য়ুমলৈ-কৈরৈ মন্ত্রালয়
য়ুনিয়ন হোম অমসুং কোওপরেশন মিনিস্তর, শ্রী অমিত শাহনা ঙসি গুজরাতকী এহ্মদবাদতা সি.আর.ই.দি.এ.আই. গার্দেন-পীপলস পার্ক শঙ্গাখ্রে
জগন্নাথ রথ য়াত্রাগী শেংলবা থৌদোক অসিদা, শ্রী অমিত শাহনা এহ্মদবাদকী জগন্নাথ তেমপলদা মঙ্গলা আর্তিদা শরুক য়াখি অমসুং মহাপ্রভুগী থৌজাল ফংখি
শ্রী জগন্নাথ য়াত্রা অসি থাজবা অমসুং লাইনিংগী ওইবা শেংলবা মীতিন অমনি, চহি খুদিংগী, মফম অসিদা দর্শন ফংজবগী এক্সপরিয়েন্স অসি য়াম্না শেংবা অমসুং নিংশিংনিংঙাই ওই, মহাপ্রভুনা মীপুম খুদিংমকপু থৌজানবীবা ওইসনু- য়ুনিয়ন হোম মিনিস্তর
প্রধান মন্ত্রী, শ্রী নরেন্দ্র মোদীনা মালেম শিনবা থুংনা ভারতকী কলচর, ত্রেদিশন অমসুং হেরিতেজবু ৱাংনা থাংগৎখ্রে
প্রধান মন্ত্রী, শ্রী নরেন্দ্র মোদীনা য়োগগী নুমিৎ অসিবু গ্লোবল প্লেতফোর্মদগী মীয়ামগী ইহৌ অমা ওইনা ওন্থোকখ্রে, ঙসিদি য়োগগী নুমিৎ অসিবু মালেম পুম্বনা য়াখ্রে, য়োগগী নুমিৎ অসিদা লৈবাক ১৭০দা থৌরম কয়া অমা শিনখ্রে
প্রধান মন্ত্রী, শ্রী নরেন্দ্র মোদীনা, লৈবাক অসিগী মীপুম খুদিংমকপু অমত্তা ওইনা পুনশিন্দুনা, য়াম্না তেনবা মতমগী মনুংদা লৈবাক অসিদা মাইকৈ খুদিংমক্তা য়াম্না শিংথানিংঙাই ওইবা মওংদা অহোংবা অমা পুরকখ্রে, হায়রিবা অসি ঙসি লৈবাক অসিগী নাগ্রিক খুদিংমক্না উবা ফংলি
সি.আর.ই.দি.এ.আই.না ইনফ্রাস্ত্রকচর শেমগৎপদা, নহারোলশিংগী স
Posted On:
20 JUN 2023 4:59PM by PIB Imphal
জগন্নাথ রথ য়াত্রাগী শেংলবা থৌদোক অসিদা, য়ুনিয়ন হোম অমসুং কোওপরেশনগী মিনিস্তর, শ্রী অমিত শাহনা ঙসি এহ্মদবাদকী জগন্নাথ তেমপলদা মঙ্গলা আর্তিদা শরুক য়াখি অমসুং মহাপ্রভুগী থৌজাল ফংখি। মহাক্কী ত্বীত্তা, য়ুনিয়ন হোম অমসুং কোওপরেশন মিনিস্তরনা হায়খি মদুদি শ্রী জগন্নাথ য়াত্রা অসি থাজবা অমসুং লাইনিংগী ওইবা শেংলবা মীতিন অমনি। চহি খুদিংগী, মফম অসিদা দর্শন ফংজবগী এক্সপরিয়েন্স অসি য়াম্না শেংলবা অমসুং নিংশিংনিংঙাই ওই। মহাপ্রভুনা মীপুম খুদিংমকপু থৌজানবীবা ওইসনু। জয় জগন্নাথ
![https://static.pib.gov.in/WriteReadData/userfiles/image/image001W01I.jpg](https://static.pib.gov.in/WriteReadData/userfiles/image/image001JDSG.jpg)
শ্রী অমিত শাহনা ঙসি এহ্মদবাদতা চাউখৎ-থৌরাংগী ওইবা থবক কয়ামরুম অমা শঙ্গাখি অমসুং ভুমিপুজন পাংথোকখি। য়ুনিয়ন হোম অমসুং কোওপরেশন মন্ত্রীনা ন্যু রানিপতা এহ্মদবাদ মুনিসিপাল কোর্পোরেশন (এ.এম.সি.)না নৌনা শাবা পার্ক, এ.এম.সি.না লুপা করোর ৬৭ চংনা নৌনা শাবা জগতপুর রেলৱে ফ্লাইওভর অমসুং চান্দলোদিয়াদা রেলৱেজ অমসুং সি.আর.ই.দি.এ.আই. গার্দেনদা পীপলস পার্ক শঙ্গাখ্রে শঙ্গাখ্রে। শ্রী শাহনা বাৱলাদা ত্রিমুর্তি হোসপিতালগী ভুমিপুজনশু পাংথোকখি।
![https://static.pib.gov.in/WriteReadData/userfiles/image/image002CSDL.jpg](https://static.pib.gov.in/WriteReadData/userfiles/image/image002SL75.jpg)
সি.আর.ই.দি.এ.আই. গার্দেন-পীপলস পার্ক শঙ্গারদুনা, য়ুনিয়ন হোম অমসুং কোওপরেশন মিনিস্তরনা হায়খি মদুদি সি.আর.ই.দি.এ.আই.না চাউরাক্না লুপা করোর ২.৫ রোম চংনা স্ক্ব্যার মিতর ১২,০০০ পীপলস পার্ক শাখি। সি.আর.ই.দি.এ.আই.না মহৌশাগী ওইবা অকোইবদা লৈরিবা ফিভমগা লোইন-লোইননা মিদল ক্লাস, অপ্পর মিদল ক্লাস অমসুং লাইরবা অঙাংশিংগী য়েংলগা য়াম্না ফজরবা মফম অসিবু শাখিবনি হায়না মহাক্না হায়খি। ঙসিদি, হেনগৎলক্লিবা অর্বানাইজেশন অসিগী মরক অসিদা, গার্দেন অসি মীচম প্রজাশিংগীদমক্তদি য়াম্না ফবা অমসুং য়াম্না নুংঙাইবা মফম্নি।
![https://static.pib.gov.in/WriteReadData/userfiles/image/image0031SVC.jpg](https://static.pib.gov.in/WriteReadData/userfiles/image/image003RBKL.jpg)
য়ুনিয়ন হোম অমসুং কোওপরেশন মিনিস্তরনা হায়খি মদুদি প্রধান মন্ত্রী, শ্রী নরেন্দ্র মোদীনা মালেম শিনবা থুংনা ভারতকী কলচর, ত্রেদিশন অমসুং হেরিতেজবু ৱাংনা থাংগৎখ্রে অমসুং য়োগনা মদুগী খুদম্নি। মহাক্না হায়খি মদুদি প্রধান মন্ত্রী, শ্রী নরেন্দ্র মোদীনা য়োগগী নুমিৎ অসিবু গ্লোবল প্লেতফোর্মদগী মীয়ামগী ইহৌ অমা ওইনা ওন্থোকখ্রে। য়োগগী নুমিৎ অসিদা লৈবাক ১৭০দা থৌরম কয়া অমা শিনখ্রে। অসুম্না থবক তৌবগা লোইননা, প্রধান মন্ত্রী, শ্রী নরেন্দ্র মোদীনা ভারতকী কলচরবু মালেম অসিগী কাচিন-কোয়াদা য়ৌহনখি। শ্রী শাহনা হায়খি মদুদি প্রধান মন্ত্রী, শ্রী নরেন্দ্র মোদীনা জুন ২১দা য়ুনাইতেদ নেসন্স (য়ু.এন.)দা য়োগগী নুমিৎ সেলেব্রেত তৌবা মালেম অসিগী খ্বাইদগী অহানবা লৈবাক অমগী লুচিংবা অমা ওইরগনি। মআক্না হায়খি মদুদি হিদাক-লাংথক য়াওদনা পুন্সি হিংবগী অরোনবা অসিয়োগ শাস্ত্রদা ঐখোয়গী রিশি মুনিশিংনা তাক্লম্মি। প্রধান মন্ত্রী, শ্রী নরেন্দ্র মোদীনা মসিগী অরোনবা অসিবু মীয়ামগী ওইবআ ইহৌ অমা ওইহল্লে অমসুং অঙাংশিং অমসুং তীনেজরশিংয়াওনা মীপুম খুদিংমকপু য়োগগা লোইননা কেনেক্ত তৌনবা কেমপেন হৌখি। ২০১৪দগী চত্থরক্লিবা কেমপেন অসিনা মরম ওইরগা চহি ১০-১৫গী মনুংদা মীশিংগী পুন্সিদা য়াম্না চাউনা অহোংবা কয়া লাক্লগনি।
![https://static.pib.gov.in/WriteReadData/userfiles/image/image004EMR7.jpg](https://static.pib.gov.in/WriteReadData/userfiles/image/image004UNWJ.jpg)
শ্রী অমিত শাহনা হায়খি মদুদি প্রধান মন্ত্রী, শ্রী নরেন্দ্র মোদীনা লৈবাক অসিদা লৈরিবা মীপুম খুদিংমক্কী পুন্সিবু ৱাংনা থাংগৎলকখ্রে। ভারতকী মীয়াম্না শ্রী নরেন্দ্র মোদীবু য়াম্না চাউবা আশাগা লোইননা ২০১৪দা মপুং ফানা মেজোরিতী ওইবগা লোইননা লৈবাক অসিগী প্রধান মন্ত্রী ওইহনখি।মতম অদুদা লৈবাক অসিগী মীয়াম্না তোঙান-তোঙানবা লম কয়া অমদা খুদম ওইনা সেক্যুরিতী, ইকোনোমী, এজুকেশন, পব্লিক ৱেলফিয়র, রিসর্চ অমসুং দেবেলপমেন্ত, স্কিল দেবেলপমেন্ততা অহোংবা অমা পুরকপগী তঙাইফদবা অদু ফাওবা হৌরকখি। শ্রী শাহনা হায়খি, প্রধান মন্ত্রী, শ্রী নরেন্দ্র মোদীনা, লৈবাক অসিগী মীপুম খুদিংমকপু অমত্তা ওইনা পুনশিন্দুনা, য়াম্না তেনবা মতমগী মনুংদা লৈবাক অসিদা মাইকৈ খুদিংমক্তা য়াম্না শিংথানিংঙাই ওইবা মওংদা অহোংবা অমা পুরকখ্রে, হায়রিবা অসি ঙসি লৈবাক অসিগী নাগ্রিক খুদিংমক্না উবা ফংলি। মরম অসিননি ২০২৩গী এপ্রিল ১০দা কিবিথু কৌবা অরুনাচল প্রদেশকী ঙমখৈদা লৈবা খুঙ্গং অমদা ‘ভাইব্রেন্ত ভিলেজ প্রোগ্রাম’ হৌদোকপদা, মীয়াম্না প্রধান মন্ত্রী, শ্রী নরেন্দ্র মোদীবু সীলেন্দরশিং, ইলেক্ত্রিসিতী, তোইলেতশিং, হেল্থ ফেসিলিতীশিং অমসুং য়ুমথোং খুদিংগী থা খুদিংগী চেং-হৱাই কিলো ৫ পীবগীদমক্তা থাগৎপা ফোংদোকখি।
![https://static.pib.gov.in/WriteReadData/userfiles/image/image005D7GE.jpg](https://static.pib.gov.in/WriteReadData/userfiles/image/image005L4ON.jpg)
শ্রী অমিত শাহনা হায়খি মদুদি সি.আর.ই.দি.এ.আই.না ইনফ্রাস্ত্রকচর শেমগৎপদা, নহারোলশিংগী স্কিল দেবেলপমেন্ততা অমসুং সোসিয়েল রিফোর্মদা য়াম্না শিংথংনিংঙাই ওইবা মওংদা থবক তৌরি, মসিনা মখোয়বু ইনস্তিত্যুশন অমা ওইবগী ক্রেদিবিলিতী হেনগৎহল্লে। মহাক্না হায়খি মদুদি সি.আর.ই.দি.এ.আই.না পীপলস পার্ক শেম্বদা নত্তনা কোরপোরেত সোসিয়েল রেসপোন্সিবিলিতী (সি.এস.আর.) ফন্দগী মখাদা অঙাংশিংগীদমক্তা অঙ্গনৱাদি ৭৫দা স্পোর্তস ফেসিলিতীশিং পীনবগী অনৌবা থৌরাংশু লৌখৎখি, হায়রিবা অসিনা মীপুম কয়া অমগীদমক্তা পুক্নিং থৌগৎনিংঙাই ওইখি। মসিনা অঙাংশিংগী মরক্তা শান্ন-খোৎনবগী হেবিত অমা লৈহল্লগনি, মখোয়গী সেল্ফ-কনফিদেন্স হেনগৎহল্লগনি অমসুং মখোয়গী ৱাখলদা লৈরিবা ইনফেরিয়োরিতী কমপ্লেক্স অদুবুশু লৌথোক্লগনি। শ্রী শাহনা গুজরাত সরকার অমসুং মুনিসিপাল কোর্পোরেশনবু গান্ধিনাগরদা থবক কয়ামরুম অমা লোইশিনবগীদমক্তা থাগৎপা ফোংদোকখি। মহাক্না হায়খি মদুদি হৌখিবা চহি মরি অসিদা মীয়ামগা খুৎশম্নদুনা গান্ধিনাগরদা চাউরাক্না উপাম্বি লাখ ৫.৪২ রোম থাখি। শ্রী শাহনা এহ্মদবাদপু হেন্না শংহন্নবগী কেমপেন অদুবু মখাতানা শৌগৎনবা সি.আর.ই.দি.এ.আই.গী মেম্বর খুদিংমক্তা অমমম্না অনৌবা উপাম্বি ২৫ থানবগী ৱাশক লৌনবা হায়না হায়খি।
![https://static.pib.gov.in/WriteReadData/userfiles/image/image006DIKN.jpg](https://static.pib.gov.in/WriteReadData/userfiles/image/image006PGZM.jpg)
*******
(Release ID: 1933980)
Visitor Counter : 104