পৱার মন্ত্রালয়না নেস্নেল ইনর্জী দেতা হায়না মিংথোনবাল ভারত লৈঙাক্কী পৱার মন্ত্রালয়গী ব্যুরো ওফ ইনর্জী ইফিসিএন্সীগী মখাদা লিংখৎখিবা ইনর্জী দেতা মেনেজমেন্ত য়ুনিৎকী ইহান হানবা রিপোর্ত ওইরিবা, মপুং ওইবা ইনর্জী সেক্তর রিপোর্ত অমা পুথোকখ্রে‍। রিপোর্ত অসিনা ভারতকী শেন্মিৎলোনগী তোঙান তোঙানবা সেক্তরশিংদা ইনর্জী সপ্লাই অমদি কঞ্জুম্পসনগী মওং মতৌশিংগী মতাঙদা অকুপ্পা ঈ-পাউ পীরি‍। রিপোর্ত অসি ঙসি নই দিল্লীগী শ্রম শক্তি ভবন্দা পৱার অমদি নিউ অমসুং রিনিউএবল ইনর্জীগী কেন্দ্র মন্ত্রী আর.কে. সিংহনা ফোঙখিবনি‍।

রিপোর্ত অসিদা অচৌবা এন্দ-য়ুজ সেক্তরশিংদা ফ্যুল,-ৱাইজ ইনর্জী কঞ্জুম্পসনগী মচৎ অমদি এনালাইসিসকা লোয়ননা হৌখিবা চহি তরুক্কী হায়বদি শেনবা চহি ২০১৬-১৭ দগী শেনবা চহি ২০২১-২২ ফাওবগী মচা খায়বা দেতাশিং য়াওরি‍। রিপোর্ত অসিনা তোঙান তোঙানবা ইনর্জী কঞ্জার্বেসন পোলিসীশিং অমদি মখোয়গা মরী লৈনবা কার্বোন দাইওক্সাইদ থাদোকপা হন্থহনবা অমদি শেল মাঙহন্দনবগী থৌরাংশিংনা পীরিবা ইম্পেক্তশিংগী মচং ওইবা মশকশিংসু পীরি‍। রিপোর্ত অসি নিতি আয়োগ, তোঙান তোঙানবা লাইন মন্ত্রালয় অমদি দিপার্তমেন্তশিং, ইন্সতিত্যুসনশিং অমদি অতৈ স্তেকহোল্দরশিংগা খুৎশম্নদুনা পৱার মন্ত্রালয়না ব্যুরো ওফ ইনর্জী ইফিসিএন্সীগী খুত্থাঙদা শেম্বনি‍।

রিপোর্ত অসিগী মচং ওইবা ৱাফমশিং মখাদা পীরি:

ভেল্যু এদিসন

• রিপোর্ত অসিনা তোঙান তোঙানবা সেক্তরশিংদা লৈরিবা অকুপ্পা ফ্যুল-ৱাইজ ইনর্জী কঞ্জুম্পসন দেতা পীরি‍। মচা খায়না পীরিবা অসিনা তোঙান তোঙানবা সেক্তরশিং, সব-সেক্তরশিং অমদি কঞ্জ্যুমর গ্রুপশিংগী ইনর্জী প্রোফাইল হেন্না মমুৎ তানা খঙদোকপা ঙমহনগনি‍।
• কোইলাগী তোঙান তোঙানবা কেলোরিফিক ভেল্যুদা য়ুম্ফম ওইদুনা তোঙান তোঙানবা চহিগী তোপ তোপ্পা কনভর্জন ফেক্তরশিং (লমদমসিদা পুথোকপা অমদি মপান্দগী পুশিল্লকপা কোইলাগী) শীজিন্নবনা লৈবাকসিদা লৈরিবা কোইলাদা য়ুম্ফম ওইবা ইনর্জী সপ্লাই অমদি শীজিন্নবগী তশেং তশেংবা শক্তম অমা পীরি‍।
• ২০২৩গী ইকোন কোনবা রিপোর্ত ওফ মিনিস্ত্রী ওফ স্তেতিস্তিক্স এন্দ প্রোগ্রাম ইম্প্লিমেন্তেসন্দা কোইলাগী কনভর্জন ফেক্তরশিং অসি কোইলা গ্রেদ পুম্নমক্কী ওইনা সিঙ্গল রিপ্রজেন্তেতিব জি.সি.ভি. অমা শীজিন্নবগী মহুত্তা ৱেতেদ এভরেজ মেথোদোলোজী শীজিন্নবদগী লৌবনি‍।
• রিপোর্ত অসিনা তোঙান তোঙানবা থৌরাংশিংনা ইনর্জী সেভিং অমদি সি.ও.২ ইমিসন রিদক্সনগা লোয়ননা মসিগা মরী লৈননা শেল চঙবা হন্থহনবদা পীরিবা শাফুগী মপুং ওইবা মশকসু পীরি‍।

অনৌবা মীৎয়েঙ

• হৌখিবা চহ তরুকসিদা লৈখিবা ইনর্জী সপ্লাই তু ইকনমী অসি তশেংবদি ১৮%দগী হন্থৈ; মসি মমাঙদা শীজিন্নরম্বা আই.ই.এ. কনভর্জন ফেক্তরগী মহুত্তা ইন্দিয়ন কোল কনভর্জন ফেক্তরশিং শীজিন্নবদগী খঙবা ঙম্লকপনি‍।
• ইনর্জী কঞ্জুম্পসন ভেলু ২০২১-২২ ফাওবদা ৮% হন্থরে‍।
• ইলেক্ত্রিফিকেসন ওন কঞ্জুম্পসন সাইদকী শেয়র ২০.৯%দা হেনগৎলে‍।

কান্নবা

• রিপোর্ত অসিদা পীরিবা ইনফোর্মেসন অসিনা লৈবাকসিদা তোঙান তোঙানবা ইনর্জী প্রদক্তশিংগী দেতা এভাইলেবিলিতীগী ফীভম নৈনবদা মতেং ওইগনি‍।
• মসিনা লৈবাকসিগী ইনর্জী ইন্তেন্সিতী নৈনবদা মতেং পাংদুনা খুজিল থৌরাং য়াৎলিবশিংবু অচৌবা থৌরাংশিং শেম্বা অমদি কোর্স করেক্সন তৌবা ঙমহনগনি‍।

মাঙদা চঙশিনগদবা লম্বী

• বাইওমাসনচিংবা নন-কম্মর্সিএল ইনর্জী সোর্সশিংগী দেতা মরাঙ কায়না লৈদে অদুম ওইনমক হায়রিবা থৌওংশিং অসিনা ইনর্জীগী মথৌ তাবা মশক থোক্না পীবা ঙম্বগুম উরি‍।
• এক্সপ্লোরেসন সাইদ ওফ দেতাগী লমদা (হায়বদি ২দি অমদি ৩দি সর্ভে) লৈরিবা অহোবা অসি মেনশিনবগী মথৌ তাবা অমা লৈবগুম উরি‍।
• লৈঙাক্কী সবসিদাইজ প্রোজেক্তশিংদগী মশক থোকপা দেতা ময়াম অমা খোমগৎনবগী ওইথোকপা লৈ অমদি মসি লৌখত্তুনা রিপোর্ত অসিগী তুংগী ইদিসনশিংদা হাপচিল্লক্কনি‍।

রিপোর্ত অসিবু ফোঙলদুনা, পৱার অমদি নিউ অমসুং রিনিউএবল ইনর্জীগী কেন্দ্র মন্ত্রী আর.কে. সিংহনা দেতাগী মরুওইবশিংগী মতাঙদা ৱাফম কয়া থমখি অমদি ভারতকী মতাঙদা লৈররিবা পুৱারী কয়া অমদি মপান্দগী লাকপশিংনা পাঙথোকপা থিজিন হুমজিনবগী থবকশিংদা য়ুম্ফম ওইদুনা, অসিগুম্বা ফোরেন রিছর্চরশিং অসিগী হৈশিংবা ৱাৎপনা মরম ওইরগা পরৈ চেনবা কয়া লাকই হায়খি‍। কার্বোন থাদোকপগী মতাঙদা লৈরিবা দিবেৎ অসি পর কেপিতাদা য়ুম্ফম ওইগদবনি, লৈবাক খুদিংগী এগ্রিগেত্তা য়ুম্ফম ওইগদবা নত্তে হায়না মন্ত্রীনা হায়খি‍। গ্যাসতা চাক থোংবা অমদি সোলারদা থোংবগী মরক্তা লৈরিবা শেঞ্জং চাংদম্নবনচিংবা হীরমশিংদা ইনর্জী শীজিন্নবগী দেতা মথৌ তাই হায়না মন্ত্রীনা ফোঙদোকখি‍। “ঐখোয়গী মপুং ওইবা পান্দমদি মপান্দগী পুশিল্লকপা ইনর্জী সোর্সতা তাংবা হন্থহনবনি‍। মসি থবক ওইনা পায়খৎনবগী লম্বী অনি লৈ, শেন্মিৎলোনবু ইলেক্ত্রিফাই তৌবা অমদি ইনর্জীবু গ্রীন ওইহনবনি,” হায়না মহাক্না হায়খি‍।

ইনর্জী ত্রাঞ্জিসন তৌবদা গ্রীন ফীদস্তোক কয়া য়াম্না মথৌ তাবগে হায়বা খঙদোক্নবগীদমক গ্রীন ফীদস্তোক্কী দেতা মথৌ তাই হায়না মন্ত্রীনা হায়খি‍। “বি.ই.ই. মপাঙ্গল কলহনবা মথৌ তাই‍। ঐখোয়না অতোপ্পা লৈবাকশিংদগী দেতাশিংসু মথৌ তাই‍। দেতাগী মপু ওইবসু তশেংনা মরুওই, মরমদি মসিনা হেন্না মমুৎ তানা খঙহনবদা অমদি শন্দোক্না তাকপদা মতেং ওই,” হায়না মহাক্না মখা তাখি‍।

রিপোর্ত অসিনা লৈবাকসিগী ইনর্জী ইন্তেন্সিতী নৈনবদা মতেং পাংদুনা, খুজিল থৌরাং য়াৎলিবশিংদা ফগৎহনবা মথৌ তাবা হীরমশিং খঙদোকপদা অমদি মতিং লৈবা থৌরাং শেম্বদা অমদি ভারতনা নেস্নেল্লী দিতর্মিন্দ কন্ত্রিব্যুসনশিং ফংনবগী লমদা লৈবাকসিনা চঙশিল্লিবা খোঙজেলগী খোঙ্গুল লীবদা মতেং ওইহনগনি হায়না মন্ত্রীনা হায়খি‍। “মসিনা পোলিসী দিসিজন্দা লমজিংগনি, ইন্দস্ত্রী প্রেক্তিসতা ইথিল পীগনি, অমদি লনাই অমসুং লূপশিংদা হেন্না গ্রীন ওইবা অমদি হেন্না তুং কোইগদবা তুংলমচৎকী লম্বী তান্নবদা মরম খঙনা ফিরেপ লৌবা ঙমহনগনি,” হায়না মহাক্না মখা তাখি‍।

মন্ত্রালয় অমদি বি.ই.ই.গী মফমদা নুংঙাইবা ফোঙদোক্লদুনা, নিতি আয়োগকী মেম্বর দোক্তর বিজয় কুমার সরসৱতনা, ভারতনা লৌখিবা ‘পঞ্চমৃৎ’কী খোঙফম অমদি ইনর্জী ত্রাঞ্জিসনগী মথৌ তাবা য়েংলগা ইনর্জী দেতাগী মরুওইবা হেন্না হায়জিনবা য়ারোই হায়খি‍। “দেতা হায়বসি প্রদক্সন, দিস্ত্রিব্যুসন, ত্রান্সমিসনগী মতাঙদা এন্দ-তু-এন্দ ওইগদবনি অমদি ইনর্জীগী সোর্স পুম্নমক কোনশিনগদবনি‍। তোঙান তোঙানবা সোর্সশিংদগী গ্রীনহাউস গ্যাস ইমিসনগী মতাঙদা লৈবা ঈ-পাউগী অফবা রিপোজিতরী অমা লৈতনা ঐখোয়না নেৎ জিরো ফংবা ঙম্লোই‍। অদুম ওইনমক, অচৌবা ইনর্জী দেতাসেত মরাঙ কায়না লৈতবনা ওইরগা, পোলিসী অমদি রিগুলেতরী কম্প্লাইএন্সপু নমথদুনা ভারতকী ইনর্জী রিছর্চতা শোকহল্লি‍। হায়রিবা ফীভমসি ফগৎহন্নবগীদমক, বি.ই.ই.না পৱার মন্ত্রালয়গী লমজিং মখাদা ইনর্জী দেতা মেনেজমেন্ত য়ুনিৎ শেমখিবনি‍। মপুং ফাবা রিপোর্ত অসিনা সেক্তর পুম্বদা লৈরিবা সপ্লাই অমদি কঞ্জুম্পসনগী মচা খায়বা ৱারোলশিং পীরি‍। মসিনা ভারতপু ইনর্জী সপ্লাইন অমদি কঞ্জুম্পসনগী মতাঙদা তুংগী ওইবা ফিরেপ লৌবদা মতেং ওইগনি,” হায়না মন্ত্রীনা মখা তাখি‍।

নিতি আয়োগ মেম্বর অদুনা অহানবগী রিপোর্ত অসিনা ঐখোয়গী ইনর্জী লেন্দস্কোপকী মশক মওং লেপ্পদা দেতা-দ্রিভন ইনসাসতকী মতিক্কী খুদম চাংদম ওইরি‍ হায়খি‍। “গ্রাউন্দ-ব্রেকিং রিপোর্ত অসিনা মমল য়াম্লবা ত্রেন্দশিং পুথোরক্লি, শিংনবা অমদি খুদোংচাবশিং উৎলি, অমদি তুং কোইগদবা ইনর্জী প্রাক্তিস থৌদুনা পুনবগী অনৌবা পাম্বৈশিং পীরি‍। মসিদা ইনর্জী শীজিন্নবা, পুথোকপা অমদি মতিং লৈহনবগী মতাঙদা ঐখোয়না খঙলিবশিংদা অনৌবা য়াওল পুরকপগী মতিং লৈ,” হায়না মহাক্লনা ফোঙদোকখি‍।

প্রধান মন্ত্রীগী ওফিসকী পাউতাক্লোই, তরুন কপুরনা তোঙান তোঙানবা মন্ত্রালয়শিং অমদি দিপার্তমেন্তশিংদগী লৌগদবা চাং নাইবা দেতা অপদেৎশিং মথৌ তাবা ইনর্জী সেক্তরদা হৈথোই শিংথোইরবা অমদি ইনর্জী সেকে্তরদা মপুং ফাবা রিপোর্ত পুথোরকপা ঙমগদবা মীওইশিংগী মথৌ তাবশিং রিপোর্ত অসিনা ফংহল্লে হায়খি‍। প্রধান মন্ত্রীগী পাউতাক্লোয় অদুনা য়াম্না তোয়না, ভারতকী ইনর্জী সেক্তরগা মরী লৈনবা অরানবা ঈ-পাউশিং থাদোরক্লি অমদি মালেমগী লূপশিংনসু শীজিন্নরি, অমদি লৈঙাক্কী লূপ অমনা অসিগুম্বা দেতা পুথোরকপা হায়বসি লৈবাকসিগী লৈরিবা অশেংবা ফীভমগী মমি তাবা য়ানরবা অমদি থাজনিংঙাই ওইরবা ইনফোর্মেসনগী সোর্স ওইরক্কনি হায়খি‍। “হৌজিক্তি ঐখোয়না দেতা ফ্লো অসি চাং নাইহন্নবা হোৎনবা মথৌ তাই‍। রিপোর্ত অসি চহি খুদিংগী পুথোরক্লগদি য়াম্না কান্নবা ওইগনি,” হায়না মহাক্না হায়খি‍।

পৱার মন্ত্রালয়গী সেক্রেতরী, অলোক কুমারনা অতোপ্পা লূপশিংদা তাংদুনা লৈবা নৎত্রগা তোঙান তোঙানবা মন্ত্রালয় অমদি দিপার্তমেন্তশিংনা পুথোরকপা ইনর্জী স্তেতিস্তিক্স মচেৎ মচেৎশিং শীজিন্নবগী মহুত্তা মশাগী ওইবা ওফিসিএল ইনর্জী দেতা স্তেতিস্তিক্স অমা ভারতকী লৈফম থোকই হায়বসিনা পুক্নিং থৌগত্তুনা পুথোরকপনি‍। “প্রোজেক্ত অসিগী শরুক অমা ওইনা শেমখিবা তাস্ক ফোর্স অসিনা সপ্লাই-সাইদ দেতা অমদি নাকল অমরোমদনা দিমান্ত-সাইদ দেতাগী লমদা তোঙান তোঙানবা সোর্সশিংদগী ইনর্জী দেতাশিং খোমগৎলি অমদি তোঙান তোঙানবা ফোর্মেৎশিংদা লৈরিবা দেতা অসিবু নীংথিনা শেমদোক শাদোকই‍। হৌজিক্তি ভারতনা এঐখোয়গী ইনর্জী ইফিসিএন্সী অসি মমাঙদা রিপোর্ত তৌরকখিবা অদুদগী হেন্না ফীভম ফৈ হায়না থাজবগা লোয়ননা হায়বা ঙম্লগনি,” হায়না মহাক্না হায়খি‍।

থৌওং অসিগী শরুক অমা ওইনা, পৱার মন্ত্রালয়না স্তেতিস্তিক্স অমদি প্রোগ্রাম ইমপ্লিমেন্তেসন মন্ত্রালয়বু অহেনবা ইনর্জী স্তেতিস্তিক্সশিংসু খোমগৎনবগীদমক মাগী রিগুলর সর্ভে অসিদা খরা শেমদোক শেমজিন তৌননবা রিকম্মেন্দ তৌখি হায়না সেক্রেতরীনা হায়খি‍। মসিদা য়ুম্ফম ওইরগা, বি.ই.ই.না হৌজিক্তি কম্মর্সিএল সেক্তরদা ইনর্জী শীজিন্নবগী মচা খায়বা ইনর্জী সর্ভে অমা পায়খৎলগনি হায়না মহাক্না মখা তাখি‍।

ব্যুরো ওফ ইনর্জী ইফিসিএন্সী অসি স্তাফ মরাঙ কায়না থমদুনা অমদি হেন্না খঙ-হৈবা মীওইশিং হাপচিন্দুনা মপাঙ্গল কনখৎহনগদবনি হায়না পৱার সেক্রেতরীনা হায়খি‍। বি.ই.ই.না থাজনিংঙাই ওইবা দেতাদা য়ুম্ফম ওইদুনা অতোপ্পা লৈবাকশিংগা ভারতকা থবক পায়খৎমিন্ননবা য়াননবগীদমক, ভারতখক্তগী নত্তনা, অতোপ্পা লৈবাকশিংগীসু, মরুওইনা গ্লোবেল ইনর্জী ত্রাঞ্জিসনগী ৱাফম নত্তনা মকোক থোংবা লৈবাকশিংগী অসিগুম্বা দেতানা থৌবা অমদি এনালাইতিকেল রিপোর্তশিং পুথোরকপা তাই হায়নসু মহাক্না হায়খি‍। ইন্দিপেন্দেন্ত এনালাইসিসশিংদগী ফীদবেকশিংগা লোয়ননা রিপোর্ত অসিগী মতুং তারকপা ইদিসনশিং হেন্না ফগৎলক্কনি হায়না মহাক্না থাজবা ফোঙদোকখি‍।

বি.ই.ই.গী দাইরেক্তর জেনেরেল অভয় বাক্রেনা রিপোর্ত অসিগী তুংগী ভর্জনশিংনা ইনর্জী সেক্তরদা (সপ্লাই অমদি দিমান্দ সাইদ) লৈরিবা ইনভেস্তমেন্ত ত্রেক তৌবা ঙমগনি হায়খি‍। মসিনা ইন্সেন্তিব অমদি সবসিদীশিং য়াওনা তোঙান তোঙানবা লৈঙাক্কী স্কীমশিংদা পীরিবা শাফু নৈনগনি; কম্মর্সিএল সেক্তরদা লৈরিবা সব-সেক্তরেল ইনর্জী কয়্জুম্পসন নৈননবগী হেন্না মনুং হঞ্জিন্না য়েংগনি; তোঙান তোঙানবা সেক্তরশিংদা মপান্দগী পুশিল্লকপা কোইলা শীজিন্নবা তোকহন্নবা খোঙফম শেমগনি; গেসোলিসন অমদি সি.এন.জি. শীজিন্নবগী রিতেলর দেতাশিং চুমথোক্কনি; অমদি বাইওমাসনচিংবা নন-কম্মর্সিএল ইনর্জী সোর্সশিংগী মতাঙদা দেতাশিং খোমগৎকনি‍।

রিপোর্ত অসি মফমসিদা য়েংবা য়াগনি‍।

ফোঙবগী থৌরমদা বি.ই.ই. দি.জি.না পীখিবা প্রজেন্তসন মফমসিদা চঙলগা য়েঙবা য়াগনি‍।

***