جناب  سربانند سونووال یکم جولائی 2023 کو گجرات میں دوارکا، گوپناتھ اور ویراول کے تاریخی لائٹ ہاؤسز پر بہترین سیاحتی سہولیات کا افتتاح کریں گے۔ یہ عزت مآب وزیر اعظم جناب نریندر مودی کے بھارت  کے منفرد لائٹ ہاؤسز کو دلکش ثقافتی سیاحتی مقامات میں تبدیل کرنے کے دور اندیش خاکے کے مطابق ہے۔ بھارت  کے مخصوص لائٹ ہاؤسز کو دلکش ثقافتی سیاحتی مقامات میں تبدیل کرنے کے اس قدم کا مقصد ان شاندار ڈھانچوں کی بھرپور ثقافت، اہمیت اور دلکشی کو ظاہر کرنا ہے، جو پوری دنیا کے سیاحوں کو اپنی طرف متوجہ کرتے ہیں۔

اپنے ’من کی بات‘ کے 75 ویں ایپی سوڈ میں وزیر اعظم مودی نے ان لائٹ ہاؤسز کے منفرد دلکشی اور ان کی سیاحت کی صلاحیت پر زور دیا تھا۔ وزیر اعظم نے کہا تھا کہ ’’جہاں تک سیاحت کا تعلق ہے لائٹ ہاؤس منفرد ہیں۔ اپنے بڑے سائز کی وجہ سے یہ لائٹ ہاؤس ہمیشہ سیاحوں کے لیے توجہ کا مرکز رہا ہے۔ سیاحت کو فروغ دینے کے لیے، بھارت میں ڈی جی ایل ایل کی جانب سے مزید 72 لائٹ ہاؤسز کی بھی نشاندہی کی گئی ہے۔‘‘

وزیر اعظم کے وژن کی رہنمائی میں یہ اہم موقع شہر کے بھرپور ثقافتی ورثے کے تحفظ اور فروغ کے لیے ایک اہم سنگ میل ثابت ہو گا اور سیاحوں  کے لیے  ایک غیر معمولی یادگار ہو گا جیسا کہ پہلے کبھی نہیں ہوا تھا۔ یہ لائٹ ہاؤسز نمایاں نشانات ہیں اور نسلوں سے سمندری جہازوں کی خدمت کر رہے ہیں اور اب ان لائٹ ہاؤسز نمایاں مقامات ہیں اور کئی نسلوں سے عالمی معیار کی سیاحت کی سہولیات تیار کی گئی ہیں۔ نئی افتتاحی سہولیات تاریخی دلکشی کو جدید سہولتوں سے ہم آہنگ کرتی ہیں، جو اسے دنیا بھر کے سیاحوں کے لیے ایک منفرد مقام بناتی ہیں۔

افتتاحی تقریب کی صدارت بندرگاہوں، جہاز رانی اور آبی گزرگاہوں اور آیوش کے مرکزی وزیر جناب  سربانند سونووال کریں گے، اس کے ساتھ گجرات حکومت کے زراعت، حیوانات کے وزیر، جناب  رگھو بھائی ہنسراج بھائی پٹیل، جام نگر سے لوک سبھا کی رکن اسمبلی محترمہ پونم بین ہوں گے۔ ، جناب راجیش بھائی ناران بھائی چوداسما، جوناگڑھ سے لوک سبھا ایم پی، تلہجا کے ایم ایل اے جناب  گوتم بھائی چوہان، ایم ایل اے دوارکا جناب  پبوبھا مانیک، ایم ایل اے سومناتھ جناب  ویمل بھائی چوداسما نیز سکریٹری، بندرگاہوں، جہاز رانی اور آبی گزرگاہوں کی مرکزی وزارت جناب ٹی کے رامچندرن کے ساتھ دیگر معززین اور مہمان خصوصی ہوں گے۔

سیاحت کی سہولت سیاحوں کو انٹرایکٹو نمائشوں، عمیق آڈیو ویژول پریزنٹیشنز اور ٹور گائیڈ کے طور پر مشغول ہونے کے ذریعے لائٹ ہاؤسز کی بھرپور تاریخ کو دریافت کرنے کا موقع فراہم ہوگا۔ اس  مقام پر ایک پینورامک آبزرویشن ڈیک بھی شامل ہوگا، جو اردگرد کے مناظر اور شہر کے سمندری منظر نامے کو پیش  کرے گا۔

اس سیاحتی مقام کے  افتتاح سے حکومتوں کے درمیان باہمی تعاون کی عکاسی ہوتی  ہے اور ایک متحرک اور فروغ پذیر سیاحتی مقام بنانے اور ہمارے منفرد ورثے کی نمائش کے لیے ہمارے اجتماعی وژن کی توثیق ہوتی  ہے۔

۔۔۔۔

 

 

ش ح۔ا س۔  ت ح ۔                                              

U–6647

(Release ID: 1936534) Visitor Counter : 121