কোওপরেসন মন্ত্রালয়
প্রধান মন্ত্রী শ্রী নরেন্দ্র মোদীনা ঙসি নই দিল্লীগী প্রগতী মৈদান্দা ‘অমৃৎ কাল: প্রোস্পেরিতী থ্রু কোওপরেসন ফোর এ ভাইব্রেন্ত ইন্দিয়া’ হায়বা হীরমদা পাঙথোকখিবা ১৭শুবা ইন্দনিয়ন কোওপরেতিব কংগ্রেস হৌদোকখ্রে, কেন্দ্রগী গৃহ মন্ত্রী অমদি কোওপরেসন মন্ত্রী শ্রী অমিত সাহনা থৌরম মপু ওইনা শরুক য়াখি
প্রধান মন্ত্রী শ্রী নরেন্দ্র মোদীনা কোওপরেতিব মার্কেতিংগী ই-কম্মর্স ৱেবসাইত অমদি কোওপরেতিব এক্সতেন্সন অমসুং এদভাইজরী পোর্তেলসু হাংদোকখি
কেন্দ্রগী গৃহ মন্ত্রী শ্রী অমিত সাহনা কোওপরেসন মন্ত্রালয়গী মথৌ তাবশিং শ্রী মোদীনা মপুং ফানা খঙই অমদি থৌরাং খুদিংদা মহাক্কী লমজিংনা মরম ওইরগা কোওপরেতিব সেক্তরদা অহোংবা কয়া লাক্লে হায়খি
শ্রী নরেন্দ্র মোদীগী লুচিং মখাদা থৌরাং কয়া পায়খৎখ্রে, শ্রী মোদীগী মতম অসি কোওপরেতিব সেক্তরগী পুৱারীদা সনাগী ময়েক্না ইদুনা লৈহৌরগনি
হৌকিবা চহি ২৫-৩০ সিদা কোওপরেতিব সেক্তর পন্দুনা লাকখি, অদুবু ঙসিগী কোওপরেতিব কংগ্রেস অসিদা শ্রী মোদীগী লুচিং মখাদা কোওপরেতিবনা হৌখিবা চহিচাসিদা লৌখিবা থৌদাংদগী হেন্না লাক্কদৌরিবা চহি ২৫সিদা লৌগনি হায়বগী ফিরেপ অমা ঐখোয়না লৌবা তাই
শ্রী মোদীগী এক্ত অমগী খুত্থাঙদা মতম কয়া পন্দুনা লাক্লবা লুপা করোর ১৫,০০০গী ওইবা চিনি মিলগী তেক্সকী চয়েৎনবা লোইশিনখ্রে অমদি তুংদা তেক্সকী চয়েৎনবা অমুক হন্না থোরক্তনবা থৌরাং য়াৎখ্রে
ঐখোয়না কোওপরেতিব সেক্তরদা অনৌবা হীরমশিং হাপচিনবা তাই, কোওপরেতিবতা কম্প্যুতরাইজেসন, মোদর্নাইজেসন অমদি লৌথুপ লৌকোই লৈতবা ফীভম
Posted On:
01 JUL 2023 4:59PM by PIB Imphal
প্রধান মন্ত্রী শ্রী নরেন্দ্র মোদীনা ঙসি নই দিল্লীগী প্রগতী মৈদান্দা ‘অমৃৎ কাল: প্রোস্পেরিতী থ্রু কোওপরেসন ফোর এ ভাইব্রেন্ত ইন্দিয়া’ হায়বা হীরমদা পাঙথোকপা ১৭শুবা কোওপরেতিব কংগ্রেস হৌদোকখ্রে। প্রধান মন্ত্রী শ্রী নরেন্দ্র মোদীনা কোওপরেতিব মার্কেতিংগী ই-কম্মর্স ৱেবসাইত অমদি কোওপরেতিব এক্সতেন্সন অমসুং এদভাইজরী সর্ভিস পোর্তেলসু হাংদোকখি। কেন্দ্রগী গৃহ মন্ত্রী অমদি কোওপরেসন মন্ত্রী শ্রী অমিত সাহনা থৌরম মপু ওইনা শরুক য়াখি অদুগা কোওপরেসনগী রাজ্য মন্ত্রী শ্রী বি.এল. বর্মা য়াওনা মীওই কয়াসু থৌরমদুদা শরুক য়াখি।
মহাক্কী ৱারোলদা, শ্রী অমিত সাহনা ভারত্তা কোওপরেতিব মুভমেন্ত নীংখা তমদ্রিঙৈদগী হৌনা লৈরক্লে অমদি চহি ১১৫রোম শুরে হায়খি। নীংতম্লবা মতুংদগী, কোওপরেতিব সেক্তরদা লৈরিবা শিন্মীশিংগী মরুওইবা দিমান্দদি কোওপরেসনগী তোখাইবা মন্ত্রালয় অমা শেম্বনি। মমাঙদদি কোওপরেতিব সেক্তর পাকথোক চাউথোকপা, মতম চানা অহোংবা পুরকপা, ত্রান্সপেরেন্সী পুরকপা, অমদি ভারতকী কোওপরেতিব সেক্তরদা মালেমগী হোংলক্লিবা ফীভমশিং পুশিল্লকপদা খুদোংচাদবা মায়োক্নরম্মী হায়না মহাক্না হায়খি। প্রধান মন্ত্রীনা তোখাইবা কোওপরেসন মন্ত্রালয় অমা শেমখি অমদি হৌখিবা চহি ৭৫ পন্দুনা লাক্লবা দিমান্দ অদু ফংহনখি হায়না শ্রী সাহনা হায়খি। কোওপরেসন মন্ত্রালয় শেম্লকপবা অমদি প্রধান মন্ত্রীগী লমজিংনা মরম ওইরগা, কোওপরেতিব সেক্তরদা অহোংবা কয়া পুরকপা ঙম্লে হায়না মহাক্না হায়খি।
কেন্দ্রগী গৃহ মন্ত্রী অমদি কোলপরেসন মন্ত্রীনা নেস্নেল কোওপরেতিব য়ুনিয়ন ওফ ইন্দিয়া অসি কোওপরেতিব সেক্তরদা লৈরিবা লূপশিংগী অপুনবা লুপনি অমদি শ্রী দিলীপ সঙ্গহানীগী লুচিং মখাদা কোওপরেতিব য়ুনিয়ন অসিনা মশক থোক্না খুৎশম্ননা চৎমিন্নদুনা অমদি হোৎনমিন্নদুনা থৌরাং পুম্নমক লৌখৎখি অমদি পি.এ.সি.এস.তগী এ.পি.এ.সি.এস.তা হোংলকখি হায়না ফোঙদোকখি। লৈবাকসিগী চহি ১০০ হেল্লবা কোওপরেতিব মুভমেন্ত অসিনা পন্দোল কয়া লোমখ্রে অমদি লৈবাকসিদা কান্নবা কয়া পীখ্রে, অদুবু কোওপরেতিব সেক্তর অসি হৌখিবা চহি ২৫-৩০ অসি তুমদুনা লৈরুরে হায়না মহাক্না হায়খি। কোলপরেতিব সেক্তর অসিনা এগ্রিকলজর ক্রেদিৎ দিস্ত্রিব্যুসন্দা ২৯%, ফর্তিলাইজর দিস্ত্রিব্যুসন্দা ৩৫%, ফর্তিলাইজর প্রদক্সন্দা ২৫%, চীনি পুথোকপদা ৩৫%, স্পিন্দল সেক্তরদা চাউরাক্না ৩০%, শঙ্গোম পুথোকপা, লৌবা অমদি য়োনবদা ১৫%গী ময়া, গেহু লৌশিনবদা ১৩%, অমদি ফৌ লৌশিনবদা ২০%গী শেয়র পুরি হায়না শ্রী সাহনা হায়খি। কোওপরেতিব সেক্তরদা, মরুওইনা ক্রেদিৎ কোওপরেতিব সোসাইতীশিং, হাউজিং কোওপরেতিব সোসাসতীশিং, ঙাগী সোসাসতীশিং অমদি কোওপরেতিব বেঙ্কশিংনা খুন্নাইগী লায়রবা কাঙলুপকী পুন্সি মহিং ফগৎহন্নবগীদমক থবক কয়া পায়খৎখ্রে।
শ্রী অমিত সাহনা ভারতকী কোওপরেতিব সেক্তরনা কোওপরেতিব কংগ্রেস অসিদগী থাজবা কয়া থম্লি হায়খি। কোওপরেতিব কংগ্রেস অসিদা, হৌখিবা চহিচাসিদা লৌখিবা থৌদাংদগী হেন্না লাক্কদৌরিবা অমৃৎকালগী চহি ২৫সিদা লৈবাক্কী চাওখৎনবা থৌদাং হেন্না লৌনবা ৱাশক অমা শকমিন্নসি হায়না মহাক্না হায়খি। হৌজিক ঐখোয়না কোওপরেতিবকা নহা অমদি নুপীশিংগা মরী শম্নহন্নবগী লমদা অমদি কোওপরেতিবকী খুত্থাঙদা লায়রবদগী লায়রবশিংগী পুন্সিগী থাক ৱাংখৎহন্নবা থবক পায়খৎপা তাই হায়বা ৱাফম মহাক্না থমখি। কোওপরেতিব কংগ্রেস অসিগী মতুংদা, ঐখোয়না কোওপরেতিবপু মান্নবা মওংদা চাওখৎহন্নবা মীৎয়েঙ থম্বা তাই, অমদি হীরমসিদা থবক কয়া হান্নদগী পায়খৎখ্রবসু, তৌগদবা কয়া অমসু হৌজিকসু লৈরি হায়না শ্রী সাহনা হায়খি। ঐখোয়না কোওপরেতিব সেক্তরদা অনৌবা লমশিং পুশিনগদবনি হায়না মহাক্না হায়খি। কোওপরেতিবতা কম্প্যুতরাইজেসন, মোদর্নাইজেসন অমদি লৌথুপ লৌকোয় লৈতবা ফীভম পুরক্নবগীদমক ঐখোয়না সেল্ফ-দিসিপ্লিন অমদি রিফোর্মশিং লৌশিনবা মথৌ তাই হায়বা ৱাফমসু মহাক্না থমখি।
কোওপরেসনগী কেন্দ্র মন্ত্রীনা প্রধান মন্ত্রী শ্রী নরেন্দ্র মোদীগী লুচিং মখাদা লৈবাকসিগী কোওপরেতিবকী লমদা থৌরাং কয়া পায়খৎখ্রে হায়খি। মোদী লৈঙাক্না স্তেতশিং অমদি কেন্দ্রগী মঙমদা খুৎ থিংজিন্দনা সংবিধানগী পরিং মনুংদা কোওপরেতিব লোদা থোং মান্নবা ফীভম পুরক্নবা হোৎনদুনা লাকখি হায়না মহাক্না হায়খি। শ্রী মোদীগী থৌরাং মখাদা, পার্লিয়ামেন্তরী কম্মিতীনা অমত্তা ওইনা য়ানদুনা মল্তিস্তেত কোওপরেতিব সোসাইতিজ এক্ত শেমদোক্নবা ৱাফম পুখৎলকখি অমদি হায়রিবা লো অসি লাক্কদৌরিবা পার্লিয়ামেন্ত সেসন মনুংদা পুখৎলগনি হায়না শ্রী সাহনা হায়খি। মমাঙদা লৈবাক শিনবা থুংনা পি.এ.সি.এস.গী লো অসি খেন্নরম্মি অমদি মান্নবা ফীভম পুরক্নবগীদমক, কোওপরেসন মন্ত্রালয়না পি.এ.সি.এস.কী বাইলো শেমদুনা স্তেত অমদি য়ুনিয়ন তেরিতরী পুম্নমক্তা এদভাইজরী ওইনা থাখ্রে হায়না মহাক্না হায়খি। স্তেত অমদি য়ুনিয়ন তেরিতরী ২৬না হায়রিবা বাইলোশিং অসি য়াখ্রে অমদি চহি অসিগী সেপ্তেম্বর মতুংদগী লৈবাকসিগী পি.এম.সি.এস.কী চাদা ৮৫না চপ মান্নবা লোগী মখাদা থবক তৌবা হৌরগনি। মসিগী খুত্থাঙদা, প্রধান মন্ত্রীনা পি.এ.সি.এস.পু মল্তিদাইমেন্সনেল ওইহন্দুনা মখোয়না পাকথোক চাউথোকহনবদা লায়হল্লগনি হায়না শ্রী সাহনা হায়খি। ঐখোয়না কম্মসন সর্ভিস সেন্তরনচিংবা পি.এ.সি.এস.কী য়াম্লবা থবক থৌওংশিংবু মরী শম্নহন্দুনা মসিনা পি.এ.সি.বু চৎনবা য়াবা ওইহনবতা নত্তনা মখোয়বু রুরেল সর্ভিসকী মফমসু ওইহনগনি হায়না মহাক্না হায়খি। ঐখোয়না রিতেল আউতলেৎশিং হোংদোক্নবা থৌরাংশিংসু পায়খৎলে অমদি হন্দক্তা প্রধান মন্ত্রীনা মালেমগী খ্বায়দগী চাউবা ফৌগৈগী স্কীমসু অয়াবা পীখ্রে হায়না মহাক্না হায়খি। স্কীম অসিনা মায় পাকপগা লোয়ননা, স্তোরেজ সিস্তেমদা লৈরম্বা কোওপরেতিবকী শেয়র মথংগী চহি ৫ অসিদা ৩৫% হেন্না হেনগৎলগনি হায়না শ্রী সাহনা হায়খি।
শ্রী অমিত সাহনা ঐখোয়না লৈবাক শিনবা থুংনা লৈরিবা কোওপরেতিবশিংগী দেতাবেজ অমা শেম্লে অমদি মসিগী থবক ৯০% লোইশিনবগা লোয়ননা মসিনা লৈরিবা অহোবশিং খঙদোকপা অমদি পাকথোক চাউথোকপা ঙমহল্লগনি হায়খি। হৌজিক হৌজিক লৈবাকসিদা পি.এ.সি.এস. ৮৫,০০০ লৈ হায়না মহাক্না হায়খি। মথঙগী চহি ৩সিদা লৈবাকসিগী পঞ্চায়ত খুদিংদা পি.এ.সি.এস. লৈরগনি অমদি মসিনা তাক্লিবদি লৈবাকসিদা পি.এ.সি.এস. লাখ ৩ লৈরগনি অমদি মখোয়না কোওপরেতিব সেক্তরবু মপাঙ্গল কলহনগনি। কোওপরেতিব সোসাইতীশিংবু জি.ই.এম. প্লেৎফোর্মদা পোৎ লৈবা ওইনা রেজিস্তর তৌবগী অয়াবসু প্রধান মন্ত্রীনা পীখ্রে হায়না মহাক্না মখা তাখি। ইনকম তেক্স লোগী মখাদা দেকেদ কয়া কোওপরেতিবতা অচুম্বা ৱায়েল ফংহন্দুনা লাক্লি অমদি মখোয়না কম্পেনীগা থোং মান্নদনা লাক্লি, অদুবু প্রধান মন্ত্রী শ্রী নরেন্দ্র মোদীনা অমুক্তদা থোং মান্নদবা পুম্নমক লৌথোকখ্রে অমদি কোওপরেতিবপু কম্পেনীগী মান্নবা থাক পীখ্রে অমদি মসিনা লাক্কদৌরিবা মতমদা চাউনা কান্নবা পীরগনি হায়না শ্রী সাহনা হায়খি। প্রধান মন্ত্রীনা এক্ত অসিগী খুত্থাঙদা লুপা করোর ১৫,০০০গী ওইগদবা চিনি মিলগী মতম শাংনা পন্দুনা লৈরক্লবা তেক্সকী য়েৎনবা ৱাফম অমা লোইশিনখ্রে অমদি তুংদা অসিগুম্বা তেক্সকী চয়েৎনবা অমুক হন্না লৈতনবা থৌরাং য়াৎখ্রে হায়না মহাক্না হায়খি। দেতাবেজ অসিগা লোয়ননা, অমৃৎকালগী মতমদা কোওপরেতিব পাকথোক চাউথোকহন্নবা কোওপরেতিব পোলিসী অমা শেম্বা ঐখোয়না পাম্মি হায়না মহাক্না হায়খি। ঐখোয়না ত্রেনিং অমদি ত্রান্সপেরেন্সীগী লমদা শাফু পীদুনা মাঙদা চঙশিল্লি হায়না মহাক্না মখা তাখি। কোওপরেতিব য়ুনিভর্সিতী লিংখৎনবা ইন্তর-মিনিস্তরিএলগী খন্ন-নৈনবা ঐখোয়না হৌরে হায়না শ্রী সাহনা হায়খি। মসিনা নেস্নেল কোওপরেতিব য়ুনিয়ন ওফ ইন্দিয়াগী মখাদা লৈরিবা তেহসিল ফাওবগী থাক্তা ঐখোয়গী ত্রেনিং সিস্তেম মতমগা চুনহনবদা মতেং ওইগনি অমদি করিকুলম অমগী মখাদা, ঐখোয়দা কোওপরেতিবকী য়াম্লবা হীরমশিংগী এক্সপর্তশিং লৈরগনি। ঙসি লৈবাকসিদা কোওপরেতিব সেক্তরদা থবক তৌরিবা ত্রেনিং ইন্সতিত্যুৎ ৬৩০ রোম লৈ, মখোয়সি এক্সতেন্সন অমা ওইনা শীজিন্নরগা, কোওপরেতিব য়ুনিভর্সিতীনা অপনবা লৈতনা থবক তৌবা ঙমগনি অমদি কোর্স মান্নহনবনা লৈবাক শিনবা থুংনা কোওপরেতিব মুভমেন্ত খোঙজেল য়াঙখৎহনগনি হায়না মহাক্না হায়খি।
কেন্দ্রগী গৃহ মন্ত্রী অমদি কোওপরেসন মন্ত্রীনা কোওপরেসন মন্ত্রালয়গী মখা তাবশিং প্রধান মন্ত্রী শ্রী নরেন্দ্র মোদীনা মপুং ফানা খঙই অমদি থৌরাং খুদিংদা মহাক্কী লমজিংনা মরম ওইরগা কোওপরেতিব সেক্তরদা অহোংবা কয়া লাক্লে হায়খি। ঐখোয়না প্রধান মন্ত্রী শ্রী নরেন্দ্র মোদীগী “সাহকার সে সমৃধী”গী মঙলান মঙফাওনহনবা ঙমগনি হায়বগী থাজবা মহাক্না ফোঙদোকখি। প্রধান মন্ত্রী শ্রী মোদীনা লায়রবগী পনখৈ মখাদা লৈরিবা মীওইশিংদা খুদোংচাবা কয়া পীরি অমদি হৌজিক্তি হায়রিবা কাঙলুপ অসিনা মখোয়গী তঙায় ফদনা চঙদ্রবা য়াদ্রবশিং ফংনবগী লান্থেংনরম্বদগী ৱাংমা লাল্লক্তুনা থাজবা অমগা লোয়ননা মখোয়গী তুংলমচৎকী লম্বী থিবা হৌরক্লি। হায়রিবা কাঙলুপ অসিগী শেল্লেপ লৈতে, অদুবু ঐখোয়না শোয়দনা মখোয়গী অপীকপা শেল্লেপ্তু খোমজিন্দুনা কোওপরেতিবশিংগী খু্ত্থাঙদা অচৌবা শেল্লেপ ওইহনগনি অমদি মখোয়বু এন্তরপ্রাইজকা শম্নহনগনি হায়না মহাক্না ফোঙদোকখি। কোওপরেতিব সেক্তর অসিনা ত্রান্সপেরেন্সী অমদি অহোংবা পুরকপা য়াজগদবনি, মসি অরুবা অমনি অদুবু ওইথোক্লোইদবদি নত্তে অমদি করিগুম্বা মসি পাঙথোকপদা ঐখোয়না মায় পাক্লবদি, লৈবাক পুম্বগী ওইনা কোওপরেতিব মুভমেন্ততা অচৌবা ইনোৎ অমা ফংগদৌরিবনি হায়না মহাক্না হায়খি। প্রধান মন্ত্রীগী লৈঙাক মতম অসি কোওপরেতিব সেক্তরগী পুৱারীদা সনাগী ময়েক্না ইদুনা লৈহৌরগনি হায়না শ্রী সাহনা ফোঙদোকখি।
***
(Release ID: 1937217)
Visitor Counter : 105