'ایتھنول کی پیداواری صلاحیت کو بڑھانے کے لیے شوگر ملوں کو مالی امداد دینے کی اسکیم' کے تحت، مرکزی حکومت نئی ڈسٹلریز قائم کرنے/موجودہ ڈسٹلریز کی توسیع اور جلانے والے بوائلرز کی تنصیب یا کسی بھی طریقے کی تنصیب کے لیے جیسا کہ مرکزی آلودگی کنٹرول بورڈ نے زیرو لیکویڈ ڈسچارج کی منظوری دی ہے، ملوں کو بینکوں کے ذریعے نرم قرض فراہم کرتی ہے۔  حکومت ادا کیے گئے قرض کے لیے سود میں رعایت برداشت کرتی ہے۔ مرکزی حکومت نے 2021- 2018 کے دوران نوٹیفائی کردہ تمام اسکیموں کے سلسلے میں قرضوں کی تقسیم کے وقت مقررہ  کو 30 ستمبر 2023 تک بڑھانے کا فیصلہ کیا ہے۔

ایتھنول پراجیکٹس سے متعلق اسکیموں کے لیے قرضوں کی تقسیم کی پچھلی ٹائم لائن 31 مارچ 2023 تک تھی۔ تاہم، قرض کی درخواستوں پر کارروائی کرنے اور متعدد ایجنسیوں کے ساتھ ہم آہنگی کے متعدد چیلنجوں کی وجہ سے، پراجیکٹ کے حامی بینکوں / مالیاتی اداروں سے قرض کی ادائیگی کے لیے مقررہ وقت کی پابندی کرنے سے قاصر تھے۔ وہ دی گئی ٹائم لائن میں پراجیکٹس کو مکمل کرنے سے قاصر تھے۔ لہٰذا، 2021-2018 کے دوران پہلے اعلان کردہ سود میں رعایتی اسکیموں کے تحت قرضوں کی تقسیم کے لیے ٹائم لائن میں توسیع کی ضرورت ہے۔ حکومت 6فیصد سالانہ  شرح  پر سود کی رعایت  کی شکل میں یا بینکوں کے ذریعے چارج  کی جانے والی شرح سود کا 50فیصد جو بھی کم ہو، بینکوں کے ذریعے پانچ سال کے لیے بڑھائے جانے والے قرضوں پر ایک سال کی مہلت سمیت مالی امداد فراہم کر رہی ہے۔

مرکزی حکومت کا مقصد ایتھنول کی پیداوار میں اضافہ کرنا ہے اور ایتھنول بلینڈڈ ود پیٹرول (ای بی پی) پروگرام کے لیے ایتھنول کی سپلائی بھی کرنا ہے، خاص طور پر اضافی موسم میں۔ حکومت کی پالیسی میں تبدیلیوں سے مولاسس پر مبنی ڈسٹلریز کی صلاحیت میں غیر معمولی اضافہ ہوا ہے، جو 2014 میں 215 کروڑ لیٹر سے بڑھ کر گزشتہ 9 سالوں میں متاثر کن 811 کروڑ لیٹر تک پہنچ گئی ہے۔ ہندوستان کی اناج پر مبنی ڈسٹلریز نے 2013 میں 206 کروڑ لیٹر سے 433 کروڑ لیٹر تک صلاحیت میں نمایاں نمو دیکھا۔ لہذا، قومی ایتھنول کی پیداواری صلاحیت 2023 میں 1244 کروڑ لیٹر تک پہنچ گئی۔ 14- 2013 میں، آئل مارکیٹنگ کمپنیوں (او ایم سیز) کو ایتھنول کی سپلائی 1.53فیصد کی ملاوٹ کی سطح کے ساتھ 38 کروڑ لیٹر تھی۔ سال 21- 2020 تک، او ایم سیز کو ایندھن  گریڈ ایتھنول کی پیداوار اور فراہمی میں 8 گنا اضافہ ہوا ہے۔

ہندوستان نے ای ایس وائی 2020-21 میں 408 کروڑ لیٹر ایتھنول کے ساتھ ایک تاریخی سنگ میل عبور  کیا ہےاور 10.02فیصد کی ملاوٹ کی شرح حاصل کی ہے۔ 11جون2023 تک، ای ایس وائی 2022-23 میں 310 کروڑ لیٹر ملاوٹ ریکارڈ کی گئی، جو 11.70فیصد ملاوٹ تک پہنچ گئی۔ موجودہ ای ایس وائی 2021-22 کا ہدف 12فیصد ملاوٹ ہے۔ 2025 تک 20 فیصد ملاوٹ حاصل کرنے کے لیے ایتھنول کی پیداواری صلاحیت کو 1700 کروڑ لیٹر تک بڑھانے کی ضرورت ہے۔

ایتھنول پراجیکٹس کے لیے ٹائم لائن میں توسیع کے فیصلے سے زرعی معیشت کو فروغ دینے، درآمد شدہ فوسل فیول پر انحصار کم کرنے، خام تیل کے درآمدی بلوں کی وجہ سے زرمبادلہ کی بچت اور فضائی آلودگی کو کم کرنے کے وژن کے ساتھ ایتھنول کی پیداواری صلاحیتوں کو مزید بڑھانے میں مدد ملے گی۔

*************

( ش ح ۔ ا ک۔ رب(

U. No.6529