ঙাকশেল মন্ত্রালয়
দিফেন্স সেক্রেতরী ম্যান্মারদা চৎখ্রে; লৈবাক্তুগী মকোক থোংবা লুচিংবশিংগা ভারতকী সিক্যুরিতীগী মরী লৈনবা ৱাফমশিং খন্নখ্রে
Posted On:
01 JUL 2023 4:35PM by PIB Imphal
দিফেন্স সেক্রেতরী শ্রী গিরিধার অরামানে জুন ৩০, ২০২৩দগী জুলাই ০১, ২০২৩ ফাওবা ম্যান্মারদা ওফিসিএল ওইবা খোঙচৎ অমদা চৎলুরে। মহাক্না স্তেত এদমিনিস্ত্রেতিব কাউন্সিলগী চেয়রমেন সেনিয়র জেনেরেল মিন ওং হ্লাইংগা নাই পি তোদা উনখি। দিফেন্স সেক্রেতরীনা ম্যান্মারগী দিফেন্স মিনিস্তর জেনেরেল (রিতাইয়র্দ) ম্যা তুন উগসু উনখি অমদি ম্যান্মার নেভীগী কম্মান্দর-ইন-চীফ, এদমিরেল মো ওং অমদি চীফ ওফ দিফেন্স ইন্দস্ত্রিজ লেফ্তনেন্ত জেনেরেল খান ম্যিন্ত থানগসু মীফম পাঙথোকখি।
খোঙচৎ অদুনা ভারতকী সিক্যুরিতীগা মরী লৈনবা ৱাফমশিং ম্যান্মারগী মকোক থোংবা লুচিবশিংগী মফমদা পুখত্তুনা ৱারী শাননবগী তাঞ্জা অমা পীখি। মীফম অদুদা নাকল অনিনা ঙমখৈগী মফমশিংদা ইং-তপ্পা ফীভম থম্নবা, আইন্না য়াদবা মওংদা ঙমখৈ লান্না চত্থোক চৎশিন তৌবা অমদি দ্রগ ত্রাফিক্কিং অমসুং স্মগ্গ্লিংনচিংবা ত্রান্সনেস্নেল ক্রাইমশিং লাকশিন্নবা ৱাফমশিং খন্নখি। নাকল অনিমক্না মখোয় মখোয়গী ঙমখৈ মনুংগী মফমশিং অমনা অমগী অকায়বা থোক্কদবা থবক থৌওং অমত্তদা শীজিন্নহন্দনবা ৱাফম অমুক্কা হন্না য়ানখি।
ভারতকা ম্যান্মারগা লোয়ননা কিলোমিতর ১,৭০০ লোম শাংবা ঙমখৈ তাইনদুনা লৈ। লৈবাক অদুদা ওইরকপা ফীভম অমা হেক্তনা ভারতকী লোন্নবা মফমশিংদা হকথেংননা ইথিল পীরি। মরম অসিনা ম্যান্মারদা ইহ-তপ্পা অমদি মরা চেৎনা লৈবা অমদি লৈবাক্তুগী মীওইশিং নুংঙাই য়াইফনা লৈবা হায়বসি ভারতকী য়াম্না মরুওইবা ৱাফম অমা ওইদুনা লৈরি।
*****
(Release ID: 1936885)
Visitor Counter : 87