মিনিস্ত্রী ওফ স্কিল দিবলপমেন্ত & ওন্ত্রেপ্রিন্যুরশিপ (এম.এস.দি.ই.)না ওতোমোতিব সেক্তর দিবলপমেন্ত কাউন্সিল (এ.এস.দি.সি.), জি.আই.জেদ.-আই.জি.ভি.ই.তি. অমসুং মহারাস্ত্র স্তেত স্কিল দিবলপমেন্ত মিসন (এম.এস.এস.দি.এস.)গী তেংবাংগা লোয়ননা পায়খৎপা ক্লস্তর-বেজ ত্রেনিং ওফ ত্রেনর্স (তি.ও.তি.) প্রোজেক্তকী খুত্থাংদা অৱাংবা থাক্কী স্কিল লৈবা ত্রেনরশিংগী পুল অমা শেমগৎনবা মসিনা থমখিবা ৱাফম থবক ওইনা উৎথোক্লে। ২০২৩গী জুন ১০দা পুনেদা এ.এস.দি.সি.না পাংথোকপা কনভোকেসন সেরেমোনী অমগী খুত্থাংদা অরোইবা বেতচ ৪গী ত্রেনর ৯৮বু সর্তিফাই তৌখ্রে। স্কিল এক্বিইজিসন এন্দ নোলেজ এৱারনেস ফোর লাইবলিহুদ প্রমোসন (সংক্লপ)গী নেস্নেল কম্পোনেন্তগী শরুক ওইনা দিবেলপ তৌবা ওতোমোতিব সেক্তর দিবলপমেন্ত কাউন্সিল অমসুং আই.জি.সি.সি. (জর্মন সর্তিফিকেসন এজেন্সী)না এসেসমেন্ত তৌরবা মতুং ত্রেনরশিংনা দুএল সর্তিফিকেসন ফংখ্রে। তি.ও.তি. প্রোগ্রামনা এদভান্স ৱেলদিং, সি.এন.সি. এপরেসনশিং, রোবোতিক্স, ক্বালিতী কন্ত্রোল, অমসুং এদভান্স ওতোমোতিব তেক্নোলোজীগুম্বা ত্রেদশিং কোন্সিল্লি। প্রোজেক্ততা শরুক য়াখিবা মরুওিবা স্তেকহোল্দরশিংদা এম.এস.দি.ই., ওতোমোতিব স্কিলস দিবলপমেন্ত কাউন্সিল (এ.এস.দি.সি.),জি.আই.জেদ.-আই.জি.ভি.ই.তি. অমসুং মহারাস্ত্র স্তেত স্কিল দিবলপমেন্ত মিসন (এম.এস.এস.দি.এস.) য়াওরি।

সর্তিফিকেসন সেরেমোনী অসিদা শ্রী নিলমবুজ শরন, এদিস্নেল সেক্রেতরী অমসুং সেনিয়র ইকোনোমিক এদভাইজর, মিনিস্ত্রী ওফ স্কিল দিবলপমেন্ত & ওন্ত্রেপ্রিন্যুরশিপ; শ্রী অরিন্দম লাহিরি, ওতোমোতিব স্কিল দিবলপমেন্ত কাউন্সিলগী সি.ই.ও., আই.জি.ভি.ই.তি.গী প্রোজেক্ত হেদনা অতোপ্পশিংগা লোয়ননা শরুক য়াখি।

পুনেদা সুখাকর্তা জেনরেল ইঞ্জিনীয়রিং ক্লস্তর প্রাইভেত লিমিতেদ (এস.জি.ই.সি.পি.এল.)গী তেংবাংগা লোয়ননা পাংথোকখিবা তি.ও.তি. প্রোগ্রাম অসিদা বেতচ নিপালদা পুন্না ত্রেনর ১৮৯বু মায় পাক্না ত্রেন তৌখি। মদুদা থা অমগী ক্লাসরুম ত্রেনিং অমসুং মদুগী মতুং থা অমগী ওন-দি-জোব ত্রেনিং য়াওরি। খোংথাং অসিনা তেক্নিকেল অমসুং ভোকেস্নেল এজুকেসন অমসুং ত্রেনিং (তি.ভি.ই.তি.) দোমেনদা পব্লিক-প্রাইভেত পার্তনরশিপ মপাঙ্গল কনখৎহন্দুনা ইন্দস্ত্রী ৪.০গী মথৌতাবশিংগী পরিংদা ত্রেনরশিংগী তেক্নিকেল অমসুং পেদাগোজিকেল স্কিলশিং অপগ্রেদ তৌরি। মদুগী মথক্তা মসিনা করিকুলম দিবলপমেন্তদা ইন্দস্ত্রী মেম্বরশিং শরুক য়াদুনা স্কিলস গেপশিং ইফেক্তিব ওইনা মেন্সিল্লি।

থৌরম অদুদা ৱা ঙাংলদুনা শ্রী নিলমবুজ শরননা হায়খি মদুদি ওতোমোতিব সেক্তরদা ক্লস্তর-বেজ তি.ও.তি. অসি পব্লিক অমসুং প্রাইভেত সেক্তরগী মরক্তা লোয়ননা ইন্দস্ত্রী এলাইনমেন্তদা সীনরজীগী তোপ তোপ্পা খুদম অমনি। ক্লস্তর-বেজ তি.ও.তি. প্রোজেক্তনা ওতোমোতিব সেক্তরদা ত্রেনরশিংগীদমক স্কিল ত্রেনিং অমসুং অপস্কিল্লিং ওপোর্চুনিতী ফংহনবদা মতেং ওইরি। মহাক্না ৱার্ল্দ বেঙ্কনা তেংবাংবা স্কিম স্কিল এক্বিইজিসন এন্দ নোলেজ এৱারনেস ফোর লাইবলিহুদ প্রমোসন (সংক্লপ)গী খুত্থাংদা লৌখৎপা খোংথাংবু অপনবা লৈতনা অমসুং মায় পাক্না মপুং ফানা পাংথোক্নবগীদমক সুখাকর্তা জেনরেল ইঞ্জিনীয়রিং ক্লস্তর প্রাইভেত লিমিতেদতা এ.এস.দি.সি. অমসুং য়ুনিৎশিংনা এক্তিব ওইনা শরুক য়াববু থাগৎপা ফোংদোকখ্রে। মহাক্না থৌরম অসিদা সর্তিফিকেৎ পীদুনা ইকায় খু্মনরবা ত্রেনীশিংবু থাগৎপসু ফোংদোকখি।

শ্রি অরিন্দম লহিরি, সি.ই.ও., এ.এস.দি.সি.না কম্পিতিতিব ওতোমোতিব সেক্তরদা অপস্কিল্লিংগী মরুওইবা অদু ফোংদোকখি। ৱার্কফোর্সকী স্কিলশিং মখাতানা হেনগৎহনবনা সেক্তর অসিগী মনুংদা ইনোবেসন, ইফিসেন্সী, অমসুং এক্সিলেন্স হেনগৎহনবা ঙমগনি হায়না মহাক্না মখা তাখি।

তি.ও.তি. মোদেল অসি অপুনবা ত্রেনর ৭৫গী বেতচ অমগা লোয়ননা জোব রোল অহুম হায়বদি এদভান্স ৱেলদিং, সি.এন.সি. ওপরেসনশিং অমসুং রোবোতিক্স কোন্সিন্দুনা ঔরঙ্গবাদতা হৌদোকখি। হৌজিক্কী ওইনা প্রোজেক্ত অসি ভারত পুম্বদা ওতো ও.ই.এম.শিং সপোর্ত তৌরিবা ইন্দস্ত্রী ৩০০০ হেনবগা লোয়ননা ওতোমোতিব ক্লস্তর অমা ওইরিবা পুনেদা চত্থরি। ওতোমোতিব স্কিলস দিবলপমেন্ত কাউন্সিলনা মখোয়বু এস্পিরেস্নেল ওইহন্নবগীদমক হায়র ভেল্যু এদিসন অমসুং একাদেমিক পাথৱেশিংগা লোয়ননা ইন্তিগ্রেত স্কিলস ঙমহন্নবা ওতোমোতিব স্কিলসবু মখাতানা দিবেলপ অমসুং অপগ্রেদ তৌনবা ৱাফম থম্লি।

কেন্দ্র সরকারনা নোলেজ, স্কিলস অমসুং পেদাগোজিকেল তেক্নিকশিং ফংহনবদা ত্রেনরশিংগী মরুওইবা থৌদাংশিংবু শকখংলদুনা স্কিল ইন্দিয়া মিসনগী মনুংগী ওইবা শরুক অমা ওইনা ত্রেনিং ওফ ত্রেনর্স (তি.ও.তি.) প্রোগ্রামশিংদা মরুওইবা লৌরি। প্রোগ্রামশিং অসিগী পান্দমদি স্কিল দিবলপমেন্ত ইনিসিয়েতিবশিংগী ইম্পেক্ত শরুক কয়া হেনগৎহন্দুনা তোঙান তোঙানবা সেক্তরশিংদা কম্পিতেন্ত অমসুং রোবস্ত ৱার্কফোর্স অমা শেমগৎপনি।

****