ہندوستان کی قابل تجدیدتوانائی کی ترقی  سے متعلق لمیٹیڈ ایجنسی (آئی آر ای ڈی اے) نے 30 جون 2023 کو نئی دہلی کے انڈیا ہیبی ٹیٹ سینٹر میں اپنی 36ویں سالانہ جنرل میٹنگ (اے جی ایم) کا انعقاد کیا۔ اجلاس میں مالی سال 23-2022 کے سالانہ کھاتوں کا اپنایا  گیا، جس میں قابل ذکر کامیابیوں کا ذکر کیا گیا۔

شیئر ہولڈرز سے خطاب کرتے ہوئے، جناب پردیپ کمار داس، چیئرمین اور منیجنگ ڈائریکٹر (سی ایم ڈی)آئی آر ای  ڈی اےنے اس سال کے دوران آئی آر ای ڈی اے  کی کارکردگی کےکا جائزہ پیش کیا ۔ "آئی آر ای ڈی اے  نے اب تک کی سب سے زیادہ سالانہ قرض کی منظوری، قرض کی تقسیم، قرض کی کتاب، منافع اور نیٹ ورتھ پورا کیا ہے۔

یہ کہتے ہوئے کہ  کارکردگی بہترین رہی ہے، سی ایم ڈی نے   مالی سال 2023 میں کمپنی کی کارکردگی پر ایک پریزنٹیشن پیش کی۔

• • 32,586.60 کروڑروپئے قرض کی منظوری (مالی سال 2022 کے مقابلے میں 36.23فیصد نمو)
  • 21,639.21 کروڑ روپئے قرض کی ادائیگی  (مالی سال 2022 کے مقابلے میں 34.65 فیصد نمو)
  • 47,076 کروڑ روپئے کے قرض کی تقسیم (مالی سال 2022 کے مقابلے میں 38.75 فیصد اضافہ)
  • 1,139.25 کروڑ روپئے کا ٹیکس سے پہلے کا منافع اور 864.63 کروڑ روپئے کا ٹیکس کے بعد منافع (مالی سال 2022 کے مقابلے میں بالترتیب 36.63فیصد اور 36.48فیصد کا اضافہ )
  • 5,935.17 کروڑ روپئے کی مجموعی مالیت (مالی سال 2020 کے دوران 12.66 فیصد اضافہ)

نان پرفارمنگ اثاثوں کے تناسب میں صحت مند بہتری

سی ایم ڈی نے مضبوط اثاثے کے معیار کو برقرار رکھنے کے لیے آئی آر ای ڈی اے کے عزم پر زور دیا۔ انہوں نے ایک منظم وصولی اور نگرانی کے طریقہ کار کے نفاذ پر روشنی ڈالی، جس میں ماہانہ داخلی حیثیت کے جائزے اور قرض لینے والوں کے ساتھ سہ ماہی تعاملات شامل ہیں۔ نتیجے کے طور پر، آئی آر ای ڈی اے نے 18 نان پرفارمنگ پروجیکٹ لون اکاؤنٹس کو کامیابی کے ساتھ بند یا اپ گریڈ کیا، جس سے   202.43 کروڑ  روپئےکے قرض کی وصولی ہوئی۔ ان کوششوں نے مالی سال 23 کے آخر میں این پی اے کے تناسب میں صحت مند بہتری میں تعاون پیش کیا:

• 3.21فیصد مجموعی  این پی اے، مالی سال 22 میں 5.21فیصد سے نمایاں کمی
• 1.66فیصد نیٹ این پی اے، مالی سال 22 میں 3.12 فیصد سے خاطر خواہ بہتری  

سی ایم ڈی نے حصص یافتگان کو آگاہ کیا کہ اپنی شاندار مالی کارکردگی کے ساتھ ساتھ، آئی آر ای ڈی اے مالیاتی مصنوعات کے لیے ان کی ابھرتی ہوئی ضروریات کو تسلیم کرنے کے لیے گرین انرجی کے ڈویلپرز کے ساتھ شراکت میں فعال طور پر مصروف ہے۔ کمپنی کا مقصد نئی مصنوعات کے بارے میں بیداری پیدا کرنا ہے اور اس نے ابھرتے ہوئے شعبوں جیسے کہ ای-موبلٹی، گرین ہائیڈروجن، اور گرین ٹرانسمیشن کے لیے پہلے ہی فنانسنگ سلوشنز شروع کیے ہیں۔

سی ایم ڈی نے کہا کہ آئی آر ای ڈی اے کارپوریٹ گورننس، شفافیت اور کاروباری اخلاقیات کے اعلیٰ ترین معیارات کو برقرار رکھنے کے لیے پرعزم ہے تاکہ موثر اور اخلاقی کاروباری طریقوں کو آسان بنایا جا سکے۔ مالی سال 23 میں، آئی آر ای ڈی اے نے مالی سال کے اختتام کے بعد 25 دنوں کے اندر اپنے سالانہ آڈٹ شدہ نتائج شائع کرنے والا پہلا مرکزی پبلک سیکٹر انٹرپرائز بن کر ایک اہم سنگ طے  کیا۔ یہ کامیابی خاص طور پر اس بات پر غور کرنے کے قابل ہے کہ ایس ای بی آئی اس طرح کے انکشافات کے لیے 60 دن کی مدت کی اجازت دیتا ہے۔

آئی آر ای ڈی اے نے مالی سال کے اختتام کے بعد 90 دنوں کے اندر اپنی اے جی ایم منعقد کرنے کی ایک قابل ذکر مثال بھی قائم کی ہے، جو آئی آر ای ڈی اے کے ہموار داخلی عمل، ڈیجیٹائزڈ ڈیٹا مینجمنٹ اور گڈ گورننس کے اصولوں اور طریقوں کا ثبوت ہے۔

آئی آر ای ڈی اے ایک منی رتن (زمرہ - I) حکومت ہند کا ادارہ ہے جو نئی اور قابل تجدید توانائی کی وزارت کے انتظامی کنٹرول کے تحت ہے۔

***

 

ش ح ۔  ا ک ۔ م ص

U. No.6705

(Release ID: 1937009) Visitor Counter : 115