कृषी मंत्रालय
केंद्रीय कृषी आणि शेतकरी कल्याण मंत्री नरेंद्र सिंह तोमर यांच्या हस्ते भारतीय कृषी संशोधन संस्थेमधील 'मधुमास' या आंतरराष्ट्रीय वसतीगृहाचे उद्घाटन
Posted On:
03 JUL 2023 8:28PM by PIB Mumbai
नवी दिल्ली, 3 जुलै 2023
गुरुपौर्णिमेच्या शुभ प्रसंगी, भारतीय कृषी संशोधन संस्थेमधील आधुनिक सुविधांनी सुसज्ज असलेल्या ‘मधुमास’ या आंतरराष्ट्रीय वसतिगृहाचे उद्घाटन केंद्रीय कृषी आणि शेतकरी कल्याण मंत्री नरेंद्र सिंह तोमर यांच्या हस्ते करण्यात आले. या उद्घाटन कार्यक्रमाला केंद्रीय कृषी राज्यमंत्री कैलाश चौधरी आणि कृषी संशोधन आणि शिक्षण विभागाचे महासंचालक आणि सचिव डॉ. हिमांशू पाठक उपस्थित होते.
![](https://static.pib.gov.in/WriteReadData/userfiles/image/image001PNOF.jpg)
केंद्रीय कृषी आणि शेतकरी कल्याण मंत्री नरेंद्र सिंह तोमर यांनी, संशोधन, शिक्षण आणि अध्यापनात महत्त्वपूर्ण योगदान दिल्याबद्दल भारतीय कृषी संशोधन परिषद (आयसीएआर) -भारतीय कृषी संशोधन संस्थेच्या (आयएआरआय) चमूचे कौतुक केले. देशाला अन्न सुरक्षा मिळवण्याच्या दिशेने भारतीय कृषी संशोधन संस्थेच्या योगदानाचा संपूर्ण जगाला आदर आहे,असे तोमर म्हणाले. संस्थेचे आंतरराष्ट्रीय शिक्षण आणि विद्यार्थ्यांचे वाढते प्रवेश लक्षात घेऊन, उच्च दर्जाच्या सुविधा आणि आंतरराष्ट्रीय दर्जाची विद्यार्थी केंद्रीत वसतिगृहे भारत सरकारच्या बहुमूल्य साहाय्याने बांधण्यात येत आहेत. सर्व आधुनिक सुविधांनी सुसज्ज असलेल्या ‘मधुमास’ या आंतरराष्ट्रीय वसतिगृहाच्या उद्घाटनानिमित्त त्यांनी सर्वांचे अभिनंदन केले.
![](https://static.pib.gov.in/WriteReadData/userfiles/image/image00254N8.jpg)
अमृत काळामध्ये, संस्थेला कृषी क्षेत्रातील उच्च दर्जाचे शिक्षण आणि संशोधन असलेले जागतिक विद्यापीठ बनवायचे आहे आणि हे स्वप्न साकार करण्याच्या दिशेने हे आंतरराष्ट्रीय वसतिगृह एक योग्य पाऊल ठरेल, असे त्यांनी सांगितले. कृषी क्षेत्रासमोर हवामान बदलांसारखी असलेली आव्हाने आणि अन्नधान्याची वाढती मागणी आणि शास्त्रज्ञांची वाढलेली जबाबदारी अधोरेखित करत यावर तोडगा काढण्यात भारतीय कृषी संशोधन संस्था यशस्वी होईल असा विश्वासही त्यांनी व्यक्त केला.
केंद्रीय कृषी आणि शेतकरी कल्याण मंत्रालयाचे राज्यमंत्री कैलाश चौधरी यांनी आपल्या भाषणात ,आंतरराष्ट्रीय वसतिगृहाच्या बांधकामाबद्दल आनंद व्यक्त केला, यामुळे भारतीय कृषी संशोधन संस्थेला जागतिक दर्जाचे बहु-विद्याशाखीय विद्यापीठ म्हणून विकसित होण्यास मदत होईल, असे ते म्हणाले.
![](https://static.pib.gov.in/WriteReadData/userfiles/image/image004ATVA.jpg)
या वसतिगृहात 504 विद्यार्थ्यांची राहण्याची सोय आहे आणि त्यात एका खाटेची सोय असलेल्या 400 खोल्या आहेत; स्नानगृह आणि स्वयंपाकघरासह एक खाट असलेल्या 56 खोल्या; आणि 48 सदनिका आहेत.वसतिगृह संकुलात अन्नगृह , व्यायामशाळा, रेस्टॉरंट, सौर ऊर्जा प्रणाली, रेन वॉटर हार्वेस्टिंग, जनरेटर आधारित पॉवर बॅक अप, वाय-फाय नेटवर्क, आरओ यांसारख्या सुविधा आहेत.
* * *
N.Chitale/S.Chavan/D.Rane
सोशल मिडियावर आम्हाला फॉलो करा:
@PIBMumbai
/PIBMumbai
/pibmumbai
pibmumbai[at]gmail[dot]com
/PIBMumbai
/pibmumbai
(Release ID: 1937127)
Visitor Counter : 122