કેન્દ્રીય બંદરો, શિપિંગ અને જળમાર્ગો અને આયુષ મંત્રી, સર્બાનંદ સોનોવાલે આજે 75 ઐતિહાસિક દીવાદાંડીઓને પ્રવાસન સ્થળોમાં રૂપાંતરિત કરવાની ઝુંબેશ શરૂ કરી હતી જ્યારે તેમણે દ્વારકા, ગોપનાથ અને વેરાવળમાં ત્રણ પરિવર્તિત દીવાદાંડીઓનું ઉદ્ઘાટન કર્યું હતું, જે આજે ટુરિસ્ટ ડેસ્ટિનેશનમાં ફેરવાઈ ગયા છે. ઐતિહાસિક દીવાદાંડીઓને પર્યટન સ્થળો તરીકે કાર્યરત કરી શકાય એ માટે પૂરતી સુવિધાઓ સાથે તેનું નવીનીકરણ કરવામાં આવ્યું હતું. તે સમગ્ર ભારતમાં 75 ઐતિહાસિક દીવાદાંડીઓને પ્રવાસન સ્થળોમાં રૂપાંતરિત કરવાના બંદરો, શિપિંગ અને જળમાર્ગ મંત્રાલય (MoPSW) અભિયાનની શરૂઆત દર્શાવે છે. આ ભારતના વિશિષ્ટ દીવાદાંડીઓને મનમોહક પર્યટન સ્થળોમાં પરિવર્તિત કરવાના પ્રધાનમંત્રી શ્રી નરેન્દ્ર મોદીના દૂરંદેશી વિઝનને અનુરૂપ છે. આ પહેલનો ઉદ્દેશ્ય આ ભવ્ય સંરચનાઓની સમૃદ્ધ સંસ્કૃતિ, મહત્વ અને આકર્ષણને પ્રદર્શિત કરવાનો છે, જેનાથી પર્યટનની સંભાવનાને પ્રોત્સાહન મળે છે અને સ્થાનિક અર્થતંત્રને શક્તિ મળે છે.

આ પ્રસંગે બોલતા, કેન્દ્રીય બંદરો, શિપિંગ અને જળમાર્ગો અને આયુષ મંત્રી, સર્બાનંદ સોનોવાલે જણાવ્યું હતું કે, “તે એક ઐતિહાસિક ક્ષણ છે કારણ કે અમે ભારતના પ્રતિષ્ઠિત દીવાદાંડીઓને સંભવિત પ્રવાસન સ્થળોમાં પરિવર્તિત કરવાની ઝુંબેશ શરૂ કરી રહ્યા છીએ જેનાથી સ્થાનિક સ્તરે અર્થવ્યવસ્થામાં વધારો થશે." આ સાથે ભારતના પ્રવાસન ક્ષેત્રને પણ વેગ મળશે. આપણા ગતિશીલ નેતા, માનનીય પ્રધાનમંત્રી, શ્રી નરેન્દ્ર મોદીજીએ મન કી બાતના 75મા એપિસોડ દરમિયાન લાઇટહાઉસની અનોખી અપીલ અને પ્રવાસી આકર્ષણો તરીકે તેમની સંભવિતતા વિશે વાત કરી છે. મોદીજીના માર્ગદર્શન હેઠળ, આ અભિયાનનો ઉદ્દેશ્ય ભારતના અદભૂત કુદરતી સૌંદર્યના સાક્ષી બનવા માટે પ્રવાસીઓ માટે આકર્ષણનું કેન્દ્ર બનવા માટે આપણી દીવાદાંડીઓને પુનઃજીવિત કરવાનો છે. અમારું માનવું છે કે આ પરિવર્તિત દીવાદાંડીઓ ભારતની સમૃદ્ધ અને અનન્ય ધરોહરને વિશ્વ સમક્ષ દર્શાવતું જીવંત પ્રવાસન સ્થળ બનાવશે.

અગાઉ કેન્દ્રીય મંત્રી સર્બાનંદ સોનોવાલે સુરતમાં CII B20 મીટમાં હાજરી આપી હતી, જ્યાં તેમણે વેપારી સમુદાયના અગ્રણી સભ્યો સાથે વાત કરી હતી અને વાતચીત કરી હતી. સોનોવાલે ભારતના સમાજ, અર્થતંત્ર અને સાંસ્કૃતિક પાસાઓના વિવિધ પાસાઓમાં છેલ્લા 9 વર્ષમાં નરેન્દ્ર મોદી સરકારની મુખ્ય સિદ્ધિઓ પર પ્રકાશ પાડ્યો હતો. શિપિંગ મંત્રી સર્બાનંદ સોનોવાલે પણ બિઝનેસ લીડર્સને ભારતના સમૃદ્ધ અંતર્દેશીય જળમાર્ગ ક્ષેત્રમાં B2B અને B2C બંને બિઝનેસમાં રોકાણ કરવા આહ્વાન કર્યું હતું. સોનોવાલે વ્યાપારી ગૃહોને તેમના માલસામાનની અવરજવર માટે આંતરદેશીય જળમાર્ગો પસંદ કરવા માટે આહ્વાન કર્યું હતું, જે ખર્ચ-અસરકારક, પર્યાવરણની દૃષ્ટિએ સલામત વિકલ્પ છે. વિશ્વની સૌથી લાંબી નદી ક્રૂઝ ગંગા વિલાસની સફળતા પછી, સોનોવાલે રિવર ક્રુઝ પર્યટન ક્ષેત્રે નવીન રિવર ક્રુઝના અનુભવો દ્વારા રોકાણ કરવાનું પણ આહ્વાન કર્યું હતું જે 'નર્મદા વિલાસ', 'ગોદાવરી વિલાસ', 'મહાનદી વિલાસ', 'કાવેરી વિલાસ' અને અન્ય હશે.

આ પ્રસંગે બોલતા, કેન્દ્રીય મંત્રી, સર્બાનંદ સોનોવાલે જણાવ્યું હતું કે, "સુરતનો નોંધપાત્ર વિકાસ અને પડકારોનો સામનો કરતી સ્થિતિસ્થાપકતા એ ભારતની આર્થિક ક્ષમતા અને માનનીય પ્રધાનમંત્રી દ્વારા પ્રદાન કરવામાં આવેલ આપણા રાજકીય નેતૃત્વ અને વિઝનની તાકાતનું ઝળહળતું ઉદાહરણ છે." શ્રી નરેન્દ્ર મોદી ભારતની G20 અધ્યક્ષતા એ 'સબકા સાથ, સબકા વિકાસ'ના વિઝનનું વૈશ્વિકીકરણ અને આંતરરાષ્ટ્રીયકરણ છે. આજે, ભારત દેશ વિશ્વની પાંચમી સૌથી મોટી અર્થવ્યવસ્થા બની ગયો છે અને માત્ર ઉચ્ચ ખરીદ શક્તિ ધરાવતા ગ્રાહક બજાર તરીકે જ નહીં, પણ રોકાણના પસંદગીના સ્થળ તરીકે પણ નોંધપાત્ર રીતે વિકાસ પામ્યો છે. માનનીય પ્રધાનમંત્રીના દૂરંદેશી નેતૃત્વ હેઠળ, રાષ્ટ્રીય લોજિસ્ટિક્સ નીતિ, મલ્ટીમોડલ કનેક્ટિવિટી માટે ગતિ શક્તિ રાષ્ટ્રીય માસ્ટરપ્લાન અને આવા અન્ય સુધારાઓ જેવી પરિવર્તનકારી પહેલો દ્વારા સંચાલિત, ભારતીય માળખાકીય ક્ષેત્રે અનેકગણો વિકાસ કર્યો છે. સરકાર ભારતના દરિયાઈ પ્રદેશોમાં હરિત વિકાસ તરફના સંક્રમણને સમર્થન આપવા માટે પણ પ્રતિબદ્ધ છે, અને આ હાંસલ કરવા માટે સમયને આધીન પ્રતિબદ્ધતાઓ અને રોકાણો નક્કી કર્યા છે.

પરિવર્તનશીલ ફેરફારો માટે આંતરદેશીય જળમાર્ગ ક્ષેત્રનો ઉપયોગ કરવાના અવકાશ અને તક વિશે બોલતા, કેન્દ્રીય મંત્રી સર્બાનંદ સોનોવાલે જણાવ્યું હતું કે, “હું આ તકનો લાભ લઈ તમામ વેપારી નેતાઓને આગળ આવવા પ્રોત્સાહિત કરું છું અને સંયુક્ત રીતે ભારતમાં રિવર ક્રૂઝના નવા અનુભવો સર્જવા માટે આમંત્રિત કરું છું. આપણા નદી-સમૃદ્ધ રાષ્ટ્રમાં 'નર્મદા વિલાસ', 'ગોદાવરી વિલાસ', 'મહાનદી વિલાસ', 'કાવેરી વિલાસ' અને બીજી ઘણી નદીઓ હોવી જોઈએ. તમારા માલસામાનની અવરજવર માટે અંતર્દેશીય જળમાર્ગોનો લાભ લો જે અત્યંત કિફાયત છે

YP/GP/JD