بجلی کی وزارت ،حکومت ہندنے  صاف ستھری ٹکنالوجیوں کو صنعت میں تیزی سے اپنانےکے لئےمہارت کا ایک ڈیڈیکیٹڈ سینٹر قائم کیا ہے اوراس طرح  توانائی کی عالمی تبدیلی میں ہندوستان کا تعاون بڑھے گا۔ انت تکنیکی پردرشن کیندر کے نام سے اتپریرک  ہندوستانی صنعت کی  فعال توانائی کو بہتر بنانےمیں ایک اہم رول ادا کرے گا۔ فعال توانائی کی ٹکنالوجیوں کو تیزی سے اپنانے کے لئے مہارت کاسینٹر اتپریرک بجلی کی وزارت کے نیشنل پاور ٹریننگ انسٹی ٹیوٹ (این پی ٹی آئی) کے نئی دہلی کیمپس بدرپور میں بجلی کی وزارت کے بیورو آف اینرجی ایفیسی اینسی کے ذریعہ قائم کیا گیا ہے۔ یہ ایک جدید صنعتی ٹکنالوجی سینٹر ہے ۔ بجلی کے مرکزی وزیر مملکت جناب کرشن پال نے 26 جون 2023 کو نئی دہلی میں این پی ٹی آئی بدرپور میں اس سینٹر کا افتتاح کیا تھا ۔

جدید صنعتی ٹکنالوجی ڈیماسٹریشن سینٹراہم صنعتی سیکٹروں میں فعال توانائی کی ٹکنالوجیوں کو مظاہرہ کرے گا ، یہ  انفارمیشن سینٹر اورنمائش کے طورپر کام کرے گا ۔ یہ ایک معلوماتی  تبادلے کاپلیٹ فارم ہے جہاں مختلف کلیدی سیکٹروں کے  بہترین طور طریقے ورکشاپ اور سمیناروں کے ذریعہ صنعت کے پیشہ ور افرادمیں جاگزیں کئے جاسکتے ہیں ۔

اگلے پانچ سال میں 10000 سے زیادہ توانائی کے پیشہ ور افرادکو تربیت دیئے جانےکی تجویز

اتپریرک ایک کلیدی صلاحیت سازی کے ادارے کے طور پر بھی خدمات انجام دے گا  اور توانائی کی اثر پذیری میں تربیت اور تعلیم کے لئے ہندوستان بھر کے توانائی کے پیشہ ور لوگوں کےلئے ایک ون اسٹاپ سلوشن فراہم کرنے والا ثابت ہوگا۔ توقع ہےکہ یہ اگلےپانچ سال میں صنعت اور دیگر امکانی سیکٹرو ں کے 10000 سے زیادہ توانائی کے پیشہ ور افرادکے لئے ایک زبردست تربیت فراہم کرے گا ۔

 ان سب کے علاوہ ، یہ سینٹر قومی توانائی کی پالیسی کی تشکیل کےلئےکلیدی معلومات بھی فراہم کرے گا ۔ توانائی کے موثر حل میں تعلیم اور تحقیق کو جوڑنے، اور توانائی کی بچت کے لیے جدید اطلاقی حل تیار کرے گا۔

’’2047 تک ترقی یافتہ ملک بننےکے لئےجدید ٹکنالوجیوں کو اپنانا اہم ہے‘‘

انت تکنیکی پردرشن  کیندر کا افتتاح کرتے ہوئے بجلی کے مرکزی وزیر مملکت جناب کرشن پال نےجدید ٹکنالوجیوں کو اپنانے کی ضرورت کواجاگر کیا تاکہ 2047 تک ہندوستان کوایک ترقی یافتہ ملک بننے کے وزیراعظم کے خواب کوپوراکرنے میں مدد مل سکے۔ اس بات کا ذکر کرتے ہوئے کہ حکومت نے اس ا ہم مقصد کے لئےمختلف سیکٹروں میں پیداوار سے منسلک ترغیبی اسکیمیں متعارف کرائی ہیں۔ وزیر موصوف نے کہاکہ ترقی کے لئے اور  عالمی منڈی میں  مقابلہ کرنے کے لئےہمارے لئے یہ ضروری ہے کہ جدید ٹکنالوجیاں اپنائی جائیں اور کم لاگت والی اچھی ٹکنالوجی کی طرف توجہ دی جائے۔ انہوں نےکہاکہ اتپریرک ہندوستانی صنعت کی موثر توانائی کو بہتر بنانےمیں ایک اہم رول اداکرے گا اس کےعلاوہ نہ صرف صنعت میں توانائی کی بچت ہوگی بلکہ ملک میں بھی توانائی کو بچانےمیں مدد ملے گی ۔

اس موقع پر مرکزی وزیر نے اس سینٹرکے لوگو کاافتتاح کیا اور سینٹر سے متعلق بروچر جاری کیا

’’این ڈی سی کےتحت فعال توانائی کی ٹکنالوجیاں ہندوستان میں  کاربن کے اخراج کو کم کرنےکے اہداف کے حصول کےلئے اہم ‘‘

بجلی کی وزارت کےسکریٹری آلوک کمار نے اس اہم کردار پر روشنی ڈالی جو توانائی سے بھرپور ٹیکنالوجیز کو قومی سطح پر طے شدہ شراکت (این ڈی سی) کے تحت ہندوستان کے گرین ہاؤس گیسوں کے اخراج میں کمی کے وعدوں کو پورا کرنے میں ادا کرنے کی ضرورت ہے۔ ’’گلاسگو میں سی او پی 26 میں، ہندوستان کے وزیر اعظم نے ہندوستان کے لئے اپ ڈیٹ شدہ اینڈی سیز کا اعلان کیا، جن میں سے ایک 2020 - 2030 کی مدت کے دوران ہندوستان کے کاربن ڈائی آکسائیڈ کے اخراج کو 1 بلین ٹن کم کر رہا ہے۔ جبکہ باقی نصف توانائی کی بچت کے اقدامات سے آئے گی۔ بی ای ای کے فلیگ شپ پرفارم، اچیو اینڈ ٹریڈ (پی اے ٹی) پروگرام کو پوری دنیا میں سراہا گیا ہے۔پی اے ٹی پروگرام کے ابتدائی مرحلوں میں ، بہتر دیکھ بھال کےطور طریقوں سے توانائی کی کارکردگی کے مارجن کو نچوڑا گیا ۔ انہوں نے کہاکہ  آئرن اینڈ اسٹیل، سیمنٹ، کاغذ، کلور الکلی اور ٹیکسٹائل جیسے شعبوں میں آگے بڑھتے ہوئے، ہمیں اپنی صنعتوں میں نئی ٹیکنالوجیز متعارف کروانے کی ضرورت ہے، جو کہ بہت زیادہ توانائی کی حامل ہیں ۔"

’’ ہندوستانی کاربن مارکیٹ کو بہت جلد شروع کرکیا جائے گا‘‘

بجلی کے سکریٹری نے کہا کہ مرکز کو صنعت کو اخراج کی شدت میں کمی کے اہداف کو پورا کرنے میں مدد کرنے میں کلیدی کردار ادا کرنا چاہیے۔ ’’بھارت بہت جلد ہندوستانی کاربن مارکیٹ شروع کرنے جا رہا ہے، سوچ یہ ہے کہ ہم صنعت  میں کاربن کےاخراج کی شدت میں کمی  کرنے کے اہداف  کو پورا کریں گے۔ انہیں ان اہداف کو حاصل کرنے کے قابل بنانے کے لیے، ہمیں ان نئی ٹیکنالوجیز کو اپنانے میں اپنی صنعتوں کو فروغ دینے اور ان کو سنبھالنے کی ضرورت ہے۔ اتپریرک کو اس بڑی کوشش کے تناظر میں دیکھا جانا چاہئے ۔

اس سینٹر کو کامیاب بنانے کے لیے درکار نظام کے بارے میں بات کرتے ہوئے سکریٹری نے ایک قائمہ کمیٹی اور ایک مشاورتی باڈی کی ضرورت کا اظہار کیا۔ ’’قیمت کو سینٹر سے باہر نکالنے کے لیے، ہمیں اس بات کو یقینی بنانا ہوگا کہ اس کی سہولتوں کو برقرار رکھا جائے اور مسلسل اپ گریڈ کیا جائے۔ جبکہ بجلی کی وزارت بی ای ای کے لیے بجٹ کے تحت کافی فنڈز مختص کرے گی، ہمیں ایک قائمہ کمیٹی کی ضرورت ہے جو مرکز میں ہی میٹنگ کرے، ضروری سرگرمیوں کی سفارش کرے اور سرگرمیوں کی نگرانی کرے تاکہ سینٹر کو اچھی طرح سے برقرار رکھا جاسکے۔ دوسرا، ہمیں یہ دیکھنے کی ضرورت ہے کہ اس پلیٹ فارم پرشراکت داروں کو کیسے اکٹھا کیا جائے، تاکہ ٹیکنالوجی کو پھیلانے اور صنعت کے ذریعے ان کی تعیناتی کو تیز کرنے کے سینٹر کے بنیادی مقاصد حاصل کیے جائیں۔ شراکت داروں میں نئے انجینئرز، انرجی مینیجرز، انرجی آڈیٹرز، فیصلہ ساز اور توانائی کی موثر ٹیکنالوجیز بنانے والے شامل ہیں۔ ان سب کو اکٹھا کرنے کے لیے ہمارے پاس ایک ایڈوائزری باڈی ہونی چاہیے جس میں انڈسٹری اور دیگر اسٹیک ہولڈرز شامل ہوں جو سینٹر کی رہنمائی کرے کہ اس کی سرگرمیوں کو کس طرح آگے بڑھایا جائے گا۔

’’سینٹر کی کامیابی کا اندازہ صنعت کی شرح توانائی سے موثر ٹیکنالوجی کو اپنانے سے کیا جانا چاہئے‘‘

سکریٹری موصوف نے کہا کہ جو چیز سب سے اہم ہے وہ  سینٹر میں علم کا تبادلہ اور معلومات کا تبادلہ ہے۔ ’’بڑا کردار صنعت کے ساتھ بات چیت اور علم کے تبادلے میں ہوگا تاکہ ٹیکنالوجیز کو تعینات کیا جائے۔ اس سینٹر کی کامیابی کا اندازہ اس شرح سے لگایا جانا چاہیے جس پر فیلڈ میں ٹیکنالوجیز کی تعیناتی ہے۔ آخر میں، ایک بار جب ٹیکنالوجیز رسائی اور پھیلاؤ کی سطح پر پہنچ جائیں، تو انہیں مرحلہ وار طریقے سے ہٹا دیاجانا چاہیے اور ہمیں نئی ٹیکنالوجیز کی طرف توجہ دینی چاہیے، سینٹر کو متحرک ہونا چاہیے،  نہ کہ جامد ہو ۔‘‘

یہ سینٹر پانچ پی اے ٹی سیکٹروں کے لئے ٹکنالوجیز کے مظاہرے کےلئےتین ڈیمو ہالز پر مشتمل ہے  تاکہ آئرن اینڈ اسٹیل، سیمنٹ، پیپر، کلور الکلی اور ٹیکسٹائل کے ساتھ شروعات کیا جاسکے ۔ان رومز میں توانائی کی بچت کرنے والی مختلف ٹیکنالوجیز جیسے متبادل ایندھن اور خام مال کے لیے پری پروسیسنگ سسٹم، متبادل ایندھن اور خام مال کو بھٹے کیلسینر (کو-پروسیسنگ) میں فیڈنگ کا انتظام اور فضلہ حرارت کی وصولی کے نظام کو دکھایا گیا ہے۔ سینٹر میں تربیت اور تعلیمی سرگرمیوں کے لیے دو لیکچر ہال بھی ہیں، جیسے کہ توانائی کے پیشہ ور افراد کے لیے سیکھنے کے سیشن۔

بی ای ای کی رہنمائی کے تحت، سینٹر دنیا بھر کے اداروں کے ساتھ جدید ٹیکنالوجی پر تعاون اور ٹیکنالوجی کی منتقلی کا کام کرے گا۔ بی ای ای مختلف تحقیقی اداروں  کےساتھ اشتراک کرےگا۔ان اداروں میں انڈین انسٹی ٹیوٹ آف ٹیکنالوجی (آئی آئی ٹیز) ، نیشنل کونسل فار سیمنٹ اینڈ بلڈنگ میٹریلز (این سی سی بی ایم) ، سنٹرل پلپ اینڈ پیپر ریسرچ انسٹی ٹیوٹ (سی پی پی آر آئی) ، نیشنل انسٹی ٹیوٹ آف سیکنڈری اسٹیل ٹیکنالوجی (این آئی ایس ایس ٹی) ، جواہر لال نہرو ایلومینیم ریسرچ ڈیولپمنٹ اینڈ ڈیزائن سینٹر (جےاین اے آر ڈی ڈی سی) ، ساؤتھ انڈیا ٹیکسٹائل ریسرچ ایسوسی ایشن (ایس آئی ٹی آر اے) اور ناردرن انڈیا ٹیکسٹائل ریسرچ ایسوسی ایشن (این آئی ٹی آر اے) وغیرہ شامل ہیں۔  یہ اشتراک سینٹر میں تحقیقی سرگرمیاں انجام دینے کے لیے کیا جائے گا، جو کہ تحقیق و ترقی کے پروجیکٹوں کی کامیاب تکمیل کے بعد پلانٹس میں ظاہر کی جاسکتی ہیں۔

یہ  سینٹر نشان زد شعبوں میں صاف ستھری روانائی کی ٹیکنالوجیز کے لیے ریسرچ اینڈ ڈیولپمنٹ سرگرمیاں  انجام دینے کے لیے ایک علاقائی سینٹر کے طور پر بھی کام کرے گا (بعد میں دیگر توانائی والے شعبے بھی شامل کیے جائیں گے)۔ ابھرتی ہوئی ٹیکنالوجیز جیسے کاربن کیپچر، یوزیج اینڈ اسٹوریج (سی سی یو ایس) کو ان شعبوں کی ڈیکاربنائزیشن کے لیے تیار کیا جا سکتا ہے۔ مکمل طور پر فعال ہونے پر، اس میں نیٹ ورکنگ، کانفرنسنگ، تربیت، اور توانائی کی بچت والی ٹیکنالوجیز پر معلومات کی ترسیل کے لیے جدید ترین سہولیات ہوں گی۔

اس موقع پر بی بی ای اور این پی ٹی آئی کے درمیان اشتراک کےلئےایک مفاہمت نامےپر بھی دستخط کئے گئے۔

بی ای ای، این پی ٹی آئی کے افسروں اور میڈیا کے لوگوں کےعلاوہ بجلی کی وزارت کے ایڈیشنل سکریٹری، اجے تیواری؛ بیورو آف انرجی ایفیشنسی  کےڈی جی ابھے باکرے؛ این پی ٹی آئی کے ڈی جی ڈاکٹر ترپتا ٹھاکر، لانچ تقریب میں بی ای ای کے ڈی ڈی جی ڈاکٹر اشوک کمار اور بجلی کی وزارت، میں اقتصادی مشیر جیتیش جان بھی افتتاحی تقریب میں موجود تھے۔

*******

ش ح ۔ ح ا ۔ ف ر

U. No.6526

(Release ID: 1935547) Visitor Counter : 175