بحریہ کی مشرقی کمان ( ای این سی )  نے  21 جون ، 2023   کو یوگا کے  بین الاقوامی دن کو منانے کے لیے تمام اسٹیشنوں، یونٹس اور جہازوں پر یوگا کے اجلاسوں کا اہتمام کیا۔ اس تقریب میں بحریہ کے  13,000 سے زیادہ  اہلکاروں، ڈیفنس سیکیورٹی کور، ڈیفنس  کے سویلینز اور ان کے خاندان کے افراد نے شرکت کی۔      بحریہ کے مشرقی کمان کے جہازوں  پر ، جو   مشرقی ساحل پر سمندر اور مختلف  بندر گاہوں  پر تعینات ہیں ، یوگا کا اہتمام کیا گیا ۔ یوگا اجلاسوں  میں عام یوگا پروٹوکول  پر عمل درآمد کیا گیا ، جیسا کہ حکومت ہند کی آیوش کی وزارت نے آئی ڈی وائی 2023 کے موضوع – ’’ انسانیت کے لیے یوگا ‘‘ پر توجہ مرکوز کرتے ہوئے تشخیص کیا تھا ۔

اپنی معمول کی تعیناتی کے حصے کے طور پر مختلف ممالک کا دورہ کرنے والے مشرقی  بیڑے کے بحری جہازوں نے یوگا کے فوائد اور صحت مند طرز زندگی کو فروغ دینے کے لیے غیر ملکی بندرگاہوں میں یوگا  اجلاسوں کا انعقاد کیا۔ جکارتہ، انڈونیشیا میں آئی این ایس شیوالک، بنگلہ دیش کے چٹوگرام میں آئی این ایس کلتان اور پوکیٹ ، تھائی لینڈ میں آئی این ایس سمترا نے مقامی کمیونٹیز میں یوگا اور اس کے فوائد کے بارے میں بیداری  پیدا کی ۔

وشاکھاپٹنم  میں بحریہ کے اہلکاروں ، ان کے اہل خانہ اور اسکول کے بچوں نے نیول ڈاکیارڈ، کیندریہ ودیالیہ، ملکاپورم اور تمام رہائشی علاقوں میں یوگا کیا، جس میں ایشا فاؤنڈیشن کی طرف سے ہاتھا یوگا  بھی شامل  ہے ۔

بھیمونی پٹنم میں، کلنگا بیچ کے  کیندریہ ودیالیہ اور نیول کے جی اسکول میں یوگا سیشن کا انعقاد کیا گیا۔ شرکاء نے بھارتی ترنگے والی تھیم میں ملبوس یوگا کو بھارت کے ثقافتی ورثے کے ایک اہم عنصر کے طور پر ظاہر کیا۔ بچوں کے اسپورتھی یتیم خانہ ، بزرگ شہریوں کے لیے گولڈج ہوم اور وشاکھاپٹنم میں خصوصی بچوں کے لیے ایک اسکول میں بھی یوگا کیمپ منعقد کیے گئے۔

تمل ناڈو اور پڈوچیری نیول ایریا کے ساتھ آئی این ایس کٹابومن نے تمام بحری جہازوں اور یونٹوں کی فعال شرکت کا مشاہدہ کیا۔ روزمرہ کی زندگی میں یوگا کی اہمیت پر زور دینے کے لیے بینرز، پوسٹرز اور یوگا چارٹ آویزاں کیے گئے ۔ چنئی میں ہونے والے اس پروگرام کا انعقاد معروف یوگا اور فلاح و بہبود کے تربیتی ادارے یوگا درشینی نے کیا تھا اور اس میں بحریہ اور سی آئی ایس ایف کے اہلکاروں نے اپنے اہل خانہ کے ساتھ شرکت کی ۔ کٹابومن میں بڑے پیمانے پر یوگا کے علاوہ امبر ٹاور پر 450 میٹر کی بلندی پر آسن اور پرانایام بھی کیے گئے۔ اس کے علاوہ، یوگا سے متعلق پروموشنل سرگرمیاں جیسے کوئز، پوسٹر مقابلے اور سوال و جواب کے سیشنز بھی بحری یونٹوں اور اسکولوں میں منعقد کیے گئے۔

۔۔۔۔۔۔۔۔۔۔۔۔۔۔۔ ۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔

( ش ح ۔ و ا ۔ ع ا ) 

U. No. 6338

(Release ID: 1934208)