য়ুনিয়ন হোম অমসুং কোওপরেশন মিনিস্তর, শ্রী অমিত শাহনা ঙসি গুজরাতকী ভুজ, মান্দভি অমসুং জাখাউদা সাইক্লোন্না শাওকহল্লবা মফমশিং অদুগী এরিয়ল সর্ভে পাংথোকখ্রে। মান্দৱিদা, য়ুনিয়ন হোম মিনিস্তর অসিনা সাইক্লোন লাক্ত্রিঙৈগী মমাংদা মীরোল্লবী নুপীশিং পুরকখিবা সিভিল হোসপিতালদা চৎখি। শ্রী অমিত শাহনাহোসপিতাল অদুগী ৱার্দশিংদা চৎখি অমসুং মীরোল্লবী নুপীশিং অমসুং সাইক্লোন মনুংদা অঙাং পোকখিবা নুপীশিং অদুদা ৱারি শাখি। শ্রী শাহনা খুঙ্গং অমদা চৎখি অমসুং হোর্তিকলচরগী মহৈ-মরোংশিংদা অমাং-অতা থোকখ্রবা লৌমীশিং অমসুং মখোয়গী ইমুং-মনুংশিং অদুগশু উনখি।

য়ুনিয়ন হোম মিনিস্তর অসিনা এন.দি.আর.এফ. জৱানশিংগশু উনরকখি অমসুং সাইক্লোন মনুংদা মখোয়না তৌখিবা শিংথানিংঙাই ওইবা থবকশিং অদুগীদমক্তা থাগৎখি। জাখাউদা, শ্রী অমিত শাহনা খুঞ্জা ২০০ রোম থম্লিবা প্রাইমরী হেল্থ সেন্ততরদা চৎখি, শ্রী শাহনা খুঞ্জাশিং অদুদা পীরিবা ফেসিলিতীশিং অদুবুশু য়েংশিনখি। খুঞ্জাশিং অদুনা মখোয়গীদমক্তা সাইক্লোন মমাংদা মমসুং মনুংদা নিংথিজনা শিনবী-লাংবীবগীদমক্তা য়ুনিয়ন হোম মিনিস্তর অমসুং লোকেল এদমিনিস্ত্রেশনবুথাগৎপা ফোংদোকখি।

মতুংদা, ভুজতা প্রেস কনফরেন্স অমদা ৱা ঙাংবা মতমদা, য়ুনিয়ন হোম মিনিস্তরনা হায়খি মদুদি পুং অমদা কিলোমিতর ১৪০গী খোংজেল লৈবা সাইক্লোন বিপরজোয়না মরম ওইরগা মী অমফাওবা শিখিদবা অসিদা য়াম্না পেন্নিংঙাই ওইবা ৱাফম্নি। প্রধান মন্ত্রী, শ্রী নরেন্দ্র মোদীনা য়ুমলৈ-কৈরৈ মন্ত্রালয়, গুজরাত সরকার অমসুং এজেন্সী পুম্নমকপু লেপ্তনা লমজিং-লমতাক পীরকখি, মসিগী খুদোংথিবা অসিদগী অমাং-অতা য়াম্না থোকহন্দনা থোরকপা ঙমহৌবা হায়বসিনা তীমৱার্ককী ময়েক লারবা খুদম্নি। শ্রী শাহনা হায়খি মদুদি, শ্রী মোদীগী লুচিং মখাদা ভারত সরকার অমসুং গুজরাতকী মুখ্য মন্ত্রীগী লমজিং-লমতাক মখাদা রাজ্য সরকারনা অমত্তা ওইনা বিপর্জোয়গা মায়োক্নখি। মহাক্না হায়খি মদুদি মীওই অমফাওবা শিখিদবা অসিনা অপুনবা সীস্তেম অসিগী মাইপাকপা অদুবু উৎলি অমসুং মসিনা ঐখোয়গীদমক্তা ইনফোর্মেশনবু মতমচানা করম্না শিজিন্নগনি হায়বসিগী খুদম্নি।

শ্রী শাহনা সাইক্লোনগী মমাংদা অমসুং মনুংদালৌখৎখিবা চেকশিন-থৌরাংশিং অমসুং এরেঞ্জমেন্তশিং আদুগীদমক্তা গুজরাত সরকারবু থাগৎপা ফোংদোকখি। মহাক্না হায়খি মদুদি গুজরাত সরকারনা মতমচানা ই-পাউ ফংবনা করম্না পুন্সি কনবদা শিজিন্নগনি হায়বসিগী মতাংদা য়াম্না ফবা খুদম অমা ওইনা উৎলরে। গুজরাত সরকারনা গ্রাসরুত লেভেলদা মপুং ফানা এন.দি.এম.এ.গী সাইক্লোনশিংগা মরি লৈনবা গাইদলাইনশিং শিজিন্নখি, মসিদা সরকারগী দিপার্তমেন্তশিং, মীয়ামগী মীহুৎশিং, লমদম অদুগী মীওইশিং অমসুং ভোলন্তরী ওর্গনাইজেশনশিংনা মপুং ফানা শরুক য়াখি।

য়ুনিয়ন হোম মিনিস্তরনা হায়খি মদুদি জুন ৬তা সাইক্লোন বিপর্জোয়গী পাউ হেক তারবা মতুংদা, প্রধান মন্ত্রী, শ্রী নরেন্দ্র মোদীনা কেন্দ্র অমসুং রাজ্য সরকারগী এজেন্সীশিংগী চেকশিন-থৌরাংশিং অদুবু য়েংশিনখি। শ্রী শাহনা হায়খি মদুদি সীস্তেম পুম্নমকপু মীহুম-নাহুম চেৎনা থম্নবা অমসুং এরঞ্জমেন্ত খুদিংমক মফম চানা থম্নবা, পি.এম. মোদী মশামক্না নুমিদাংগী পুং ১ ফাওবা ফিভম অদুবু য়েংশিনখি। খুদোংথিবা অসিবু লাকশিন্নবা, থাক খুদিংমক্তা মীফমশিং পাংথোকখি অমসুং এজেন্সীশিংগী মরক্তা ই-পাউ ফাওনখি, মসিনা মরম ওইরগা মীয়ামদা এৱেয়রনেস অমসুং কোওপরেশন লৈহল্লে, ঐখোয়না মসিগী খুদোংথিবা অসিদগগী অমাং-অতা য়াম্না হেন্না থোকহন্দনা থোরকপা ঙমখি হায়না মহাক্না হায়খি।

শ্রী অমিত শাহনা হায়খি মদুদি সাইক্লোন অসিনা মরম ওইরগা মীওই ৪৭ খক্তমক অশোক-অপন খরা নংখি অমসুং শা-শল ২৩৪ শিখি। সাইক্লোন অসিনা মরম ওইরগা খুঙ্গং ৩৪০০দা পাৱর সপ্লাই ককথৎখি, মসিগী মনুংদা খুঙ্গং ১৬০০দি পুং ২৪গী মনুংদা মৈ অমুক ফংহনখি, লেমহৌরিবা খুঙ্গংশিংদা জুন ২০গী নুমিদাং ফাওবদা মৈ অমুক ফংহল্লগনি। সাইক্লোন অসিনা লাক্ত্রিঙৈদা মীরোল্লবী নুপী ১২০৬পু অসোই-অঙাম য়াওহন্দনা হোসপিতালশিংদা পুকী অমসুং নুপীশিং অসিনা মখোয়দা পীরিবা ফেসিলিতীশিং অসিদা অপেনবা ফোংদোরকখি। খুদোংথিবা মতম অসিদা মাইপাক্না অঙাং দেলিভরী ৭০৭ তৌখি হায়না শ্রী শাহনা হায়খি। মসিগী মথক্তা খুদোংথিবা অসিগী মনুংদা মীরোল্লবী নুপী ৭০৭না অসোই-অঙাম য়াওদনা অঙাং পোকখি, পুন্না মীচম ১,০৮,২০৮ অমসুং শা-শল ৭৩,০০০বু অসোই-অঙাম য়াওরোইদবা মফমশিংদা হোংদোকখি। শ্রী শাহনা হায়খি মদুদি সাইক্লোন মনুংদা অকনবা নুংশিৎনা মরম ওইরগা তুদনবা উ ৩,২৭,৮৯০ মশা থাখি।  জিলা অদুদা পুন্না হোর্দিং ৪৩১৭ মতম চানা লৌথোকখি। হি ২১,৫৮৫ মতম চানা খামখি অমসুং ঙামী লাখ অমা হেন্ননা খোংবান্দা পুরকখি অমসুং কনখি।

এন.দি.আর.এফ. অমসুং এস.দি.আর.এফ.না তৌখিবা থবক অদুবু থাগৎলদুনা, য়ুনিয়ন হোম মিনিস্তরনা হায়খি মদুদি এন.দি.আর.এফ.কী বতালিয়ন ১৯, এস.দি.আর.এফ.কী বতালিয়ন ১৩ অমসুং রিজার্ব বতালিয়ন ২না মখোয়গী পুন্সি খুবাক্তা হাপ্তুনা মী কয়া অমগী পুন্সি কনখি। মহাক্না হায়খি মদুদি আর্মী, নেভী, এয়রফোর্স, কোস্ত গার্দ, বি.এস.এফ., স্তেত রিজার্ব পুলিস অমসুং স্তেত পুলিসনা এন.দি.আর.এফ. অমসুং এস.দি.আর.এফ.কা লেং মান্ননা থবক তৌখি।

শ্রী অমিত শাহনা হায়খি মদুদি হৌজিক-হৌজিক্কী ওইনা তীম ১১৩৩না পাৱর সপ্লাই শেমশিনবগী থবক তৌরি অমসুং হয়েংদগী অহেনবা তীম ৪০০ থবক তৌরগনি। মহাক্না হায়খি মদুদি সোল্ত প্লান্ততা লৈরম্বা শিন্মী কয়া অমা মাইপাক্না লৌথোকখ্রে।

অঙনবদা, য়ুনিয়ন হোম মিনিস্তর অসিনা ময়াই তাংবল লৌদুনা সাইক্লোন মমাংদা অমসুং মনুংদা লৌখৎখিবা চংকশিন-থৌরাংশিং, থোকখিবা অমাং অতাশিং অমসুং শেমজিন-শাজিনবগী পাম্বৈশিং অদুগী মতাংদা ভুজতা রিভ্যু মীতিং অমা পাংথোকখ্রে। মীফম অসিদা গুজরাতকী মুখ্য মন্ত্রী, শ্রী ভুপেন্দ্র পতেল অমসুং রাজ্যগী অতোপ্পা সেনিয়র ওফিসিয়েলশিংনা শরুক য়াখি। য়ুমলৈ-কৈরৈ মন্ত্রালয়, পাৱর মন্ত্রালয় অমসুং তেলিকম্যুনিকেশন মন্ত্রালয়গী সেক্রেতরীশিং অমসুং সেনিয়র ওফিসরশিং অমসুং আই.এম.দি. অমসুং এন.দি.আর.এফ.কী দাইরেক্তর জেনরেলনা মীফম অদুদা ভীদিও কনফরেন্সিংগী খুত্থাংদা শরুক য়াখি।

য়ুনিয়ন হোম মিনিস্তরনা জুন ২০ ফাওবদা শোকহল্লবা মফমশিংদা পাৱর সপ্লাই অমুক ফংহল্লগনি, মহাক্না অরু-অনান অমসুং লম্বি-থোংশিং শেমজিনবদা মরু ওইবা থমদুনা অখন্নবা মিৎয়েং চংনবা খঙহল্লকখি। মসিগা লোইননা, মহাক্না শেল্তর হোমশিংদা লৈরিবা মীশিং অদুগী মথৌতাবা খুদিংমক শিন্নবা অমসুং মফম অদুদা লৈরিবা মীশিং অদুনা করিগুম্বা মখল অমত্তগী নুংঙাইতবা মায়োক্নদনবাশেল্তর হোমশিং অদুগী রিয়ল তাইম রিপোর্তিং তৌনবা হায়খি। শ্রী শাহনা এগ্রিকলচর অমসুং হোর্তিকলচরগী অমাং-অতাশিং অদুগী এসেমেন্ত নিংথিজনা তৌনবা ইনস্ত্রক্সনশু পীখি। অতুবা হোর্তিকলচরগী উপাম্বিশিং অদুবু হিংহন্নবশু হোৎনগদবনি হায়না মখা তাখি।

শ্রী অমিত শাহনা হায়খি মদুদি খুদোংথিবা অসিগা মায়োক্নবদা য়াম্না চাউনা মাইপাকখিবা অসিবু মীয়ামদা খঙহন্নবা সাইক্লোন বিপর্জোয়গী ৱার্নিং তৌরকপদগীনা হৌজিক ফাওবদা এজেন্সী খুদিংমক্না লৌখৎখিবা থবক-থৌরমশিং অদুগী মতাংদা দোক্যুমেন্ত অমা শেমগদবনি। দোক্যুমেন্ত অসি তুংদা লাক্কদবা মহৌশাগী ওইবা খুদোংথিবশিং মায়োক্নবদা রোল মোদেল অমা ওইরগনি। মসিবু মাইপাকপগী ৱারি অমা ওইনা লৈবাক শিনবা থুংনা ফোংগদবনি অমসুং খঙহনগদবনি হায়না মহাক্না মখা তাখি। সাইক্লোনিক স্তোর্ম বিপর্জোয়বু মাইপাক্না মায়োক য়াখিবগীদমক্তা রাজ্য অমসুং কেন্দ্র সরকারগী এজেন্সীশিং, ওফিসরশিং অমসুং এমপ্লোয়ীশিংবু থাগৎপা ফোংদোক্লদুনা, য়ুনিয়ন হোম মিনিস্তরনা প্রধান মন্ত্রী নরেন্দ্র মোদীগী মহুৎ শিন্দুনা মখোয়দা তৌবীমল খঙবা উৎখি।

*****