পোর্ত, সিপ্পিং অমদি ৱাতরৱেজ অমসুং অয়ুসকী কেন্দ্র মন্ত্রী, শ্রী সর্বনন্দ সোনোৱালনা ঙসি দিব্রুগরদা পাঙথোকপা ইন্তরনেস্নেল ওলিম্পিক দে থৌরমদা শরুক য়াখ্রে‍। অসাম ওলিম্পিক এসোসিএসন (এ.ও.এ.)গী প্রেসিদেন্ত ওইরিবা শ্রী সর্বনন্দ সোনোৱালনা অসামগী শান্ন-খোৎনবগী মকোক থোংবা লুপ অদুগী মরুওইবা মীফমশিংসু থৌরম মপু ওইনা শরুক য়াদুনা অসামদা শান্ন-খোৎনবগী লমদা মখা তানা হৈনিংবা পোকহন্নবা অমদি স্তেত অসিগী শান্নরোয়শিং অৱাংবা থাক্তা হিদান্নহন্নবগী থৌরাং অমদি পাম্বৈশিং য়াওনা তোঙান তোঙানবা হীরমশিংদা খন্নখি‍।

কেন্দ্রগী রাজ্য মন্ত্রী রামেস্বর তেলি, দিব্রুগরগী এম.এল.এ. প্রসান্ত ফুকান অমদি দিব্রুগর এদমিনিস্ত্রেসনগী অতৈ ওফিসিএলশিং লোয়ননা ব্রহ্মপুত্র ক্রেক্কর এন্দ পোলিমর লিমিতেদ (বি.সি.পি.এল.) অমদি এ.ও.এ.গী ওফিসিএলশিং য়াওবা থৌরমদা মহাক্না দিব্রুগরগী বোইরাগিমোথতা ভর্তিকেল এক্সতেন্সন তৌদুনা শাগৎকদবা জলান নগর স্তেদিয়মগী উরেপ উয়ুং তমখি‍।

থৌরমদুদা ৱা ঙাঙলদুনা, শ্রী সর্বনন্দ সোনোৱালনা শান্ন-খোৎনবা হায়বসি ঐখোয়গী শক্তম, ঐখোয়গী নাৎ, ঐখোয়গী পুন্সিগী থাদোক্নবা য়াদ্রবা শরুক অমনি হায়খি‍। ঐখোয়গী ইচঙ থৌরবা প্রধান মন্ত্রী শ্রী নরেন্দ্র মোদী জীনা মমাঙদা হায়খিবগুম শান্ন-খোৎনবা হায়বসি ঐখোয়গী খুন্নাইগী পুন্সিগী থাদোক্নবা য়াদ্রবা শরুক অমা ওইহনগদবনি, অদুগা অথোই অহেন তান্নবনা মদুগী বাইপ্রদক্ত ওইহনগদবনি‍। ঙসি ঐখোয়না মফমসিদা ওলিম্পিক দে পাঙথোক্লিবসিদা, শান্ন-খোৎনবা হায়বসি নীংথিরবা হৌন-লোনচৎ অমা ওইহল্লিবা ভেল্যুশিং ঐখোয়না নীংশিংবা তাই‍। ঐখোয়না থৌরম পাঙথোক্লিবসিনা অপুনবা, হোৎনমিন্নবা অমদি এক্সেলেন্সকী ভেল্যুশিং পুক্নিং থৌগৎকদবনি মরমদি শান্ন-খোৎনবদা মালেম অসিবু হেন্না ফবা অমদি হেন্না নুংঙাইবা মফম অমা ওইহন্নবগী মতিং লৈ হায়না মহাক্না হায়খি‍। মশান্না অমা হেক্তনা অদোমগী মফমদা হকচাঙ ফহনবতা নত্তনা পুক্নিং ৱাখলগী ফীভমসু ফগৎহনগনি‍। অসামগী ওলিম্পিক বোদী অমা ওইনা, স্তেত অসিদা শান্ন-খোৎনববু হেন্না খুমাঙ চাওশিলহন্নবগী লমদা খোঙফম চেৎনা লেপ্পা অমদি প্রধান মন্ত্রী শ্রী নরেন্দ্র মোদী জীনা থমখিবা মীৎয়েঙগুম্না মশা মশু ফবা ভারত অমা শেমগৎনবগী লম্বীদা খোঙ থাংজিনবা হায়বসি ঐখোয়গী থৌদাংনি, হায়না মন্ত্রীনা মখা তাখি‍।

ঙল্লিঙৈদা, মন্ত্রীনা অসাম ওলিম্পিক এসোসিএসনগী চহিগী জেনেরেল মীফম থৌরম মপু ওইনা শরুক য়ারবা মতুংদা স্তেত অদুদা শান্ন-খোৎনবগী লমদা চাওখৎহন্নবা অমদি শান্ন-খোৎনবগী থৌরমশিং পাঙথোক্নবগী থৌরাংশিংগা মরী লৈনবা হীরম কয়াদা খন্ননবগীদমক এ.ও.এ.গী একজেক্যুতিব মীফমসু শরুক য়াখি‍। শান্নরোয়শিংবু অথোই অহেন তান্নবগী মশান্নশিংগী মতাঙদা প্রাক্তিস তৌহন্নবা অমদি এক্সপরিএন্স লৈহন্দুনা অসামদা স্পোর্তস তেলেন্ত শেমগৎনবগী পান্দম হেন্না খুমাঙ চাওশিলহনগদবা সাইমলেসন অমদি প্রোগ্রামশিং শেমগৎপগী মথৌ তাবা ৱাফমশিংসু মহাক্না থমখি‍। শান্ন-খোৎনবগী চুনবা ইকোসিস্তেম অমা শেমগৎনবা অমদি অথোই অহেন তান্নবগী থাক্তা য়ৌরকপা ঙম্ননবা গ্রাসরুত থাক্তা লৈরিবা তেলেন্তশিং মখোঙ শোম্নবগীদমক এ.ও.এনা খোঙফম চেৎনা লেপ্লি হায়বা ৱাফমসু শ্রী সোনোৱালনা থমখি‍। হায়রিবা মঙলান অসিবু অশেঙবা ওইহল্লক্নবগীদমক এ.ও.এ.গী রোদমেপ শেমগৎলি হায়নসু মহাক্না হায়খি‍।

এ.ও.এ.গী মীফমশিংদুদা এ.ও.এ.গী জেনেরেল সেক্রেতরী লখ্য কোনৱর; এ.ও.এ.গী জোইন্ত সেক্রেতরী তরঙ্গ গোগোই, দিব্রুগর দিস্ত্রিক্ত স্পোর্তস এসোসিএসন (দি.দি.এস.এ.)গী প্রেসিদেন্ত দোক্তর দেবোজিৎ দত্ত, দি.দি.এস.এ.গী জেনেরেল সেক্রেতরী নিরঞ্জন সাইকিয়া অমদি অতৈ মীওই কয়ানা শরুক য়াখি‍।

****

(Release ID: 1935100) Visitor Counter : 125