংগী পাউখুম মতিক চানা পীননবা হেন্না পাক চাউবা মিসনগা লোয়ননা, লৈবাকশিংগী মরক্তা মরী হেন্না চেৎশিলহনগদবা, অমদি লমদমদুদা থিজিন হুমজিনবা অমদি ইনোভেসনগী থবক থৌওংশিংদা ঙাক্লৌ পীগদবা মালেমগী থাক্কী হাইয়র এজুকেসন অমদি রিছর্চ ইন্সতিত্যুসন অমা ওইহন্নবা মীৎয়েঙ থম্লি। মসিনা, ভারতকী হাইয়র এজুকেসন অমদি ইনোভেসনগী এস্পিরেস্নেল ক্বালিতীশিংগী খুদম অমা ওইনা মালেমগী মফমদা উৎকনি।
*****
(Release ID: 1937718)
Visitor Counter : 123