এক্স-সর্বিসমেন থবক পীনবা অমসুং মীচম-মীয়ামগী শীনফমদা মখোয় শরুক য়াহন্নবা দিফেন্স মিনিস্ত্রিগী, এক্স-সর্বিসমেন ৱেলফিয়ার দিপার্তমেন্তগী মখাদা লৈবা দাইরেক্তর জেনেরেল ওফ রিসেত্তলমেন্ত( দি জি আর)না আই.বি.এমগা মেমোরেন্দম ওফ অন্দরস্তেন্দিং(এম ও য়ু) অমা খুৎয়েক পীনখ্রে। এম.ও.য়ু অসিগী খুৎথাংদা, কম্পেনি অমসুং মসিগী চৎমিন্নরিবা লুপশিংদা মরী লৈনবা থবকশিংদা মখা তানা থবক তৌনবা এক্স-সর্বিসমেনগী হৈথোই-শিংথোইবশিং শীজিন্ননবা দি.জি.আরনা আই.বি.এমগা লোয়ন্না থবক তৌমিন্নগনি।

পুন্না থবক তৌমিন্নবা অসিগী মথক্তা, থবক্তগী পোথারবশিং শীনফম অমদা চাউখৎনবা অমসুং অফবা মীওই অমা ওইহন্নবা খুদোংচাবা কয়া পীদুনা লান্মীগী থবক অমসুং মীচমগী থবক অনিগী মরক্তা খেন্নবা লৈরিবা অদু কুপখৎনবা আই.বি.এমনা পান্দম থম্লি। কম্পেনিগী হাংদুনা লৈরিবা তোঙান-তোঙানবা ফমশিংগা চুনবা হৈথোই-শিংথোইবা এক্স-সর্বিসমেন মশক খঙদোক্নবা দি.জি.আর অমসুং আই.বি.এম লেপ্তনা থবক তৌমিন্নগনি। কেন্দিদেতশিং চাংয়েং তৌরিবা অমসুং খন্দোক্লবা মতুংদা, মখোয়গী ফমশিংদা এক্স-সর্বিসমেন থবক লৌনবা, ত্রেনিং পীনবা অমসুং স্কিল হেনগৎহন্নবা থবকশিং আই.বি.এমনা পাংথোক্কনি।

মেজর জেনেরেল সরত কাপুর, দাইরেক্তর জেনেরেল (রিসেত্তলমেন্ত) না হায়খি, ঐখোয়না আই.বি.এম ইন্দিয়াগা থবক  তৌমিন্নবা অসিনা ঐখোয়গী এক্স-সর্বিসমেন ইন্দস্ত্রি অমসুং কোর্পোরেতশিংদা য়াম্না উবা ফংলগনি অমসুং ঐখোয়গী এক্স-সর্বিসমেনদা চিংলেম্বা অনিশুবা শীনফম অমা পীবা অমসুং হৈথোই-শিংথোইবা মীওই অমা ওইহন্নবা পান্দম অদু ফংবদা মতেং পাংলে।

হৌখিবা চহি অমা, এপ্রিল ২০২২ দগী মার্চ ২০২৩ ফাওবদা, তোঙান তোঙানবা সেক্তরশিংদা এক্স-সর্বিসমেন্ত ২৪,২৩৪ থবক ফংখি। আর্মদ ফোর্সশিংদা নহাশিং মশিং য়াম্না থবক তৌবা ঙম্নবা, চহি খুদিংগী নহা ওইরিবা সর্বিস পর্সোনেল ৬০,০০০ রোম থবক্তগী পোথারি অমসুং কোর্পোরেত অমসুং ইন্দস্ত্রিগী দরকার ওইবশিং ফংহন্নবা ঙম্নবা এক্স-সর্বিসমেনদা অহেনবা লৌশিং পীনবা অমসুং অনিশুবা শীনফম অমদা মখোয় অমুক হন্না থবক তৌবা ঙম্নবা দি.জি.আরনা মতেং পাংলি।

****