ইন্দস্ত্রী এসোসিয়েশন্না ই লোগস প্লেতফোর্মদা শরুক য়াগদবনি অমসুং মখোয়গী ইশুশিং অদু খন্ন-নৈনগদবনি, মসিনা নেস্নেল লোজিস্তিক পোলিসীগী মতুং ইন্না ফাস্ত ত্রেক মোদতা ইশুশিং অসিবু লোইশিনহনবদা সর্বিস ইনভেস্তমেন্ত গ্রুপ (এস.আই.জি.)কী মতেং পাংলগনি। মসি দিপার্তমেন্ত ফোর প্রোমোশন ওফ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি), লোজিস্তিক্স দিবিজনগি স্পেসিয়েল সেক্রেতরী, কুমারি সুমিতা দাৱরানা ঙরাং নই দিল্লীদা পাংথোকখিবা এস.আই.জি.গি ৫শুবা মীফমদা চিয়র ওইবা মতমদা হায়খি। মীফম অদুদা, ত্রেদতা শোকহনবা মরু ওইবা ইশুশিং অদুবু স্তেকহোল্দরশিংগী অপাম্বগী মতুং ইন্না ৱারোইশিন পুরকখি।

বিজনেস/ইন্দস্ত্রী এসোসিয়েশনশিংনা হকথেংননা শরুক য়াহন্নবা অমসুং মখোয়দা থাজবা পুরকপা হায়বসিনা এস.আই.জি.গী খ্বাইদগী মরু ওইবা এজেন্দানি। মীফম অদুদা মমাংগী মীফমদা থাংগৎলকখিবা ইশুশিং অদুগী মতাংদা লৌখৎকদবা থবক-থৌরমশিং অদুগী মথক্তা ইন্দস্ত্রী এসোসিয়েশন্না পল্লকখিবা অনৌবা ইশুশিং অদুবু য়াম্না কুপ্থনা খন্নখি।

মরক অসিদা, মীফম অদুদা শরুক য়ারিবা, ৱিশাখাপত্নম পোর্ত ওথোরিতী (ভি.পি.এ.)দগী মীহুৎ অমনা খঙহল্লকখি মদুদি পোর্ততা লাক্লিবা শিপ্পিং লাইনশিং অদুবু পুক্নিং হন্থহল্লিবা, ভেসেল খুদিংমক্তা ভি.পি.এ.না লৌরিবা প্রায়োরিতী বর্থিং চার্জশিং অদু লৌথোকখ্রে, মসিদা প্রায়োরিতী বর্ধিংগীদমক্তা পাম্লিবা ভেসেলশিং খক্তমক এপ্লিকেবল ওইবা চার্জশিং খক্তমক লৌরগনি। মসিগী ইনভেস্তর ফ্রেনলী ওইবা অনৌবা থৌরাং অসিনা লোজিস্তিক কোস্ততা হকথেংননা কান্নহল্লগনি অমসুং সীপ্পিং লাইনশিংবুশু ৱিশাখাপত্নম পোর্ততা লাক্নবা পুক্নিং থৌগৎলনি। ভি.পি.এ.গী মরু ওইবা ৱারেপ অসিবু ইন্দস্ত্রী এসোসিয়েশন্না য়াম্না থাগৎখি, মরমদি মসি মতম কুইনদগী লৈরক্লবা ইশুনি অমসুং মসিবু এস.আই.জি.গী খুত্থাংদা হৌজিক্তি লোইশিনখ্রে।    

মসিদা নত্তনা, মীফম অদুদা, অচৌবা ভেসেলশিংগী সিপ্পিং কোস্তশিং হন্থন্নবা অমসুং অচৌবা পোর্তশিংদা দ্রাফশিং ফগৎহন্নবগী মতাংদশু খন্নখ্রে। তৌইগুম্বশুং, এ.আই.জি.না মরু ওইবা অচৌবা পোর্ত পুম্নমক্তা শিপ্পিং কোস্ত হন্থহনবগী তঙাইফদবা লৈ হায়না মরু ওইনা পনখি, মরমদি মসিনা মখোয়বু হেন্না কমপেতিতিব ওইহন্দুনা অমসুং ইকোনোমিক্কি ওইনা হেন্না কোমহন্দুনা লৈবাক অসিদা লোজিস্তিক কওস্ত হন্হহল্লগনি।

মসিগী মথক্তা, মরু ওইবা অচৌবা এয়রপোর্ত তর্মিনেল ওপরেশনশিং প্রাইভেতাইজ তৌখিবগা লোইননা, কসো্ত হন্থহনবগী তঙাইফদবা লৈরকপা অদুগী মতাংদা সিভিল এভিয়েশনগী মন্ত্রালয়দগী মীহুৎশিং অদুগা খন্নখ্রে। অসুম্না, ইন্দস্ত্রী অসিনা বেঙ্কশিংনা লেদিংগী ইলেক্ত্রোনিক বিল (ই.-ৱে বিল) এক্সেপ তৌবগী তঙাইফদবা অদুগী মতাংদা মখোয়না লেপ্তনা রৌরকখিবা দিমান্দ অদু ইশু অমা ওইখি, মসিগী মতাংদশু মতিকচাবা ওথোরিতীশিংগী খুত্থাংদা ৱারোইশিন পুরক্নবা খন্নখ্রে।

খঙজিনবা য়াবা অমনা, হৌজিক ফাওবদা ইন্দস্ত্রী/বিজনেস এসোসিয়েশন ২৯ রোম ই লোগ পোর্তেলদা এমপনেল তৌখ্রে অমসুং মখোয়গী ৱারোইশিন য়াম্না থুনা পুরক্নবগীদমক্তা তোঙান-তোঙানবা মন্ত্রালয়শিংগী মখাদা মরি লৈনবা দিপার্তমেন্তশিংগা লোইননা মখোয়গী ইশুশিং অদুবু দাইরেক্ত ওইনা পুখৎনবা য়ুজর আই.দি. অমসুং পাসৱার্দ পীখ্রে।

নিংশিংবা য়াবা অমনা প্রধান মন্ত্রী, শ্রী নরেন্দ্র মোদীনা ২০২২গী সেপ্তেম্বর ১৭দা নেস্নেল লোজিস্তিক্স পোলিসী লোঞ্চ তৌখি। নেস্নেল লোজিস্তিক্স পোলিসীগী ওবজেক্তিবস কয়া অমগী মনুংদা, খ্বাইদগী মরু ওইবা অসি ২০৩০ ফাওবদা ভারতকী লোজিস্তিক্স কোস্ত অদু ভারতকী জি.দি.পি.গী ১৪% ওইরম্বদগী মালেম অসিগী খ্বাইদগী ফবা ৮% ফাওবদা হন্থহনবা অসিনি। পোলিসী অসিনা ভারতকী পোৎলমশিং অসিবু এন্না কমপিতিতিব ওইহনবা অমসুং ইকোনোমিক গ্রোথ লৈহনবা অমসুং সেক্তর অসিদা থবক্কী খুদোংচাবশিং পুরক্নবগী পান্দম থম্লি।

পোলিসী অসিনা লোজিস্তিক্স ইকোসীস্তেম পুম্নমক্কী শাহৌ পুরক্নবগীদমক্তা য়াম্না পাক-চাউবা, মল্তি-জুরিসদিকস্নেল, ক্রোস ফংস্নেল ফ্রেমৱার্ক অমা পুরক্লগনি হায়না আশা তৌরি অমসুং মসিনা মলল ৱাংবা অমসুং মথৌ নিংথিনা তৌবা ঙমদবা অদুবুশু য়েংশিল্লগনি।

স্তেকহোল্দর ইন্তরফেজ হেনগৎহন্দুনা ইন্তরোপরেবিলিতী অমসুং  ইন্তরভেন্সনগীদমক্তা মফমশিং মশখ খঙদোকপা হায়বসি ‘সর্বিস ইমপ্রুবমেন্ত ফ্রেমৱার্ক’ হায়না মিংথোনবা নেস্নেল লোজিস্তিক্স পোলিসীগী ফ্রেমৱার্ক অমনি। মসিদা সেক্তর অসিগী চাউখৎ-থৌরাংদা অপনবা পীরিবা ইশুশিং অদুবু মশক খঙদোকপা মরু ওইনা ইন্তর-মিনিস্তেরিয়েল নাচর, অমসুং মতিক চাবা থবকশিং পাইখত্তুনা হায়রিবা অসিগী ৱারোইশিনশু পুরকপা য়াওরি।

মসিগী ইশুশিং অসি ইস ওফ দুইং বিজনেসতা অপনবা পীদুনা প্রোসেসশিং অমসুং প্রোসিজরশিংদা অপনবা অমা ওইবা য়াই অমসুং লোজিস্তিক্স এফিসিয়েন্সী হন্থহল্লি। মসিদা লোজিস্তিক্সকা মরি লৈনবা য়াম্না কুইরবা ইশুশিংগী মতাংদা খন্নবা অমসুং লোজিস্তিক্স সেক্তরগা মরি লৈনবা লোইশিনখিদবা ইশুশিং অদুবু মশক খঙদোক্তুনা  অমসুং ৱারোইশিন পুরক্নবা কমপ্লেক্স প্রোসেসশিং, এক্সেসিব দোক্যুমেন্তেসন, দিজিতাইজেশন তৌবগী তঙাইফদবা অমসুং য়ুজর ইন্তরেক্সনগীদমক্তা লৈরিবা মেকানিজম অদুবু কনখৎহনবা মেকানিজমশিং সজেস্ত তৌগদবনি।  

মসিগা মরি লৈননা এস.আই.জি. অসি লোজিস্তিক্সকী স্পেসিয়েল সেক্রেতরীনা চিয়রমেন অমসুং কনভেনর ওইদুনা অমসুং লোজিস্তিক্সকী জোইন্ত সেক্রেতরীনা মসিগী মেম্বর সেক্রেতরী ওইদুনা দি.পি.আই.আই.তি.গী লোজিস্তিক্স দিবিজনদা থমখি। এস.আই.জি. অসিদা মরি লৈনবা মন্ত্রালয় ১৩দগী নোদল ওফিসরশিং য়াওরি, মসিদা রেভেন্যু দিপার্তমেন্ত, সেন্ত্রেল বোর্দ ওফ ইন্দাইরেক্ত তেক্স অমসুং কস্তমস, সিভিল এভিয়েশনগী মন্ত্রালয়, পোর্তস মন্ত্রালয়, শিপ্পিং অমসুং ৱাতরৱেজ, দিপার্তমেন্ত ওফ কমর্স অমসুং নিতি আয়োগতগী মেম্বরশিং য়াওরি। এস.আই.জি.না ‘ই লোগস’ কৌবা তেক্নোলোজিকেল প্লেতফোর্মগী কূত্থাংদা রেজিস্তর তৌরবা স্তেকহোল্দরশিংগা িন্তরেক্ত তৌই, মসিদা লোজিস্তিক্সকা মরি লৈনবা ইন্দস্ত্রী এসোসিয়েশনশিংদা এস.আই.জি.না খুৎ থিংজিনবা মথৌতাবা ইশুশিং/পেন পিন্তশিং পোস্ত তৌনবগীমদক্তা এক্সেস পী।

মরু ওইবা অচৌবা এসোসিয়েশনশিং খুদম ওইনা ফেদরেশন ওফ ইন্দিয়ন চেম্বর ওফ কমর্স এন্দ ইন্দস্ত্রী (এফ.আই.সি.সি.আই.), এসোসিয়েশন ওফ মল্তিমোদল ত্রান্সপোর্ত ওপরেতরস ওফ ইন্দিয়া (এ.এম.তি.ও.আই.), কন্তেনর শিপ্পিং লাইনস এসোসিয়েশন (সি.এস.এল.এ.), ইন্দিয়ন নেস্নেল শিপ ওনর্স এসোসিয়েশন (আই.এন.এস.এ.) অমসুং ফেদরেশন ওফ ইন্দিয়ন এক্সপোর্ত এসোসিয়েশন (এফ.আই.ই.ও.)না ত্রেদকা মরি লৈনবা ইশুশিং অদুবু য়েংশিন্নবা এস.আই.জি.গা হৌজিক হৌজিক থবক তোমিন্নরিবা লোজিস্তিক্স সেক্তরদগী মমিং লৈরবা ইন্দস্ত্রী এসোসিয়েশনশিংগুম্বা কয়া অমগী মনুংদা অমনি। মরম অদুনা, ই. লোগস পোর্তলগী পান্দমদি লোজিস্তিক্স সেক্তরদা অফবা গোবর্নেন্স লৈহন্নবা অমসুং স্তেকহোল্দর আউৎরীচ তৌনবা তেক্নোলোজী প্লেতফোর্মশিং শিজিন্নগদবনি।

***

(Release ID: 1936370) Visitor Counter : 136