পঞ্চায়তী রাজগী মন্ত্রালয়
পঞ্চায়তী রাজকী কেন্দ্রগী রাজ্য মন্ত্রী শ্রী কাপিল মোরেস্বর পাতিলনা পঞ্চায়ত দিভেলপমেন্ত ইন্দেক্সকী মতাঙদা পাঙথোকপা নেস্নেল ৱর্কসোপ্তা পঞ্জায়ত দিভেলপমেন্ত ইন্দেক্সকী রিপোর্ত ফোঙখ্রে
Posted On:
28 JUN 2023 7:17PM by PIB Imphal
ঙসি মফমসিদা পাঙথোকখিবা নেস্নেল ৱর্কসোপ ওন পঞ্চায়ত দিভেলপমেন্ত ইন্দেক্স থৌরমদা পঞ্চায়তী রাজকী কেন্দ্রগী রাজ্য মন্ত্রী শ্রী কাপিল মোরেস্বর পাতিলনা পঞ্চায়ত দিভেলপমেন্ত ইন্দেক্সকী রিপোর্ত ফোঙখ্রে।
ভারত লৈঙাক্কী তোঙান তোঙানবা মন্ত্রালয় অমদি দিপার্তমেন্তশিংগী মকোক থোংবা ওফিসরশিং, পঞ্চায়তী রাজ, রুরেল দিভেলপমেন্ত, প্লান্নিং এন্দ স্তেতিস্তিক্স অমদি প্রোগ্রাম মোনিতরিং দিপার্তমেন্তশিংগী প্রিন্সিপাল সেক্রেতরীশিং য়াওনা মকোক থোংবা ওফিসরশিং, এস.আই.আর.দি. অমদি পি.আর.শিংগী দাইরেক্তরশিং, স্তেত এন.আই.সি.গী সেনিয়র তেক্নিকেল ওফিসরশিং, এস.দি.জি. সেলগী ওফিসিএলশিং অমদি মরুওইবা স্তেকহোল্দরশিং য়াওনা মীওই ২৫০ হেনবনা পঞ্চায়ত দিভেলপমেন্ত ইন্দেক্সকী মতাঙদা পাঙথোকখিবা নেস্নেল ৱর্কসোপ অদুদা শরুক য়াখি।
নেস্নেল ৱর্কসোপ অদুগী মরুওইবা পান্দমদি দেতা ইকোসিস্তেম শেমগৎনবা, পঞ্চায়তশিংদা এল.এস.দি.জি.শিংগা চুননবা স্কিমেতিক প্রোগ্রেস য়েংশিনবা অমদি তোঙান তোঙানবা মন্ত্রালয়শিং/দিপার্তমেন্তশিং অমদি নোলেদ্জ পার্ত্নরশিংগী মতেঙগা লোয়ননা পঞ্চায়ত দিভেলপমেন্ত ইন্দেক্স পায়খৎনবগী ইন্সতিত্যুস্নেল মেকানিজম শেমগৎনবগীদমক মন্ত্রালয়গী পোর্তেল/দেসপোর্দশিং পুনশিন্নবগী স্ত্রেতেজিক প্লান অমদি রোদমেপ শেমগৎপনি। নেস্নেল ৱর্কসোপ অদু তরাম্না ওক্নখি অমদি থাক খুদিংদা খুদম চাংদমদা য়ুম্ফম ওইবা চাওখৎপা পুরক্নবগী অচৌবা মেকানিজম শেমগৎনবগী লম্বী য়াৎনবগীদমক স্তেকহোল্দর পুম্নমকপু পুনশিন্নবদা মশক থোকপা থৌদাং লৌখি।
শরুক য়ারিবশিংগী মফমদা ৱা ঙাঙলদুনা, শ্রী পাতিলনা মীৎয়েঙ শানবা প্রধান মন্ত্রী শ্রী নরেন্দ্র মোদীগী লুচিং মখাদা কেন্দ্র লৈঙাক্না পঞ্চায়তী রাজকী তঙায় ফদবা পান্দমশিং শেংনা ফংবা ঙমহন্নবগীদমক খ্বায়দগী ফবা মওংদা পঞ্চায়তী রাজ ইন্সতিত্যুসন (পি.আর.আই.)শিংদা হৌখিবা চহি মাপন হেনবসিদা ঙাক্লৌ পীদুনা লাক্লি। খুঙ্গংগী লমদা মথৌ তাবা ইনফ্রাস্ত্রকচরশিং শেমগৎনবা অমদ চাওখৎ থৌরাংগী থবকশিং পায়খৎপদা ঙাক্লৌ পীনবগীদমক পঞ্চায়তী রাজ ইন্সতিত্যুসনশিংদা পীরিবা শেলথুমগী রিসোর্সশিংগী চাকথুং মশক থোক্না হেনগৎলকপা ঐখোয়না উখ্রে। পঞ্চায়তকী কান্নগদবা থৌরাং কয়ানা পঞ্চায়তশিংনা মখোয় মশাগী মরাইবক লেপচবা ঙমগদবা অনৌবা মতম অমা পুরক্লে।
নেস্নেল ৱর্কসোপ অদুদা ৱা ঙাঙলদুনা, শ্রী কাপিল মোরেস্বর পাতিলনা স্তেকহোল্দরশিংগী ঙাক্লৌ য়াওদনা খুঙ্গংশিং মায়কৈ শুনা চাওখৎহনবা অমদি অওনবা পুরকপা ওইথোক্লোই হায়খি। অকক্নবা মতমগী মনুংদা খুঙ্গংগী লমদমশিংদা সস্তেনেবল দিভেলপমেন্ত গোল (এস.দি.জি.)শিং ফংবা ঙম্নবগীদমক পঞ্চায়তপু পুক্নিং থৌগৎনবা অমদি ইন্সেন্তিবাইজ লেপ্পা লৈতনা তৌনবগীদমক অচুম্বা লম্বীদা পুন্না থবক পায়খৎমিন্নবগী মথৌ তাবসু মহাক্না ফোঙদোকখি। মপুং ওইবা চাওখৎপগী পেরামিতরশিংদা পঞ্চায়তশিংগী মরক্তা অফবা মওংগী হিদান্নবগী ফীভম লৈহনগদবনি হায়না কেন্দ্র মন্ত্রীনা হায়খি। চাওখৎপা অমদি নুংঙাই য়াইফবগী লম্বীদা গ্রাম পঞ্চায়ত পুম্নমক পুন্না মাঙদা চঙশিনমিন্ননবগীদমক গ্রাম পঞ্চায়তশিংনা অমনা অমগী মতেং পাংনগদবনি হায়না মহাক্না ফোঙদোকখি।
ঐখোয়না পঞ্চায়তী রাজ ইন্সতিত্যুসনশিং মপাঙ্গল কলহন্নবা অমদি মপাঙ্গল হাপ্নবা, পি.আর.আই.শিংগী শক্লোন অমদি থৌদাংশিং মপুং ফানা য়াবা ঙমহন্নবগীদমক মীহুৎশিংগী কেপাসিতী হেনগৎহন্নবা, অমদি পুম্নমক চাওখৎমিন্ননবা, শেন্মিৎলোন খুমাঙ চাওশিলহন্নবা অমদি সস্তেনেবল দিভেলপমেন্ত গোল (এস.দি.জি.)শিং ফংনবা থৌদাং য়াহন্নবগীদমক পি.আর.আই.শিংগী ইফিসিএন্সী, ত্রান্সপেরেন্সী অমদি একাউন্তেবিলিতী হেনগৎহন্নবগী থৌরাং কয়া লৌখৎলি, হায়না শ্রী কাপিল মোরেস্বর পাতিলনা হায়খি।
পঞ্চায়তী রাজ মন্ত্রালয়গী সেক্রেতরী শ্রী সুনিল কুমারনা নেস্নেল ৱর্কসোপ ওন পঞ্চায়ত দিভেলপমেন্ত ইন্দেক্স থৌরমদা ৱা ঙাঙলদুনা পঞ্চায়ত দিভেলপমেন্ত ইন্দেক্সকী খুত্থাঙদা খুদম চাংদমদা য়ুম্ফম ওইবা চাওখৎপগী পান্দমশিং থাক খুদিংদা থমবগী মথৌ তাবা ৱাফমশিং ফোঙদোকখি অমদি পঞ্চায়ত দিভেলপমেন্ত ইন্দেক্স অসি ঐখোয়না চহি কয়া থাংজিল্লক্লিবা তোঙান তোঙানবা খোঙথাঙশিংগী লোজিকেল কোম্বিনেসন অমনি, করিগুম্বা পঞ্চায়তনা সস্তেনেবল দিভেলপমেন্ত গোলশিং ফংনবা ফিরেপ লৌবা মতমদা মদুগী মচাকশিং মখোয়না মসিদগী ফংগনি; হৌখিবা চহি অমা মখায়সিদা চাওখৎ থৌরাংগী থবক কয়া পায়খৎখ্রে হায়খি।
পঞ্চায়তী রাজ মন্ত্রালয়গী এদিস্নেল সেক্রেতরী দোক্তর চন্দ্র সেখর কুমারনা নই দিল্লীগী বিজ্ঞান ভবন্দা পাঙথোকখিবা পঞ্চায়ত দিভেলপমেন্ত ইন্দেক্সকী নেস্নেল ৱর্কসোপ অদদা পঞ্চায়তশিংগী খুত্থাঙদা লোকেলাইজেসন ওফ সস্তেনেবল দিভেলপমেন্ত গোল (এল.এস.দি.জি.)শিং ফংনবগী মায়কৈদা মাঙদা চঙশিল্লিবা খোঙজেল ওন্নবা পঞ্চায়ত দিভেলপমেন্ত ইন্দেক্সকী মতাঙদা মরুওইবা ৱারোল পীখি। মহাক্কী ৱারোলদা, দোক্তর কুমারনা স্তেত/য়ু.তি. পুম্নমক মায়কৈ অসিদা মখোয়না হোৎনরিবশিংগীদমক থাগৎপা অমদি শিংথাবা য়াই; পি.দি.আই. এক্সরসাইস অসি দেতা য়াম্না চঙবা থবক্নি; ঐখোয়না খুদম চাংদমদা য়ুম্ফম ওইরগা থৌরাং য়াৎপা মথৌ তাই, মপুং ওইবা চাওখৎপা পুরকবদা মথৌ তাবা মচাকশিং থাদগদবনি হায়খি।
পঞ্চায়তী রাজ মন্ত্রালয়গী জোইন্ত সেক্রেতরী শ্রী বিকাস অনন্দনা রিপোর্ত ওফ পঞ্চায়ত দিভেলপমেন্ত ইন্দেক্স এন্দ রোদ এহেদ ফোর দি ইন্সতিত্যুস্নেলাইজেসন ওফ পি.দি.আই.গী মতাঙদা প্রজেন্তেসন পীরদুনা, স্তেত/য়ু.তি.শিংনা পি.দি.আই. অসিবু পঞ্চায়তী রাজ এৱার্দ পীনবগীদমক শীজিন্নবা য়াই হায়খি অমদি চাওখি থৌরাংশিং পায়খৎপদা দেতানা পুবা অমদি খুদম চাংদম্বা য়ুম্ফম ওইবা লম্বীদা চঙশিন্নবগী ৱাফমশিং ফোঙদোকখি।
পঞ্চায়তী রাজকী কেন্দ্রগী রাজ্য মন্ত্রী শ্রী কাপিল মোরেস্বর পাতিলনা মহারাস্ত্রগী কাঙবুদা পঞ্চাত দিভেলপমেন্ত ইন্দেক্স শেমগৎপদা মখোয়না লৌখিবা মশক থোকপা থৌদাংগীদমক সর্তিফিকেৎ ওফ এপ্রিসিএসন অমা লান্থোকখি।
নেস্নেল ৱর্কসোপ অদুদা পঞ্চায়তী রাজ মন্ত্রালয়গী ইকনমিক এদভাইজর অমদি পঞ্চাত দিভেলপমেন্ত ইন্দেক্স (পি.দি.আই.) কম্মিতীগী মেম্বর সেক্রেতরী শ্রী (দোক্তর) বিজয়া কুমার বেহেরানা স্তেত’স ইনিসিএতিব ওন পঞ্চায়ত দিভেলপমেন্ত ইন্দেক্সকী মতাঙদা প্রজেন্তেসন পীখি অমদি তুংদা থাগৎ ৱাহৈ ফোঙদোকখি। দোক্তর বেহেরানা ঐখোয়না পি.দি.আই.গুম্বা রিপোর্ত অমা শেম্বা মতমদা চাংদম্ননগদবা শক্তমশিং মথৌ তাই; পি.দি.আই. কম্মিতীনা স্তেত ১৯গা এল.এস.দি.জি.শিং থবক ওইনা পায়খৎনবগীদমক এল.আই.এফ. শেম্নবগী মখোয়না পায়খৎখিবা থৌরাংশিংগী মতাঙদা ৱারী শানখি; চাওখৎ থৌরাংগীদমক শরুক য়ামিন্নবা অমদি থীমদা য়ুম্ফম ওইবা প্লান্নিংগী থৌওং শীজিন্নখি হায়খি।
তামিল নাদু লৈঙাক্কী হান্নগী এদিস্নেল চীফ সেক্রেতরী অমদি কম্মিতী ওন পি.দি.আই.গী চেয়রপর্সন শ্রীমতী জয়াশ্রী রঘুনন্দন্না থৌওং পুম্বসিদা দেতানা য়াম্না মরুওইবা মফম কল্লি, দেতা খোমগৎপগী থৌওং অরায়বা অমদি অচম্বা ওইহনগদবনি, অমদি দেতা খোমগৎপদা ত্রেনিং অমদি কেপাসিতী বিল্দিং য়াম্না মরুওই হায়খি।
কর্নাকা লৈঙাক্কী এদিস্নেল চীফ সেক্রেতরী শ্রীমতী উমা মহাদেবন্না পঞ্চায়ত দিভেলপমেন্ত ইন্দেক্স শেমগৎপদা স্তেত অসিনা পায়খৎখিবা থৌরাংশিং পুথোরকখি অমদি দেতা অসি স্তেতহোল্দর পুম্নমক্কীনি অমদি পি.দি.আই. অসি য়াম্না ৱাহন্থোক লৈবা মওংদা পায়খৎকদবনি অমদি কর্নাতকাগী পর্সপেক্তিব প্লান্নিং অসি সস্তেনেবিলিতী বেজ লোং তর্ম এক্তিবিতীনি হায়খি। জম্মু অমসুং কাস্মির লৈঙাক্কী কম্মিস্নর-কম-সেক্রতরী শ্রীমতী মন্দীপ কৌরনা ঐখোয়না পঞ্চায়িইআ লোকেলাইজ ইন্তরভেন্সন অমদি থাগী ওইনা লৈরিবা খোঙচেল য়েংশিনবগী থবক পায়খৎলি; জম্মু অমসুং কাস্মির য়ু.তি.না দিস্ত্রিক্ত গুদ গভর্নেন্স ইন্দেক্স শেমদুনা অহানবা খোঙথাঙ পায়খৎখি হায়খি। ত্রিপুরা লৈঙাক্কী সেক্রতরী দোক্তর সন্দীপ রাথোরনা ত্রিপুরাগী রুরেল লোকেল বোদীশিং (আর.এল.বি.) এল.এস.দি.জি.শিংগী লোকেল ইন্দিকেতর ফ্রেমৱর্ক শেমগৎপদা শরুক য়ানবা পুক্নিং থৌগৎখি; এল.এস.দি.জি.গী মতাঙদা লৈরিবা স্তেত পোলিসীনা এম.ও.পি.আর.গী চৎন-পথাপশিংগা চাং মান্ননবা থম্লি হায়খি।
শ্রীমতি রাধা অস্রিত, দি.দি.জি., দি.এম.ই.ও., নিতি আয়োগ অমদি মেম্বর ওফ পি.দি.আই. কম্মিতী, দোক্তর মালিনাথ মালসিত্তি, দাইরেক্তর, এসোআই.আর.দি. এন্দ পি.আর., মহারাস্ত্র, শ্রীমতী অদিতী দাস রাউত, এদিস্নেল সেক্রেতরী, নুপী অমদি অঙাংশিংগী চাউখৎ থৌরাং মন্ত্রালয়, শ্রী অমিত সুক্লা, জোইন্ত সেক্রেতরী, রুরেল দিভেলপমন্ত মন্ত্রালয়, শ্রী সুনিল জৈন, দি.দি.জি., এন.আই.সি., শ্রী ভি. হেগরে, দি.দি.জি., দিপার্তমেন্ত ওফ স্কুল এজুকেসন এন্দ লিতরেসী, মহৈ মশিং মন্ত্রালয়, শ্রী সামির কুমার, ইকনমিক এদভাইজর, দিপার্তমেন্ত ওফ দ্রিঙ্কিং ৱাতর এন্দ সেনিতেসন, জল শক্তী মন্ত্রালয়, দোক্তর গোবিন্দ বন্সল, দাইরেক্তর (মেতর্নেল হেল্থ), হকশেল অমদি য়াইফ য়ুম্বাল মন্ত্রালয়, শ্রী রাজেস গুপ্তা, দাইরেক্তর, নিতি আয়োগ, দোক্তর সঞ্জ কুমার, দাইরেক্তর, স্তেতিস্তিক্স এন্দ প্রোগ্রাম ইম্প্লিমেন্তেসন মন্ত্রালয় অমদি ভারত লৈঙাক অমসুং স্তেত লৈঙাকশিংগী অতৈ মকোক থোংবা ওফিসরশিংনা নেস্নেল ৱর্কসোপ অদুদা মখোয়গী ওইবা মীৎয়েঙ অমদি ৱাখল্লোনশিং ফোঙদোক্নখি অমদি খন্ন-নৈনবা অদুবু মপুং ফাহনখি।
বেকগ্রাউন্দ
ভারত অসি ইনক্লুজিব; পীপল সেন্ত্রিক অমদি হোলিস্তিক ওইবা সস্তেনেবল দিভেলপমেন্ত গোল ১৭ ফংনবগীদমক লেপ্নখিবা য়ুনাইতেদ নেসন্স ২০৩০ এজেন্দাদা খুৎয়েক পীরিবা লৈবাক অমনি। নিতি আয়োগনা সস্তেনেবল দিভেলপমেন্ত গোল (এস.দি.জি.)শিং থবক ওইনা পায়খৎনবগী নোদেল ইন্সতিত্যুসন্নি। তোঙান তোঙানবা মন্ত্রালয়শিং অমদি মখোয়গী স্কীমশিং এস.দি.জি.শিং অমদি মখোয়গী পান্দমশিংগা চুননবা চৎলি। পঞ্চায়তী রাজ মন্ত্রালয়না পি.আর.আই.শিংদা লোকেলাইজেসন ওফ সস্তেনেবল দিভেলপমেন্ত গোল (এল.এস.দি.জি.)গী থবকশিং পায়খৎলি। মসি ফংনবগীদমক, তোঙান তোঙানবা স্তেকহোল্দরশিংবু ‘লৈঙাক পুম্বা অমদি খুন্নাই পুম্বা’ হায়রিবা ৱাখল্লোন অসি চেলহন্দুনা মফম অমত্তদা পুন্না পুশিল্লক্নবা ঐখোয়না হোৎনদুনা লাক্লি।
ভারতকী ৭০%দি খুঙ্গংগী লম ওইবা মরম্না, সস্তেনেবল দিভেলপমেন্ত গোলশিং লৈবাক্কী থাক্তা ফংবা হায়বসি পঞ্চায়তী রাজ ইন্সতিত্যুসনশিংগী খুত্থাঙদা গ্রাসরুত থাক্তা থবক পায়খৎপা মথৌ তাগনি। মতৌ অসুম্না এস.দি.জি.শিং লোকেলাইজ তৌবদা পঞ্চায়তী রাজ ইন্সতিত্যুসনশিংগী, মরুওইনা গ্রাম পঞ্চায়তশিংগী থৌদাং য়াম্না মরুওই। পঞ্চায়তী রাজ মন্ত্রালয়না পঞ্চায়ত অমদি অতৈ মরী লৈনবা খুঙ্গংগী লমদমদা লৈবা স্তেকহোল্দরশিং মপাঙ্গল হাপ্তুনা গ্রাসরুত থাক্তা লোকেলাইজেসন ওফ সস্তেনেবল দিভেলপমেন্ত গোল (এল.এস.দি.জি.) পায়খৎনবগীদমক এস.দি.জি. গোল ১৭পু ব্রোদ থীম ৯দা পুনশিন্দুনা থীমেতিক এপ্রোচ অমা পঞ্চাতী রাজ মন্ত্রালয়না পায়খৎলে। মখোয় খুদিংমক্না তোঙান তোঙানবা এস.দি.জি.শিং কোনশিল্লি। থীমেতিক এপ্রোচ অমদা চঙশিনবনা লায়না খঙহনবা, মীয়াম্না য়ানবা, অমদি পঞ্চায়তনা মীয়াম য়াওনা থবক ওইনা পায়খৎপা ঙমহনগনি।
পি.আর.আই.শিংগী কেপাসিতী বিল্দিং অমদি ত্রেনিংশিংনা অফবা লৈঙাক ফংহন্নবা অমদি খুঙ্গংগী লমদমদা এস.দি.জি.শিং ফংনবগী ইন্সতিত্যুস্নেল কেপাসিতী শেমগৎপদা মরুওইবা শক্লোন লৌই। নৌনা শেমদোক্লবা রাস্ত্রিয় গ্রাম স্বরাজ অভিয়ানগী মরুওইবা মীৎয়েঙদি পি.আর.আই.শিংগী মীহুৎশিং অমদি থৌমীশিংবু থাক খুদিংদা ‘লৈঙাক পুম্বা’ হায়বা থৌওংগা লোয়ননা কেন্দ্রগী মন্ত্রালয়শিং অমদি স্তেতগী লাইন দিপার্তমেন্তশিংগা পুন্না খুৎশম্নদুনা হোৎনমিন্নদুনা এস.দি.জি. ফংনবগীদমক ৱাখল লৌশিং অমদি স্কিল মতিক চানা ফংহনবনি।
ইথিল অসি মাঙহন্দনা থম্নবগীদমক, পি.আর.আই.শিংগী মীহুৎশিং অমদি থৌমীশিং অমদি অতৈ মরুওইবা স্তেকহোল্দরশিংবু চাওখি থৌরাংগী পান্দমশিং ফংনবা মতিং হেনগৎন্নবগীদমক মপাঙ্গল হাপ্নবা অমদি পঞ্চায়তশিংনা তৌখিবা তোঙান তোঙানবা শিংথানিংঙাই ওইবা থৌওংশিং তম্নবগী ফম্পাক অপা পীনপবগীদক নেস্নেল অমদি রিজনেল ৱর্কসোপ কয়া পাঙথোকখ্রে।
পঞ্চায়তী রাজ মন্ত্রালয়না নেস্নেল পঞ্চায়ত এৱার্দশিংগী খুত্থাঙদা খ্বায়দগী মথৌ নীংথিনা তৌবা পঞ্চায়তশিংবু শেলগী মনা পীদুনা লাক্লি। হায়রিবা মনাশিং অসি নৌনা শেমদোক্তুনা ২০২২দা এস.দি.জি. ১৭না পুনশিন্দুনা শেম্বা লোকেলাইজেসন ওফ সস্তেনেবল দিভেলপমেন্ত গোল (এল.এস.দি.জি.) ৯গা চুনহন্দুনা হৌদোকখি। হিদান্নবা অসিগী মরুওইবা পান্দমদি এস.দি.জি. ফংনবগী লমদা পঞ্চায়তশিংগী পর্ফোর্মেন্স য়েংশিন্নবা, মখোয়গী মরক্তা হিদান্নবগী ৱাখল্লোন য়োকখৎপা অমদি ২০৩০ ফাওবগী মনুংদা এল.এস.দি.জি. ফংনবগীদমক পঞ্চায়তী রাজ ইন্সতিত্যুসনশিংগী খুত্থাঙদা এল.এস.দি.জি.শিংগী থৌওংশিং কেতলাইজ তৌবনি।
পঞ্চায়তী রাজ মন্ত্রালয়না লৈবাক শিনবা থুংনা ‘সককী য়োজনা সবকা বিকাস’ ওইনা গ্রাম পঞ্চায়ত দিভেলপমেন্ত প্লান (জি.পি.দি.পি.) শেম্নবগী পীপল্স প্লান কেম্পেন (পি.পি.সি.) পাঙথোক্লি। পি.পি.সি.-২০২২দা ২০৩০ ফাওবদা এস.দি.জি. মপুং ফানা ফংহন্নবগীদমক ফ্লেগসিপ স্কীম অমদি রিসোর্স পুম্নমক খোমজিন তাশিন্দুনা থীমেতিক পঞ্চায়ত দিভেলপমেন্ত প্লান শেম্বরোমূদা মায় ওনশিল্লক্লি। গ্রাম পঞ্চায়তশিংগী মফমদা থীম ৯গী মীৎয়েঙদা মায়কৈ শুবা গ্রাম পঞ্চায়ত দিভেলপমেন্ত প্লান (জি.পি.দি.পি.) শেম্নবা পাউতাক পীখ্রে।
খোঙজেল অসি কায়হন্দনা থম্নবগীদমক, মন্ত্রালয়না পঞ্চাত দিভেলপমেন্ত ইন্দেক্স হঐইনবগী তোঙান তোঙানবা মেকানিজমশিং শেম্ননবা তামিল নাদু লৈঙাক্কী হান্নগী এ.সি.এস. শ্রীমতী জয়াশ্রী রঘুনন্দন্না চেয়রমেন ওইবা কম্মিতী ওন পঞ্চায়ত দিভেলপমেন্ত ইন্দেক্স শেমখি। কম্মিতী অসিনা পি.দি.আই. হোৎনবা বেজলাইন, লোকেল ইন্দিকেতর ফ্রেমৱর্ক্কী দেতা সোর্স মশক খঙদোক্নবা অমদি পঞ্চয়তনা ফংলিবা স্কোরগী খুত্থাঙদা ইনক্রিমেন্তেল প্রোগ্রেস ওন্নবা অমদি এল.এস.দি.জি. ফংনবগী মায়কৈদা মখোয়গী পর্ফোর্মেন্সতা য়ুম্ফম ওইরগা গ্রেদ তৌনবা ৱর্কআউত মেকানিজমগী ফ্রেৱর্ক শেমখি।
পঞ্চায়ত দিভেলপমেন্ত ইন্দেক্স (পি.দি.আই.)না এল.এস.দি.জি.গী থীম ৯দা লৈরিবা কম্পোজিৎ স্কোর হোৎনবগী ক্বান্তিফাইদ ইভালুএসন অমদি মেকানিজমগী থৌওংদা মরুওইবা শক্লোন লৌগনি অমদি পঞ্চায়তশিংদা আউতকমদা মীৎয়েঙ থম্বা চাওখৎপগী পান্দমগী লম্বী য়াৎকনি। পি.দি.আই. অসি পঞ্চায়তশিংবু এস.দি.জি. ফংহন্নবা লম্বী য়াৎলিবা থীম ৯গী লোকেল ইন্দিকেতরশিংদা য়ুম্ফম ওইবা হোত্তোক্লবা স্কোর অমনি।
পঞ্চায়ত দিভেলপমেন্ত ইন্দেক্স (পি.দি.আই.) রিপোর্ত্তা এল.এস.দি.জি.গী থীম ৯গী লোকেল তার্গেৎ ১৪৪, লোকেল ইন্দিকেতর ৫৭৭ অমদি দেতা পোইন্ত য়াওরি। পি.দি.আই.না থিমেতিক গ্রাম পঞ্চায়ত দিভেলপমেন্ত প্লান শেম্বদা চাং ওনবা য়াবা ইন্দিকেতরশিংগা লোয়ননা লোকেল তার্গেৎ অমদি লোকেল এক্সন পোইন্তশিং থম্নবগী পঞ্চায়তকী বেজলাইন অমা ওইনা মথৌ তৌগনি। পঞ্চায়ত দিভেলপমেন্ত ইন্দেক্স (পি.দি.আই.)না ইন্সতিত্যুস্নেল মেকানিজমশিং শেমগৎপগী খুত্থাঙদা চাওখৎপগী পান্দমশিং ফংনবগীদমক পঞ্চায়তনা লৌখৎলিবা অপুনবা থৌরাংগী হৌজিক লৈরিবা ফীভম উৎপদসু মতেং ওইরি।
*****
(Release ID: 1936333)
Visitor Counter : 82