کسانوں پر مبنی بیماریوں کی اطلاع دہندگی کے نظام کو مضبوط بنانے اور ملک میں آبی جانوروں کی بیماریوں کی رپورٹنگ کو بہتر بنانے کے مقصد سے، ماہی پروری، مویشی پالن اور ڈیری کے مرکزی وزیر جناب پرشوتم روپالا کل یہاںکرشی بھون میں ڈاکٹر ایل مروگن، وزیر مملکت برائے ماہی پروری، مویشی پالن اور ڈیری کی وزارت اور ڈی اے آر ای، آئی سی اے آر  اور این ایس پی اے ڈی ڈی کے سینئر افسران کی موجودگی میں رپورٹ فش ڈیزیز (آر ایف ڈی) ایپ کا آغاز کریں گے۔ اس ایپ کو آئی سی اے آر- این بی ایف جی آر نے آبی جانوروں کی بیماریوں کی نگرانی کے قومی پروگرام (این ایس پی اے اے ڈی) کے تحت تیار کیا گیا ہے، جسے پردھان منتری متسی سمپدا یوجنا کے تحت ماہی پروری، مویشی پالن اور ڈیری کی وزارت، حکومت ہند کی طرف سے فنڈ کیا گیا ہے۔

فوائد:

آر ایف ڈی ایپ کاشتکاروں کو ان کے فارموں پر موجود فِش، کیکڑے اور مولسکس میں ہونے والی بیماریوں کے واقعات کی اطلاع فیلڈ لیول کے افسران اور مچھلیوں کی صحت کے ماہرین کے ساتھ فراہم کرنے میں مدد کرے گی۔ اس سے کسانوں کو بیماری کے موثر انتظام کے لیے سائنسی مشورہ حاصل کرنے میں مدد ملے گی۔ بیماریوں کے بارے میں وقتی اور مقامی پیمانے پر ذخیرہ کیا جائے گا اور بیماری کے معاملات کی نقشہ سازی کے لیے استعمال کیا جا سکتا ہے۔

یہ ایپ کسانوں پر مبنی رپورٹنگ کو بہتر بنانے، سائنسی مشورہ حاصل کرنے اور بیماریوں سے ہونے والے نقصانات کو کم کرنے میں کسانوں کی مدد کرے گی، اس طرح کسانوں کی آمدنی میں اضافہ ہوگا۔ نیز، مچھلی کی بیماری کی اطلاع دینے والی ایپ کا مچھلی کی بیماری کے انتظام پر بہت زیادہ اثر پڑے گا، جلد پتہ لگانے، تیز رفتار ردعمل، تعاون، اور علم کے اشتراک کو فروغ دے گا۔ یہ مچھلی کی آبادی، صنعت اور ماحولیاتی نظام پر مچھلی کی بیماریوں کے منفی اثرات کو کم کرکے آبی زراعت کے نظام کی پائیداری اور استحکام میں تعاون کرے گا۔

پس منظر:

آبی زراعت کا شعبہ گزشتہ برسوں میں متاثر کن ترقی کا مشاہدہ کر رہا ہے اور اس وقت اس شعبے سے کل برآمدات کی آمدنی تقریباً 57586.48 کروڑ روپے (22-2021) ہے۔ تاہم، بیماریاں آبی زراعت کی نشوونما میں سب سے بڑی رکاوٹ ہیں۔ بیماریوں کا جلد پتہ لگانے کے لیے آبی جانوروں کی بیماریوں کی نگرانی ضروری ہے، اس طرح ان کے اثرات کو کم سے کم کیا جا سکتا ہے۔ بیماریوں کے خاتمے اور اس پر قابو پانے کے لیے بیماریوں کا جلد پتہ لگانا ضروری ہے۔ میدانی سطح پر بیماریوں کی اطلاع دہندگی کے طریقہ کار کی عدم دستیابی کی وجہ سے آبی زراعت میں بیماریوں کے بہت سے کیس رپورٹ نہیں ہوتے ہیں۔ لہذا ایک ایسے طریقہ کار کی ضرورت ہے جو کسانوں، فیلڈ لیول کے افسران اور مچھلیوں کی صحت کے ماہرین کو جوڑ سکے۔

شرکاء نیچے دیے گئے لنک کے ذریعے پروگرام میں شامل ہو سکتے ہیں۔

لنک:https://dof-vc.webex.com/dof-vc/j.php?MTID=mc18ca9bbedcc19b4210d410e774ef094

بدھ، 28 جون، 2023، 3:00  پی ایم | دہلی

میٹنگ نمبر: 2552 235 3903

پاس ورڈ: Y4pJ2AmKdG2(94752265 ویڈیو سسٹمز سے)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 6549)

(Release ID: 1935773) Visitor Counter : 123