কেন্দ্রগী পোর্তস, শিপ্পিং অমসুং ৱাতরৱেজ অমসুং আয়ুশকী মন্ত্রী, শ্রী সর্বানন্দা সোনোৱালনা নুমালগর রিফাইনরীগী জেত্তীদা ঙসি ৱাতরৱেজতা পুরকখিবা অহানবা দাইমেনস্নেল কার্গো (ও.দি.সি.) ওকখি।

মসি নুমালিগর রিফাইনরি লিমিতেদ (এন.আর.এল.)গী কেপাসিতী অদু এম.এম.তি. ৩দগী এম.এম.তি. ৯দা হেনগৎহন্নবগীদমক্তা লৈবাক অসিগী ইনলেন্দ ৱাতরৱেজকী থৌদাং লৌরিবা পোর্ত, শিপ্পিং অমসুং ৱাতরৱেজকী নোদল এজেন্সী, ইনলেন্দ ৱাতরৱেজ ওথোরিতী ওফ ইন্দিয়া (আই.দবল্যু.এ.আই.)না পুরকপা অহানবা কন্সাইনমেন্তনি।

পুন্না ও.দি.সি. ২৪গা লোইন-লোইননা এন.আর.এল.গীদমক্তা ওভর ৱেত কার্গো (ও.দবল্যু.সি.) ত্রান্সপোর্ত তৌনবগীদমক্তা মমাং চহিদা কেন্দ্রগী মন্ত্রী, শ্রী সর্বানন্দা সোনোৱাল য়াওদুনা আই.দবল্যু.এ.আই. অমসুং এন.আর.এল.গী মরক্তা এম.ও.য়ু. অমা খুৎয়েক পীনখি।

থৌরম অদুদা ৱা ঙাংবা মতমদা, শ্রী সোনোৱালনা হায়খি, “ঙসি অসামনা ইনলেন্দ ৱাতরৱেজ শিজিন্নদুনা কোলকাতাদগী নুমালিগর ফাওবা ও.দি.সি. পুরকখিবা য়াম্না নিংশিংনিংঙাই ওইবা থৌদোক অমা উখ্রে। মসি প্রধান মন্ত্রী, শ্রী নরেন্দ্র মোদী জীগী ভিজন ত্রান্সপোর্তেশনগী খুত্থাংদা ত্রান্সফোর্মেশন পুরকপা অসিবু ময়েক শেংনা মঙফাওনহনবনি। নুমালিগরবু লমদম অসিদা ইনর্জী হব অমা ওইনা ওন্থোক্নবা মোদী জীগী ফিরেপ অদুগী মতুং ইন্না অতেনবা মতমগী মনুংদা কেপাসিতী হেনগৎহনবা হায়বসি ও.দি.সি. ২৪ অমসুং এন.আর.এল. চাউথোক্নবগী ও.দবল্যু.সি.বু অথিংবা–অপনবা অমত্তা লৈতনা য়াম্না কোম্না পুরকখিবা অদুনা ওইথোকপা ঙম্লিবনি। ভারতকী ৱাতরৱেজ এমপাৱর তৌবদা অহেনবা মিয়েং চংদুনা, প্রধান মন্ত্রী, শ্রী নরেন্দ্র মোদী জীগী লুচিং মখাদা, ঐখোয়গী মন্ত্রালয়না মসিগী ত্রান্সপোর্ত অসিবু য়াম্না য়াংনা অমসুং য়াম্না কোম্না পাংথোক্নবা হোৎনরি। ৱাতরৱেজকী খুত্থাংদা য়াম্না শাংলবা লমশাং চত্তুনা এন.আর.এল.দা অহানবা ও.দি.সি. মাইপাক্না য়ৌরকখিবগা লোইননা অসামগা লোইন-লোইননা নোর্থ ইস্ত ইন্দিয়াদা শাহৌ লাকপা হায়বসি শোইদ্রবা ৱাফম্নি অমসুং ঐহাক্না থাজৈ মদুদি মসিনা ইকোনোমিকেল, ইকোলোজিকেল অমসুং তুং কোইনা চৎকদবা ত্রান্সপোর্তেশনগী পাম্বৈ অসিগী খুত্থাংদা য়াম্না য়াংনা অহোংবা পুরকপদা য়াম্নামরু ওইবা থৌদাং লৌরগনি।”

অহানবা ও.দি.সি. অসি আই.দবল্যু.এ.আই. জহাজ- এম.ভি. মেরিন ৬৬না ইন্দো বংগ্লাদেশ প্রোতোকোল রুত (আই.বি.পি.আর.) ফাওদুনা কোলআতাদগী নুমালিগর রিফাইনরী জেত্তীদা পুরকখি। দীজল হাইদ্রোত্রীতিং (দি.ঐচ.তি.) রিয়েক্তর অসিগী নেত ৱেত অসি ৪৮৫ এম.তি.নি অদুগা গ্রোস ৱেতনা ৫২১ এম.তি.নি। রিয়েক্তর অসিগী অশাংবনা মিতর ৩১.৫নি অদুগা অৱাংবনা মিতর ৮.২৫০নি লোইন-লোইননা মসিগী দাইমিতরনা মিতে ৮.০০ ওই।

ও.দি.সি. অসিনা মার্চ ১৮দা কোলকাতা থাদোকখি অমসুং বংগ্লাদেশ ফাওদুনা চাউরাক্না থা অহুমলোম চৎলবা নুমালিগরদা থুংলখি। দ্রেজিং কোরপোরেশন ওফ ইন্দিয়া (দি.সি.আই.)দগী মতেংগা লোইননা আই.দবল্যু.এ.আই.না মসিগী ত্রান্সপোর্তেশন অসিবু মাইপাকহন্নবা মার্চতগী ধন্সিরিদা মফম মঙাদা দ্রেজর অহুম থবক তৌহনখি। দ্রজর অহুম অসি সি.এস.দি. মানদোভি, সি.এস.দি. ব্রাহ্মিনি অমসুং ঐচ.এস.দি. জিয়া ভোরোলিনি।

****