ভারতকী উপ রাস্ত্রপতি, শ্রী জগদীপ ধনকারনা ঙসি নই দিল্লীগী ৱিগ্যান ভাৱনদা ২০২২গী ৪শুবা নেস্নেল ৱাতর এৱার্দশিং পীখ্রে। ৱাতর কঞ্জার্ভেশন অমসুং মেনেজমেন্তকী লমদা মখোয়গী শিংথানিংঙাই ওইবা থবকশিং অদুগীদমক্তা কেতেগোরী ১১দা জোইন্ত ৱিন্নর য়াওনা ৱিন্নর ৪১দা মনা অসি পীখি। ৱিন্নর খুদিংমক্তা সাইতেশন অমসুং ত্রোফীগা লোইন-লোইননা অখন্নবা কেতেগোরী খরদা শেলগী মনাশু য়াওনা পীখি। উপ রাসত্রপতি অসিনা ৱাতর কঞ্জার্ভেশনগী পাউজেল অসি শন্দোক্নবা দুর্দর্শনদা শন্দোক্নবগীদমক্তা নেস্নেল ৱাতর মিসনগ মাসকোত, ‘পিকু’গী মতাংদা এনিমেতেদ শোর্ত ফিলম অমা লোঞ্চ তৌখি। থৌরম অদু নাৎকী ওইবা ‘জল কলাশ’ সেরেমোনীগআ লোইননা হৌদোকখি।

মীতিন অদুদা ৱা ঙাংলদুনা, উপ রাস্ত্রপতি, শ্রী রাজদীপ ধনকারনা মনা ফংলবশিং আদুবু থাগৎখি অমসু হায়খি মদুদি ৱাতর কঞ্জার্ভেশন অমসুং মেনেজমেন্ততা মখোয়না লৌখিবা থৌদাংশিং অদু থোইদোক-হেন্দোক্না শিংথানিংঙাই ওই অমসুং মসিনা লৈবাক অসিবু শেমগৎপগী মাইকৈদা মথংগী মীরোলশিংগীদমক্তা খুদম অমা পীরগনি। মহাক্না হায়খি মদুদি হৌখিবা চহি তরা অসিদা ঐখোয়গী লৈবাক অসিদা লাকখিবা অহোবা অদুগী খ্বাইদগী ফবা খুদম্নি। শ্রী ধনকারনা ক্বান্তিতী, ক্বালিতী অমসুং কন্তিন্যুৱিতীগী পান্দমগী খুদম অমা ওইরিবা জল জীৱন মিসনবু খ্বাইদগী হেন্না ফবা মওংদা থবক ওইনা পাইখৎখিবগীদমক্তা জল শক্তি মন্ত্রালয়ু থাগৎখি। মহাক্না মন্ত্রালয় অসিগী ওফিসরশিং/শ্তাফশিংবু ৱাতর সেক্তরদা মখোয়না তৌখিবা য়াম্না শিংথানিংঙাই ওইবা থবকশিং অদুগীদমক্তা থগৎখি অমসুং মীয়ামগী মীহুৎশিং, মীদিয়া অমসুং সিভিল সোসাইতী ওর্গনাইজেশনশিংদা মখোয়গী স্কীমশিং অমসুং প্রোগ্রামশিং অসিবু থবক ওইনা পাইখৎপদা মখোয়গী মতেং পাংনবা হায়খি। শ্রী ধনকারনা মরু ওইনা পনখি মদুদি খুনাই অসিগ মীপুম খুদিংমক্না মহৌশাগী ওইবা রিসোর্সশিংবু খ্বাইদগী হেন্না ফবা মওংদা শিজিন্নবগী তঙাইফদবা লৈ অমসুং ভারতকী খুঙ্গংশিংদা লৈরিবা পুখ্রিশিংনা মখোয়গী থবোম্বিগুম্বনি হাবরিবশিং অসি লম তকশীল্লকপনা মরম ওইরগা অসুম পিকশিল্লক্লি হায়না মহাক্না পনখি। মহাক্না সজেস্ত তৌরকখি মদুদি মন্ত্রালয় অসিনা লৈবাক অসিগী খুঙ্গং খুদিংমক্তা লৈরিববা পুখ্রিশিং অসিবু চাউখৎহন্নবগী থবক-থৌরমশিং লৌখৎকদবনি। মসিগী পুখ্রিশিং অসিবু অমুক হন্না হিংগৎহনবনা ৱাতর বোদীশিং ‌পাক ‌শন্ন‌া হিংগৎহনবদা মতেং পাংগনি অমসুং এনিমল হসবেন্দ্রীদা চাউথোকহনবদা মতেং পাংগনি অমসুং লৈবাক অসিগী শেনমিৎলোন চাউখৎহনবদা য়াম্না চাউনা মতেং পাংগনি। মহাক্না  গোবর্নেন্সকী থাক খুদিংমক্তা লৈরিবা মীয়ামগী মীহুৎশিং, পঞ্চায়ত্তগী হৌরগা পার্লিয়ামেন্ত ফাওবদা লৈরিবা মীহুৎ কুদিংমক্না চহি অমদা য়াম্দ্রবদা উ ১০০ থানবা হায়খি অমসুং নাগ্রিক খুদিংমক্তা ৱাতর কঞ্জার্ভেশনবু ‘জন আন্দোলন’গী ৱাখলোন্দা মখোয়গী পুন্সিগী শরুক অমা ওইহন্নবা আপীল তৌখি অমসুং “রেদ্যুস, রিয়ুস অমসুং রিসাইকলগী আর.৩” অসিদা কমিত তৌনবা হায়খি।

উপ রাস্ত্রপতিগী ভাসনদগী মতেক খরা: https://pib.gov.in/PressReleseDetail.aspx?PRID=1933040

কেন্দ্রগী জল শক্তিগী মন্ত্রী, শ্রী গজেন্দ্র সিং সেখাৱতনা মনা ফংক্রবশিং অদুদা ৱাতর মেনেজমেন্ত অমসুং কঞ্জার্ভেশনগী লমদা মখোয়না হোৎনখিবশিং অদুগীদমক্তা তৌবীমল খঙবা উৎখি অমসুং হায়খি মদুদি মসিগী মনাশিং অসিনা অকনবা শাফু অমা পীখি অমসুং মসিনা ঈশিংগী সেক্তরদা থবক তৌরিবশিংগী মরক্তা হেল্থী কমপিতিশন লৈহল্লে। শ্রী সেখাৱতনা মধ্য প্রদেশ রাজ্যবু খ্বাইদগী ফবা রাজ্যগী কাংলুপতা অহানবা মনা ফংখিবগীদমক্তা থাগৎপা ফোংদোকখি লোইননা ওরিশাবু অনিশুবা মনা ফংবগীদমক্তা অমসুং অন্ধ্র প্রদেশ অমসুং বিহারনা অপুনবা ওইনা অহুমশুবা মনা ফংখিবগীদমক্তা থাগৎপা ফোংদোকখি। মহাক্না মরু ওইনা মধ্য প্রদেশকী মুখ্য মন্ত্রী, শ্রী শিৱরাজ সিং চৌহন অমসুং মহাক্কী সরকারবু ৱাতর কঞ্জার্ভেশন অমসুং ৱাতর মেনেজমেন্তকী মাইকৈদা য়াম্না থাগৎনিংঙাই ওইবামওংদা থবক তৌখিবগীদমক্তা থাগৎপা ফোংদোকখি। মআক্না হায়খি মদুদি “মধ্য প্রদেশনা ৱাতর মেনেজমেন্তকী মতাংদা মিৎয়েং থম্লগা তৌখিবা থবক অদুনা শোইদনা রাজ্যশিং অমসুং ইনস্তিত্যুশনশিংগীদমক্তা পুক্নিং থৌগৎনিংঙাই ওইবা মচাক অমা ওইরগনি”।

ঈশিংগী মরু ওইবগী মতাংদা ৱা ঙাংলদুনা, শ্রী সেখাৱতনা হায়খি “ঈশিংনা ঐখোয়গী পুন্সি অসিগী য়ুমফম ওইরিবনি। মসি য়াওদনা মখল অমত্তগী পুন্সি ওইথোকপা য়ারোই। লৈরিবা ঈশিংগী পর কেপিতা অসি হৌখিবা নুমিৎ খুদিংগী হন্থরকই। ঈশিং তাংবনা য়াম্না অচৌবা শিংনবা অমা ওইরক্লি। ঈশিংনা ঐখোয় ময়ামগী অৱাবগী মরম অমসু ওইরিবনি। ঐখোয়না ঐখোয়গী ৱাতর রিসোর্সশিংগী মতাংদা য়াম্না চাউবা শিংনবা অমা মায়োক্নরি, মরমদি ভারত অসি মালেমগী অপুনবা মীশিংগী ১৮% ময়ুম ওইরিবনি, শা-শল ১৮%গী মথক্তা লৈরিবনি, অদুবু ঐখোয়দা মালেম অসিগী অশেংবা ঈশিংগী রিসোর্সকী ৪% খক্তমক লৈ। ঐখোয়গী শিংনবা অসি অর্বানাইজেশন লাকপগী খোংজেল অসি য়াম্না ৱাংবনা ফিভম অসি য়াম্না লুই অমসুং ভারত অসি জিয়োগ্রাফিকেল ভেরিয়েশন য়াম্না লৈবা লমদমনি”।

জল শক্তি মন্ত্রালয়না লৌখৎখিবা অনৌবা থৌরাংশিং অদুবু পল্লদুনা, শ্রী সেখাৱতনা হায়খি “প্রধান মন্ত্রী, শ্রী নরেন্দ্র মোদীগী লমজিং-লমতাক মখাদা “জল শক্তি অভিয়ান – কেচ দ রেন” কেমপেন হায়রিবা অসি পঞ্চায়তি রাজকী মন্ত্রালয় অমসুং রুরল দেবেলপমেন্ত মন্ত্রালয়দগী মতেং লৌদুনা পাংথোকখিবা অসিনা রেন ৱাতর হারভেস্তিং অমসুং ৱাতর কঞ্জার্ভেশনগী লমদা অনৌবা খোংজেল অমা হাপ্লি। মালেম অসিগী খ্বাইদগী চাউবা থক্নবা ঈশিং সপ্লাই তৌবগী প্রোগ্রাম, জল জীৱন মিসন অসিনা খুঙ্গংগী য়ুমথোং মিলিয়ন ১৯৪দা তেপ ৱাতর কনেক্সন পীরগনি, অসুম্না ৱাতর সেক্যুরিতী লৈহল্লগনি। মিসন অসিগী মখাদা, মন্ত্রালয় অসিনা য়ুমথোং ১৫%দগী খরা খক্তমক হেনবা মশিংগা লোইননা হৌরকখিবা খোংচৎ অসিনা ঙসিদি য়াম্না তেল্লবা চহি ৪গী মতম অসিদা  য়ুমথোং ১৫%দগী হেনগৎলক্তুনা চাউরাক্না ৬৩% য়ৌখ্রে”।

কেন্দ্রগী মন্ত্রীনা মখাতানা পল্লকখি মদুদি লৈবাক অসিনা ঈশিংগী মপাল তাংলিবসি মরু ওইনা গ্রাউন্দ ৱাতরদনি অমসুং ঈশিংগী রিসোর্সশিং অসিবু কমপেন্সেত তৌদুনা তুং কোইনা চৎহনবা হায়বসি য়াম্না চাউবা শিংনবা অমনি। অতল ভুজল য়োজনাগুম্বা পাইলত প্রোজেক্তশিং অসিনা গ্রাউন্দ ৱাতরশিংগী দিমান্দ সাইদ মেনেজমেন্ততআ মিৎয়েং থম্মি অমসুং গ্রাউন্দ ৱাতর রিচার্জতা য়াম্না পুক্নিং থৌগৎনিংঙাই ওইবা রিজল্তশিং অসিনা কম্যুনিতী লুচিংদুনা তুং কোইনগী ওইবা গ্রাউন্দ ৱাতর মেনজমেন্ত অদুবু ময়েক শেংনা তাক্লি। শ্রী সেখাৱতনা প্রধান মন্ত্রী কৃশি সিঞ্চায়ী য়োজনা অদুবু পনখি, মসিনা মরম ওইরগা নাকল অমরোমদা অনৌবা ইরিগেশন এরিয়া এক্তর লাখ ৩০ শেমখি অমসুং অতোপ্পা অমদনআ রাজ্যশিংনা লেং মান্ননআ থবক তৌবনা মরম ওইরগা স্মার্ত/মাইক্রো ইরিগেশন মখাদা লম হেক্তর লাখ ৭০ ময়া নক্না লৈখি। মহাক্না পনখি মদুদি লৈবাক শিনবা থুংনা অমৃত সরোৱর ৫৬,০০০ শাখ্রে অমসুং অসিগা মশিং চপ মান্নবা অমৃত সরোৱরশিং শাগৎলি। মন্ত্রী অসিনা কেন অমসুং বেত্বা তুরেল অনি শমজিন্নহনবা অসিনা লৈবাক অসিগী অনৌবা য়ুগ অমা পুরক্লগনি। খৌরাংলবা তুরেলশিং অমসুং খৌরাংলবা খনাওশিংগী খৌরাংবআ অদুবু কোকহনবদা মতেং পাংনবা লিঙ্ক ৩০ মশক খঙদোকখ্রে। অসুম্না মন্ত্রালয় অসিনা ঈশিংগী রিসোর্সশিং শিজিন্নবা হেনগৎ্ন্নবগী মাইকৈদা থবক তৌরি অমসুং অহেনবা বেসিনশিংদগী অৱাৎপা বেসিনশিংদা ঈশিং থাংদোক্লি।  

মমাংদা ৱেলকম স্পীচ পীরদুনা, জল শক্তিগী রাজ্য মন্ত্রী, শ্রী প্রহলাদ সিং পতেলনা দিগ্নিতরীশিং, জ্যুরী মেম্বরশিং, মীদিয়া পর্সোনেল অমসুং পার্তিসিপেন্তশিংবু মনা য়েন্থোকপগী থৌরম অদুদা তরাম্না ওকখি অমসুং পনখি “ঈশিং অসি পুন্সিদা চংদবা য়াদ্রবা পোৎশক্নি অমসুং পৃথিবি অসিদা লৈরিবা জিব পানবা খুদিংমক্না হিংবদা য়াম্না মরু ওইবা অমনি। ৱাতর কঞ্জার্ভেশন তৌবদা খুনাই অসিগী মীপুম খুদিংমক্না মসিদা পুন্নাশরুক বামিন্নবা হায়বসি য়াম্না তঙাইফদ্রবনি অমসুং মসিগী ৱাখল্লোন অসিদা, মীয়ামদা ঈশিংগী মরু ওইবা অদুগী মতাংদা এৱেবরনেস লৈহনবা অমসুং মীশিংবু খ্বাইদগী ফবা ৱাতর য়ুসেজ প্রক্তিসশিং এদোপ্ত তৌবদা পুক্নিং থৌগৎনবা, নেস্নেল ৱাতর এৱার্দ অসি দিপ[আর্তমেন্ত ওফ ৱাতর রিসোর্সেস, আর.দি. অমসুং জি.আর.না ২০১৮তা হৌদোকখিবনি।”

জল শক্তিগী রাজ্য মন্ত্রী, শ্রী বিস্বেস্বর তুদুনা মনা ফংখ্রবশিং অদুবু থাগৎপা ফোংদোকখি অমসুং আয়খি মদুদি ভারত সরকারনা ঈশিং কেমপেন কয়া অমা তৌরি অদুবু মসিগী কেমপেনশিং অসি মীয়াম্না হকথেংননা শরুক য়াবা মতমদতা মাইপাকপা ঙমগনি। কম্যুনিতীনা শরুক য়াদুনা ঈশিং কঞ্জার্ব তৌবগী তঙাইফদবা অদুবু য়াম্না মরুওইনা পনখি।

জল শক্তি মন্ত্রলয়গী দিপার্তমেন্ত ওফ ঢাতর রিসোর্স, আর.দি. অমসুং জি.আর.গী সেক্রেতরী, শ্রী পঙ্কজ কুমারনা উপ রাস্ত্রপতিবু থৌরম অসি হৌদোকপগী অমসুং নেস্নেল ৱাতর এৱার্দীশিংবু পুক্নিং থৌগৎপগী অমসুং অতোপ্পা দিগ্নিতরীশিং, জ্যুরী কমিতী, দিপার্তমেন্ত অদুগীওফিসরশিং অমসুং দবল্যু.এ.পি.সি.ও.এস.তা ভোত ওফ থেঙ্কস পীরদুনা থৌরম অদুবু লৌশিনখি। মহাক্না মরু ওইনা এৱৱার্দ ৱিন্নরশিং অদুবু ৱাতর কঞ্জার্ভেশন অমসুং ঈশিং নিংথিনা শিজিন্নবগী মতাংদা মীয়ামদা পাউজেল শন্দোকপদা থোইদোক-হেন্দোক্না শিংথানিংঙাই ওইবা মওংদা থবক তৌখিবগীদমক্তা থাগৎপা ফোংদোকখি। মখোয়গী পুক্নিং থৌগৎনিংঙাই ওইরবা থবকশিং অদুনা তুংদা লাক্কদবা চহিশিংদা ৱাতর মেনেজমেন্ত অমসুং কঞ্জার্ভেশনগী লমদা লমজিং মৈরা ওইরগনি হায়না মহাক্ন থজবগা লোইননা ফোংদোকখি।

https://t.co/BrEVcCNrtM

— Ministry of Jal Shakti 🇮🇳 #AmritMahotsav (@MoJSDoWRRDGR) June 17, 2023

এৱার্দশিং অমসুং এৱার্দিশিং অদুগী লিস্ত অদুগী মতাংদা খঙনবগীদমক্তা অসিদা ক্লিক তৌবীয়ু: https://pib.gov.in/PressReleasePage.aspx?PRID=1932505

*****