దిగుమతి చేసుకున్న స్టాక్‌లు భారత మార్కెట్‌లోకి వచ్చే వరకు జాతీయ బఫర్ నుండి కందిపప్పును క్రమాంకనం మరియు లక్ష్య పద్ధతిలో విడుదల చేయాలని ప్రభుత్వం నిర్ణయించింది. వినియోగదారుల వ్యవహారాల శాఖ, వినియోగదారుల వ్యవహారాల మంత్రిత్వ శాఖ, ఆహారం & ప్రజాపంపిణీ శాఖ జాతీయ వ్యవసాయ సహకార మార్కెటింగ్ సమాఖ్య (ఎన్‌ఏఎఫ్‌ఈడి)మరియు నేషనల్ కోఆపరేటివ్ కన్స్యూమర్స్ ఫెడరేషన్ (ఎన్‌సిసిఎఫ్‌)ని ఆన్‌లైన్ వేలం ద్వారా మిల్లింగ్ కోసం అందుబాటులో ఉన్న స్టాక్‌లను పెంపొందించడానికి అర్హులైన మిల్లర్లకు కందిపప్పును చేరవేయాలని ఆదేశించింది.

వినియోగదారులకు సరసమైన ధరలకు కందిపప్పు లభ్యత అంచనా ప్రభావం ఆధారంగా వేలం వేయబడుతున్న పరిమాణాలు మరియు ఫ్రీక్వెన్సీ క్రమాంకనం చేయబడుతుంది.

హోర్డింగ్ మరియు తప్పుడు ఊహాగానాలను నిరోధించడానికి మరియు వినియోగదారులకు స్థోమతను మెరుగుపరచడానికి అవసరమైన వస్తువుల చట్టం, 1955ని అమలు చేయడం ద్వారా 2023 జూన్ 2న ప్రభుత్వం కందిపప్పు, మినపప్పుపై స్టాక్ పరిమితులను విధించిందని గుర్తుంచుకోవాలి. ఈ ఆర్డర్ ప్రకారం అన్ని రాష్ట్రాలు మరియు యూటీలకు 31 అక్టోబర్ 2023 వరకు కంది మరియు మినపప్పులపై స్టాక్ పరిమితులు నిర్దేశించబడ్డాయి.

ప్రతి పప్పుకు వ్యక్తిగతంగా వర్తించే స్టాక్ పరిమితులు టోకు వ్యాపారులకు 200 ఎంటీ; రిటైలర్ల కోసం 5 ఎంటీ; పెద్ద చైన్ రిటైలర్ల కోసం ప్రతి రిటైల్ అవుట్‌లెట్ వద్ద 5 ఎంటీ మరియు డిపోలో 200 ఎంటీ; గత 3 నెలల ఉత్పత్తి లేదా వార్షిక స్థాపిత సామర్థ్యంలో 25%, ఏది ఎక్కువైతే అది మిల్లర్లకు వర్తిస్తుంది. డిపార్ట్‌మెంట్ యొక్క పోర్టల్‌లో (https://fcainfoweb.nic.in/psp) స్టాక్ పొజిషన్‌ను ఈ ఎంటిటీలు ప్రకటించడం కూడా ఆర్డర్ తప్పనిసరి చేసింది.

పోర్టల్‌లో స్టాక్ లిమిట్ ఆర్డర్ అమలు మరియు స్టాక్ బహిర్గతం స్థితిని వినియోగదారుల వ్యవహారాల శాఖ మరియు రాష్ట్ర ప్రభుత్వాలు నిరంతరం పర్యవేక్షిస్తాయి. దీనికి సంబంధించి, సెంట్రల్ వేర్‌హౌసింగ్ కార్పొరేషన్ (సిడబ్ల్యుసి) మరియు స్టేట్ వేర్‌హౌసింగ్ కార్పొరేషన్‌ల (ఎస్‌డబ్ల్యుసి) వేర్‌హౌస్‌లలో వివిధ సంస్థలు కలిగి ఉన్న స్టాక్‌ల డేటా, స్టాక్ డిస్‌క్లోజర్ పోర్టల్‌లో ప్రకటించిన పరిమాణాలతో మార్కెట్ ప్లేయర్‌లు బ్యాంకులతో తాకట్టు పెట్టిన స్టాక్‌లు మొదలైనవి క్రాస్‌చెక్ చేయబడతాయి.

రాష్ట్ర ప్రభుత్వాలు తమ తమ రాష్ట్రాల్లో ధరలను నిరంతరం పర్యవేక్షిస్తున్నాయి మరియు స్టాక్ పరిమితుల ఆర్డర్‌ను ఉల్లంఘించిన వారిపై కఠిన చర్యలు తీసుకోవడానికి స్టాక్-హోల్డింగ్ సంస్థల స్టాక్ పొజిషన్‌లను ధృవీకరిస్తున్నాయి.
 

*****