యువ నిపుణుల కోసం దక్షత కొత్త నైపుణ్యాభివృద్ధి శిక్షణ కోర్స్ సేకరణ (ప్రభుత్వ నిర్వహణ లో సంపూర్ణ పరివర్తన కోసం మనోవైఖరి, జ్ఞానం, నైపుణ్యం అభివృద్ధి)  ఇప్పుడు ఐ గాట్ కర్మయోగి ప్లాట్‌ఫారమ్‌లో ప్రత్యక్ష ప్రసారం చేయబడుతోంది. ప్రభుత్వంలో నిమగ్నమైన యువ నిపుణులు మరియు కన్సల్టెంట్‌ల కోసం రూపొందించబడిన (18 కోర్సులతో కూడినది) ఈ సేకరణ  అభ్యాసకులు వారి విధులను మరియు బాధ్యతలను సమర్థవంతంగా నిర్వర్తించడానికి కీలకమైన విషయాలను పరిచయం చేయడం ద్వారా క్రియాత్మక, రంగం మరియు ప్రవర్తనా సామర్థ్యాలను పెంపొందించడానికి ప్రయత్నిస్తుంది.

ప్రస్తుతం, నీతి ఆయోగ్‌లోని 40 మంది యువ నిపుణులు మరియు కన్సల్టెంట్‌లు ఐ గాట్ కర్మయోగి ప్లాట్‌ఫారమ్‌లో ఈ క్యూరేటెడ్ కోర్సుల సేకరణ ద్వారా దశల వారీగా ఉద్యోగ శిక్షణ పొందుతున్నారు. 

చేర్చబడిన 18 కోర్సులు:

ప్రభుత్వం కోసం డేటా-ఆధారిత నిర్ణయం తీసుకోవడం (వాధ్వాని ఫౌండేషన్), ప్రభుత్వ ఉద్యోగుల ప్రవర్తనా నియమావళి (ISTM), మిషన్ లైఫ్‌పై అవగాహన మాడ్యూల్ (MoEFCC), ఆఫీస్ విధి విధానాలు (ISTM), ఆఫీస్ లో యోగా బ్రేక్ (MDNIY), ఎఫెక్టివ్ కమ్యూనికేషన్ (IIM- B), పౌర విధాన పరిశోధన ప్రాథమిక అంశాలు (IIPA), అడ్వాన్స్‌డ్ పవర్‌పాయింట్ (మైక్రోసాఫ్ట్), పని ఒత్తిడి ని తట్టుకోవడం (DoPT), వర్క్‌ప్లేస్‌లో మహిళలపై లైంగిక వేధింపుల నివారణ (ISTM), నోటింగ్ & డ్రాఫ్టింగ్ (ISTM), ఎమర్జింగ్ టెక్నాలజీస్ (వాధ్వాని ఫౌండేషన్) ), పౌర విధాన రూపకల్పన (ISTM), వ్యక్తిగత & సంస్థాగత విలువలు (DoPT), భారత్ లో సంస్కరణలు (ISTM), భారత్ లో ప్రభుత్వ కొనుగోళ్లు (వ్యయ విభాగం), మెరుగైన ప్రెజెంటేషన్ స్కిల్స్‌ కు మార్గాలు (GSI) మరియు అడ్వాన్స్‌డ్ ఎక్సెల్ (మైక్రోసాఫ్ట్).

వివిధ మంత్రిత్వ శాఖలు, ప్రభుత్వ విభాగాలు మరియు సంస్థలలో నిమగ్నమైన యువ నిపుణులు మరియు కన్సల్టెంట్‌లు వారి జ్ఞానం, నైపుణ్యాలు మరియు సామర్థ్యాలను మెరుగుపరచుకోవడానికి ఐ గాట్ కర్మయోగి ప్లాట్‌ఫారమ్‌లో క్యూరేటెడ్ కోర్సుల సేకరణ అందుబాటులో ఉంది.

ఐ గాట్ కర్మయోగి ప్లాట్‌ఫారమ్ (https://igotkarmayogi.gov.in/) అనేది ప్రభుత్వ అధికారులకు వారి సామర్థ్యాన్ని పెంపొందించే ప్రయాణంలో మార్గనిర్దేశం చేసేందుకు ఒక సమగ్రమైన ఆన్‌లైన్ పోర్టల్. ఆన్‌లైన్ శిక్షణ, సామర్థ్య నిర్వహణ, కెరీర్ మేనేజ్‌మెంట్, చర్చలు, ఈవెంట్‌లు మరియు నెట్‌వర్కింగ్ కోసం పోర్టల్ 6 ఫంక్షనల్ హబ్‌లను మిళితం చేస్తుంది.

విక్షిత్ భారత్‌ను నిర్మించాలనే ప్రధాన మంత్రి శ్రీ నరేంద్ర మోదీ దార్శనికతకు అనుగుణంగా, మిషన్ కర్మయోగి (జాతీయ పౌర సేవల సామర్థ్యం పెంపుదల కార్యక్రమం) తెలివైన,  స్నేహపూర్వక పౌర సేవలు మరియు భవిష్యత్తు-సన్నద్ధత తో పౌర సిబ్బంది కి సామర్థ్య నిర్వహణ లో ఆన్‌లైన్ శిక్షణ లో సమగ్ర పాత్ర పోషిస్తోంది.

మిషన్ యొక్క ప్రధాన లక్ష్యాలను ముందుకు తీసుకెళ్లడం కోసం  సిబ్బంది, ప్రజా ఫిర్యాదులు మరియు పెన్షన్ల మంత్రిత్వ శాఖ డీ ఓ పీ టీ ద్వారా కర్మయోగి భారత్ ప్రభుత్వ యాజమాన్యంలోని లాభాపేక్ష లేని ఎస్ పీ వీ గా స్థాపించబడింది. ఐ గాట్ (ఇంటిగ్రేటెడ్ గవర్నమెంట్ ఆన్‌లైన్ ట్రైనింగ్) కర్మయోగి ప్లాట్‌ఫారమ్‌ను మెరుగుపరచడం యాజమాన్యం, నిర్వహణ మరియు బాధ్యతలను అప్పగించింది. 

****