بندرگاہوں، جہاز رانی و آبی گزرگاہوں اور آیوش کے مرکزی وزیر جناب سربانند سونووال آج ڈبرو گڑھ میں بین الاقوامی اولمپک ڈے کی تقریبات میں شامل ہوئے۔ آسام اولمپک ایسوسی ایشن (اے او اے)کے صدر جناب سربانند سونووال نے آسام کی سرکردہ  کھیلوں کی تنظیم کے اہم اجلاسوں کی صدارت کی۔ ان اجلاس کے دوران آسام میں کھیلوں کو مزید فروغ دینے اور کھلاڑیوں کو ریاست سے لے کر اعلیٰ سطح پر مقابلہ کرنے کے اقدامات اور ذرائع سمیت مختلف امور پر تبادلہ خیال کیا گیا۔

انہوں نے مرکزی وزیر مملکت رامیشور تیلی، ڈبرو گڑھ کے ایم ایل اے، پرشانت پھوکن کے علاوہ ڈبرو گڑھ انتظامیہ، برہم پترا کریکر اینڈ پولیمر لمیٹڈ (بی سی پی ایل) اور اے او اے کے عہدیداروں کی موجودگی میں ڈبرو گڑھ میں جالان نگر اسٹیڈیم کا سنگ بنیاد بھی رکھا ۔ کے بویراگیموتھ میں عمودی توسیع کے ذریعہ ۔ بی سی پی ایل) اور اے او اے۔ ترقیاتی کام کو  بی سی پی ایل کے کارپوریٹ سماجی ذمہ داری (سی ایس آر )فنڈ کے ذریعہ انجام دیا جا رہا ہے۔

اس موقع پر خطاب کرتے ہوئے جناب سربانند سونووال نے کہا کہ کھیل ہماری شناخت، ہماری ثقافت، ہماری زندگی کا ایک ناگزیر حصہ ہے۔ جیسا کہ ہمارے متحرک وزیر اعظم جناب نریندر مودی جی نے ایک بار کہا تھا کہ کھیلوں کو ہماری سماجی زندگی کا ایک لازمی حصہ بننا چاہیے، جہاں مسابقت محض ایک ضمنی پیداوار ہے۔ انہوں نے کہا "آج جب ہم یہاں اولمپک ڈے کی تقریبات میں شامل ہوئے، ہمیں ان اقدار کو یاد رکھنا چاہیے جو کھیلوں کو ایسے شاندار  طریقے سے منظم و  منضبط بناتی ہیں۔"  انہوں نے کہا "ہماری تقریبات کو اتحاد، استقامت اور عمدگی کی اقدار کو متاثر کرنا چاہیے کیونکہ کھیل اس دنیا کو ایک بہتر اور خوشگوار مقام بنانے کی طاقت رکھتے ہیں۔ کوئی بھی کھیل نہ صرف آپ کو جسمانی تندرستی فراہم کرے گا بلکہ ذہنی صحت کو بھی تقویت بخشے گا۔ " وزیر  موصوف نے مزید کہا کہ آسام کی ایک اولمپک تنظیم کے طور پر، یہ ہمارا فرض ہے کہ ہم ریاست میں کھیلوں کی مزید ترقی کے لیے ثابت قدم رہیں اور وزیر اعظم جناب نریندر مودی جی  کے وژن کے مطابق صحت ہندوستان کی تعمیر کی سمت میں آگے بڑھیں ۔

قبل ازیں، مرکزی وزیر نے آسام اولمپک ایسوسی ایشن کی سالانہ جنرل میٹنگ کی صدارت کی جس کے بعد کھیلوں کی ترقی سے متعلق مختلف پہلوؤں اور ریاست میں کھیلوں کی سرگرمیوں کو تیز کرنے کے اقدامات پر اے او اے کی ایگزیکٹو میٹنگ ہوئی۔ انہوں نے ایسے پروگرام بنانے کی ضرورت پر بھی زور دیا جس سے کھلاڑیوں کو مسابقتی کھیلوں کی مشق اور تجربہ کرنے کا موقع ملے۔ جناب سونووال نے کہا کہ اس سے آسام میں باصلاحیت کھلاڑیوں  کی ترقی کے ہدف کو فروغ  دیا جا سکے گا۔

جناب سونووال نے اس بات پر زور دیا کہ اے او اے ایک سازگار ماحولیاتی نظام تیار کرنے اور مسابقتی کھیلوں کی سطح تک پہنچنے کے لیے نچلی سطح سے ہنر مندوں کو سہولت فراہم کرنے کے لیے پرعزم ہے۔ اس وژن کو حقیقت میں لانے کے لیے اے او اے کا لائحہ عمل تیار کیا جا رہا ہے۔

اے او اے کے اجلاسوں میں اے او اے کے جنرل سکریٹری لاکھیا کنور اور اے او اے   کے جوائنٹ سکریٹری، ترنگ گوگوئی، ڈبرو گڑھ ڈسٹرکٹ اسپورٹس ایسو سی ایشن (ڈی ڈی ایس اے)  کے صدر  ڈاکٹر دبوجیت دتہ، ڈی ڈی ایس اے کے جنرل سکریٹری نرنجن سائکیا اور دیگر نے نے شرکت کی۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

6458

(Release ID: 1935047) Visitor Counter : 142