امور داخلہ کی وزارت
مرکزی وزیر داخلہ اور وزیر تعاون جناب امت شاہ نے آج سری نگر میں تقریباً 586 کروڑ روپے کے 84 ترقیاتی منصوبوں کا افتتاح کیا اور سنگ بنیاد رکھا
جناب مودی کی قیادت میں جموں و کشمیر میں نچلی سطح پر عوام پر مبنی طرز حکمرانی قائم کی گئی ہے
تقریباً 586 کروڑ روپے کے مختلف ترقیاتی کاموں کا سنگ بنیاد اور افتتاح آج کیا گیا جس سے تقریباً 22 لاکھ لوگوں کو فائدہ پہنچے گا اور ان کی روزمرہ کی زندگی آسان ہو جائے گی
جموں و کشمیر میں پچھلی حکومتوں کے دور میں جمہوریت صرف 80 سے 85 افراد تک محدود تھی اور جمہوریت پر تین خاندانوں نے قبضہ کر لیا تھا، ان لوگوں نے پنچایتی انتخابات نہیں ہونے دیے، پنچ-سرپنچ نہیں منتخب نہیں ہونے دیے اور تحصیل اور ضلع پنچایتیں نہیں بننے دیں
مودی حکومت نے جموں و کشمیر میں پنچایتی راج کو نچلی سطح تک پہنچایا ہے اور جمہوریت کو مضبوط کیا ہے
اگر کوئی صرف حکومت کرنے اور اقتدار کا مزہ لینے کے لیے آتا ہے تو وہ کوئی تبدیلی نہیں لا سکتا، تبدیلی تب آتی ہے جب ذہن عوام کی خوشی، غم اور ترقی سے جڑا ہو، جناب مودی کو جمہوریت سے لگاؤ ہے اور یہی لگاؤ جموں و کشمیر میں تبدیلیاں لایا ہے
پڑوسی ملک کی طرف سے پتھراؤ، بند کے لیے بھڑکانے کے واقعات بہت کم ہوتے جا رہے ہیں اور جموں و کشمیر میں دہشت گردی کے واقعات قابو میں آ چکے ہیں
آج یہاں اسکول، کالج، صنعتیں چل رہی ہیں، 2022 میں 1.88 کروڑ سیاحوں نے جموں و کشمیر کا دورہ کیا، جو کہ آزادی کے بعد سب سے بڑی تعداد ہے
جموں و کشمیر آنے والے سیاحوں کی اتنی بڑی تعداد سے خطے بالخصوص وادی میں ہوٹل کے کمروں کی تعداد اگلے پانچ سالوں میں تین گنا سے زیادہ ہو جائے گی
ڈی بی ٹی اسکیم کے تحت، پچھلے چار سالوں میں 23،000 کروڑ روپے براہ راست مستفیدین کے بینک کھاتوں میں منتقل کیے گئے ہیں، پہلے یہ رقم منظور ہوتی تھی لیکن بدعنوانی کی وجہ سے اسے ضائع کر دیا گیا تھا
جموں و کشمیر کے نوجوانوں سے تبدیلی میں شامل ہونے کی اپیل کرتے ہوئے مرکزی وزیر داخلہ کا کہنا ہے کہ ہاتھ میں ہتھیار نہیں لیپ ٹاپ لے کر جموں و کشمیر اور ملک کی ترقی میں شامل ہونے میں ہی مستقبل ہے
Posted On:
23 JUN 2023 8:57PM by PIB Delhi
مرکزی وزیر داخلہ اور وزیر تعاون جناب امت شاہ نے آج سری نگر میں تقریباً 586 کروڑ روپے کے 84 ترقیاتی منصوبوں کا افتتاح کیا اور سنگ بنیاد رکھا۔
اپنے خطاب میں جناب امت شاہ نے کہا کہ وزیر اعظم جناب نریندر مودی کی قیادت میں آج جموں و کشمیر کی ترقی کے سفر میں ایک نیا سنگ میل حاصل کیا گیا ہے۔ انہوں نے کہا کہ آج یہاں تقریباً 586 کروڑ روپے کے مختلف ترقیاتی کاموں کا سنگ بنیاد اور افتتاح کیا گیا ہے جس سے تقریباً 22 لاکھ لوگوں کو فائدہ پہنچے گا اور ان کی روزمرہ کی زندگی آسان ہو جائے گی۔ جناب شاہ نے کہا کہ جب کسی گھر میں پینے کا صاف پانی پہنچتا ہے تو اس سے نہ صرف اس عورت کی پریشانی دور ہوتی ہے جسے دور سے پانی لانا پڑتا ہے بلکہ پورے خاندان کی صحت میں بھی بہتری آتی ہے۔ اسی طرح 100 اسکولوں کو ملک کے دیگر حصوں کے برابر جدید بنایا جا رہا ہے تاکہ وادی کے بچے جدید تعلیم سے محروم نہ رہیں۔ انہوں نے کہا کہ وزیر اعظم جناب نریندر مودی نے جموں اور کشمیر کے لوگوں کو خاص طور پر وادی کے لوگوں کو خوشگوار زندگی کا حق دینے کے لیے جموں و کشمیر میں تبدیلیاں لانے کا فیصلہ کیا ہے۔
جناب امت شاہ نے کہا کہ وزیر اعظم جناب نریندر مودی کی قیادت والی حکومت جموں و کشمیر کے کسی بھی شہری کے 5 لاکھ روپے تک کے صحت کے اخراجات کا خیال رکھتی ہے۔ انہوں نے کہا کہ یہ اسکیم پورے ملک میں صرف غریبوں کے لیے لاگو کی گئی ہے لیکن جموں و کشمیر کے لیے وزیر اعظم مودی نے پردھان منتری آیوشمان بھارت یوجنا کو صحت سے جوڑ کر یو ٹی کے ہر شہری کا احاطہ کیا ہے۔ انہوں نے مزید کہا کہ گزشتہ 5 سالوں میں جناب مودی کی قیادت میں جموں و کشمیر میں نچلی سطح پر عوام پر مبنی طرز حکمرانی قائم کی گئی ہے۔
مرکزی وزیر داخلہ نے کہا کہ جموں و کشمیر میں پچھلی حکومتوں کے دور میں جمہوریت صرف 80 سے 85 افراد تک محدود تھی اور جمہوریت پر 3 خاندانوں نے قبضہ کر لیا تھا۔ انہوں نے کہا کہ ان لوگوں نے پنچایتی انتخابات نہیں ہونے دیے، پنچ-سرپنچ کا انتخاب نہیں ہونے دیا اور تحصیل اور ضلع پنچایتیں نہیں بننے دیں۔ جناب شاہ نے کہا کہ جموں و کشمیر میں جمہوریت ہے کیونکہ 35000 منتخب نمائندے اپنے گاؤں، تحصیل اور ضلع کے مستقبل کا خود فیصلہ کر رہے ہیں۔ انہوں نے کہا کہ آنے والے دنوں میں ایم پی، ایم ایل اے اور نئے لیڈر ان لوگوں سے ہی نکلیں گے۔ انہوں نے کہا کہ پی ایم مودی کی قیادت والی حکومت نے جموں و کشمیر میں پنچایتی راج کو نچلی سطح تک پہنچا کر جمہوریت کو فروغ دینے اور اسے مضبوط کرنے کا کام کیا ہے۔ جناب شاہ نے کہا کہ یہ جموں و کشمیر اب تین خاندانوں کی حکومت نہیں ہے۔ انہوں نے کہا کہ جناب مودی کی طرف سے جموں و کشمیر میں پنچایتی راج کا آغاز ہمیشہ کی حقیقت بن گیا ہے۔ انہوں نے کہا کہ یہ تبدیلی تب ہوتی ہے جب جمہوریت سے لگاؤ ہوتا ہے اور اسی لگاؤ کے ساتھ جناب مودی نے جموں و کشمیر میں تبدیلیاں لائی ہیں۔
جناب امت شاہ نے کہا کہ پڑوسی ملک کی طرف سے پتھراؤ، بند کے لیے بھڑکانے کے واقعات بہت کم ہوتے جا رہے ہیں اور جموں و کشمیر میں دہشت گردی کے واقعات قابو میں آ چکے ہیں۔ انہوں نے کہا کہ آج اسکول، کالج، صنعتیں چل رہی ہیں، 2022 میں 1.88 کروڑ سیاحوں نے جموں و کشمیر کا دورہ کیا، جو کہ آزادی کے بعد سب سے بڑی تعداد ہے۔ جناب شاہ نے کہا کہ جموں و کشمیر آنے والے سیاحوں کی اتنی بڑی تعداد کے ساتھ، اگلے 5 سالوں میں خطے، خاص طور پر وادی میں ہوٹل کے کمروں کی تعداد موجودہ سے تین گنا زیادہ ہو جائے گی۔ انہوں نے کہا کہ یہ تبدیلی تب ہوتی ہے جب تبدیلی لانے کی لگن ہو۔ اگر کوئی حکومت کرنے اور اقتدار کے مزے لینے آئے تو وہ کوئی تبدیلی نہیں لا سکتا۔ تبدیلی تب آتی ہے جب ذہن لوگوں کی خوشی، غم اور ترقی سے جڑا ہو۔
مرکزی وزیر داخلہ اور وزیر تعاون نے کہا کہ جموں و کشمیر میں لاکھوں شہریوں نے مختلف چھوٹی اسکیموں سے فائدہ اٹھایا ہے۔ انہوں نے کہا کہ وزیر اعظم جناب نریندر مودی جموں و کشمیر کے 12.45 لاکھ سے زیادہ کسانوں کے بینک کھاتوں میں ہر سال 6000 روپے فراہم کر رہے ہیں، تاکہ انہیں قرض لینے کی ضرورت نہ پڑے۔ جناب شاہ نے کہا کہ پردھان منتری فصل بیمہ یوجنا کے تحت جموں و کشمیر کے کسانوں کو تین سالوں میں 100 کروڑ روپے ملے ہیں۔ جل جیون مشن کے تحت 11.96 لاکھ سے زیادہ خاندانوں کو فلورائیڈ سے پاک نل کا پانی فراہم کرنے کا کام مکمل ہو چکا ہے۔ انہوں نے کہا کہ 13.80 لاکھ خاندان ایسے ہیں جن کے گھروں میں آزادی کے 70 سال بعد بھی بیت الخلا نہیں ہیں اور ان گھروں میں بیت الخلا کی تعمیر صرف 5 سال میں مکمل ہوئی۔ انہوں نے کہا کہ وزیر اعظم جناب نریندر مودی کی قیادت میں حکومت جموں و کشمیر کے 65.91 لاکھ سے زیادہ لوگوں کو ماہانہ 5 کلو چاول فی شخص مفت فراہم کر رہی ہے۔ حکومت نے تقریباً 1.86 لاکھ لوگوں کو مکانات بھی فراہم کیے ہیں۔ ڈی بی ٹی اسکیم کے تحت پچھلے چار سالوں میں 23,000 کروڑ روپے براہ راست مستفیدین کے بینک کھاتوں میں منتقل کیے گئے ہیں۔ انہوں نے کہا کہ پہلے رقم منظور ہوتی تھی لیکن یہ کبھی بھی ہدف شدہ مستحقین تک نہیں پہنچی۔ جناب شاہ نے کہا کہ عوام کو پوچھنا چاہیے کہ ان لوگوں نے باہر کے ممالک میں بڑے بڑے گھر کیسے بنائے ہیں، جہاں وہ 45 سے 60 دنوں تک گرمیوں کی چھٹیاں منانے جاتے ہیں۔ انہوں نے کہا کہ 23,000 کروڑ روپے، جو ڈی بی ٹی کے ذریعے مستفید ہونے والوں کے بینک کھاتوں میں براہ راست جمع کیے گئے ہیں، پہلے بدعنوانی کی وجہ سے ضائع کر دیے جاتے تھے، لیکن اب اسے کوئی چھو نہیں سکتا۔
جناب امت شاہ نے کہا کہ وزیر اعظم جناب نریندر مودی نے جموں و کشمیر کو ایمس، آئی آئی ایم، آئی آئی ٹی اور آئی آئی آئی ٹی دیے۔ انہوں نے کہا کہ حکومت ڈل جھیل کو ملک کا سب سے پر کشش سیاحتی مرکز بنانا چاہتی ہے جس کے لیے ابتدائی بنیادوں پر تقریباً 85 کروڑ روپے کی اسکیم بنائی گئی ہے۔ آنے والے دنوں میں ملک بھر سے بچے ڈل جھیل اور ٹیٹو گراؤنڈ کا دورہ کرنا چاہیں گے۔ انہوں نے کہا کہ اس سے جموں و کشمیر میں سیاحت کو تیزی سے بڑھانے میں مدد ملے گی۔ جناب شاہ نے کہا کہ سری نگر اسمارٹ سٹی لمیٹڈ کے تحت 345 کروڑ روپے کی لاگت سے ملٹی لیول پارکنگ، اسمارٹ لائٹنگ، انٹیگریٹڈ کمانڈ اور پارکوں کی ترقی سمیت کئی منصوبے شروع کیے گئے ہیں۔ کئی نئے میڈیکل کالج، ڈگری کالج اور نرسنگ کالج بھی کھولے گئے ہیں۔ انہوں نے کہا کہ حال ہی میں سرینگر میں جی-20 کانفرنس کا کامیابی سے انعقاد کیا گیا اور پر امن جموں و کشمیر کا پیغام پوری دنیا میں پہنچا۔ انہوں نے کہا کہ دنیا بھر سے سیاح اسی وقت خطے کا دورہ کریں گے جب جموں و کشمیر میں ہونے والی تبدیلیوں سے صحیح طریقے سے آگاہ کیا جائے گا اور اس مقصد کے لیے جی-20 ایک بہت بڑا پلیٹ فارم ہے۔
مرکزی وزیر داخلہ نے کہا کہ پنچایتی راج نظام کے تحت اب فنڈ براہ راست پنچایت کو جا رہے ہیں، جس نے انہیں اپنے گاؤں کی ترقی کا حق دیا ہے۔ انہوں نے کہا کہ جموں و کشمیر میں تبدیلی آ رہی ہے۔ جموں و کشمیر کے نوجوانوں سے تبدیلی میں شامل ہونے کی اپیل کرتے ہوئے مرکزی وزیر داخلہ نے کہا کہ ہاتھ میں ہتھیار نہیں لیپ ٹاپ لے کر جموں و کشمیر اور ملک کی ترقی میں شامل ہونے کا مستقبل ہے۔ پورا ملک اور دنیا خطے کے نوجوانوں کی طرف دیکھ رہی ہے۔ جموں و کشمیر خصوصاً وادی کے نوجوانوں کو آگے آنا چاہیے اور تبدیلی کے عمل کی قیادت کرنی چاہیے اور جموں و کشمیر کو نئے اہداف اور بلندی تک لے جانے کے لیے کام کرنا چاہیے۔ انہوں نے وادی کے نوجوانوں سے کہا کہ جو لوگ اپنے ہاتھ میں پتھر اور ہتھیار رکھتے ہیں وہ ان کے خیر خواہ نہیں ہیں۔ انہوں نے کہا کہ حکومت لیپ ٹاپ، بجلی، سڑکیں بنا کر، سیاحت کو فروغ دے کر ان کا مستقبل سنوارنے کی کوشش کر رہی ہے۔ جناب شاہ نے کہا کہ تبدیلی وقت کی ضرورت ہے اور وادی کے نوجوانوں کو اس کے ساتھ ہاتھ ملانا چاہیے۔ انہوں نے نوجوانوں سے کہا کہ تبدیلی ان کا انتظار کر رہی ہے، پورا ملک انہیں آگے لے جانے کے لیے تیار ہے، اور پوری دنیا کا بازار وادی کے نوجوانوں کے لیے کھلا ہے۔ انہوں نے کہا کہ وہ آگے آئیں اور تبدیلی سے الگ رہیں اور نئے کشمیر کی تعمیر کے لیے وزیر اعظم نریندر مودی کی قرارداد کو پورا کرنے کا عہد کریں۔ انہوں نے کہا کہ جو لوگ تبدیلی نہیں چاہتے وہ نوجوانوں کی فلاح و بہبود کے خلاف ہیں۔ دنیا آگے بڑھ چکی ہے اور اب وقت آگیا ہے کہ جموں و کشمیر قوم اور دنیا کو ساتھ لے کر چلیں۔
************
ش ح۔ ف ش ع- م ص
U: 6444
(Release ID: 1934925)
Visitor Counter : 156