লো অমসুং জস্তিস মন্ত্রালয়
তুংগী এক্সন প্লান শেম্নবগীদমক লো অমসুং জস্তিস মন্ত্রালয়না চিন্তন সিবির পাঙথোকখ্রে
Posted On:
25 JUN 2023 5:45PM by PIB Imphal
দিপার্তমেন্ত ওফ লিগেল এফ্যার্স এন্দ লেজিসলেতিব দিপার্তমেন্তনা ঙসি নই দিল্লীদা চাউনা মায় পাকপা চিন্তন সিভির অমা পাঙথোকখ্রে। লো অমসুং জস্তিসকী কেন্দ্রগী রাজ্য মন্ত্রী (ইন চার্জ) শ্রী অর্জুন রাম মেঘৱাল; লো সেক্রেতরীa দোক্তর নিতেন চন্দ্র; লেজিস্লেতিব দিপার্তমেন্তকী হৌজিক সেক্রেতরী ইন-চার্জ পুরিবা শ্রী এস.কে.জি. রহাতে; আই.তি.এ.তি.গী প্রেসিদেন্ত শ্রী জি.এস. পন্নু অমদি বি.কে. বিধত্রী য়াওনা ইকায়খুম্ননিংঙাই ওইরবা মীথুংশিং, থৌরমদুগী মীথউং ৱাঙাংলোয়শিংনা থৌরমদুদা শরুক য়াখি।
সিভির অদু হৌনবী মতুং ইন্না মৈরা চুখত্তুনা অমদি ইকায়খুম্ননিংঙাই ওইরবা মীথুংশিংদা ইকায়খুম্নবা উত্তুনা হৌখি। দিপার্তমেন্তনা পুন্সিগী তোঙান তোঙানবা হীরমশিংদা লো অমসুং জস্তিস মন্ত্রালয়গী মরুওইবা অমদি ফংবা ঙম্লবশিং অমদি মসিনা ভারতকী মপুং ওইবা চাওখৎ খোঙথাঙদা লৌরিবা থৌদাংগী মতাঙদা নীংথিনা উৎপা অতেনবা দোকুমেন্তরী ভিদিও অমা পুথোকখি।মদুগী মথক্তা, থৌরমদুগী মরুওইববু হেন্না মতিং হাপ্তুনা থৌরম অদুদা ‘দি.ও.এল.এ.) এত ম গ্লান্স: ২০২২-২৩’ কৌবা কোফী তেবল বুক অমা ফোঙখি। মসিদা হৌজিক পায়খৎলিবা থবক থৌরমশিং অমদি ইং ২০২২-২৩গী ফংবা ঙম্লবশিংগী মতাঙদা মচা খায়না য়াওরি অমদি মসিনা শিন্মীশিংনর চোকথবা নাইদনা হোৎনরিবশিং অমদি অপুনবগী মায় পাকপগী খুদম চাংদম ওইরি।
লো সেক্রেতরী দোক্তর নিতেন চন্দ্রনা তরাম্না ওকপগী ৱারোল অমা পীরবা মতুংদা, লেজিসলেতিব দিপার্তমেন্তকী সেক্রেতরী ইন-চার্জ শ্রী এস.কে.জি. রহাতেনা মহাক্কী ৱারোল পীখি। থৌরমদুগী কীনোৎ ৱাঙাংলোয় শ্রী অর্জুন রাম মেঘৱালনা তিল্লিবা মীয়ামগী মফমদা ৱা ঙাংলদুনা দিপার্তমেন্ত অসিবু সিভির অসি পাঙথোকপগীদমক থাগৎখি। হৌজিক পায়খৎলিবা থৌরাংশিং খুমাঙ চাওশিলহন্নবা অমদি মীপুম খুদিংদা চপ মান্ননা অচুম্বা ৱায়েল ফংহন্নবীগদমক মহাক্না খোঙধম চেৎনা লেপ্লি হায়না মহাক্না অমুক হন্না ফোঙদোকখি। মতমগা চুনদ্রবা লোশিং মুত্থৎপা অমদি অরুবশিংনা লায়থোকহনবগী মথৌ তাবশিং থম্লদুনা, হায়রিবা থৌরাংশিং অসিগী খুত্থাঙদা ৱায়েলশঙদা লৈরিবা পোৎলুমশিং হন্থহন্নবা মহাক্না চপ য়ুংনা লেপ্লি হায়খি।
ইকায়খুম্নরবা মীথুং ৱাঙাংলোয়, বি.কে. বিধত্রীনা শরুক য়ারিবশিংগা ৱারী ৱাতায় তৌদুনা মখোয়বু মখোয়গী কম্ফোর্ত জোন্দগী থোরক্নবা, মরক্তা খারিবা পলশিং নমখায়নবা, অমদি মখোয়গী পান্দমশিং ফংনবগীদমক পুকচেল খোয়জেল তিন্নবা তীম অমা ওইনা পুন্না থবক তৌমিন্ননবগীদমক পুক্নিং থৌগৎখি অমদি স্ত্রেস অমদি থবক্কী শাফুবু থেংননবা থৌনা হাপখি।
মোতিভেস্নেল সেসন অদুগী মতুংদা, দিপার্তমেন্ত ওফ লিগেল এফ্যার্স, লেজিস্লেতিব দিপার্তমেন্ত, ইনকম তেক্স অপীলেত ত্রাইব্যুনেল, অমদি সেন্ত্রেল এজেন্সী সেক্সনশিংগী মীহুৎশিংনা প্রেজেন্তেসনশিং পীখি। হায়রিবা প্রেজেন্তেসনশিং অসিনা হৌজিক ফাওবদা দিপার্তমেন্ত অসিনা ফংবা ঙম্লবশিং মপুং ওইনা কোনশিনখি অমদি ২০৪৭ ফাওবগী মমাঙদা মশক থোকপা থাক্তা চাওখৎপা পুরক্নবগীদমক ভারতকী নীংতম্বগী অমৃৎকালগী খোঙচত্তা ভারতনা চঙশিনবগা লোয়ননা প্রধান মন্ত্রী শ্রী নরেন্দ্র মোদীনা মঙলিবা মঙলানগা পরিংদা, তুংদা পায়খৎকদবা থবক থৌরমশিংগী মতাঙদা মচা খায়না নৈনখি।
তুংদা ইন্তরেক্তিব সেসন অমা পাঙথোক্তুনা স্তাফ মেম্বরশিংদা মখোয়গী ৱাখল্লোনশিং ফোঙদোক্নবা, সজেসনশিং পীরক্নবা, অমদি ৱাহংশিং হংননবগী তাঞ্জা পীখি। ৱাফম পুম্নমক নীংথিনা শকখঙদুনা মহৈ য়ানবা খন্ন-নৈনবগী ফীভম পুরকখি।
এদিস্নেল সেক্রেতরী অমদি লিভেল এদভাইজর দোক্তর ্রঞ্জু রাথী রানানা থাগৎ ৱাহৈ ফোঙদোক্তুনা থৌরম অদু লোইশিনখি। চিন্তন সিভির অদু মায় পাক্না লোইশিনবগীদমক মহাক্না শরুক য়াখিবা পুম্নমক্কী মফমদা নুংঙাইবা ফোঙদোকখি অমদি পুম্নমক্কী মফমদা মখোয়গী খোঙফম হোংদনা লেপ্লিবা অমদি কত্থোকপগীদমক থাগৎপা ফোঙদোকখি।
*****
(Release ID: 1935513)
Visitor Counter : 78