“ইফেক্তিব দিজাস্তর রেস্পোন্স অমসুং মেনেজমেন্ত অসি খুশম্নদুনা তৌবা থবক্নি; খুৎশম্নদুনা লেং মান্ননা থবক তৌদুনা, ঐখোয়না হীত ৱেব অসিনা মরম ওইরগা অসি-অনা অমত্তা থোকহন্দবা ঙমগনি”।  হায়রিবা ৱাফম অসি কেন্দ্রগী হকশেল অমসুং য়াইফ-য়ুম্বাল মন্ত্রী, শ্রী মন্সুখ মান্দৱিয়ানা ঙসিহীত রিলেতেদ ইলনেস গ মেনেজমেন্তকীদমক্তা মীয়ামগী হকশেলগীদমক্তা লৌখৎলিবা চেকশিংন-থৌরাংশিং অদুবু য়েংশিন্নবা মীফম অমা পাংথোকখ্রে অমসুং রাজ্যগী হকশেল মন্ত্রীশিং, রাজ্যগী দিজাস্তর মেনেজমেন্ত মন্ত্রীশিং অমসুং প্রিন্সিপল সেক্রেতরীশিং/এদিস্নেল চীফ সেক্রেতরীশিং অমসুং য়াম্না শাথিবা হীত ৱেবকী ফিভমশিং মায়োক্নরিবা রাজ্য তরেত (উত্তর প্রেদেশ, বিহার, ওরিশা, ঝারখন্দ, অন্ধ্রা প্রদেশ, ছত্তিসগর অমসুং তেলঙ্গনা)গী ইনফোর্মেশন কমিস্নরশিংগা ভর্চুৱল ওইনা ৱারি ৱাতাই শানখি। কেন্দ্রগী য়ুমলৈ-কৈরৈগী রাজ্য মন্ত্রী, শ্রী নিত্যানন্দা রাইনা মীফম অদুদা শরুক য়াখি , অদুগা কেন্দ্রগী হকশেল অমসুং য়াইফ-য়ুম্বালগী রাজ্য মন্ত্রী, দা. ভার্তি প্রিবিন পৱার অমসুং  পরওফেসর এস.পি. বাঘেল অমসুং নিতি আয়োগকী মেম্বর (হেল্থ), দা. ভি.কে. পোলনা ভর্চুৱল মোদতা শরুক য়াখি।

অৱাংবা থাক্কী রিভ্যু মীতিং অদুদা য়াওখিবা রাজ্যগী মন্ত্রীশিং অদুদা দিজাস্তর মেনেজমেন্তকী মন্ত্রী (বিহার),  শ্রী শাহনৱাজ, হেল্থ অমসুং দিজাস্তর মেনেজমেন্ত মন্ত্রী (ঝারখন্দ), শ্রী বন্না গুপ্তা, রেভেন্যু অমসুং দিজাস্তর মেনেজমেন্ত মন্ত্রী (ওরিশা), শ্রীমতি প্রমিলা মালিক, হকশেল মন্ত্রী (তেলঙ্গনা), শ্রী হরিশ রাও, দিজাস্তর মেনেজমেন্ত মন্ত্রী (উত্তর প্রেদেশ), শ্রী অনুপ ভালমিকি, হকশেলগী রাজ্য মন্ত্রী (উত্তর প্রেদেশ), শ্রী মায়ানেশ্বর সিংশু য়াওখি। রাজ্যগী হেল্থ অমসুং দিজাস্তর মেনেজমেন্ত মন্ত্রীনা কেন্দ্রগী হকশেল মন্ত্রী মতম চানা রিভ্যু মীতিং পাংথোকপগীদমক্তা অমসুং রাজ্যশিং মহাক্কী সপোর্ত লেপ্তনা পীবগীদমক্তা থাগৎপা ফোংদোকখি।

দা. মান্দৱিয়ানা হায়খি মদুদি “ভারতনা হন্দক্কী সাইক্লোন বিপর্জোয়গীদমক্তা লৌখৎখিবা চাকশিন-থৌরাংশিংগী পাংম্বৈশিং অদুনা উত্থোকখ্রে মদুদি কেন্দ্র অমসুং রাজ্যশিংগী মরক্তা মতম চানা অমসুং খ্বাইদগী হেন্না ফবা মওংদা খুৎশম্নদুনা থবক তৌবনা অপাম্বা ফল পুরকপা ঙমগনি হায়বসি ময়েক শেংনা উৎখি”। “রাজ্যশিংনা আইদিয়াশিং, এক্সপর্তিজশিং অমসুং খ্বাইদগী হেন্না ফবা প্রক্তিসশিং শিয়র তৌদুনা হীত রিলেতেদ ইলনেস  অদুবু নিংথিজনআ য়েংশিনবদা মীপুম খুদিংমকপু মতেং পাংগনি” হায়না মহাক্না মখা তারকখি। মহাক্না রাজ্যশিংদা মীয়ামদা মতম চানা চেকশিংন-থৌরাং লৌখৎনবা খঙহল্লদুনা গ্রাউন্দ লেভেলশিংদা স্তেত এক্সন প্লানশিং পাইখৎনবা অমসুং হীতৱেবশিং অসিগী শঅফু অদুবু হন্থহন্নবা ঙাকথোক্নবগী চাএকশিং-থৌরাংশিং লৌখৎনবা রাজ্যশিংদা খঙহনখ্রে। কেন্দ্রগী হকশেল মন্ত্রীনা নেস্নেল এক্সন প্লানদা য়ুমফম ওইরগা হৌজিক ফাওবা হেল্থ এক্সন প্লানশিং লৌখৎত্রিবা রাজ্যশিংদা অখন্না ফীল্দ লেভেল এক্সনশিংগী মতাংদা খঙহন্দুনা য়াম্না থুনমক পাইখৎনবা অমসুং হায়রিবশিং অসিবু শোইহন্দনা থবক ওইনা পাইখৎনবা খঙহনখ্রে।  

দা. মান্দৱিয়ানা হায়খি মদুদি আই.এম.দি.দগী হীত এলর্ত অমসুং ফোরকাস্তশিং অসি কেন্দ্রগী হকশেল মন্ত্রালয়না নুমিৎ খুদিংগী এম্প্লিফাই তৌখ্রে অমসুং রাজ্য খুদিংমক্তা শিয়র তৌখি। মহাক্না রাজ্যশিংদা স্তেত ওফিসিয়েলশিং, মেদিকেল ওফিসরশিং অমসুং হেল্থ ৱার্করশিংগীদমক্তা হীত অমসুং হেল্থকী মতাংদা ত্রেনিং মেন্যুৱেলশিং দেবেলপ তৌনবা হায়খি। “রাজ্যগী থাক্তা লৈবা ত্রেনরশিংনা মখোয়গী ত্রেনিংশিং অদুবু ফীল্দগী থাক্তা লৈহনবা হায়বসি য়াম্না তঙাইফদে। কেন্দ্রগী হকশেল মন্ত্রালয়না পীবা ত্রেনিং মংন্যুৱলশিং শিজিন্নদুনা য়াম্না ঙন্না খঙদোকপা অমসুং মেনেজমেন্ত তৌবদা মিৎয়েং থমদুনা মেদিকেল ওফিসরশিং, হেল্থ স্তাফকী কেপাসিতী বিল্দিং তৌবা অমসুং মৈশাগী অনাবশিংগী মতাংদা গ্রাসরুত লেভেলদা লৈবা ৱার্করশিংবু সেন্সিতাইজ তৌবা হায়বসি য়াম্না মরু ওই”, হায়না মহাক্না হায়খি।  রাজ্যশিংদা ইলেক্ত্রিসিতী সপ্লাই লেপ্তনা ফংহন্দুনা হেল্থ ফেসিলিতীশিং থাক্তা য়াম্না কল্লবা মৈশাদগী খাংবা ঙম্বগী পাঙ্গল হেনগৎহনবা; সোলর পেনেলশিং আপ্পা অমসুং অহিংবা /অশংবা য়ুমথক কুপ্পা, থোংনাও মচু শংবা, মমহনবা অসিনচিংবশিং অসি তৌদুনা য়ুম মনুংদা মৈশা ন্থহন্নবা পাম্বৈশিং লৌখৎনবা হায়খি।

গ্রাউন্দদগী চপ চাবা তাং অদু ৱাৎপা অদু পল্লদুনা, শ্রী নিত্যানন্দা রায়না রাজ্যশিংদা লৈরিবা ফিভম অদুগী তশেংবা সেসমেন্ত তৌনবা শিকীবশিং অমসুং কেসশিংগী মতাংদা য়াওনা হীতৱেবশিংগী মতাংদা ফীল্দ লেভেল দেতা শিয়র তোনবা রাজ্যশিংদা খঙহনখ্রে। মহাক্না রাজ্যশিংদা আই.এম.দি. এলর্তশিং হেক ফংবগা য়াম্না থুনা মতম চানা থবক পাইখৎপগী মরু ওইবা অদুবুশু পনখি। “ঙাকশেন্নবগী পাম্বৈশিংগী মতাংদা মীশিংগী মরক্তা মতম চানা, মাজৌননা অমসুং পাক-শন্না এৱেয়রনেস পীবনা অসিগুম্বা হীতৱেবশিংগী শাথিবা শাফু হন্থহনবদা য়াম্না চাউনা মতেং পাংগনি”, হায়না মহাক্না খঙহনখি।

এম.ও.এস. (ঐচ.এফ.দবল্যু.), দা. ভারতি প্রবিন পৱারনা রাজ্যশিংদা মীয়ামগী মরক্তা ই-পাউ অমসুং এৱেয়রনেস কেমপেনশিং হেনগৎহন্নবা তকশিখ্রে। মহাক্না রাজ্যশিদা হীত ৱেবশিং অসিনা শোকহনবশিং অদুবু য়েংশিন্নবগিদমক্তা স্তেত এক্সন প্লানশিংগী ফীল্দগী থাক্তা থবক পাইখৎপা অদুবু য়াংখৎহন্বা তাকশিনখ্রে।

এম.ও.এস. (ঐচ.এফ.দবল্যু.), প্রেওফেসর এস. পি. বাঘেলনশু হীতৱেবশিংগী ফিভমগী মতাংদা রেগুলর এদভাইজরিশিং শিয়র তৌবগী মতাংদা মরু ওইনা পনখি।

হকশেল মন্ত্রালয়গী ওফিসিয়েলশিংনা অপুনবা ইমর্জেন্সী ও.পি.দি., চিংনবা অমসুং কনফর্ম তৌরবা হীস্ত্রোক কেসশিং অমসুং শীখিবশিংগী ত্রাজেক্তরোরী পুম্নমক কোভর তৌদুনা ভারত্তা হীতস্ত্রোক্কা মরি লৈনবা কেসশিং অমসুং শিখিবশিং পুম্নমক অমসুং শোকহল্লবা রাজ্য তরেত্তা হীত রিলেতেদ ইলনেস গী ফিভম অদুবু য়াম্না কুপ্থনা য়েংশিনবা অমসুং নৈনখি; অমসুং ইন্তিগ্রেতেদ হেল্থ ইনফোর্মেশন প্লেতফোর্ম (আই.ঐচ.আই.পি.) পোর্তলগী মতুং ইন্না মখোয়গী রিপোর্তিং তৌবা। জুলাই ২০২২১দা মৈশাগী মরি লৈনবা অনাবশিংগী মতাংদা নেস্নেল এক্সন প্লান্না ফোংখিবা অদুদা হীত ৱেবনা থৌকহনবা শিংনবশিং, হীত রিলেতেদ ইলনেস  অমসুং প্রিআমরী অমসুং তর্সরীগী থাক্তা মখোয়গী মেনেজমেন্তকী মতাংদা পনখি; হীত স্ত্রোওক কেসশিং অমসুং শিখিবশিংগী সর্ভীলেন্সকীদমক্তা এস.ও.পি.শিং; অমসুং খুদোংথিনিংঙাই ওইরবা মফমশিংদা হীত রিলেতেদ ইলনেস (ঐচ.আর.আই.)গী মতাংদা অখন্না মিৎয়েং থমদুনা কালেন পন্থাগী মমাংদা অমসুং মনুংদা চেকশিং-থৌরাংশিং।

রাজ্যশিংদা কেন্দ্রগী হকশেল মন্ত্রালয়না থোকপা এদভাইজরী অনিবুশু নিশিংহনখি। অহানবা অদু ২০২৩গী ফেব্রৱারী ২৮দা থোকখি, মসিদা কেন্দ্রগী হেল্থ সেক্রেতরীনা হীত ইমপেক্ত অমসুং কেসেশিংগী মেনেজমেন্ত অদু য়েংশিন্নবা হেল্থ ফেসিলিতীশিংগী নিংথিনা চেকশিন-থৌরাংশিং লৌখৎনবগীদমক্তা হীত রিলেতেদ ইলনেসকী মতাংদা নেস্নেল এক্সন প্লানগী মতুং ইন্না থবক তৌনবা চীফ সেক্রেতরীশিংদা হায়জখি। রাজ্যশিংদা তঙাইফদনা চংবা হিদাক-লাংথকশিং, ইন্ত্রাভেনস ফ্লুইদশিং, আইস-পেকশিং, ও.আর.এস., থক্নবা ঈশিং লোইন-লোইননা মীয়ামগীদম্তা আই.ই.সি. এক্তিবিতীগী মতাংদা হেল্থ ফেসিলিতীশিংনা লৌখৎলিবা চেকশিং-থৌরাংশিং অদুবুশু য়েংশিন্নবা খঙহল্লকখি। অনিশুবা এদভাইজরী অদু মীয়াম অমসুং  খুদোংথিনিংঙাই ওইরবা মীশিংনা ইনগদবা দুস এনদ দোনস হায়বদি তৌগদবা অমসুং তৌরোইদবশিং অদুগী মতাংদা পাক শন্না এৱেয়রনেসকী মওংদা কেন্দ্র হকশেল মন্ত্রালয়না থোকখি। রাজ্যশিংদা মসিবু তেমপ্লেত অমা ওইনা শিজিন্নদুনা অমসুং রিজনেলগী ওইবা লোলশিংদা হন্দোকপা অমসুং ৱার্কপ্লেস প্রিপেবর্দনেস গাইদেন্সকীদমক্তা এমপ্লয়রশিংগীদমক্তা এন.সি.পি.সি.সি.ঐচ.ঐচ. এদভাইজরী ঙাক্না চৎনবা খঙহনখ্রে

কেন্দ্রগী হেল্থ সেক্রেতরী, শ্রী রাজেশ ভুশন, ওফিসর ওন স্পেসিয়েল দ্যুতী (হকশেল মন্ত্রালয়), শ্রী সুধান্স পন্ত, আই.সি.এম.আর.গী দি.জি., দা. রাজিৱ বাহল, এ.এস. (হকশেল মন্ত্রালয়), শ্রী লৱ আগরৱাল, হেল্থ সর্বিসেসকী দাইরেক্তর জেনেরেল, দা. অতুল গোএল, আই.এম.দি.গী দি.জি. দা. মৃত্যুঞ্জয় মোহাপাত্রা, এ.আই.আই.এম.এস., নই দিল্লীগী দাইরেক্তর, দা. এম. স্রিনিৱাস অমসুং হকশেল মন্ত্রালয়গী সেনিয়র ওফিসিয়েলশিংনা মীফম অদুদা শরুক য়াখি।

 ****