দোমেস্তি এয়রলাইনশিংনা পেসেঞ্জর পুবগী চাং শিংথানিংঙাই ওইনা হেনগৎলক্তুনা লৈবাকসিগী সিভিল এভিএসন সেক্তরদা শিংথানিংঙাই ওইবা গ্রোথ লৈবা থেংনরে‍। তোঙান তোঙানবা দোমেস্তিক এয়রলাইনশিংনা পীরকপা ত্রাফিক দেতাশিংদা য়ুম্ফম ওইরগা, জনুৱারী-মে ২০২৩ মনুংদা পেসেঞ্জর মশিং লাখ ৬৩৬.০৭ য়ৌদুনা, মমাঙ চহিগী মান্নবা মতমদা পেসেঞ্জর মশিং ৪৬৭.৩৭ ওইখিবদুগা চাংদম্নবদা ৩৬.১০%গী চাংদা চহিগী গ্রোথ লৈরে‍।

মে ২০২২দা, পেসেঞ্জর মশিং লাখ ১১৪.৬৭ ওইখিবনি, অদুগা মে ২০২৩দা লাখ ১৩২.৪১দা হেনগৎলক্তুনা থাগী ওইবা গ্রোথ ১৫.২৪% লৈরে‍। অসুম্না লেপ্তনা হেনগৎলকপসিনা শাফবা, মতিক লৈবা অমদি কস্তমরদা য়ুম্ফম ওইবা এভিএসন ইকোসিস্তেম অমা পুরক্নবগীদমক এয়রলাইনশিং, এয়রপোর্তশিং অমদি সিভিল এভিএসন মন্ত্রালয়না পুন্না হোৎনমিন্নবগী খুদম্নি‍।

এপ্রিল ২৩গা চাংদম্নবদা মে ২০২৩দা লৈখিবা অপুনবা পেসেঞ্জর মশিং অসি লাখ ৩.২৬ (২.৫২%) হেনগৎলকখি‍।

পেসেঞ্জর মশিং মশক থোক্না হেনগৎলকপসিনা ভারতকী এভিএসন সেক্তরগী মপাঙ্গল অমদি দ্যুরেবিলিতী উৎলি অমদি কন্নেক্তিবিতী ফগৎহন্নবা অমদি লৈবাকসিগী মীয়ামদা নুংঙাইবা খোঙচৎ ফংহন্নবগী লেপ্তনা হোৎনরিবশিং উৎলি‍। জনুৱারী – মে ২০২৩ মনুংদা পেসেঞ্জর লাখ ৬৩৬.০৭গী হেন্না ৱাংবা লোদ ফেক্তরনা এভিএসন ইন্দস্ত্রীগী কান্নগদবা মায়কৈদা চঙশিন্দুনা এয়র ত্রান্সপোর্তেসনগী দিমান্দ হেনগৎলকপা উৎলি‍।

অদুগা মে ২০১৯গা চাংদম্নবদা মে ২০২৩দা লাকপা ৱাকৎ মশিংসু হন্থরে‍। মে ২০১৯দা সেদ্যুল দোমেস্তিক এয়রলাইনশিংদা পেসেঞ্জরগা মরী লৈনবা ৱাকৎ ৭৪৬ ফংখি‍। অদুগা মে ২০২৩দা সেদ্যুল দোমেস্তিক এয়রলাইনশিংদা পেসেঞ্জরশিংগা মরী লৈনবা ৱাকৎ ৫৫৬ লাকখ‍ি‍।

সিভিল এভিএসন অমদি স্তীলগী কেন্দ্র মন্ত্রী, শ্রী জ্যোতিরঅদিত্য এম. সিন্দিয়াগী ফোঙদোরকপদা, “এভিএসন সেক্তর চাওখৎহন্নবা মথৌ হাপ্পদা অমদি ভারতকী মতিং লৈবা মালেমগী এভিএসন হব অমা ওইনা শেমগৎপদা স্তেকহোল্দর পুম্নমক্না পুন্না হোৎনমিন্নখিবনা মরুওইবা থৌদাং অমা লৌখি‍। দোমেস্তি এয়রলাইন ইন্দস্ত্রী লেপ্পা লৈতনা হেনগৎলকপা অমদি রিজনেল এয়রলাইনশিং থোরকপনা ঐখোয়গী শেন্মিৎলোন মপাঙ্গল কনহল্লি, লৈবাক পুম্বগী মীওইশিংগী মরী ফগৎহল্লি অমদি উরান স্কীমগী খুত্থাঙদা লাস্ত মাইল কন্নেক্তিবিতী লৈহল্লি‍। সেফ্তী, ইফিসিএন্সী অমদি পেসেঞ্জরশিংবু পেলহনবগী খ্বায়দগী ৱাংবা স্তেন্দর্দ ঙাক্তুনা এভিএসন ইন্দস্ত্রীবু মশা মরেং ফলহন্নবা অমদি তুং কোইগদবা মওংদা খুমাঙ চাওশিলহনবদা ঙাক্লৌ পীননবা কান্নগদবা ফীভম অমা পুরক্নবগীদমক মন্ত্রালয়না খোঙফম চেৎনা লেপ্লি‍।”

তানফংলিবা অসি ইন্দস্ত্রী অসিনা চেকশিনবা অমদি মনুং হুৎপা প্লান্নিং, ওপরেস্নেল ইফেক্তিবনেস অমদি ইচঙ থৌবা থবকশিং পায়খৎখিবগী মহৈনি‍। কোবিদ-১৯ লাইচৎ মতুংদা, হেন্না ফগৎলবা সর্ভিসশিংগা লোয়ননা পেসেঞ্জরশিংদা অপুনবা লৈতবা অমদি খুরৌ থাংদবা খোঙচৎকী মহাও ফংহন্নবগীদমক এয়রলাইনশিংনা খাঙবা কনবগী মতৌ উৎলি হায়না মহাক্না হায়খি‍।

***