জুন ২১, ২০২৩ দা কলচর মিনিস্ত্রিনা মালেমগী য়োগ নুমিৎ পাংথোক্কনি। মিনিস্ত্রিগী মখাদা লৈবা ওর্গনাইজেসনশিং, এত্তেচ ওফিসশিং, সর্বোদিনেত ওফিসশিং অমসুং ওতোনোমস বোদিশিং অয়াবা পীরবা চপ মান্নবা চৎন-কাংলোন ঙাক্তুনা মালেমগী য়োগ নুমিৎ পাংথোক্নবা মিনিস্ত্রিনা পাউতাক পীখ্রে। মীয়াম পাক-শন্না শরুক য়াবা ঙম্নবা এ.এস.আইগী সর্কল ওফিসশিংগী মতেংগা লোয়ননা মশক নাইবা মফমশিংদা মালেমগী য়োগ নুমিৎ পাংথোক্নবা থৌরাং তৌরে। নিউ দিল্লিগী পুরানা কিলাদা পাংথোক্কদবা থৌরমদা কলচরগী রাজ্য মন্ত্রী শ্রীমতি মীনাক্সি লেখি শরুক য়াগনি। মালেমগী য়োগ নুমিৎকী থৌরমশিংদা কলচর মিনিস্ত্রিগী স্তাফ অমসুং ওফিসিএলশিং অমসুং দিল্লিদা লৈবা কলচর মিনিস্ত্রিগী অতোপ্পা লুপশিং শরুক য়াগনি।

পঞ্জাব, জলান্ধরগী নুরমহল সারাইদা পাংথোক্কদবা মালেমগী য়োগ নুমিৎ থৌরমদা কলচরগী রাজ্য মন্ত্রী শ্রী অর্জুন রাম মেঘৱালনা চীফ গেস্ত ওইনা শরুক য়াগনি। কলচর মিনিস্ত্রিগী লুপশিংনা মখোয় মখোয়গী হেদক্বাতরশিংদা কলচরগী থৌরমশিং পাংথোক্কনি। মালেমগী য়োগ নুমিৎ মাইপাক্নবা অমসুং মীপুম খুদিংমক হকচাং ফহন্নবা অমসুং মীওই খুদিংমক হকশেলগী খুদোংচাবশিং ফংহন্নবা অমসুং হকশেল অমসুং নুংঙাই-য়াইফবগী স্তেনেবল দিবলপমেন্ত গোল ফংনবা ভারতনা পায়খৎলিবা থবকশিং মালেমগী উৎনবা কলচর মিনিস্ত্রিনা থবক পায়খৎলে।

****