ঙাকশেল মন্ত্রালয়

MQ-9B দ্রোন লৈশিনবা: য়ুম্ফম য়াওদবা রিপোর্ত খরা থোক্লকপা

Posted On: 25 JUN 2023 12:46PM by PIB Imphal

ফোরেন মিলিতরী সেল (FMS) রুতকী খুত্থাংদগী USAদগীMQ-9B হাই অলতিচ্যুদ লোং এন্দ্যুরেন্স (HALE) রিমোৎলী পাইলোত্তেদ এয়রক্রাফ সীস্তেম (RPAS)31 (স্কাই গার্জিয়ন 16 অমসুং সী ফার্জিয়ন 15) অসিবু ত্রাই-সর্ভিসকীদমক্তা শিজিন্ননবা লৈনবগীদমক্তা দিফেন্স এক্বিজিসন কাউন্সিল (DAC)না জুন 15, 2023দা এসেপ্তেন্স ওফ নেসেসিতী (AoN) পীখ্রে। AoNঅসিদা মরী লৈনবা খুৎলায়শিংগা লোয়ননা লৈগদবা UAVশিংগী মশিংসু য়াওরি।

AoNঅসিদা US সরকারনা পোৎলমশিং অসিগীদমক্তা চঙগদবা মমলবু US মিলিয়ন দোল্লর 3072 ওইগনি হায়না পাবগী ৱারোল য়াওরি। অদুবু, US সরকারগী পোলিসী এপ্রুবেল ফংলবা মতুংদা মমল অসি অমুক্কা হন্না শন্তাইনগনি। জেনেরেল এতোমিক্স (GA)না হায়রকপা খ্বাইদগী ফজবা মমলগা অতোপ্পা লৈবাকশিংনা হায়রকপা মমলগসু দিফেন্স মন্ত্রালয় (MoD)না চাংদম্নখিগনি। পোৎলমশিং অসি লৈশিনবগী থৌওং অসি মখা চত্থরি অমসুং মমাংদা য়াৎখিবা কাঙলোনগী মখা পোন্না থৌওং অসি লোইশিনগনি।  

ত্রাই-সর্ভিসকী তঙাই ফদবা, খুৎলাইশিংগী অকুপ্পা মরোল অমসুং থৌওংশিং অসিগী তর্মস কয়া য়াওবা লেত্তর ওফ রিক্বেস্ত (LOR) অমা US সরকারগী মফমদা FMS রুতকী মখাদা থাজিনগনি। US সরকার অমসুং MoDনা LORদা য়ুফম ওইদুনা লেত্তর ওফ ওফর এন্দ এসেপ্তেন্স (LOA) অসি ফাইনেলাইজ তৌগনি; থৌওং অসি FMS প্রোগ্রাম অমসুং US সরকারঅমসুং GAনা অতোপ্পা লৈবাকশিংদা পীবা মমল অমসুং তর্মশিংগী মখা পোন্না খুৎশু খুৎলাইগী অকুপ্পা মরোল অমসুং মখোয়বু লৈবগী তর্মশিংগী মরী লৈনবা ৱারী শাদুনা ফাইনেলাইজ তৌরবা মতুংদা পাংথোক্কনি।

নাকল অমদনা, পোৎলমশিং অসি লৈবগী মমল অমসুং তর্মশিংগী মরী লৈনবা ৱাফম খরা সোসিএল মীদিয়াগী সেক্সন খরদা শন্দোক্নরক্লি। হায়রিবশিং অসি য়ুম্ফম য়াওদবনি, তোঙানবা পান্দম অমা লৈবনি, অমসুং পোৎলমশিং অসি লৈবগী থৌওংদা অয়েৎপা পীনবা হোৎনবনি। পোৎলমশিং অসি লৈবগী মমল অমসুং কন্দিসনশিং অসি ফাইনেলাইজ তৌদ্রি অমসুং ৱারী শাবগী মখা পোল্লগা লৈরি। হীরম অসিগা মরী লৈননা, মীপুম খুদিংবু আর্ম্দ ফোর্সকী মোরেল হন্থহনবা অমসুং পোৎলম লৈবগী থৌওংদা অকায়বা পীবা য়াবা অরানবা ই-পাউ শন্দোকপীদনবা হায়জরি।

***



(Release ID: 1935503) Visitor Counter : 72